មេរៀនទី ៦២
យ៉ូហាន ៣
សេចក្ដីផ្ដើម
នារាត្រីមួយពួកផារិស៊ីម្នាក់ឈ្មោះ នីកូដេម បានមកឯព្រះយេស៊ូវ ហើយបានសន្ទនាជាមួយនឹងទ្រង់ ។ ព្រះយេស៊ូវបានបង្រៀននីកូដេមថា មនុស្សទាំងអស់ត្រូវតែកើតជាថ្មី ដើម្បីចូលទៅក្នុងនគរនៃព្រះបាន ។ ក្រោយមក យ៉ូហាន បាទីស្ទ បានពន្យល់ដល់ពួកសិស្សរបស់ទ្រង់ថា តួនាទីរបស់លោកគឺរៀបចំផ្លូវថ្វាយព្រះយេស៊ូវគ្រីស្ទ ។
យោបល់សម្រាប់ការបង្រៀន
យ៉ូហាន ៣:១-២១
ព្រះយេស៊ូវបង្រៀននីកូដេមពីសេចក្តីពិតខាងវិញ្ញាណ
សូមអញ្ជើញសិស្សឲ្យស្រមៃថា នៅថ្ងៃណាមួយ កាលពួកគេកំពុងពិភាក្សាអំពីសាសនាជាមួយមិត្តភក្តិមួយចំនួន នោះមានម្នាក់និយាយថា « ដរាបណាខ្ញុំជាមនុស្សល្អ នោះខ្ញុំអាចទៅនគរស្ថានសួគ៌ » ។ សូមអញ្ជើញសិស្សឲ្យពិចារណាអំពីរបៀប ដែលពួកគេនឹងឆ្លើយតបទៅមិត្តម្នាក់នេះ ។
សូមលើកទឹកចិត្តសិស្សឲ្យមើលនៅក្នុងយ៉ូហាន ៣រកមើលអ្វីដែលយើងត្រូវធ្វើដើម្បីចូលទៅក្នុងនគរព្រះ ។
សូមពន្យល់ថា នៅជិតការចាប់ផ្តើមនៃការបម្រើក្នុងជីវិតរមែងស្លាប់របស់ទ្រង់ នោះព្រះអង្គសង្គ្រោះបានយាងទៅក្រុងយេរូសាឡិម ដើម្បីប្រារព្ធពិធីបុណ្យរំលង ។ មនុស្សជាច្រើននៅក្នុងក្រុងយេរូសាឡិមបានជឿលើព្រះយេស៊ូវ បន្ទាប់ពីពួកគេបានឃើញអព្ភូតហេតុដែលទ្រង់បានសម្តែង ( សូមមើល យ៉ូហាន ២:២៣–២៥) ។
សូមអញ្ជើញសិស្សម្នាក់អាន យ៉ូហាន ៣:១-២ ឲ្យឮៗ ។ ចូរសុំសិស្សក្នុងថ្នាក់ឲ្យផ្ទៀងតាម រកមើលអ្វីដែលបានកើតឡើង ខណៈដែលព្រះអង្គសង្គ្រោះគង់នៅក្រុងយេរូសាឡិម ។
-
តើព្រះយេស៊ូវបានយាងទៅជួបនរណា ?
សូមពន្យល់ថាក្នុងនាមជា « ចៅហ្វាយសាសន៍យូដាម្នាក់ » (យ៉ូហាន ៣:១) នីកូដេម ជាសមាជិកម្នាក់នៃពួកសានហេឌ្រីន ។ ពួកសាសន៍ហេឌ្រីនគឺជាក្រុមប្រឹក្សាភិបាល ដែលបានបង្កើតឡើងដោយពួកផារិស៊ី និង ពួកសាឌូស៊ី ដែលដឹកនាំកិច្ចការរដ្ឋការ និង សាសនានៃពួកប្រជាជនសាសន៍យូដា ។
-
ហេតុអ្វីអ្នកគិតថា នីកូដេមមកជួបព្រះយេស៊ូវនៅយប់នោះ ?
-
យោងតាម ខទី ២តើនីកូដេមបានទទូលស្គាល់អ្វីខ្លះអំពីព្រះយេស៊ូវគ្រីស្ទ ?
សូមពន្យល់ថា ការទទួលស្គាល់របស់នីកូដេមថាព្រះយេស៊ូវគឺជា « គ្រូមកពីព្រះពិត » (ខទី ២) ជាចំណុចមួយដែលលោកចង់រៀនពីព្រះយេស៊ូវគ្រីស្ទ ។ សូមអញ្ជើញសិស្សម្នាក់អាន យ៉ូហាន ៣:៣-៥ ឲ្យឮៗ ។ ចូរសុំឲ្យសិស្សក្នុងថ្នាក់ផ្ទៀងតាមរកមើលអ្វី ដែលព្រះអង្គសង្គ្រោះបានបង្រៀនដល់នីកូដេម ។
-
យោងតាម ខទី ៣តើព្រះអង្គសង្គ្រោះបានបង្រៀនអ្វីខ្លះដល់នីកូដេម ?
-
តើនីកូដេមបានគិតថា ព្រះអង្គសង្គ្រោះចង់មានបន្ទូលយ៉ាងដូចម្តេចទាក់ទងនឹងការ « កើតជាថ្មី » (ខទី ៣) នោះ ?
សូមពន្យល់ថា ដើម្បីបានកើតជាថ្មីគឺ « ដើម្បីមានព្រះវិញ្ញាណនៃព្រះអម្ចាស់បណ្តាលឲ្យមានការផ្លាស់ប្តូរយ៉ាងធំក្នុងដួងចិត្តរបស់មនុស្សម្នាក់ ដើម្បី [ គាត់ ]ពុំមានបំណងប្រាថ្នាធ្វើអាក្រក់ទៀតឡើយ ប៉ុន្ដែមានបំណងស្វែងរកការណ៍នៃព្រះវិញ ( សេចក្ដីណែនាំដល់បទគម្ពីរទាំងឡាយ « កើតម្ដងទៀត កើតពីព្រះ » scriptures.lds.orgសូមមើលផងដែរ ម៉ូសាយ ៥:២, អាលម៉ា ៥: ១៤-១៥ , ម៉ូសេ ៦:៥៩) ។
-
យោងតាម ខទី ៥តើរឿងពីរយ៉ាងដែលព្រះយេស៊ូវបានបង្រៀននីកូដេមដែលចាំបាច់ដើម្បីចូលទៅក្នុងនគរព្រះជាអ្វី ? តើអ្នកគិតថាការ « កើតអំពីទឹក ហើយអំពីព្រះវិញ្ញាណ » មានន័យដូចម្ដេច ?
-
តើអ្នកនឹងសង្ខេបអ្វីដែលខគម្ពីរទាំងនេះបង្រៀន អំពីរឿងដែលចាំបាច់សម្រាប់ការកើតជាថ្មីខាងវិញ្ញាណ និងការចូលទៅក្នុងនគរសេឡេស្ទាលដោយរបៀបណា ? ( បន្ទាប់ពីសិស្សឆ្លើយហើយ សូមសរសេរគោលការណ៍ខាងក្រោមនៅលើក្ដារខៀនដោយប្រើពាក្យរបស់សិស្ស ៖ ការទទួលបុណ្យជ្រមុជទឹក និងការទទួលអំណោយទាននៃព្រះវិញ្ញាណគឺចាំបាច់ចំពោះការកើតជាថ្មីខាងវិញ្ញាណ និងការទទួលភាពតម្កើងឡើងនៅក្នុងនគរសេឡេស្ទាល ) ។
សូមរំឭកសិស្សពីសាច់រឿងនេះជាមួយនឹងមិត្តភក្ដិ ។ សូមបំបែកសិស្សជាគូ ។ សូមអញ្ជើញសិស្សម្នាក់ពីដៃគូនីមួយៗ ឲ្យសម្តែងជាមិត្តដែលគិតថារឿងដែលចាំបាច់ ដើម្បីចូលទៅក្នុងនគរព្រះគឺ ត្រូវធ្វើជាមនុស្សល្អម្នាក់ ។ សូមអញ្ជើញសិស្សម្នាក់ទៀតនៅក្នុងក្រុមនីមួយៗ ឲ្យហាត់បញ្ជាក់ដោះស្រាយការយល់ខុសឆ្គងនោះដោយប្រើ យ៉ូហាន ៣:៥ ។
សូមសង្ខេប យ៉ូហាន ៣:៦–១២ ដោយពន្យល់ថា នីកូដេមបានទូលសួរព្រះយេស៊ូវថា តើអ្វីទៅដែលអាចធ្វើឲ្យមនុស្សអាចកើតជាថ្មីបាន ។ ព្រះយេស៊ូវបានតបដោយចោទសួរថា តើនីកូដេមអាចក្លាយជាអ្នកដឹកនាំ និងជាគ្រូបង្រៀនសាសនាម្នាក់យ៉ាងដូចម្តេចបានទៅ បើមិនដឹងថាការកើតជាថ្មីខាងវិញ្ញាណពិតជាចាំបាច់ និងអ្វីដែលអាចធ្វើឲ្យកើតមានការកើតជាថ្មីខាងវិញ្ញាណផងនោះ ។
នៅក្នុង យ៉ូហាន ៣:១៣–២១ យើងអានថា ព្រះអង្គសង្គ្រោះបានពន្យល់ដល់នីកូដេម ពីរបៀបដែលមនុស្សអាចកើតជាថ្មីបាន ។ សូមអញ្ជើញឲ្យសិស្សពីរបីនាក់ប្ដូរវេនគ្នាអានឮៗ នៅក្នុង យ៉ូហាន ៣:១៣-១៥ ។ ចូរសុំឲ្យសិស្សក្នុងថ្នាក់ផ្ទៀងតាម រកមើលពីរបៀបដែលព្រះយេស៊ូវបានឆ្លើយនឹងសំណួររបស់នីកូដេម ។
-
តើព្រះអង្គសង្គ្រោះបានមានបន្ទូលអ្វីខ្លះ អំពីព្រះអង្គទ្រង់នៅក្នុងយ៉ូហាន ៣:១៣ ? ( ទ្រង់បានថ្លែងទីបន្ទាល់ថា ព្រះអង្គទ្រង់គឺជាព្រះរាជបុត្រានៃព្រះដែលយាងចុះមកពីស្ថានសួគ៌ ) ។
សូមដាក់បង្ហាញរូបភាព ម៉ូសេ និងសត្វពស់លង្ហិន ( Gospel Art Book [ ឆ្នាំ២០០៩] ល.រ. ១៦សូមមើលផងដែរ LDS.org ) ។ ចូរសុំឲ្យសិស្សពន្យល់ដំណើររឿងចេញពីបទគម្ពីរដែលមាននៅក្នុងរូបភាពនេះ ។ ប្រសិនបើចាំបាច់ សូមពន្យល់ថា នៅសម័យម៉ូសេ ព្រះអម្ចាស់បានបញ្ជូនពស់ពិសដោយសារតែពួកសាសន៍អ៊ីស្រាអែលធ្វើអំពើបាបទាស់នឹងព្រះ ។ ពួកសាសន៍អ៊ីស្រាអែលបានត្រូវពិស នៅពេលសត្វពស់បានចឹកពួកគេ ។ ព្រះអម្ចាស់បានដឹកនាំម៉ូសេ ឲ្យដាក់រូបពស់ស្ពាន់មួយលើបង្គោលដោយសន្យាថា សាសន៍អ៊ីស្រាអែលណាម្នាក់ ដែលមើលរូបពស់នៅលើបង្គោលនោះនឹងបានជាសះស្បើយ ។ ( សូមមើល ជនគណនា ២១:៤–៩) ។
-
យោងតាម យ៉ូហាន ៣:១៤តើព្រះយេស៊ូវបានមានបន្ទូលថាសត្វពស់ស្ពាន់នោះតំណាងឲ្យអ្វីទៅ ?
សូមដាក់បង្ហាញរូបភាព ការឆ្កាង ( [ ឆ្នាំ ២០០៩ ] ល.រ. ៥៧, សូមមើលផងដែរ LDS.org) ។
-
យោងតាម ខទី ១៥តើពរជ័យអ្វីទៅ ដែលកើតមានចំពោះជនដែលមើលទៅព្រះអង្គសង្គ្រោះ ?
-
តើយើងអាចរៀនគោលលទ្ធិអ្វីខ្លះ ចេញពីខគម្ពីរទាំងនេះ អំពីដង្វាយធួនរបស់ព្រះយេស៊ូវគ្រីស្ទ ? ( សិស្សអាចនឹងប្រើពាក្យផ្សេងៗគ្នា ប៉ុន្តែចូរប្រាកដថាត្រូវគូសបញ្ជាក់សេចក្ដីពិតដូចខាងក្រោមនេះ ៖ មនុស្សលោកអាចទទួលបានជីវិតដ៏នៅអស់កល្បជានិច្ច តាមរយៈដង្វាយធួនរបស់ព្រះយេស៊ូវគ្រីស្ទ ។ សូមសរសេរគោលការណ៍នេះនៅលើក្ដារខៀន ) ។
ចូរសុំឲ្យសិស្សម្នាក់អាន យ៉ូហាន ៣:១៦-១៧ ឲ្យឮៗ ។ ចូរសុំឲ្យសិស្សក្នុងថ្នាក់ផ្ទៀងតាម រកមើលគោលលទ្ធិដែលយើងអាចរៀនអំពីព្រះវរបិតាសួគ៌ ។
-
តើព្រះវរបិតាសួគ៌បានបញ្ជូនព្រះរាជបុត្រាទ្រង់ឲ្យធ្វើអ្វី ?
-
តើយើងអាចរៀនគោលលទ្ធិអ្វីខ្លះមកពីខគម្ពីរទាំងនេះអំពីព្រះវរបិតាសួគ៌ ? ( សិស្សអាចនឹងប្រើពាក្យផ្សេងៗគ្នា ដើម្បីបង្ហាញពីគោលលទ្ធិខាងក្រោមនេះ ៖ ព្រះវរបិតាសួគ៌ស្រឡាញ់កូនចៅរបស់ទ្រង់ដល់ម្ល៉េះ បានជាទ្រង់ប្រទានព្រះរាជបុត្រាទ្រង់តែមួយ ឲ្យរងទុក្ខសម្រាប់អំពើបាបរបស់ពួកគេ ។ សូមបន្ថែមគោលលទ្ធិនេះទៅលើគោលលទ្ធិដែលមាននៅលើក្ដារខៀន ) ។
-
តើព្រះវរបិតាសួគ៌បានបញ្ជូនព្រះរាជបុត្រារបស់ទ្រង់ ព្រះយេស៊ូវគ្រីស្ទមកកាន់ផែនដីដើម្បីបង្ហាញពីសេចក្កីស្រឡាញ់របស់ទ្រង់ ចំពោះយើងម្នាក់ៗតាមរបៀបណា ?
សូមអញ្ជើញសិស្សម្នាក់ឲ្យអានសេចក្ដីថ្លែងការណ៍ខាងក្រោមដោយអែលឌើរ ដាល្លិន អេក អូក ក្នុងកូរ៉ុមនៃពួកសាវកដប់ពីរនាក់ឲ្យឮៗ ។ ចូរសុំឲ្យសិស្សពិចារណាថា តើការដឹងអំពីសេចក្ដីស្រឡាញ់របស់ព្រះវរបិតាសួគ៌ចំពោះពួកគេធ្វើឲ្យពួកគេមានអារម្មណ៍បែបណាដែរ ។
រូបភាពអែលឌើរ ដាល្លិន អេក អូក« គ្មានភស្តុតាងណាមួយប្រសើរជាងព្រះចេស្តា និង ភាពឥតខ្ចោះដ៏ពុំអាចប្រៀបផ្ទឹមនៃសេចក្តីស្រឡាញ់របស់ព្រះជាងជាងការប្រកាសដោយសាវកយ៉ូហានឡើយ [ នៅក្នុង យ៉ូហាន ៣:១៦ ] ។ … សូមគិតមើលចុះ ថាតើព្រះវរបិតាសួគ៌របស់យើងឈឺចាប់ក្នុងព្រះទ័យខ្លាំងប៉ុណ្ណា ដែលបានបញ្ជូនបុត្រាតែមួយរបស់ទ្រង់ឲ្យស៊ូទ្រាំនឹងការរងទុក្ខ ដែលពុំអាចយល់បាន សម្រាប់អំពើបាបរបស់យើងនោះ ។ នោះគឺជាភស្តុតាងដ៏អស្ចារ្យបំផុតនៃសេចក្ដីស្រឡាញ់របស់ទ្រង់ចំពោះពួកយើងម្នាក់ៗ ! » (« Love and Law » Ensign ឬ Liahona ខែ វិច្ឆិកា ឆ្នាំ ២០០៩ ទំព័រ ២៦ ) ។
-
តើអ្នកមានអារម្មណ៍បែបណា ដោយដឹងថាព្រះវរបិតាសួគ៌ស្រឡាញ់អ្នកយ៉ាងខ្លាំង រហូតដល់ទ្រង់បានបញ្ជូនព្រះរាជបុត្រាទ្រង់តែមួយឲ្យរងទុក្ខ ហើយសុគត់សម្រាប់អ្នកនោះ ?
-
យោងតាម យ៉ូហាន ៣:១៦–១៧តើយើងអាចទទួលបានការសង្គ្រោះតាមរយៈដង្វាយធួនដោយរបៀបណា ? ( បន្ទាប់ពីសិស្សឆ្លើយ សូមសរសេរគោលការណ៍ខាងក្រោមនេះនៅលើក្ដារខៀន ៖ ប្រសិនបើយើងជឿលើព្រះយេស៊ូវគ្រីស្ទ ដែលរួមបញ្ចូលទាំងការប្រែចិត្តពីអំពើបាបរបស់យើង ព្រមទាំងគោរពតាមព្រះបន្ទូលរបស់ទ្រង់ នោះយើងអាចមានជីវិតអស់កល្បជានិច្ច តាមរយៈដង្វាយធួនរបស់ទ្រង់ ។
សូមអញ្ជើ្សិស្សឲ្យរំឭកសេចក្ដីពិតដែលលព្រះយេស៊ូវបានបង្រៀនដល់នីកូដេម ដែលមាននៅលើក្ដារខៀនឡើងវិញ ។
-
តើសេចក្ដីពិតទាំងនេះជាប់ទាក់ទងគ្នាយ៉ាងដូចម្ដេច ?
-
តើវិធីមួយចំនួនដែលយើងអាចបង្ហាញជំនឿរបស់យើងលើព្រះយេស៊ូវគ្រីស្ទមានអ្វីខ្លះ ?
សូមថ្លែងទីបន្ទាល់ថា នៅពេលយើងបង្ហាញជំនឿរបស់យើងលើព្រះយេស៊ូវគ្រីស្ទដោយប្រែចិត្ត ហើយដើរតាមទ្រង់ នោះយើងអាចបានការសង្គ្រោះ ហើយទទួលជីវិតដ៏នៅអស់កល្បជានិច្ចតាមរយៈដង្វាយធួន ។
សូមសរសេរឃ្លាខាងក្រោមនៅលើក្តារខៀន ៖ ខ្ញុំនឹងបង្ហាញសេចក្តីជំនឿរបស់ខ្ញុំលើព្រះយេស៊ូវគ្រីស្ទតាមរយៈ… ចូរសុំសិស្សឲ្យបញ្ចប់ឃ្លានេះ នៅក្នុងសៀវភៅកំណត់ចំណាំក្នុងថ្នាក់ ឬសៀវភៅកំណត់ហេតុការសិក្សាព្រះគម្ពីររបស់ពួកគេដោយការសរសេរពីអ្វីដែលអ្នកនឹងធ្វើ ដើម្បីបង្ហាញសេចក្តីជំនឿរបស់អ្នកលើព្រះយេស៊ូវគ្រីស្ទ ។
យ៉ូហាន ៣:២២-៣៦
យ៉ូហាន បាទីស្ទ បង្រៀនថា ព្រះយេស៊ូវគឺជាព្រះគ្រីស្ទ
ចូរដាក់បង្ហាញធុងថ្លាមួយដែលមានទឹកពេញ ។ ចូរដាក់លាក់មួយ ឬពីរតំណក់ទៅក្នុងទឹកនោះ ។
-
តើពណ៌នោះអាចប្រៀបបាននឹងឥទ្ធិពលរបស់យើងទៅលើមនុស្សដទៃទៀតបានយ៉ាងដូចម្ដេច ?
សូមអញ្ជើញសិស្សម្នាក់អានឮៗនូវសេចក្ដីថ្លែងការណ៍ដូចខាងក្រោមដោយប្រធាន ដេវីឌ អូ មិកឃេ ។ ចូរសុំឲ្យសិស្សក្នុងថ្នាក់ស្ដាប់រកនូវអ្វី ដែលយើងអាចរៀនអំពីឥទ្ធិពលរបស់យើងនៅក្នុងជិវិតរបស់អ្នកដទៃ ។
រូបភាពប្រធាន ដេវីឌ អូ មិកឃេ« មនុស្សគ្រប់រូបដែលរស់ នៅក្នុងពិភពលោកនេះមាននូវឥទ្ធិពលមួយ មិនថាវាជាឥទ្ធិពលល្អ ឬ អាក្រក់នោះទេ (Teachings of Presidents of the Church: David O. McKay [ ឆ្នាំ ២០០៣ ]ទំព័រ ២២៧) ។
« ផលប៉ះពាល់នៃពាក្យសម្តី និង ទង្វើរបស់យើងគឺធំធេងណាស់នៅលើពិភពលោកនេះ ។ រៀងរាល់វិនាទីនៃជីវិត អ្នកកំពុងផ្លាស់ប្តូរទៅរកកម្រិតមួយនៃជីវិតមនុស្សទូទាំងពិភពលោក » (Teachings: David O. McKayទំព័រ ២២៧) ។
ចូរសុំឲ្យសិស្សរកមើលគោលការណ៍មួយនៅក្នុង យ៉ូហាន ៣:២២–៣៦ ដែលបង្រៀនយើងពីរបៀប ដែលយើងអាចជះឥទ្ធិពលល្អដល់មនុស្សដទៃទៀត ។
សូមសង្ខេប យ៉ូហាន ៣:២២–២៦ ដោយពន្យល់ថា ពួកសិស្សមួយចំនួនរបស់យ៉ូហាន បាទីស្ទ មានកង្វល់ដោយសារប្រជាជនបានដើរតាមព្រះយេស៊ូវគ្រីស្ទជាជាងដើរតាម យ៉ូហាន បាទីស្ទ ។
សូមអញ្ជើញសិស្សម្នាក់អាន យ៉ូហាន ៣:២៧-៣០ឲ្យឮៗ ។ ចូរសុំឲ្យសិស្សក្នុងថ្នាក់ផ្ទៀងតាមរកមើលអ្វី ដែលយ៉ូហាន បាទីស្ទ បានយល់អំពីតួនាទីរបស់ខ្លួនដែលទាក់ទងនឹងព្រះយេស៊ូវគ្រីស្ទ ។
-
តើយ៉ូហាន បាទីស្ទ ចង់ឲ្យពួកសិស្សរបស់គាត់យល់អ្វីខ្លះអំពីតួនាទីរបស់ខ្លួន ? ( គាត់បានត្រូវបញ្ជូនមកពីមុនព្រះយេស៊ូវគ្រីស្ទ ដើម្បីរៀបចំមនុស្សសម្រាប់ទ្រង់ ) ។
-
តើវិធីរៀបរាប់ភាពស្រដៀងគ្នាអ្វីទៅដែលយ៉ូហាន បាទីស្ទ បានប្រើ(ខទី ២៩) ?
សូមពន្យល់ថា កូនកម្លោះតំណាងឲ្យព្រះយេស៊ូវ ហើយកូនក្រមុំអាចតំណាងឲ្យអស់អ្នកដែលមកឯព្រះគ្រីស្ទ ហើយមិត្តភក្តិរបស់កូនកម្លោះតំណាងឲ្យយ៉ូហាន បាទីស្ទ ។
-
តើអ្នកគិតថាយ៉ូហាន បាទីស្ទ ចង់មានន័យដូចម្តេច កាលគាត់ថ្លែងថា « ត្រូវឲ្យព្រះអង្គនោះបានចំរើនឡើង ហើយខ្ញុំត្រូវថយវិញចុះ » (ខទី ៣០) ? តើការណ៍នេះបង្ហាញអ្វីខ្លះ អំពីបុគ្គលិកលក្ខណៈរបស់យ៉ូហាន បាទីស្ទ ?
-
តើព្រះយេស៊ូវគ្រីស្ទអាចធ្វើអ្វីខ្លះ ដែល យ៉ូហាន បាទីស្ទ មិនអាចធ្វើបានសម្រាប់ប្រជាជន ?
-
តើយើងអាចរៀនអ្វីខ្លះចេញពីគំរូរបស់យ៉ូហាន បាទីស្ទ អំពីអ្វីដែលយើងអាចធ្វើដើម្បីជះឥទ្ធិពលល្អដល់មនុស្សដទៃ ? ( សិស្សអាចបង្ហាញនូវសេចក្ដីពិតខុសៗគ្នា ប៉ុន្តែត្រូវប្រាកដថា វាបញ្ជាក់យ៉ាងច្បាស់ថា យើងអាចជះឥទ្ធិពលល្អដោយដឹកនាំពួកគេទៅរកព្រះយេស៊ូវគ្រីស្ទ) ។
-
ហេតុអ្វីការប្រើឥទ្ធិពលរបស់យើង ដើម្បីដឹកនាំមនុស្សដទៃឲ្យទៅឯព្រះគ្រីស្ទវាសំខាន់ ?
-
តើអ្នកធ្លាប់ឃើញមនុស្សម្នាក់ដឹកនាំមនុស្សដទៃទៀតទៅរកព្រះអង្គសង្គ្រោះនៅពេលណាដែរ ?
សូមអញ្ជើញសិស្សឲ្យពិចារណាពីរបៀប ដែលពួកគេអាចដឹកនាំមនុស្សដទៃទៅរកព្រះអង្គសង្គ្រោះ ។ សូមលើកទឹកចិត្តពួកគេឲ្យស្វែងរកការដឹកនាំពីព្រះវិញ្ញាណបរិសុទ្ធ ក្នុងការខិតខំរបស់ពួកគេដើម្បីធ្វើកិច្ចការនោះ ។
សូមសង្ខេប យ៉ូហាន ៣:៣១–៣៦យ៉ូហាន បាទីស្ទ បានប្រកាសថាព្រះយេស៊ូវបានបញ្ជូនពីព្រះ ហើយថាអស់អ្នកណាដែលជឿលើទ្រង់អាចទទួលជីវិតអស់កល្បជានិច្ច ។
រូបភាពscripture mastery icon ចំណេះចំណានខគម្ពីរ—យ៉ូហាន ៣:៥
ដើម្បីជួយសិស្សឲ្យទន្ទេញចាំ យ៉ូហាន ៣:៥សូមអញ្ជើញសិស្សឲ្យសរសេរតួអក្សរដំបូងនៃពាក្យនៅក្នុងខគម្ពីរនេះ នៅក្នុងសៀវភៅកំណត់ហេតុការសិក្សាព្រះគម្ពីររបស់ពួកគេ ។ សូមលើកទឹកចិត្តសិស្សឲ្យហាត់និយាយខគម្ពីរនេះឮៗ ដោយប្រើតួអក្សរដំបូង ហើយមើលខគម្ពីរនោះប្រសិនបើចាំបាច់ ។ នៅពេលសិស្សអាចនិយាយខគម្ពីរនោះទាំងស្រុង ដោយប្រើតួអក្សរដំបូង សូមអញ្ជើញពួកគេឲ្យហាត់សូត្រខគម្ពីរនោះដោយការចងចាំ ។ អ្នកអាចអញ្ជើញពួកគេឲ្យហាត់ប្រើខគម្ពីរនេះនៅដើម ឬចុងបញ្ចប់ថ្នាក់សម្រាប់រយៈពេលពីរបីថ្ងៃ ។
សេចក្តីពន្យល់ និង ព័ត៌មានសាច់រឿង
យ៉ូហាន ៣:៣។ ការកើតជាថ្មី
ដូចជានីកូដេមដែរ មនុស្សមួយចំនួនប្រហែលជាងឿងឆ្ងល់ថា ពួកគេអាចកើតជាថ្មីតាមរបៀបណា ។ ប្រធាន អ៊ែសរ៉ា ថាហ្វ ប៊ែនសឹន បានបង្រៀន ៖ « បន្ថែមពីលើពិធីបរិសុទ្ធនៃពិធីបុណ្យជ្រមុជទឹក និងការដាក់ដៃលើក្បាល មនុស្សម្នាក់ត្រូវតែមានការកើតជាថ្មីខាងវិញ្ញាណ ដើម្បីទទួលបានភាពតម្កើងឡើង និងជីវិតដ៏នៅអស់កល្បជានិច្ច » (« Born of God » Ensign ខែ កក្កដា ឆ្នាំ ១៩៨៩ ទំព័រ ២–៤ ) ។ ហេតុដូច្នេះហើយ ការកើតជាថ្មីតម្រូវឲ្យមានលើសពីការគ្រាន់តែបានជ្រមុជទឹក ហើយបានបញ្ជាក់ទៅទៀត ។ ដើម្បីកើតជាថ្មីបាន មនុស្សម្នាក់ត្រូវរស់នៅតាមរបៀបមួយ ដែលព្រះវិញ្ញាណបរិសុទ្ធអាចផ្លាស់ប្ដូរដួងចិត្តបាន ។
អែលឌើរ ដេវីឌ អេ បែដណា នៃកូរ៉ុមនៃពួកសាវកដប់ពីរនាក់បានបង្រៀន ៖
« យើងចាប់ផ្ដើមដំណើរការនៃការកើតជាថ្មីម្ដងទៀតតាមរយៈការអនុវត្តសេចក្ដីជំនឿទៅលើព្រះគ្រីស្ទ ការប្រែចិត្តពីអំពើបាបរបស់យើង និង ការជ្រមុជទឹកដោយការពន្លិចសម្រាប់ការផ្ដាច់បាប ដោយអ្នកដែលមានសិទ្ធិអំណាចបព្វជិតភាព ។ …
« ការពន្លិចទាំងស្រុង និង ការជោគជាំដោយដំណឹងល្អរបស់ព្រះអង្គសង្គ្រោះគឺជាជំហានដ៏សំខាន់នៅក្នុងដំណើរការនៃការកើតជាថ្មី » («Ye Must Be Born Again» Ensign ឬ Liahona ខែ ឧសភា ឆ្នាំ ២០០៧ ទំព័រ ២១) ។
អែលឌើរ ឌី ថត គ្រីស្តូហ្វឺសិន ក្នុងកូរ៉ុមនៃពួកសាវកដប់ពីរនាក់បានពន្យល់ថា ការកើតជាថ្មីគឺជាដំណើរការមួយដែលត្រូវការពេលវេលា ៖
« អ្នកអាចសួរថា ហេតុអ្វីការផ្លាស់ប្ដូរយ៉ាងធំនេះមិនកើតឡើងលឿនជាងនេះចំពោះខ្ញុំ ? … សម្រាប់ពួកយើងភាគច្រើន ការផ្លាស់ប្ដូរទាំងឡាយគឺភាគច្រើនកើតឡើងបន្តិចម្ដងៗ ហើយកើតឡើងច្រើនដង ។ ការកើតម្ដងទៀត គឺពុំដូចជាការកើតខាងរូបកាយទេ វាគឺជាដំណើរការមួយ មិនមែនជាព្រឹត្តិការណ៍មួយនោះទេ ។ ហើយការចូលរួមក្នុងដំណើរការនោះ គឺជាគោលបំណងដ៏សំខាន់នៃជីវិតរមែងស្លាប់ ។
« ក្នុងពេលដូចគ្នានោះដែរ ចូរយើងកុំខំប្រឹងដោះសារខ្លួនយើងនៅក្នុងការប្រឹងប្រែងធម្មតាៗឡើយ ។ ចូរយើងកុំរីករាយនឹងការមានចិត្តខ្លះនឹងធ្វើអាក្រក់ឡើយ ។ ចូរយើងទទួលទានសាក្រាម៉ង់ដោយសក្ដិសមជារៀងរាល់សប្ដាហ៍ ហើយបន្តប្រើប្រាស់ព្រះវិញ្ញាណបរិសុទ្ធ ដើម្បីរកឲ្យឃើញ ហើយដកចេញនូវសំណល់ចុងក្រោយនៃភាពមិនបរិសុទ្ធដែលនៅក្នុងខ្លួនយើង ។ ខ្ញុំថ្លែងទីបន្ទាល់ថា ពេលអ្នកបន្តនៅក្នុងផ្លូវនៃការកើតជាថ្មីខាងវិញ្ញាណ នោះព្រះគុណដ៏ធួនរបស់ព្រះយេស៊ូវគ្រីស្ទ នឹងដកយកចេញនូវអំពើបាបរបស់អ្នក និងស្នាមប្រឡាក់នៃអំពើបាបទាំងនោះនៅក្នុងខ្លួនអ្នក ការល្បួងនឹងបាត់បង់ភាពទាក់ទាញរបស់វា ហើយតាមរយៈព្រះគ្រីស្ទ អ្នកនឹងក្លាយជាបរិសុទ្ធ ដូចជាទ្រង់ និងព្រះវរបិតារបស់យើងដែលបរិសុទ្ធ » ( « Born Again » Ensign ឬ Liahona ខែ ឧសភា ឆ្នាំ ២០០៨ ទំព័រ ៧៨ ) ។
យ៉ូហាន ៣:៥ ។ យើងត្រូវការពិធីបរិសុទ្ធដើម្បីទទួលបានសេចក្ដីសង្គ្រោះ
ការបង្រៀនរបស់ព្រះអង្គសង្គ្រោះនៅក្នុង យ៉ូហាន ៣:៥ បញ្ជាក់ថា ពិធីបរិសុទ្ធគឺជាកិច្ចការដ៏ចាំបាច់ដើម្បីចូលទៅក្នុងនគរព្រះ ។ ដូចដែលព្យាការី យ៉ូសែប ស្ម៊ីធ បានបង្រៀនថា « ការកើតជាថ្មីកើតមកពីព្រះវិញ្ញាណនៃព្រះ តាមរយៈពិធីបរិសុទ្ធ » ( [ ឆ្នាំ ២០០៧ ] ទំព័រ ៩៥) ។
« ឥរិយាបថល្អដោយគ្មានពិធីបរិសុទ្ធនៃដំណឹងល្អនឹងពុំអាចសង្គ្រោះ ហើយពុំផ្តល់ភាពលើកតម្កើងមនុស្សលោកឡើយ សេចក្តីសញ្ញា និងពិធីបរិសុទ្ធគឺចាំបាច់ » (« The Only True Church » Ensign ខែ វិច្ឆិកា ឆ្នាំ ១៩៨៥ ទំព័រ ៨២ ) ។
យ៉ូហាន ៣:៧-៨ ។ ហេតុអ្វីព្រះយេស៊ូវប្រៀបធៀបបាន « កើតជាថ្មី » ទៅនឹងខ្យល់ ?
ដោយឆ្លើយតបទៅនឹងការភាន់ច្រឡំអំពីការកើតជាថ្មី នោះព្រះអង្គសង្គ្រោះបានប្រៀបធៀបការកើតជាថ្មីពីព្រះវិញ្ញាណទៅនឹងខ្យល់ ។ ( ភាសាក្រិកសម្រាប់ពាក្យវិញ្ញាណគឺ នឺម៉ា ដែលអាចបកប្រែថាជាខ្យល់ដង្ហើម ឬខ្យល់ផងដែរ ) ។ ដូចជាខ្យល់ដែរ វាគ្មានរូបរាងទេ ដូច្នេះវាពិបាកក្នុងការមើលឃើញពីដំណើរការនៃការកើតជាថ្មីណាស់ ។ យើងអាចមើលឃើញបែបផែននៃខ្យល់ ប៉ុន្តែមិនដឹងថាតើវាចាប់ផ្ដើមពេលណា ហើយបញ្ចប់ពេលណា ហើយមកពីណានោះទេ ។ ការសន្និដ្ឋានស្រដៀងគ្នាមួយ ដែលត្រូវអាចលើកឡើងអំពីដំណើរការនៃការកើតជាថ្មី ។ វាពិបាកដើម្បីដឹងថាវាចាប់ផ្ដើមពេលណា ឬបញ្ចប់ពេលណាណាស់ ប៉ុន្តែបែបផែនរបស់វាគឺជាមើលឃើញបានជាបំលាស់ប្ដូរសកម្មភាព និងបំណងប្រាថ្នា ។
យ៉ូហាន ៣:១៦ ។ « ដ្បិតព្រះទ្រង់ស្រឡាញ់មនុស្សលោក ដល់ម៉្លេះ »
អែលឌើរ ប្រ៊ូស អ័រ ម៉ាក់ខន់ឃី ក្នុងកូរ៉ុមនៃពួកសាវកដប់ពីរនាក់បានប្រកាសពីខគម្ពីរនេះ ៖
« ប្រហែលនេះគឺជាខគម្ពីរមួយដែលល្បី ហើយមានអនុភាពបំផុត ។ វាសង្ខេបពីផែនការនៃសេចក្ដីសង្គ្រោះទាំងមូល ដោយចងភ្ជាប់រួមគ្នានឹងព្រះវរបិតា ព្រះរាជបុត្រា ពលិកម្មធួនរបស់ទ្រង់ ដែលជឿលើទ្រង់ដែលតម្រូវឲ្យមានកិច្ចការសុចរិត និងភាពតម្កើងឡើងដ៏នៅអស់កល្បជានិច្ចសម្រាប់ជនស្មោះត្រង់ ។
« … ស្រដៀងគ្នានេះដែរ សេចក្ដីស្រឡាញ់ដ៏ធំធេងរបស់ព្រះអម្ចាស់យើងចំពោះលោកិយរហូតលះបង់ព្រះជន្មទ្រង់ ដើម្បីឲ្យមនុស្សជាច្រើនដែលជឿលើទ្រង់ប្រែក្លាយជាកូនចៅរបស់ព្រះ › ។ (គ. និង ស. ៣៤:៣ ) » ។ ( Doctrinal New Testament Commentary វ៉ុលទី ៣ [ ឆ្នាំ១៩៦៥–៧៣ ] ១:144 ) ។