Mga Buhat 9

Nagpakita si Jesus ngadto ni Saulo (kinsa sa wala madugay gitawag og Pablo) samtang mipanaw siya ngadto sa Damasco, human mabuta si Saulo. Human si Ananias miayo kaniya, si Saulo nabunyagan ug nagsugod sa pagsangyaw sa Damasco. Sa wala madugay si Saulo miadto sa Jerusalem ug miapil sa mga tinun-an didto, apan ang Griyego nga mga Judeo sa Jerusalem mihulga sa kinabuhi ni Saulo, ang mga Apostoles mipadala niya ngadto sa Tarso. Si Pedro mipahigayon og mga milagro didto sa Lida ug Jope

Si Elder Jeffrey R. Holland sa Korum sa Napulog Duha ka mga Apostoles mitudlo mahitungod sa atong panginahanglan nga mopasaylo:

Imahe

Elder Jeffrey R. Holland

“Adunay usa ka butang nga kadaghanan kanato napakyas gayud sa pagpasaylo ug pagkalimot sa mga sayop nga nabuhat kaniadto sa kinabuhi—maato man kini nga mga sayop o mga sayop sa uban. Dili kini maayo. Dili kini Kristiyano. Kini nagpasabut nga supak gayud sa kahalangdon ug kaharianon sa Pag-ula ni Kristo. …

Tuguti ang mga tawo nga maghinulsol. Tuguti ang mga tawo nga mouswag. Tuohi nga ang mga tawo mausab ug molambo. Dili ba kini ang hugot nga pagtuo? Oo! Dili ba kini paglaum? Oo! Dili ba kini gugma nga putli? Oo! Labaw sa tanan, kini mao ang gugma nga putli, ang tiunay nga gugma ni Kristo” (“Ang Labing Maayo Moabut Pa,” Liahona, Ene. 2010, 19–20).

1. Tubaga ang mosunod nga mga pangutana diha sa imong scripture study journal:

   1. Unsa ang pipila ka mga sitwasyon diin importante alang nimo sa pagtugot sa uban sa pag-usab ug pagpalambo ug sa pagtuo nga sila makabuhat sa ingon?

   2. Nganong importante alang nimo nga motuo nga ikaw mausab ug molambo?

Samtang magtuon ka sa Mga Buhat 9, pangitaa ang mga kamatuoran nga atong makat-unan gikan sa kasinatian sa usa ka tawo kinsa nausab ug milambo.

Kadaghanan sa teksto sa Mga Buhat 9 nagtumong sa mga kasinatian sa usa ka tawo nga ginganlan og Saulo. “Si Saulo natawo sa Tarso, usa ka siyudad sa Gresyanhon sa Cilicia (tan-awa sa Mga Buhat 21:39). Usa siya ka Romanhon (tan-awa sa Mga Buhat 16:37) ug nagsulti og ‘pinulongang Hebreohanon’ (tingali Aramaic) ug Gresyanhon (Mga Buhat 21:37–40). Usa siya ka Judeo gikan sa kaliwat ni Benjamin (tan-awa sa Mga Taga-Roma 11:1) ug usa ka deboto nga Fariseo (tan-awa sa Mga Buhat 23:6), kinsa mainitong migukod ug misakit sa mga sumusunod ni Jesukristo (tan-awa sa Mga Buhat 9:1–2). Sa wala madugay nailhan siya sa iyang Latin nga pangalan, nga Pablo [tan-awa sa Mga Buhat 13:9]” (New Testament Student Manual [manwal sa Church Educational System, 2014], 294). Si Saulo naedukar sa Jerusalem ni Gamaliel (tan-awa sa Mga Buhat 22:3), usa ka inila nga Fariseo ug tinahud nga magtutudlo sa balaod sa Judeo (tan-awa sa Mga Buhat 5:34–40).

Una natong nabasa ang mahitungod ni Saulo sa Mga Buhat 7, nga naghulagway sa pagbato sa tinun-an nga si Esteban. Tingali mahinumduman nimo nga kadtong mibato ni Esteban miitsa sa ilang mga kupo sa tiilan ni Saulo. (tan-awa sa Mga Buhat 7:58–59).

