មេរៀនទី ៦៣
យ៉ូហាន ៤
សេចក្ដីផ្ដើម
ខណៈកំពុងយាងធ្វើដំណើទៅស្រុកកាលីឡេ ព្រះយេស៊ូវបានឆ្លងកាត់ស្រុកសាម៉ារី ហើយបង្រៀនស្ត្រីម្នាក់នៅឯអណ្តូងទឹក ។ ស្ត្រីនោះបានថ្លែងទីបន្ទាល់ថា ព្រះយេស៊ូវគឺជាព្រះគ្រីស្ទ ។ ក្រោយមក ព្រះយេស៊ូវបានព្យាបាលកូនប្រុសបុរសត្រកូលខ្ពង់ខ្ពស់ម្នាក់ ។
យោបល់សម្រាប់ការបង្រៀន
យ៉ូហាន ៤:១–៤២
ព្រះយេស៊ូវបង្រៀនស្ត្រីសាសន៍សាម៉ារីម្នាក់
សូមសរសេរសំណួរខាងក្រោមនេះនៅលើ ក្តារខៀន ៖
តើធនធានធម្មជាតិអ្វី ដែលមានតម្លៃបំផុតនៅលើផែនដីនេះ ?
បន្ទាប់មក សូមឲ្យសិស្សឆ្លើយសំណួរនៅលើក្ដារខៀន ។ ចូរពិចារណាដាក់បង្ហាញរូបភាពអំពីធនធានធម្មជាតិដូចជា ដី ដែក ធ្យូងថ្ម ប្រេង មាស ឬពេជ្រ ។
សូមអញ្ជើញឲ្យសិស្សម្នាក់អានឮៗពីសេចក្ដីថ្លែងការណ៍ខាងក្រោមនេះដោយអែលឌើរ ដេវីឌ អេ បែដណា ក្នុងកូរ៉ុមនៃពួកសាវកដប់ពីរនាក់ ៖
« យើងអាចគិតជាមុនថា មាស ប្រេង ឬ ពេជ្រមានតម្លៃខ្លាំងបំផុត ។ ប៉ុន្តែក្រៅពីជាតិខនិច ដែក ត្បូងច្នៃហើយ និង ធាតុរំលាយនានាដែលមាននៅលើដី និង ក្នុងដី នោះទឹកគឺមានតម្លៃខ្លាំងបំផុត » (« A Reservoir of Living Water » [ Church Educational System fireside for young adults ថ្ងៃទី ៤ ខែ កុម្ភៈ ឆ្នាំ ២០០៧ ] ទំព័រ ១, lds.org/broadcasts) ។
ចូរដាក់បង្ហាញកែវថ្លាមួយដែលមានទឹកពេញ ។
-
ហេតុអ្វីទឹកស្អាតមានតម្លៃ ? ( អ្នកអាចអញ្ជើញសិស្សម្នាក់ ឬពីរនាក់ឲ្យចែកចាយបទពិសោធន៍មួយដែលបានជួយពួកគេឲ្យមានអំណរគុណដល់សារៈសំខាន់នៃទឹក ) ។
សូមអញ្ជើញសិស្សឲ្យរកមើល តើព្រះយេស៊ូវបានប្រៀបធៀបទឹកទៅនឹងអ្វី កាលពួកគេសិក្សា យ៉ូហាន ៤ ។
សូមសង្ខេប យ៉ូហាន ៤:១–៣ ដោយពន្យល់ថា ព្រះយេស៊ូវបានយាងចេញពីស្រុកយូដាទៅស្រុកកាលីឡេ ។
ចូរសុំសិស្សម្នាក់អានយ៉ូហាន ៤:៤ឲ្យឮៗ ហើយសុំសិស្សក្នុងថ្នាក់រកមើលតំបន់ដែលព្រះយេស៊ូវបានយាងដើរកាត់ កាលទ្រង់យាងធ្វើដំណើរទៅស្រុកកាលីឡេ ។ សូមឲ្យសិស្សរាយការណ៍ពីអ្វីដែលពួកគេរកឃើញ ។
សូមអញ្ជើញសិស្សរកមើលស្រុកយូដា ស្រុកសាម៉ារី និងស្រុកកាលីឡេនៅលើតារាង « ជីវប្រវត្តិដ៏សំខាន់របស់ព្រះយេស៊ូវគ្រីស្ទនៅក្នុងជីវិតរមែងស្លាប់ » ( មាននៅក្នុង មេរៀនទី ៥) ឬអញ្ជើញពួកគេឲ្យមើលផែនទីព្រះគម្ពីរប៊ីប លេខ ១១ « ទឹកដីបរិសុទ្ធនៅក្នុងជំនាន់គម្ពីរសញ្ញាថ្មី » ដើម្បីរកមើលភូមិភាគទាំងបីនោះ ។
-
ហេតុអ្វីក៏កាលដែលព្រះយេស៊ូវបានយាងឆ្លង កាត់ ស្រុកសាម៉ារីជំនួសឲ្យការយាងដើរវាងស្រុកនោះ គឺជារឿងដ៏សំខាន់ ? ( ជាទូទៅពួកសាសន៍យូដាធ្វើដំណើរវាងស្រុកសាម៉ារី ជាជាងធ្វើដំណើរឆ្លងកាត់ស្រុកនោះដោយសារភាពជាសត្រូវដែលមានរវាងសាសន៍យូដា និង សាសន៍សាម៉ារី [ សូមមើល James E. Talmage Jesus the Christ កំណែទី ៣ ( ឆ្នាំ ១៩១៦ ) ទំព័រ ១៧២ ] ) ។
សូមអញ្ជើញសិស្សម្នាក់អានយ៉ូហាន ៤:៦–៩ ឲ្យឮៗ ។ សូមអញ្ជើញសិស្សក្នុងថ្នាក់ផ្ទៀងតាម រកមើលអ្វីដែលព្រះយេស៊ូវបានសួរដល់ស្ត្រីម្នាក់កាលទ្រង់បានយាងឈប់នៅក្នុងស្រុកសាម៉ារី ។
-
តើព្រះយេស៊ូវបានសួរស្ត្រីម្នាក់នេះអ្វីខ្លះ ?
