Chitsauko 4: Mahwendefa eBhurasi

Mufananidzo

Rihai achitaura naNifai

Rihai akataurira Nifai kuti Ishe vaida kuti iye nemadzikoma ake vadzokere kuJerusarema. Vaifanira kunotora mahwendefa ebhurasi kubva kune murume ainzi Rabhani.

1 Nifai 3:2–4

Mufananidzo

mahwendefa ebhurasi

Mahwendefa ebhurasi aiva zvinyorwa zvakakosha. Aitaura nezve madzitateguru aRihai uye aive nemazwi aMwari akazarurwa kuburikidza nevaporofita.

1 Nifai 3:3, 20

Mufananidzo

Ramani naRemueri

Ramani naRemueri vakanga vasingade kudzokera kunotora mahwendefa ebhurasi. Vakati zvaizova zvakaoma chaizvo kuita. Vakanga vasina rutendo munaIshe.

1 Nifai 3:5

Mufananidzo

Rihai achitaura naNifai

Nifai aida kuteerera Ishe. Aiziva kuti Ishe vaizomubatsira iye nemadzikoma ake kuti vatore mahwendefa ebhurasi kubva kuna Rabhani.

1 Nifai 3:7

Mufananidzo

Ramani, Remueri, Semu, naNifai.

Ramani, Remueri, Semu, naNifai vakafamba kudzokera kuJerusarema kunotora mahwendefa ebhurasi.

1 Nifai 3:9

Mufananidzo

Ramani achitaura naRabhani

Ramani akaenda kuna Rabhani akamukumbira mahwendefa.

1 Nifai 3:11–12

Mufananidzo

Ramani achimhanya

Rabhani akashatirwa uye akaramba kupa Ramani mahwendefa ebhurasi. Rabhani aida kuuraya Ramani, asi Ramani akatiza.

1 Nifai 3:13–14

Mufananidzo

Ramani achitaura kuvanin’ina

Ramani akataurira vanin’ina vake zvakanga zvaitika. Aitya uye akange oda kuzvisiya uye kuti vadzokere kuna baba vavo murenje.

1 Nifai 3:14

Mufananidzo

Nifai achitaura kumadzikoma

Nifai akati havaikwanisa kudzokera vasina mahwendefa ebhurasi. Akataurira madzikoma ake kuti vave nerutendo rwakawedzerwa muna Ishe uye vaizokwanisa kutora mahwendefa ebhurasi.

1 Nifai 3:15–16

Mufananidzo

vachiunganidza goridhe

Nifai nemadzikoma ake vakaenda kuimba yavo yakare muJerusarema vakaunganidza goridhe ravo nesirivha kuti vanochinjanisa nemahwendefa.

1 Nifai 3:22

Mufananidzo

vachiratidza Rabhani goridhe

Vakaratidza Rabhani upfumi hwavo uye vakamukumbira kuti ivo vamupe upfumi iye agovapa mahwendefa Apo Rabhani paakaona goridhe nesirivha yavo, akazvida kuti zvive zvake uye akavatandira kunze.

1 Nifai 3:24–25

Mufananidzo

Rabhani achinongedzera

Rabhani akataurira varume vake kuti vauraye vanakomana vaRihai. Nifai nemadzikoma ake vakatiza vakahwanda mubako. Rabhani akachengeta goridhe nesirivha zvavo.

1 Nifai 3:25–27

Mufananidzo

Ramani naRemueri vachirova Nifai naSemu

Ramani naRemueri vakashatirirwa Nifai. Vakarova Nifai naSemu nechishamhu.

1 Nifai 3:28

Mufananidzo

ngirozi ichizviratidza

Ngirozi yakazviratidza uye ikataurira Ramani naRamueri kuti varegedze. Yakati Ishe vaizovabatsira kuti vawane mahwendefa. Yakatiwo Nifai aizova mutungamiri pamusoro pemadzikoma ake.

1 Nifai 3:29

Mufananidzo

Nifai achitaura kumadzikoma

Nifai akataurira madzikoma ake kuti vave nerutendo muna Ishe uye kuti vasatya Rabhani nevarume vake. Nifai akakurudzira madzikoma ake kuti vadzokere kuJerusarema.

1 Nifai 4:1–4

Mufananidzo

Nifai nemadzikoma ake vakahwanda

Usiku ihwohwo Nifai nemadzikoma ake vakahwanda kunze kwemasvingo eguta apo Nifai paaiverevedza kupinda mukati. Akafamba akananga kumba kwaRabhani.

1 Nifai 4:5

Mufananidzo

Rabhani akadhakwa

Apo Nifai paakasvika pedyo neimba yaRabhani, akaona murume akadhakwa akarara pasi. Akanga ari Rabhani.

1 Nifai 4:6–8

Mufananidzo

Nifai achitora munondo waRabhani.

Nifai akaona munondo waRabhani uye akausumudza. Mweya Mutsvene wakataurira Nifai kuti auraye Rabhani, asi Nifai akanga asingade kumuuraya.

1 Nifai 4:9–10

Mufananidzo

Nifai achiuraya Rabhani.

Mweya Mutsvene wakataurira Nifai zvakare kuti auraye Rabhani kuitira kuti Nifai agokwanisa kutora mahwendefa ebhurasi. Mhuri yaRihai yaida mahwendefa kuitira kuti vagokwanisa kudzidza vhangeri.

1 Nifai 4:12, 16–17

Mufananidzo

Nifai ari mumbatya dzaRabhani.

Nifai akateerera Mweya Mutsvene akauraya Rabhani. Nifai zvino akapfeka mbatya nenguwo dzehondo dzaRabhani.

1 Nifai 4:18–19

Mufananidzo

Nifai achiita saRabhani.

Nifai akaenda mumba maRabhani akatambirwa naZoramu, muranda waRabhani. Nifai airatidzika uye aitaura nenzwi rakafanana neraRabhani.

1 Nifai 4:20

Mufananidzo

Nifai naZoramu

Akataurira Zoramu kuti atore mahwendefa ebhurasi. Zoramu akafunga kuti Nifai akanga ari Rabhani, saka akamupa mahwendefa. Nifai akataurira Zoramu kuti amutevere.

1 Nifai 4:21, 24–25

Mufananidzo

Nifai naZoramu

Ramani, Remueri, naSemu, vakaona Nifai achiuya vakatya; vakafunga kuti akanga ari Rabhani. Vakatanga kutiza asi vakamira apo Nifai paakadaidzira kwavari.

1 Nifai 4:28–29

Mufananidzo

Nifai naZoramu

Zvino Zoramu akaziva kuti Nifai akanga asiri Rabhani, uye akaedza kutiza. Nifai akabata Zoramu akavimbisa kusamukuvadza kana akaenda naNifai murenje.

1 Nifai 4:30–33

Mufananidzo

Zoramu nemadzikoma nemunin’ina

Zoramu akabvuma Nifai nemadzikoma ake vakatora Zoramu nemahwendefa ebhurasi vakadzokera kuna Rihai naSaria.

1 Nifai 4:35, 38

Mufananidzo

Rihai naSaria vachifara

Vakapa mahwendefa ebhurasi kuna Rihai. Iye naSaria vakafara kuti vanakomana vavo vakanga vachengetedzwa. Vose vakafara vakatenda Mwari.

1 Nifai 5:1, 9

Mufananidzo

Rihai achiverengera kuvanakomana

Rihai akaverenga mahwendefa ebhurasi. Aitaura nezva Adama naEva uye zveKusikwa kwenyika. Aive nemazwi evaporofita mazhinji.

1 Nifai 5:10–11, 13

Mufananidzo

Rihai naNifai

Rihai naNifai vakafara nokuti vakanga vateerera Ishe uye vakanga vagona kutora mahwendefa ebhurasi.

1 Nifai 5:20–21

Mufananidzo

Rihai achirongedza mahwendefa

Mhuri yaRihai yakarongedza mahwendefa ebhurasi kuti vaende nawo parwendo rwavo kuitira kuti vagokwanisa kudzidzisa vana vavo mirairo yakanga yakanyorwa pamahwendefa.

1 Nifai 5:21–22