Basaha ang Mga Buhat 8:1–3; 9:1–2, nga mangita giunsa pagtagad ni Saulo ang mga sumusunod ni Jesukristo. Tingali makatabang nga makahibalo nga ang pagtaral (Mga Buhat 8:3) nagpasabut nga gipugos sa pagdala.

Basaha ang Mga Buhat 9:3–6, nga mangita kon unsay nasinati ni Saulo samtang siya nagpanaw padulong sa Damasco aron sa pagdakop sa mga tinun-an ni Jesukristo nga nagpuyo didto.

Imahe

goad

Note the phrase “kick against the pricks” in Acts 9:5. Ang mao nga reaksyon nagdugang lamang sa kalisud samtang ang hayop makadawat og dugang nga pagbunal gikan sa iyang agalon. Giklaro sa Manluluwas nga kon si Saulo magpadayon sa pakigbatok Kaniya, siya ang maghatag og kalisud sa iyang kaugalingon.

Basaha ang pangutana ni Saulo sa Mga Buhat 9:6. Unsa kaha ang gitudlo niini nga pangutana nimo bahin ni Saulo?

Sumala sa Hubad ni Joseph Smith sa Mga Buhat 9:7, sila kinsa mipanaw uban ni Saulo nakakita gayud sa kahayag apan wala makadungog sa tingog ni Jesus samtang Siya namulong ngadto ni Saulo (tan-awa sa Hubad ni Joseph Smith, Mga Buhat 9:7 [Giya ngadto sa mga Kasulatan scriptures.lds.org]; tan-awa usab sa Mga Buhat 22:9).

Pagkahuman sa panan-awon, si Saulo nabuta. Gidala siya ngadto sa Damasco, ug wala siya mokaon ug moinom sulod sa tulo ka adlaw.

Hunahunaa kon kamo pa si Saulo. Kon kamo agresibong migukod sa mga tinun-an ni Kristo, unsa kaha ang imong gihunahuna ug gibati niining higayuna?

Basaha ang Mga Buhat 9:10–12, nga mangita unsay gisugo sa Ginoo ni Ananias nga iyang buhaton, usa ka matarung nga miyembro sa Simbahan didto sa Damasco.

Hinumdumi nga ang orihinal nga tuyo sa pag-adto sa Damasco mao ang pagdakop sa mga tawo sama ni Ananias. Kon ikaw pa si Ananias ug nasayud sa reputasyon ni Saulo, unsa kaha ang imong gihunahuna human makadawat niini nga direksyon gikan sa Ginoo?

Basaha ang Mga Buhat 9:13–16, nga mangita unsay gitudlo sa Ginoo ni Ananias mahitungod ni Saulo.

Sa unsa nga paagi nga ang panan-aw sa Ginoo ni Saulo magkalahi sa panan-aw ni Ananaias ni Saulo?

Tan-awa sa Mga Buhat 9:15 ang piho nga trabaho nga gipili sa Ginoo nga buhaton ni Saulo. Sa unsay imong nahibaloan sa kaagi ni Saulo, unsa kahay nakaandam niya sa pagsangyaw ngadto “sa mga “Hentil, ug sa mga hari, ug sa mga anak ni Israel”? (Mahimo nimong gamiton ang deskripsyon ni Saulo nga imong nabasa sa sayo pa dinhi sa leksyon.)

Sumala sa Mga Buhat 9:16, unsa pay gisulti sa Ginoo nga mahitabo ni Pablo, bisan og mahimong pinili sa atubangan sa mga Hentil ug sa mga hari?

Duha ka kamatuoran nga atong makat-unan gikan sa Mga Buhat 9:13–16 mao nga ang Ginoo makakita nato nga mamahimo kita ug nakakita ang Ginoo sa atong potensyal sa pagtabang Kaniya sa Iyang buhat.