-
ហេតុអ្វីនាងមានការភ្ញាក់ផ្អើលកាលព្រះយេស៊ូវបានសុំទឹកនាងផឹក ?
ចូរដាក់បង្ហាញរូបភាព ព្រះយេស៊ូវ និងស្ត្រីសាសន៍សាម៉ារី (Gospel Art Book [ ឆ្នាំ ២០០៩ ] ល.រ. ៣៦សូមមើលផងដែរ LDS.org) ។
ចូរសុំសិស្សម្នាក់អាន យ៉ូហាន ៤:១០–១២ឲ្យ ឮៗ ។ សូមអញ្ជើញសិស្សក្នុងថ្នាក់ផ្ទៀងតាម រកមើលចម្លើយរបស់ព្រះយេស៊ូវទៅកាន់ស្ត្រីនោះ ។
-
យោងតាម ខទី ១០តើព្រះអង្គសង្គ្រោះបានប្រទានដល់ស្ត្រីនោះអ្វីខ្លះ ? ( សូមពន្យល់ថាឃ្លា « អំណោយទាននៃព្រះ » សំដៅទៅលើព្រះយេស៊ូវថាជាព្រះអង្គសង្គ្រោះនៃពិភពលោក ) ។
-
យោងតាមខទី ១១តើស្ត្រីនោះបានទូលសួរអ្វីខ្លះដល់ព្រះយេស៊ូវ ?
សូមអញ្ជើញសិស្សម្នាក់អាន យ៉ូហាន ៤:១៣–១៤ ឲ្យឮៗ ។ ចូរសុំឲ្យសិស្សក្នុងថ្នាក់ផ្ទៀងតាម រកមើលនូវអ្វីដែលព្រះយេស៊ូវ បានមានបន្ទូលអំពីទឹកដែលទ្រង់បានប្រទានឲ្យ ។
-
តើព្រះយេស៊ូវបានមានបន្ទូលអ្វីខ្លះ អំពីទឹកដែលទ្រង់បានប្រទានឲ្យនោះ ?
សូមអញ្ជើញសិស្សម្នាក់អានសេចក្តីថ្លែងការណ៍ខាងក្រោមរបស់អែលឌើរ ដេវីឌ អេ បែដណា ឲ្យឮៗ ។ ចូរសុំឲ្យសិស្សក្នុងថ្នាក់ផ្ទៀងតាម ស្ដាប់រកមើលថាតើទឹករស់តំណាងឲ្យអ្វី ។
« ទឹករស់ដែលបាននិយាយនៅក្នុងរឿងនេះ គឺតំណាងឲ្យព្រះអម្ចាស់ព្រះយេស៊ូវគ្រីស្ទ និង ដំណឹងល្អរបស់ទ្រង់ ។ ហើយដោយសារទឹកចាំបាច់សម្រាប់ទ្រទ្រង់ជីវិតឲ្យរស់នៅបាន នោះព្រះអង្គសង្គ្រោះ និង គោលលទ្ធិ គោលការណ៍ ព្រមទាំងពិធីបរិសុទ្ធទាំងឡាយរបស់ទ្រង់គឺចាំបាច់សម្រាប់ជីវិតអស់កល្បជានិច្ច ។ អ្នក និង រូបខ្ញុំត្រូវការទឹករស់របស់ទ្រង់រាល់ថ្ងៃ ហើយវាផ្គត់ផ្គង់គ្រប់គ្រាន់ដើម្បីទ្រទ្រង់ការរីកចម្រើន និង ការអភិវឌ្ឍជាបន្តបន្ទាប់ខាងវិញ្ញាណរបស់យើង » (« A Reservoir of Living Water »ទំព័រ ២ ) ។
-
យោងតាមអែលឌើរ បែដណា តើទឹករស់តំណាងឲ្យអ្វី ?
នៅលើកែវទឹកដែលអ្នកបានដាក់បង្ហាញ សូមបិទស្លាកឈ្មោះថា ព្រះអង្គសង្គ្រោះ និង ដំណឹងល្អរបស់ទ្រង់ ។
-
ហេតុអ្វីទឹកគឺជានិមិត្តសញ្ញាដ៏សមរម្យមួយនៃព្រះអង្គសង្គ្រោះ និង ដំណឹងល្អរបស់ទ្រង់ ?
-
តើអ្នកអាចសង្ខេបព្រះបន្ទូលរបស់ព្រះអង្គសង្គ្រោះនៅក្នុង ខទី ១៤ទៅជាគោលការណ៍មួយបានយ៉ាងដូចម្ដេច ? ( សិស្សអាចនឹងប្រើពាក្យខុសគ្នា ប៉ុន្តែពួកគេគួរបង្ហាញពីគោលការណ៍ខាងក្រោមនេះ ៖ ប្រសិនបើយើងមករកព្រះយេស៊ូវគ្រីស្ទ ហើយទទួលយកដំណឹងល្អរបស់ទ្រង់ដោយស្មោះត្រង់ នោះយើងនឹងទទួលបានជីវិតដ៏នៅអស់កល្បជានិច្ច) ។
ចូរសុំសិស្សម្នាក់អាន យ៉ូហាន ៤:១៥-១៨ ឲ្យឮៗ ។ សូមអញ្ជើញសិស្សក្នុងថ្នាក់ផ្ទៀងតាម រកមើលអ្វីដែលស្ត្រីនោះបានទូលសូមពីព្រះយេស៊ូវ ហើយថាតើព្រះអង្គសង្គ្រោះបានឆ្លើយតបយ៉ាងដូចម្ដេច ។
-
ស្របតាមខទី ១៥តើស្ត្រីនោះបានទូលសូមអ្វីខ្លះពីព្រះយេស៊ូវ ?
សូមពន្យល់ថា ចម្លើយតបរបស់ព្រះយេស៊ូវបានជួយស្ត្រីនោះឲ្យយល់ពីសេចក្ដីត្រូវការរបស់នាង សម្រាប់ទឹករស់ដែលទ្រង់ប្រទានឲ្យ ។
-
យោងតាម ខទី ១៧-១៨តើព្រះយេស៊ូវបានបើកសម្ដែងអ្វីខ្លះអំពីស្ត្រីនោះ ? ( សូមចង្អុលបង្ហាញថា ចម្លើយរបស់ព្រះយេស៊ូវបង្ហាញថា ទ្រង់បានជ្រាបថាស្ត្រីនោះមានបញ្ហានៅក្នុងការស្វែងរកទំនាក់ទំនងអាពាហ៍ពិពាហ៍ដ៏មានអត្ថន័យ ហើយយូរអង្វែងមួយ ប៉ុន្តែដោយការរួមរស់នឹងបុរសម្នាក់ដែលពុំមែនជាប្ដីរបស់នាង នោះពុំបានគោរពតាមច្បាប់ព្រហ្មចារីភាពទេ ) ។
-
តើគំនិត ឬ អារម្មណ៍បែបណាដែលស្ត្រីម្នាក់នេះអាចមាន នៅពេលព្រះយេស៊ូវគ្រីស្ទបានបើកសម្តែងព័ត៌មានលម្អិតអំពីនាង ដែលជាជនចម្លែកដែលនាងមិនដែលស្គាល់ ?
-
តើព្រះបន្ទូលរបស់ព្រះយេស៊ូវបានជួយស្ត្រីនោះឲ្យយល់ពីសេចក្ដីត្រូវការរបស់នាង សម្រាប់ទឹករស់ដែលទ្រង់ប្រទានឲ្យដោយរបៀបណា ?
-
តើយើងអាចរៀនសេចក្ដីពិតអ្វីខ្លះ អំពីព្រះអង្គសង្គ្រោះចេញពីខគម្ពីរទាំងនេះ ? ( បន្ទាប់ពីសិស្សបានឆ្លើយរួចហើយ សូមសរសេរសេចក្ដីពិតខាងក្រោមនៅលើក្ដារខៀន ៖ ព្រះយេស៊ូវគ្រីស្ទជ្រាបពីអំពើបាបរបស់យើង ហើយប្រទានដំណឹងល្អរបស់ទ្រង់ ដើម្បីជួយយើងឲ្យយកឈ្នះវា) ។
-
ហេតុអ្វីវាសំខាន់ដើម្បីយល់ពីសេចក្តីពិតនេះ ?
