មេរៀនទី ៩៦
កិច្ចការ ២០-២២
សេចក្តីផ្ដើម
ប៉ុលបានប្រកាសដំណឹងល្អក្នុងតំបន់អាស៊ីតូច ( ប្រទេសតួកគីសព្វថ្ងៃ ) ហើយកាលលោកនៅឯក្រុងម៉ាលទុស ជាទីក្រុងមួយក្បែរក្រុងអេភេសូ លោកបានព្រមានពីការក្បត់សាសនានាពេលអនាគត ហើយបានលើកទឹកចិត្តថ្នាក់ដឹកនាំបព្វជិតភាពឲ្យលើកតម្កើងសមាជិកសាសនាចក្រ ។ បន្ទាប់មក លោកបានធ្វើដំណើរទៅក្រុងយេរូសាឡិម ជាកន្លែងដែលលោកទទួលការបៀតបៀន ហើយចាប់ខ្លួន ។ កាលកំពុងឈរនៅលើកាំជណ្ដើរនៃបន្ទាយអានតូនា ( ជាបន្ទាយរបស់ទ័ពរ៉ូម ) ប៉ុលបានចែកចាយដំណើររឿងនៃការប្រែចិត្តជឿរបស់លោក ។
យោបល់សម្រាប់ការបង្រៀន
កិច្ចការ ២០:១-២១:៤០
ប៉ុលបានធ្វើការងារបម្រើនៅក្នុងតំបន់អាស៊ីតូច ហើយធ្វើដំណើរទៅក្រុងយេរូសាឡិម ជាទីកន្លែងដែលលោកត្រូវបានគេវាយដុំ ហើយចាប់ខ្លួន
ចូរសុំឲ្យសិស្សគិតពីគ្រាមួយដែលពួកគេត្រូវចាកចេញពីគ្រួសារ មិត្តភក្ដិ ឬមនុស្សផ្សេងទៀត ដែលពួកគេយកចិត្តទុកដាក់រយៈពេលបីបួនថ្ងៃ បីបួនសប្ដាហ៍ ឬបីបួនខែ ។
-
តើអ្នក ឬមនុស្សដែលអ្នកធ្លាប់នៅជាមួយបានមានអារម្មណ៍បែបណាពីមុនអ្នកចាកចេញទៅ ?
-
តើអ្នកនិយាយអ្វីខ្លះប្រាប់គ្នាពីមុនចាកចេញទៅនោះ ?
សូមពន្យល់ថា នៅក្នុងដំណើរផ្សព្វផ្សាយសាសនាជាលើកទីបីរបស់ប៉ុល លោកបានចំណាយពេលនៅម៉ាសេដូនី ក្រិក និងតំបន់អាស៊ីតូច ។ នៅក្នុងដំណើរនេះ លោកបានទទួលការបំផុសគំនិតឲ្យត្រឡប់ទៅក្រុងយេរូសាឡិមវិញ ។ នៅពេលលោកបានធ្វើដំណើរ លោកបានឈប់ដើម្បីប្រកាសដំណឹងល្អ ហើយបានលាសមាជិកសាសនាចក្រនៅតាមផ្លូវ ។ នៅវេលាយប់ពីមុនការចាកចេញរបស់លោកពីភូមិត្រូអាស នៅថ្ងៃឈប់សម្រាកថ្មី ( ថ្ងៃអាទិត្យ ) ប៉ុល និងពួកសិស្សបានជួបជុំគ្នាទទួលទានសាក្រាម៉ង់ ( សូមមើល កិច្ចការ ២០:៧ ) ។ បន្ទាប់មក ប៉ុលបាននិយាយនឹងពួកបរិសុទ្ធរហូតដល់វេលាយប់ ។
សូមអញ្ជើញសិស្សម្នាក់ឲ្យអាន កិច្ចការ ២០:៩-១២ ឲ្យឮៗ ។ ចូរសុំសិស្សក្នុងថ្នាក់ឲ្យផ្ទៀងតាម រកមើលអ្វីដែលបានកើតឡើងចំពោះយុវជនម្នាក់ដែលមានឈ្មោះ អីទីកុស បន្ទាប់ពីគាត់បានដេកលង់លក់អំឡុងពេលប៉ុលកំពុងបង្រៀន ។
-
តើមានរឿងអ្វីបានកើតឡើងចំពោះអីទីកុស ?
-
តើប៉ុលបានធ្វើដូចម្តេច ដើម្បីបង្ហាញសេចក្ដីស្រឡាញ់ និងកង្វល់ចំពោះយុវជនម្នាក់នេះ ?
-
តើទង្វើរបស់ប៉ុលបានបង្ហាញពីការងារបម្រើរបស់ព្រះអង្គសង្គ្រោះយ៉ាងដូចម្ដេច ?
សូមពន្យល់ថា ជាផ្នែកមួយនៃដំណើរផ្សព្វផ្សាយសាសនាជាលើកទីបីរបស់ប៉ុល នោះប៉ុលបានចំណាយពេលប្រមាណជាបីឆ្នាំនៅអេភេសូរធ្វើការនៅក្នុងចំណោមប្រជាជននៅទីនោះ ។ សូមសង្ខេប កិច្ចការ ២០:១៣–១៧ ដោយពន្យល់ថា នៅតាមផ្លូវដែលលោកធ្វើដំណើរទៅក្រុងយេរូសាឡិមនោះ ប៉ុលបានឈប់នៅក្រុងមីលេត ហួសអេភេសូរបន្តិច ហើយបានផ្ញើសំបុត្រទៅឲ្យថ្នាក់ដឹកនាំសាសនាចក្រនៅអេភេសូរឲ្យមកជួបនឹងលោក ។
សូមអញ្ជើញសិស្សម្នាក់ឲ្យអាន កិច្ចការ ២០:១៨-២៣ ឲ្យឮៗ ។ សូមឲ្យសិស្សក្នុងថ្នាក់ផ្ទៀងតាម រកមើលថា តើប៉ុលបានពន្យល់អ្វីខ្លះអំពីការបម្រើរបស់លោក ។
-
តើប៉ុលបានពិពណ៌នាបែបណាអំពីការបម្រើរបស់លោកជាអ្នកផ្សព្វផ្សាយសាសនា ?
-
តើសេចក្ដីថ្លែងរបស់ប៉ុលដែលថាលោក « មិនបានខាននឹងប្រាប់សេចក្តីអ្វី » ( ខទី ២០ ) ពីរឿងទាំងឡាយដែលលោកបានបង្រៀន អាចនឹងមានន័យយ៉ាងណា ?
-
យោងតាម ខទី ២៣តើប៉ុលស្ម័គ្រចិត្តប្រឈមនឹងអ្វីខ្លះ ក្នុងនាមជាអ្នកបម្រើរបស់ព្រះអម្ចាស់ ?
សូមពន្យល់ថា ប៉ុលងាយនឹងរងនូវគ្រោះថ្នាក់នៅក្រុងយេរូសាឡិម កាលពួកអ្នកដឹកនាំសាសន៍យូដាបានចាត់ទុកលោកជាជនក្បត់ ដោយសារការខិតខំរបស់លោកដើម្បីប្រកាសដំណឹងល្អនៃព្រះយេស៊ូវគ្រីស្ទ ។
-
យោងតាម ខទី ២២ ហេតុអ្វី ប៉ុលស្ម័គ្រចិត្តទៅកាន់ក្រុងយេរូសាឡិម ?
សូមឲ្យសិស្សពីរបីនាក់ប្ដូរវេនគ្នាអានឮៗនៅក្នុងកិច្ចការ ២០:២៤-២៧ ។ ចូរសុំឲ្យសិស្សក្នុងថ្នាក់ផ្ទៀងតាម រកមើលថា តើប៉ុលបានត្រៀមខ្លួនធ្វើអ្វីខ្លះ ក្នុងនាមជាអ្នកបម្រើម្នាក់របស់ព្រះអម្ចាស់ ។
-
យោងតាម ខទី ២៤តើប៉ុលបានត្រៀមខ្លួនធ្វើអ្វីខ្លះ ក្នុងនាមជាអ្នកបម្រើរបស់ព្រះអម្ចាស់ ?
-
តើប៉ុលបានប្រាប់ថា លោកមានអារម្មណ៍បែបណានៅពេលលោកធ្វើអ្វីដែលព្រះអម្ចាស់បានដឹកនាំនោះ ?
-
តើយើងអាចរៀនអ្វីខ្លះមកពីគំរូនៃការបម្រើរបស់ប៉ុល ? ( សិស្សអាចនឹងប្រើពាក្យខុសៗគ្នា ប៉ុន្តែត្រូវប្រាកដថា ពួកគេស្គាល់សេចក្ដីពិតខាងក្រោមនេះ ៖ពួកអ្នកបម្រើដ៏ពិតរបស់ព្រះអម្ចាស់បំពេញកាតព្វកិច្ចរបស់ខ្លួនដោយស្មោះត្រង់ ហើយដោយធ្វើបែបនេះ នោះពួកគេមាននូវអំណរ ) ។
-
តើការបំពេញកាតព្វកិច្ចដោយស្មោះត្រង់ មានន័យយ៉ាងណាចំពោះអ្នក ?
-
តើយើងអាចអនុវត្តសេចក្ដីពិតនេះនៅក្នុងជីវិតយើងផ្ទាល់បានយ៉ាងដូចម្ដេច ?
សូមអញ្ជើញសិស្សឲ្យចែកចាយពីគ្រាមួយដែលពួកគេ ឬមនុស្សម្នាក់ដែលពួកគេស្គាល់បានជ្រើសរើសបម្រើព្រះអម្ចាស់ដោយអស់ពីកម្លាំង និងពលំ ហើយទទួលបាននូវអំណរដ៏អស្ចារ្យ ។
សូមរំឭកសិស្សថា ប៉ុលបានទៅលេងពួកថ្នាក់ដឹកនាំសាសនាចក្រនៅអេភេសូរជាលើកចុងក្រោយ ពីមុនលោកចាកចេញទៅក្រុងយេរូសាឡិម ។
-
ប្រសិនបើអ្នកជាប៉ុល ពេលដឹងថាអ្នកនឹងពុំបានឃើញថ្នាក់ដឹកនាំសាសនាចក្រនៅអេភេសូរម្ដងទៀត តើពាក្យទូន្មានអ្វីខ្លះដែលអ្នកនឹងផ្ដល់ទៅពួកគេពីមុនអ្នកចាកចេញទៅ ?
ចូរសុំឲ្យសិស្សអាន កិច្ចការ ២០:២៨–៣១ ដោយស្ងៀមស្ងាត់ ហើយរកមើលការព្រមានរបស់ប៉ុលទៅកាន់ពួកថ្នាក់ដឹកនាំសាសនាចក្រទាំងនេះ ។
-
តើប៉ុលបានព្រមានដល់ថ្នាក់ដឹកនាំទាំងនេះអំពីអ្វីខ្លះ ?
សូមពន្យល់ថា ប៉ុលបានប្រើសត្វចចកជាតំណាងឲ្យមនុស្សមិនស្មោះត្រង់ដែលនឹងបោកបញ្ឆោតសមាជិកសាសនាចក្រស្មោះត្រង់ ។
-
តើអ្នកនឹងប្រើពាក្យអ្វី ដើម្បីពិពណ៌នាពីស្ថានភាពរបស់ជនដែលងាកចេញពីសេចក្ដីពិត ហើយព្យាយាមដឹកនាំមនុស្សដទៃទៀតឲ្យឃ្លាតចេញពីសេចក្ដីពិតនោះ ? ( ការក្បត់សាសនា ។ សូមពន្យល់ថា ប៉ុលកំពុងព្រមានថ្នាក់ដឹកនាំសាសនាចក្រអំពីការក្បត់សាសនានៅក្នុងសាសនាចក្រនាពេលអនាគត ) ។
សូមអញ្ជើញសិស្សម្នាក់ឲ្យអាន កិច្ចការ ២០:៣៦-៣៨ ឲ្យឮៗ ។ ចូរសុំឲ្យសិស្សក្នុងថ្នាក់ផ្ទៀងតាម រកមើលថា តើថ្នាក់ដឹកនាំសាសនាចក្របានឆ្លើយតបបែបណា កាលប៉ុលបានចាកចេញទៅ ។ សមអញជញសសសរបរបពអវដលពកគរកឃញ
សូមសង្ខេប កិច្ចការ ២១:១–១០ ដោយពន្យល់ថា ប៉ុលបានបន្តដំណើររបស់លោកឆ្ពោះទៅកាន់ក្រុងយេរូសាឡិម ហើយបានឈប់នៅតំបន់ផ្សេងៗដើម្បីចំណាយពេលនៅជាមួយនឹងសមាជិកសាសនាចក្រ ។ នៅពេលប៉ុលបានឈប់នៅទីក្រុងមួយដែលមានឈ្មោះថា ទីរ៉ុស នោះមានពួកសិស្សមួយចំនួន—ព្រួយបារម្ភពីសុវត្ថិភាពរបស់ប៉ុល—បានប្រាប់ប៉ុលកុំឲ្យទៅក្រុងយេរូសាឡិម ( សូមមើល កិច្ចការ ២១:៤ ) ។
នៅឯសេសារា មានព្យាការីម្នាក់ឈ្មោះ អ័ក្កាបុស បានព្យាករទាក់ទងនឹងរឿងដែលនឹងកើតឡើងចំពោះប៉ុលនៅក្រុងយេរូសាឡិម ។ សូមអញ្ជើញសិស្សម្នាក់ឲ្យអាន កិច្ចការ ២១:១១ ឲ្យឮៗ ។ ចូរសុំសិស្សក្នុងថ្នាក់ឲ្យផ្ទៀងតាម ហើយរកមើលថា អ័ក្កាបុស បានព្យាករពីអ្វីខ្លះ ។ ( អ្នកគួរពន្យល់ថាពាក្យខ្សែក្រវាត់ សំដៅទៅលើខ្សែក្រវាត់ចង្កេះ ) ។ សមអញជញសសសឲយរបរបពអវដលពកគរកឃញ
សូមអញ្ជើញសិស្សម្នាក់ឲ្យអាន កិច្ចការ ២១:១២-១៤ ឲ្យឮៗ ។ ចូរសុំសិស្សក្នុងថ្នាក់ឲ្យផ្ទៀងតាម ហើយរកមើលថា តើប៉ុល និងពួកដៃគូរបស់លោកបានឆ្លើយតបបែបណាចំពោះការព្យាករនេះ ។
-
តើប៉ុល និងពួកដៃគូរបស់លោកបានឆ្លើយតបបែបណាចំពោះការព្យាករនេះ ?
-
តើប៉ុលមានប្រតិកម្មបែបណាចំពោះការព្យាករនេះ ? តអនកចបអរមមណអវខលលករឆលយតបរបសបល
-
តើគោលការណ៍អ្វីខ្លះ ដែលយើងអាចរៀនមកពីគំរូរបស់ប៉ុលក្នុងការធ្វើជាអ្នកបម្រើដ៏ពិតរបស់ព្រះអម្ចាស់ ? ( សិស្សអាចនឹងប្រើពាក្យខុសៗគ្នា ប៉ុន្តែត្រូវប្រាកដថា ពួកគេស្គាល់សេចក្ដីពិតខាងក្រោមនេះ ៖ពួកអ្នកបម្រើដ៏ពិតរបស់ព្រះអម្ចាស់យល់ព្រមធ្វើតាមព្រះទ័យរបស់ព្រះ មិនថាត្រូវលះបង់អ្វីឡើយ) ។
សូមអញ្ជើញសិស្សឲ្យសញ្ជឹងគិតពីប្រភេទនៃការលះបង់ ដែលយើងអាចនឹងត្រូវសុំឲ្យធ្វើ ក្នុងនាមជាពួកអ្នកបម្រើរបស់ព្រះអម្ចាស់ ។
-
តើអ្នកធ្លាប់យល់ព្រមធ្វើតាមព្រះទ័យរបស់ព្រះមិនថាអ្នកត្រូវលះបង់អ្វីក៏ដោយនៅពេលណា ? ហេតុអ្វីអ្នកយល់ព្រមធ្វើរឿងនោះ ?
សូមអញ្ជើញសិស្សម្នាក់ឲ្យអានសេចក្តីសង្ខេបនៃកិច្ចការ ២១:១៧–៤០ដូចខាងក្រោម ។
ប៉ុលបានមកដល់ក្រុងយេរូសាឡិម ហើយបានរាយការណ៍ពីការងារផ្សព្វផ្សាយសាសនារបស់លោកទៅថ្នាក់ដឹកនាំសាសនាចក្រក្នុងមូលដ្ឋាន ។ ប៉ុលបានទៅព្រះវិហារបរិសុទ្ធ ហើយកាលពួកសាសន៍យូដាមួយក្រុមដែលស្គាល់ប៉ុលពេលធ្វើដំណើរផ្សព្វផ្សាយសាសនាបានឃើញលោក នោះពួកគេបានប្រកាសថា ប៉ុលគឺជាគ្រូបង្រៀនក្លែងក្លាយ ដែលបានបង្រៀនទាស់នឹងក្រឹត្យវិន័យរបស់ម៉ូសេ ហើយបាននាំពួកសាសន៍ដទៃឲ្យចូលទៅក្នុងព្រះវិហារបរិសុទ្ធដោយខុសច្បាប់ ។ ដោយសារការចោទប្រកាន់នេះ នោះមានមនុស្សកំណាចមួយក្រុមបានបណ្ដេញប៉ុលចេញពីព្រះវិហារបរិសុទ្ធ ហើយបានចាប់ផ្ដើមវាយដំលោក ។ ពួកទាហានរ៉ូមបានមកធ្វើអន្តរាគមន៍ ហើយបានចាប់លោកទៅកាត់ទោស ។ កាលនៅលើកាំជណ្ដើរនៃបន្ទាយ អានតូនា ( សូមមើល ផែនទីទាំងឡាយដែលទាក់ទងទៅនឹងព្រះគម្ពីរប៊ីប ផែនទី ទី ១២ « ក្រុងយេរូសាឡិមនៅសម័យព្រះយេស៊ូវ » ) ប៉ុលបានសួរទៅពួកទាហាន ប្រសិនបើលោកអាចនិយាយទៅកាន់ប្រជាជនបានទេ ។
កិច្ចការ ២២:១-៣០
ប៉ុលប្រាប់ពីការប្រែចិត្តជឿរបស់លោក ហើយថ្លែងទីបន្ទាល់ពីព្រះយេស៊ូវគ្រីស្ទ
សូមសរសេរពាក្យ ប្រែចិត្តជឿ នៅលើក្ដារខៀន ហើយពន្យល់ថា ប្រែចិត្តជឿ មានន័យថា ផ្លាស់ប្ដូរ ។ ចូរសួរសិស្សថា ទឹកអាចប្រែ ឬផ្លាស់ប្ដូរដើម្បីឲ្យវាអាចប្រើសម្រាប់គោលបំណងផ្សេងទៀតបានដោយរបៀបណា ។ ( ឧទាហរណ៍ ទឹកអាចធ្វើឲ្យទៅជាទឹកកក ) ។ ចូរសុំឲ្យសិស្សសញ្ជឹងគិតពីប្រភេទនៃការផ្លាស់ប្ដូរដែលការប្រែចិត្តជឿចំពោះដំណឹងល្អតម្រូវឲ្យមាន ។
សូមអញ្ជើញសិស្សម្នាក់ឲ្យអាន កិច្ចការ ២២:១-៥ ឲ្យឮៗ ។ ចូរសុំសិស្សក្នុងថ្នាក់ឲ្យផ្ទៀងតាម ហើយរកមើលថា តើប៉ុលបានពិពណ៌នាពីខ្លួនលោកដូចម្ដេចខ្លះ កាលលោកថ្លែងទៅពួកយូដាពីលើកាំជណ្ដើរបន្ទាយអានតូនានៅក្រុងយេរូសាឡិមនោះ ។
-
តើប៉ុលមានលក្ខណៈបែបណា ពីមុនលោកបានប្រែចិត្តជឿ ហើយប្រែក្លាយជាសិស្សម្នាក់របស់ព្រះយេស៊ូវគ្រីស្ទ ?
សូមចម្លងសំណួរ និងសេចក្ដីយោងព្រះគម្ពីរខាងក្រោមដាក់លើក្ដារខៀន ឬ រៀបចំវាជាក្រដាសចែកឲ្យសិស្ស ។ សូមបែងចែកសិស្សទៅជាប្រាំក្រុម ហើយចាត់សំណួរមួយដល់ក្រុមនីមួយៗ ។ ចូរសុំឲ្យសិស្សអានខគម្ពីរដែលទាក់ទងនឹងសំណួរ ដែលពួកគេបានចាត់ឲ្យដោយស្ងៀមស្ងាត់ ហើយបន្ទាប់មកឆ្លើយសំណួរនៅក្នុងសៀវភៅកត់ចំណាំការរៀនសូត្ររបស់ពួកគេ ឬសៀវភៅកត់ត្រាការសិក្សាព្រះគម្ពីររបស់ពួកគេ ។
-
តើប៉ុលបានពិពណ៌នាបែបណាពីការនិមិត្តដំបូងរបស់លោក ? (កិច្ចការ ២២:៦-៩ )
-
តើប៉ុលបានណែនាំឲ្យធ្វើអ្វីខ្លះ ? (កិច្ចការ ២២:១០-១១ )
-
តើប៉ុលបានជួយនរណានៅស្រុកដាម៉ាស ហើយប៉ុលបានទទួលអ្វីម្ដងទៀត ? (កិច្ចការ ២២:១២-១៣ )
-
តើអាន៉្នានាសបានព្យាករអ្វីខ្លះអំពីប៉ុល ? (កិច្ចការ ២២:១៤-១៥ )
-
តើប៉ុលបានបង្ហាញពីសេចក្ដីជំនឿរបស់លោកលើព្រះយេស៊ូវគ្រីស្ទដោយរបៀបណា ? (កិច្ចការ ៩:១៨, ២២:១៦ )
ក្រោយពីមានពេលគ្រប់គ្រាន់ហើយ សូមអញ្ជើញសិស្សឲ្យប្រាប់ពីចម្លើយរបស់ពួកគេ ។ សូមអញ្ជើញសិស្សពីរបីនាក់ឲ្យសង្ខេបពីអ្វី ដែលពួកគេបានរៀនពីដំណើរការនៃការប្រែចិត្តជឿរបស់ប៉ុល ។ ( អ្នកក៏គួរតែពន្យល់ផងដែរថា នៅចន្លោះគ្រានៃការនិមិត្តដំបូងរបស់ប៉ុល និងគ្រាដែលលោកបានបម្រើជាអ្នកផ្សព្វផ្សាយសាសនា លោកបានចំណាយពេលបីឆ្នាំនៅស្រុកអារ៉ាប់ ដែលទំនងជារយៈពេលមួយនៃការរៀបចំខ្លួន និងការរីកចម្រើនខាងវិញ្ញាណ [ សូមមើល កាឡាទី ១:១១–១៨ ] ) ។ បន្ទាប់មក សូមសួរសំណួរដូចខាងក្រោមនេះ ៖
-
តើអ្នកគិតថា ប៉ុលបានផ្លាស់ប្ដូរបែបណាដែរ ជាលទ្ធផលនៃការប្រែចិត្តជឿរបស់លោកនោះ ?
-
តើមានអ្វីបានកើតឡើង ដែលបណ្ដាលឲ្យកើតមានការផ្លាស់ប្ដូរទាំងនេះ ?
-
ការប្រែចិត្តជឿរបស់ប៉ុលអាចបង្រៀនយើងអ្វីខ្លះ អំពីរបៀបដែលយើងអាចប្រែចិត្តជឿនោះ ? ( សិស្សអាចនឹងប្រើពាក្យខុសៗគ្នា ប៉ុន្តែត្រូវប្រាកដថា ពួកគេស្គាល់សេចក្ដីពិតខាងក្រោមនេះ ៖នៅពេលយើងគោរពតាមព្រះបន្ទូលរបស់ព្រះយេស៊ូវគ្រីស្ទ នោះយើងអាចកាន់តែប្រែចិត្តជឿបានពេញលេញ) ។
-
តើគោលការណ៍នេះអាចជួយមនុស្សម្នាក់ ដែលចង់ប្រែចិត្តជឿយ៉ាងដូចម្ដេច ?
សូមអញ្ជើញសិស្សម្នាក់ឲ្យអានឮៗ នូវសេចក្ដីថ្លែងការណ៍ខាងក្រោមនេះមកពីស៊ិស្ទើរ បូនី អិល អូស្ការសុន ប្រធានយុវនារីទូទៅ ដែលគាត់បានពន្យល់ពីភាពខុសប្លែកគ្នារវាងការមានទីបន្ទាល់នៃដំណឹងល្អ និងការប្រែចិត្តជឿដ៏ពិតចំពោះដំណឹងល្អ ៖
« ការប្រែចិត្តជឿពិត មានន័យច្រើនជាងការមានចំណេះដឹងពីគោលការណ៍ដំណឹងល្អ ហើយមានន័យច្រើនជាងការគ្រាន់តែមានទីបន្ទាល់អំពីគោលការណ៍ទាំងនោះទៅទៀត ។ វាអាចធ្វើទៅបានដើម្បីមានទីបន្ទាល់អំពីដំណឹងល្អ ដោយពុំរស់នៅតាមវានោះ ។ ការប្រែចិត្តជឿពិតមានន័យថា យើងធ្វើតាមអ្វីដែលយើងជឿ ។ …
« … ការផ្លាស់ប្រែចិត្តជឿ កើតមានពេលយើងធ្វើសកម្មភាពតាមគោលការណ៍សុចរិត ដែលយើងបានរៀនក្នុងផ្ទះ និងរៀននៅក្នុងថ្នាក់រៀនរបស់យើង ។ ការប្រែចិត្តជឿកើតមាន នៅពេលយើងរស់នៅតាមដំណឹងល្អ រីករាយនឹងភាពជាដៃគូនៃព្រះវិញ្ញាណបរិសុទ្ធ » ( « Be Ye Converted »Ensign ឬLiahona ខែវិ ច្ឆិកា ឆ្នាំ ២០១៣ ទំព័រ ៧៦, ៧៨ ) ។
សូមអានសំណួរខាងក្រោមនេះឲ្យឮៗ ឬសរសេរវានៅលើក្ដារខៀន ៖តើខ្ញុំអាចប្រែចិត្តជឿដ៏ពិតចំពោះដំណឹងល្អយ៉ាងដូចម្ដេច ? សូមអញ្ជើញសិស្សឲ្យកត់ត្រាចម្លើយរបស់ពួកគេចូលក្នុងសៀវភៅសរសេរ ឬសៀវភៅកំណត់ត្រាការសិក្សាព្រះគម្ពីររបស់ពួកគេ ។
សូមសង្ខេប កិច្ចការ ២២:១៧–៣០ ដោយពន្យល់ថា ប៉ុលបានប្រាប់ពួកអ្នកស្ដាប់របស់លោកថា បន្ទាប់ពីការប្រែចិត្តជឿរបស់លោក ព្រះអម្ចាស់បានបញ្ជូនលោកចេញពីក្រុងយេរូសាឡិមឲ្យទៅធ្វើជាអ្នកផ្សព្វផ្សាយសាសនាម្នាក់នៅក្នុងចំណោមពួកសាសន៍ដទៃ ។ បន្ទាប់មកពួកអ្នកស្ដាប់ទាំងនោះបានប្រកាសថា ប៉ុលគួរត្រូវយកទៅសម្លាប់ចោល ។ ប៉ុលត្រូវបាននាំទៅជួបនឹងមេទ័ពធំរបស់កងទ័ពរ៉ូមនៅយេរូសាឡិម ជាអ្នកដែលបានសម្រេចចិត្តថា ប៉ុលគួរត្រូវយកទៅធ្វើទុក្ខទោស ឬវាយនឹងរំពាត់ ជាការដាក់ទោសមួយដែលជាធម្មតាប្រើដើម្បីបំបាក់មុខ និងសួរចម្លើយឧក្រិដ្ឋជន ។ ប៉ុន្តែ នៅពេលពួកមន្ត្រីរ៉ូមបានដឹងថា ប៉ុលគឺជាពលរដ្ឋរ៉ូមម្នាក់ នោះពួកគេបានសម្រេចចិត្តមិនវាយដំលោកទេ ដោយសារអំពើនេះផ្ទុយនឹងច្បាប់របស់រ៉ូមនៅក្នុងចាប់ចង ឬវាយដំពលរដ្ឋរ៉ូមម្នាក់ដែលមិនទាន់បាន « កាត់ទោស » ( ខទី ២៥ ) ។ ផ្ទុយទៅវិញ ពួកគេបាននាំលោកទៅកាន់ក្រុមប្រឹក្សាគ្រប់គ្រងរបស់សាសន៍យូដា ពួកសានហេឌ្រីន ។
សូមបញ្ចប់ដោយចែកចាយទីបន្ទាល់របស់អ្នក អំពីគោលការណ៍នានាដែលបានបង្រៀននៅក្នុងកិច្ចការ ២០–២២ ។
សេចក្តីពន្យល់ និង ព័ត៌មានសាច់រឿង
កិច្ចការ ២២:១-២៤។ ប៉ុលមានចិត្តក្លាហានដើម្បីចែកចាយដំណឹងល្អ
សាវកប៉ុលមានចិត្តក្លាហាន ដើម្បីចែកចាយទីបន្ទាល់របស់លោកអំពីព្រះយេស៊ូវគ្រីស្ទ ទោះបីមានផលវិបាកធ្ងន់ធ្ងរក៏ដោយ ( សូមមើល កិច្ចការ ២២:១–២៤ ) ។ ប្រធាន ថូម៉ាស អេស ម៉នសុន បានបង្រៀនថា ភាពក្លាហានដើម្បីធ្វើទង្វើត្រឹមត្រូវ សូម្បីតែវាគ្មានការពេញនិយមក្ដី គឺនៅតែតម្រូវឲ្យធ្វើនៅក្នុងនាមជាសិស្សរបស់ព្រះយេស៊ូវគ្រីស្ទ ៖
« ភាពក្លាហានកើតមានតាមទម្រង់ជាច្រើន ។ អ្នកនិពន្ធគ្រីស្ទាន ឈ្មោះ ឆាលស៍ ស្វីនដូល បានចែងទុកថា ៖ ភាពក្លាហានពុំគ្រាន់តែមាននៅក្នុងសមរភូមិ ឬ មានវាពេលត្រូវចាប់ចោរចូលក្នុងផ្ទះរបស់អ្នកនោះឡើយ ។ ការសាកល្បងភាពក្លាហានពិត គឺមានលក្ខណៈស្ងប់ស្ងាត់ជាង ។ វាគឺជាការសាកល្បងនៅខាងក្នុងខ្លួន ដូចជាការបន្ដនៅស្មោះត្រង់ ទោះគ្មាននរណាម្នាក់មើលឃើញអ្នក… ជាការឈរតែម្នាក់ឯង ពេលអ្នកត្រូវគេយល់ខុស › ។ ខ្ញុំនឹងបន្ថែមថា ភាពក្លាហានខាងក្នុងខ្លួននេះ ក៏រាប់បញ្ចូលទាំងការធ្វើរឿងត្រឹមត្រូវ ទោះជាយើងភ័យខ្លាចក្ដី ជាការការពារជំនឿយើងប្រថុយនឹងការរិះគន់ ហើយជាការរក្សាជំនឿ ទោះជាពេលមានការគំរាមកំហែងដោយការបាត់បង់មិត្តភក្ដិ ឬ ឋានៈក្នុងសង្គមក្ដី ។ អ្នកដែលឈរខ្ជាប់ខ្ជួនសម្រាប់អ្វីដែលត្រឹមត្រូវ ច្បាស់ជាត្រូវប្រថុយនឹងការបដិសេធ ហើយគ្មានប្រជាប្រិយភាព » ( « Be Strong and of a Good Courage »Ensign ឬLiahona ខែ ឧសភាព ឆ្នាំ ២០១៤ ទំព័រ ៦៧ ) ។