2. Samtang maghunahuna ka niini nga mga kamatuoran, hunahunaa ang paagi sa Dios sa pagtan-aw kanimo. Sa imong scripture study journal, pagdrowing og yanong litrato sa imong kaugalingon ug ilista ang pipila nimo ka mga abilidad ug mga kinaiya nga sa imong hunahuna magamit sa Ginoo sa pagtabang Kaniya sa Iyang buhat.

Imahe

Saul and Ananias

Tan-awa sa Mga Buhat 9:17 nga si Ananias mipanalangin ni Saulo nga makakita siya ug mapuno sa Espiritu Santo. Sumala sa Mga Buhat 9:18–20, sa dihang gibalik sa Dios ang panan-aw ni Saulo, sa unsa nga paagi nga lahi na ang pagtan-aw ni Saulo sa Ginoo gikan sa paagi sa iyang pagtan-aw Kaniya kaniadto?

Ang paghinulsol, bunyag ug pagsangyaw ni Saulo nagpakita sa iyang hugot nga pagtuo ni Jesukristo ug sa iyang pagkamanunuton sa kabubut-on sa Ginoo.

Basaha ang Mga Buhat 9:21–22, nga mangita kon unsay reaksyon sa mga tawo sa pagsangyaw ni Saulo.

Ang pangutana nga gipangutana ni Saulo sa Ginoo sa Mga Buhat 9:6 nagpakita sa iyang pagkamapainubsanon ug sa iyang tinguha sa pagsunod sa kabubut-on sa Ginoo. Sama ni Saulo, kon kita mosunod sa kabubut-on sa Ginoo, nan kita makausab ug makatuman sa potensyal nga Iyang nakita kanato.

Sa pagtabang nimo nga makasabut unsay gipasabut sa pagkamanunuton ngadto sa kabubut-on sa Ginoo, hunahuna nga ikaw dunay bundo sa yuta nga humok ug laing bundo nga gahi na. Sa unsa nga paagi nga ang kasinatian lahi sa pagsulay og kulit gamit ang humok nga yuta kay sa pagkulit gamit ang gahi na nga yuta?

3. Tubaga ang mosunod nga mga pangutana diha sa imong scripture study journal:

   1. Sa unsa nga paagi nga ang duha ka lahi nga matang sa yuta mapahisama ngadto sa pagkamanunuton sa tawo ngadto sa kabubut-on sa Ginoo?

   2. Sa unsa nga paagi nga ang pagsunod sa Ginoo makatabang nimo o sa uban sa pag-usab ug pagtuman sa potensyal nga nakita sa Ginoo diha nimo o kanila?

Palandunga ang pangutana ni Saulo, “Ginoo, unsay imong gusto nga akong buhaton?” Ang (Mga Buhat 9:6), magamit sa imong kinabuhi.

Imahe

Presidente Ezra Taft Benson

Si Presidente Ezra Taft Benson mitudlo: “Ang usa ka [tawo] makapangutana og walay laing importante nga pangutana sa [iyang] kinabuhi kaysa nianang gipangutana ni Pablo: ‘… Ginoo, unsay imong gusto nga akong buhaton?’ Ang usa ka [tawo] walay mahimong mas dakong aksyon kay sa pagpadayon sa kawsa nga makahatag [niya] sa tubag niana nga pangutana ug dayon ipatuman kana nga tubag” (“Listen to a Prophet’s Voice,” Ensign, Ene. 1973, 57).

Padayon sa sinserong pag-ampo ug tinguhaa ang tubag niini nga pangutana, ug buhata ang bisan unsang pag-aghat nga imong madawat.

Sa Mga Buhat 9:23–26 atong mabasa nga ang mga Judeo sa Damasco nagkunsabo sa pagpatay ni Saulo, apan ang mga miyembro sa Simbahan mitabang kaniya nga makaeskapo sa siyudad. Mabasa usab nato nga si Saulo miadto sa Jerusalem, diin siya “[misulay] sa pag-ipon sa mga tinun-an: apan silang tanan nangahadlok kaniya, kay wala man sila motuo nga siya tinuod gayud nga tinun-an” (Mga Buhat 9:26).