សូមអញ្ជើញសិស្សម្នាក់អាន យ៉ូហាន ៤:១៩-២០ឲ្យឮៗ ។ ចូរសុំសិស្សក្នុងថ្នាក់ឲ្យផ្ទៀងតាម រកមើលអ្វីដែលដែលស្ត្រីនោះបានពោលទៅកាន់ព្រះយេស៊ូវ ។
-
តើស្ត្រីនោះបាននិយាយដូចម្តេច ដែលបានបង្ហាញថា ទស្សនៈរបស់នាងអំពីព្រះយេស៊ូវត្រូវបានផ្លាស់ប្ដូរ ?
សូមពន្យល់ថា នៅស្រុកសាម៉ារីមានភ្នំមួយឈ្មោះថាហ្គើរីស្សីម ។ ជាច្រើនសតវត្សរ៍ពីមុនការបម្រើនៃជីវិតរមែងស្លាប់របស់ព្រះអង្គសង្គ្រោះ នោះសាសន៍សាម៉ារីបានសាងសង់ព្រះវិហារបរិសុទ្ធនៅទីនោះ ដើម្បីទុកជាទីកន្លែងថ្វាយបង្គំ ។ ប៉ុន្តែមិនដូចជាសាសន៍យូដាឡើយ សាសន៍សាម៉ារីពុំមានសិទ្ធិអំណាចបព្វជិតភាពដើម្បីធ្វើពិធីបរិសុទ្ធនានាឡើយ ហើយពួកគេបានបដិសេធការបង្រៀនជាច្រើនពីព្យាការីនៃព្រះ ។
សូមអញ្ជើញសិស្សពីរបីនាក់ឲ្យប្ដូរវេនគ្នាអានឮៗនៅក្នុង យ៉ូហាន ៤:២១–២៣ដែលមាននៅក្នុងការបកប្រែដោយ យ៉ូសែប ស្ម៊ីធ យ៉ូហាន ៤:២៦ (នៅក្នុង សេចក្ដីណែនាំដល់បទគម្ពីរទាំងឡាយ) ។ ចូរសុំឲ្យសិស្សក្នុងថ្នាក់ផ្ទៀងតាម រកមើលអ្វីដែលព្រះយេស៊ូវបានបង្រៀនដល់ស្ត្រីនោះអំពីការថ្វាយបង្គំព្រះ ។
-
តើពួកអ្នកថ្វាយបង្គំព្រះដ៏ពិតថ្វាយបង្គំដល់ព្រះវរបិតាសួគ៌យ៉ាងដូចម្ដេច ?
-
យោងតាមការបកប្រែដោយ យ៉ូសែប ស៊្មីធ តើពរជ័យអ្វីខ្លះនឹងទទួលបាន នៅពេលយើងថ្វាយបង្គំព្រះនៅក្នុង « វិញ្ញាណ និង សេចក្តីពិត » ?
-
តើគោលការណ៍អ្វីខ្លះដែលយើងអាចរៀនពីខគម្ពីរទាំងនេះ ? ( សិស្សអាចនឹងប្រើពាក្យខុសគ្នា ប៉ុន្តែពួកគេគួរស្គាល់ពីគោលការណ៍ខាងក្រោមនេះ ៖ ប្រសិនបើយើងថ្វាយបង្គំព្រះវរបិតានៅក្នុងវិញ្ញាណ និង សេចក្តីពិត នោះទ្រង់នឹងប្រទានពរដល់ពួកយើងនៅក្នុងវិញ្ញាណរបស់ទ្រង់ ) ។
សូមអញ្ជើញសិស្សម្នាក់ឲ្យអានឮៗពីសេចក្ដីថ្លែងការណ៍ខាងក្រោមនេះដោយអែលឌើរ ប្រ៊ូស អ័រ ម៉ាក់ខន់ឃី ក្នុងកូរ៉ុមនៃពួកសាវកដប់ពីរនាក់ ។ ចូរសុំឲ្យសិស្សក្នុងថ្នាក់រកមើល ហើយគូសចំណាំពីអត្ថន័យនៃការថ្វាយបង្គំព្រះវរបិតានៅក្នុងវិញ្ញាណ និង សេចក្តីពិត ។
« គោលបំណងរបស់យើងគឺថ្វាយបង្គំព្រះដ៏ពិត និង មានព្រះជន្មរស់ ហើយដើម្បីធ្វើបែបនោះ ដោយព្រះចេស្តានៃព្រះវិញ្ញាណ និង តាមរបៀបដែលទ្រង់បានតាំងឡើង ។ ការយល់ព្រមថ្វាយបង្គំព្រះដ៏ពិតនោះបានដឹកនាំទៅរកសេចក្តីសង្គ្រោះ ភក្តីភាពដែលបានផ្តល់ឲ្យដល់ព្រះក្លែងក្លាយ និង មិនបានស្ថាបនានៅលើសេចក្តីពិតអស់កល្បពុំមាននូវការធានាអះអាងបែបនេះឡើយ ។
« ចំណេះដឹងនៃសេចក្តីពិតមួយ គឺចាំបាច់ចំពោះការថ្វាយបង្គំដ៏ពិត ។ …
« …សេចក្តីពិត និង ការថ្វាយបង្គំដ៏ឥតខ្ចោះ រួមមាននៅក្នុងការដើរតាមជំហាននានានៃព្រះរាជបុត្រានៃព្រះ វាមាននៅក្នុងការរក្សាព្រះបញ្ញត្តិ ព្រមទាំងការគោរពតាមព្រះឆន្ទៈនៃព្រះវរបិតា ទៅនឹងកម្រិតនោះ ដែលយើងរីកចម្រើនពីព្រះគុណថែមលើព្រះគុណ រហូតដល់យើងបានសិរីរុងរឿងនៅក្នុងព្រះគ្រីស្ទ ដូចដែលទ្រង់នៅក្នុងព្រះវរបិតាទ្រង់ដែរ ។ វាលើសពីការគ្រាន់តែការអធិស្ឋាន និងទេសនកថា ព្រមទាំងច្រៀងទៅទៀត ។ វាគឺជាការរស់នៅតាម ហើយធ្វើតាម និង គោរពតាម ។ វាគឺជាការប្រឹងធ្វើតាមជីវិតនៃអង្គជាគំរូដ៏អស្ចារ្យ [ ព្រះយេស៊ូវគ្រីស្ទ ] » (« How to Worship » Ensign ខែ ធ្នូ ឆ្នាំ ១៩៧១ ទំព័រ ១២៩, ១៣០ ) ។
-
យោងតាមអែលឌើរ ម៉ាក់ខន់ឃី តើការថ្វាយបង្គំព្រះវរបិតានៅក្នុងវិញ្ញាណ និង សេចក្តីពិតមានន័យយ៉ាងណា?
-
តើអ្នកធ្លាប់មានពរដោយសារអ្នកបានស្វែងរកដើម្បីថ្វាយបង្គំព្រះវរបិតានៅក្នុងវិញ្ញាណ និងសេចក្ដីពិតនៅពេលណា ?
សូមអញ្ជើញសិស្សឲ្យពិចារណានូវអ្វីដែលពួកគេអាចធ្វើ ដើម្បីថ្វាយបង្គំព្រះវរបិតានៅក្នុងវិញ្ញាណ និងសេចក្ដីពិតកាន់តែប្រសើរឡើង ។
-
ចូរសុំសិស្សម្នាក់អាន យ៉ូហាន ៤:២៥-២៦ឲ្យឮៗ ។ សូមអញ្ជើញសិស្សក្នុងថ្នាក់ផ្ទៀងតាម រកមើលអ្វីដែលព្រះយេស៊ូវ បានបើកសម្ដែងអំពីអង្គទ្រង់ទៅកាន់ស្ត្រីនោះ ។
-
តើព្រះយេស៊ូវបានបើកសម្ដែងអ្វីខ្លះ អំពីអង្គទ្រង់ទៅកាន់ស្ត្រីនោះ ?
សូមអញ្ជើញសិស្សម្នាក់អាន យ៉ូហាន ៤:២៧-៣០ឲ្យឮៗ ។ ចូរសុំសិស្សក្នុងថ្នាក់ឲ្យរកមើលអ្វី ដែលស្ត្រីម្នាក់នោះបានធ្វើបន្ទាប់ពីបានជជែកជាមួយព្រះអង្គសង្គ្រោះ ។
-
តើស្ត្រីម្នាក់នោះបានធ្វើដូចម្តេច បន្ទាប់ពីបានជជែកជាមួយព្រះអង្គសង្គ្រោះ ?
-
តើគាត់បាននិយាយអ្វីខ្លះ ដែលបង្ហាញថាគាត់បានទទួលទីបន្ទាល់មួយអំពីព្រះយេស៊ូវគ្រីស្ទ ?
-
តើយើងអាចរៀនសេចក្ដីពិតអ្វីខ្លះមកពីដំណើររឿងនេះ អំពីអ្វីដែលនឹងកើតឡើង នៅពេលយើងទទួលបានទីបន្ទាល់មួយអំពីព្រះយេស៊ូវគ្រីស្ទ ? ( សិស្សអាចនឹងប្រើពាក្យខុសគ្នា ប៉ុន្តែពួកគេគួរស្គាល់ពីសេចក្ដីពិតខាងក្រោមនេះ ៖ នៅពេលយើងទទួលបានទីបន្ទាល់អំពីព្រះយេស៊ូវគ្រីស្ទ នោះយើងត្រូវបានពោរពេញដោយបំណងប្រាថ្នា ដើម្បីចែកចាយវាដល់មនុស្សដទៃទៀត ) ។
សូមសង្ខេប ខទី ៣១–៣៧ ដោយពន្យល់ថា ពួកសិស្សរបស់ព្រះយេស៊ូវបានត្រឡប់មកវិញដោយមានអាហារ ។ នៅពេលពួកគេបានអញ្ជើញឲ្យទ្រង់សោយអាហារ នោះទ្រង់បានបង្រៀនពួកគេថា ទ្រង់ត្រូវបានទ្រទ្រង់ឲ្យរស់ ពុំមែនដោយការសោយអាហារនោះទេ ប៉ុន្តែដោយការធ្វើតាមព្រះឆន្ទៈរបស់ព្រះវរបិតាទ្រង់ទៅវិញ ។ ក្រោយមកទ្រង់បានអញ្ជើញពួកគេឲ្យឃើញថា ឱកាសនានាដើម្បីផ្សាយដំណឹងល្អវាមានច្រើនណាស់ ។
សូមអញ្ជើញសិស្សម្នាក់អាន យ៉ូហាន ៤:៣៩-៤២ឲ្យឮៗ ។ ចូរសុំឲ្យសិស្សក្នុងថ្នាក់រកមើលឥទ្ធិពលនៃទីបន្ទាល់របស់ស្ត្រីម្នាក់នោះទៅលើប្រជាជននៅក្នុងទីក្រុងរបស់នាង ។
-
តើទីបន្ទាល់របស់ស្ត្រីម្នាក់នោះមានឥទ្ធិពលអ្វីខ្លះទៅលើប្រជាជននៅក្នុងទីក្រុងរបស់នាង ?
-
យោងតាម ខទី ៤២ តើប្រជាជនបាននិយាយដូចម្តេចទៅស្ត្រីនោះ ?
សូមថ្លែងទីបន្ទាល់ថា នៅពេលយើងបានស្គាល់ព្រះអង្គសង្គ្រោះ ហើយទទួលទានទឹករស់របស់ទ្រង់ យើងនឹងត្រូវបានពោរពេញដោយបំណងប្រាថ្នាមួយដើម្បីចែកចាយទីបន្ទាល់របស់យើងអំពីទ្រង់ជាមួយនឹងមនុស្សដទៃ ។
យ៉ូហាន ៤:៤៣-៥៤
ព្រះយេស៊ូវព្យាបាលកូនប្រុសរបស់បុរសត្រកូលខ្ពង់ខ្ពស់ម្នាក់
សូមសង្ខេប យ៉ូហាន ៤:៤៣–៤៥ ដោយពន្យល់ថា បន្ទាប់ពីព្រះយេស៊ូវបានបង្រៀនដល់ស្ត្រីនោះ នៅក្នុងស្រុកសាម៉ារីមក ទ្រង់បានយាងចូលទៅស្រុកកាលីឡេ ជាទីកន្លែងដែលប្រជាជនបានទទួលទ្រង់ ។
សូមផ្ដល់ ឯកសារខាងក្រោមនេះដល់សិស្ស ។ សូមអញ្ជើញពួកគេអាន យ៉ូហាន ៤:៤៦–៥៤ ដោយស្ងៀមស្ងាត់ ហើយឆ្លើយសំណួរទាំងឡាយដែលមាននៅលើឯកសារនោះ ។
សៀវភៅសិក្សាព្រះគម្ពីរសញ្ញាថ្មីសម្រាប់គ្រូថ្នាក់សិក្ខាសាលា—មេរៀនទី ៦៣
-
តើនរណាបានជួបនឹងព្រះយេស៊ូវ ហើយតើគាត់ចង់បានពរជ័យអ្វីពីព្រះអង្គសង្គ្រោះ ?
-
ដោយផ្អែកលើអ្វីដែលព្រះយេស៊ូវបានបន្ទូល ហេតុអ្វីបានជាទ្រង់បានពន្យាពេលក្នុងការប្រទានពរដល់ការស្វែងរករបស់បុរសម្នាក់នេះ ?
-
តើបុរសម្នាក់នេះបានបង្ហាញថា គាត់ពុំត្រូវការទីសម្គាល់មួយ ដើម្បីជឿដោយរបៀបណា ?
-
យោងតាម ខទី ៥១–៥៣តើជំនឿរបស់បុរសម្នាក់នេះលើព្រះយេស៊ូវគ្រីស្ទបានបញ្ជាក់ដោយរបៀបណា ?
-
តើគោលការណ៍អ្វីខ្លះ ដែលយើងអាចរៀនពីបទពិសោធន៍របស់បុរសម្នាក់នេះ ?
© ២០១៥ ដោយ Intellectual Reserve, Inc. រក្សាសិទ្ធិគ្រប់យ៉ាង ។
ក្រោយពីមានពេលគ្រប់គ្រាន់ហើយ សូមអញ្ជើញសិស្សឲ្យចែកចាយចម្លើយរបស់ពួកគេ ។ នៅពេលពួកគេប្រាប់ពីគោលការណ៍ ដែលពួកគេបានរៀនពីបទពិសោធន៍របស់បុរសត្រកូលខ្ពស់ម្នាក់នោះ សូមជួយពួកគេឲ្យបង្ហាញនូវសេចក្ដីពិតដូចខាងក្រោមនេះ ៖ នៅពេលយើងជឿលើព្រះយេស៊ូវគ្រីស្ទដោយពុំត្រូវការទីសម្គាល់ នោះព្រះអម្ចាស់នឹងបញ្ជាក់ពីសេចក្តីជំនឿរបស់យើង ។
-
ហេតុអ្វីវាសំខាន់ដើម្បីជឿលើព្រះយេស៊ូវគ្រីស្ទដោយពុំចាំបាច់ត្រូវការទីសម្គាល់ ?
-
តើរបៀបមួយចំនួនដែលព្រះអម្ចាស់បានបញ្ជាក់សេចក្ដីជំនឿរបស់យើង នៅពេលយើងអនុវត្តសេចក្ដីជំនឿលើទ្រង់នោះមានអ្វីខ្លះ ?
សូមបញ្ចប់ដោយថ្លែងទីបន្ទាល់ថា នៅពេលយើងស្វែងរកព្រះអម្ចាស់ដោយសេចក្ដីជំនឿ នោះទ្រង់នឹងប្រទានពរដល់យើងនូវភស្តុតាង ដើម្បីគាំទ្រដល់ជំនឿរបស់យើង ។
សេចក្តីពន្យល់ និង ព័ត៌មានសាច់រឿង
យ៉ូហាន ៤:៤។ « ទ្រង់ត្រូវតែយាងកាត់ស្រុកសាម៉ារី »
អែលឌើរ ជេម អ៊ី ថាលម៉េហ្គ ក្នុងកូរ៉ុមនៃពួកសាវកដប់ពីរនាក់ បានផ្ដល់ការយល់ដឹងថាហេតុអ្វីព្រះយេស៊ូវចាំបាច់ត្រូវយាងកាត់ស្រុកសាម៉ារី ៖ « ផ្លូវត្រង់ពីស្រុកយូដាទៅស្រុកកាលីឡេត្រូវឆ្លងកាត់ស្រុកសាម៉ារី ប៉ុន្តែពួកសាសន៍យូដាជាច្រើន ជាពិសេសពួកអ្នកស្រុកកាលីឡេ បានជ្រើសដើរតាមផ្លូវវាងដែលមានចម្ងាយផ្លូវវែងជាង ដោយចៀសវាងពីការដើរកាត់ប្រជាជនសាម៉ារីដែលពួកគេស្អប់យ៉ាងខ្លាំង ។ អារម្មណ៍ស្អប់រវាងពួកសាសន៍យូដា និងពួកសាសន៍សាម៉ារីកាន់តែមានភាពខ្លាំងឡើងៗអស់ជាច្រើនសតវត្សរ ហើយនៅគ្រានៃការងារបម្រើរបស់ព្រះអម្ចាស់នៅលើផែនដី ការស្អប់នោះកាន់តែមានភាពខ្លាំងក្លាបំផុត » (Jesus the Christ, កំណែទី ៣ [ ឆ្នាំ ១៩១៦ ] ទំព័រ ១៧២ ) ។
យ៉ូហាន ៤:១០–១៤ ។ ព្រះអង្គសង្គ្រោះប្រទានទឹករស់
អែលឌើរ យ៉ូសែប ប៊ី វ៉ឺតលីន ក្នុងកូរ៉ុមនៃពួកសាវកដប់ពីរនាក់បានដកស្រង់បន្ទូលរបស់ព្រះអង្គសង្គ្រោះនៅក្នុង យ៉ូហាន ៤:១៤ ហើយបានបង្រៀនថាការទទួលទាន « ទឹករស់ » នឹងនាំឲ្យយើងមានសុភមង្គលដ៏ធំធេង ។ បន្ទាប់មក ទ្រង់បានសួរ ៖
« តើអ្នកចង់ទទួលទានទឹករស់ ហើយទទួលបទពិសោធន៍នូវរន្ធទឹកនៅក្នុងខ្លួនអ្នកដែលផុសឡើងដល់ទៅបានជីវិតដ៏នៅអស់កល្បជានិច្ចដែរឬទេ ?
« ដូច្នេះ ចូរកុំខ្លាចឡើយ ។ សូមជឿឲ្យអស់ពីដួងចិត្តរបស់អ្នក ។ សូមអភិវឌ្ឍនូវសេចក្ដីជំនឿមួយដ៏រឹងមាំលើព្រះរាជបុត្រានៃព្រះ ។ ចូរឲ្យដួងចិត្តរបស់យើងពោរពេញដោយការអធិស្ឋានដ៏ស្មោះត្រង់ ។ សូមបំពេញគំនិតរបស់អ្នកជាមួយនឹងចំណេះដឹងអំពីទ្រង់ ។ សូមបោះបង់ចោលនូវភាពទន់ខ្សោយរបស់អ្នក ។ ដើរនៅក្នុងភាពបរិសុទ្ធ និងភាពសុខដុមជាមួយនឹងព្រះបញ្ញត្តិ » (« The Abundant Life » Ensign ឬ Liahona ខែ ឧសភា ឆ្នាំ ២០០៦ ទំព័រ ១០០ ) ។
យ៉ូហាន ៤:១០–១៤ ។ ព្រះគម្ពីរគឺជាវិធីមួយ ដើម្បីទទួលទានទឹករស់របស់ព្រះគ្រីស្ទ
អែលឌើរ ដេវីឌ អេ បែដណា ក្នុងកូរ៉ុមនៃពួកសាវកដប់ពីរនាក់បានបង្រៀនថា វិធីមួយដែលយើងអាចទទួលទានទឹករស់របស់ព្រះគ្រីស្ទបាន គឺតាមរយៈការសិក្សាព្រះគម្ពីរ ៖
« ព្រះគម្ពីរមាននូវព្រះបន្ទូលរបស់ព្រះគ្រីស្ទ ហើយជាអាងនៃទឹករស់ ដែលយើងមានសិទ្ធិប្រើបាន ហើយដែលយើងអាចផឹកបានយ៉ាងច្រើន ហើយដ៏យូរអង្វែង ។ អ្នក និងខ្ញុំត្រូវតែមើលទៅ ហើយមកឯព្រះគ្រីស្ទដែលជា ‹ ប្រភពនៃទឹករស់ › (នីហ្វៃទី ១ ១១:២៥ប្រៀបធៀបនឹង អេធើរ ៨:២៦, ១២:២៨)ដោយអាន ( សូមមើល ម៉ូសេ ១:៥) សិក្សា (សូមមើល គ. និង ស. ២៦:១) ស្វែងរក ( សូមមើល យ៉ូហាន ៥:៣៩, អាលម៉ា ១៧:២) ហើយទទួលទាន ( សូមមើល នីហ្វៃទី ២ ៣២:៣) ព្រះបន្ទូលនៃព្រះគ្រីស្ទដែលមាននៅក្នុងព្រះគម្ពីរដ៏បរិសុទ្ធ ។ តាមរយៈការធ្វើដូច្នេះ យើងអាចទទួលបានទាំងការដឹកនាំ និងការការពារខាងវិញ្ញាណនៅក្នុងដំណើរនៃជីវិតរមែងស្លាប់របស់យើង » (« A Reservoir of Living Water » [ Church Educational System fireside for young adults ថ្ងៃទី ៤ ខែកុម្ភៈ ឆ្នាំ ២០០៧ ] ទំព័រ ២ lds.org/broadcasts) ។
យ៉ូហាន ៤:៤៦-៥៤ ។ ការព្យាបាលកូនប្រុសរបស់បុរសត្រកូលខ្ពង់ខ្ពស់ម្នាក់
អែលឌើរ ប្រ៊ូស អ័រ ម៉ាក់ខន់ឃី ក្នុងកូរ៉ុមនៃពួកសាវកដប់ពីរនាក់ បានគូសបញ្ជាក់ពីសារៈសំខាន់នៃអព្ភូតហេតុនេះ ៖
« នេះគឺជាអព្ភូតដំបូងគេ ដែលបានពិពណ៌នាយ៉ាងលម្អិតនៅក្នុងដំណឹងល្អ ។ អព្ភូតហេតុដែលបានសម្តែងឡើងនៅពិធីជប់លៀងនៃបុណ្យរំលង និង អព្ភូតហេតុទាំងអស់ដែលមាននៅស្រុកយូដាគឺពុំបានពិពណ៌នា ឬពន្យល់អ្វីឡើយ ។ អព្ភូតហេតុនេះ—ការសម្តែងលើកទីពីរនៅក្នុងស្រុកកាណា—បន្ថែមការយល់របស់យើងកាន់តែប្រសើរឡើងទៅលើការព្យាបាលរបស់ព្រះយេស៊ូវ ដែលយើងពុំបានឃើញរហូតមកដល់ចំណុចនេះ ។ ពិតណាស់ វាគឺជាអព្ភូតហេតុពីរផ្សេងគ្នា ៖ អព្ភូតហេតុមួយនោះគឺបានព្យាបាលរូបកាយនៃកូនប្រុសដែលពុំមានមុខនៅទីនោះ ហើយមួយទៀតគឺបានព្យាបាលនូវការឥតជំនឿ និង បានដាំគ្រាប់ពូជនៃសេចក្តីជំនឿនៅក្នុងដួងចិត្តនៃឪពុកដែលមានវត្តមាននៅទីនោះ »( វ៉ុល ៤ [ ឆ្នាំ ១៩៧៩–៨១ ] ២:១២ ) ។