Ngano sa imong hunahuna nga ang mga miyembro sa Simbahan nagduha-duha sa pagtuo nga si Saulo nahimong tinun-an ni Jesukristo?

Sa Mga Buhat 9:27–31 mabasa nato nga si Bernabe, usa ka miyembro sa Simbahan (tan-awa sa Mga Buhat 4:36–37), midala ni Saulo ngadto sa mga Apostoles ug misulti kanila sa panan-awon ni Saulo ug sa iyang maisugong pagsangyaw didto sa Damasco. Dayon ang mga miyembro sa Simbahan midawat ni Saulo sa ilang pakigdait. Sa dihang ang Gresyanhon nga mga Judeo sa Jerusalem nagtinguha sa pagpatay ni Saulo, ang mga lider sa Simbahan mipadala kaniya ngadto sa Tarso. Sa Mga Buhat 9:31 nahibaloan usab nato nga ang Simbahan nakasinati og kalinaw ug pagtubo didto sa Judea, Galilea, ug Samaria.

Paghunahuna og usa ka tawo nga gusto nimong tabangan nga mobalik ngadto sa Ginoo ug motuo Kaniya. Samtang magtuon ka sa nahibilin sa Mga Buhat 9, pangita og usa ka paagi nga makatabang ka niini nga tawo ug sa uban nga mobalik ngadto sa Ginoo.

Mga Buhat 9:32–35 ug Mga Buhat 9:36–42 naghulagway sa mga milagro nga gihimo ni Pedro didto sa Lida ug sa Jope. Samtang magbasa ka niini nga mga bersikulo, pangitaa ang mga milagro nga gihimo ni Pedro ug sa unsa nga paagi mitubag ang mga tawo. Ang mosunod nga mga pagpasabut mahimong makatabang: Hubad ni Joseph Smith, Mga Buhat 9:32 mabasa nga “samtang si Pedro milabay sa tanan niining mga rehiyon” (italics gidugang). Pagpanglimos (Mga Buhat 9:36) mao ang praktis sa paghatag og mga halad ngadto sa kabus. Ang pulong nga hapit sa bersikulo 38 nagpasabut nga duol, ug ang pulong nga nanagpakita sa bersikulo 39 nagpasabut nga gipakita.

Sa unsa nga paagi nga ang mga tawo sa Lida ug ang mga tawo sa Jope mitubag sa pagpangalagad ni Pedro? Usa ka baruganan nga atong makat-unan gikan sa ehemplo ni Pedro mao nga pinaagi sa pagpangalagad sa uban, makatabang kita sa mga tawo nga mobalik ngadto sa Ginoo ug motuo Kaniya.

Ang paghatag og panalangin sa priesthood mao ang usa ka paagi sa pagpangalagad ngadto sa uban. Ang ehemplo ni Tabita (o Dorcas) sa Mga Buhat 9:36, 39 naghulagway sa laing paagi nga kita makapangalagad ngadto sa uban. Ang “daghang mga maayong binuhatan” (Mga Buhat 9:36) ug ang pagserbisyo sa uban makatabang sa uban nga mobalik ngadto sa Ginoo.

4. Tubaga ang mosunod nga mga pangutana diha sa imong scripture study journal:

   1. Kanus-a nga ang maayong binuhatan sa usa ka tawo nakatabang nimo o sa uban nga mobalik ngadto sa Ginoo ug motuo diha Kaniya?

   2. Unsa ang pipila ka mga pamaagi nga makapangalagad ka sa uban? (Klaroha, ug pagrekord og duha o tulo ka mga ideya.)

5. Isulat ang mosunod sa ubos sa imong mga assignment karong adlawa diha sa imong scripture study journal:

   Akong natun-an ang Mga Buhat 9 ug nahuman kini nga leksyon sa (petsa).

   Dugang nga mga pangutana, mga hunahuna, ug mga pagsabut nga gusto nakong ipakigbahin sa akong magtutudlo: