Sulod sa katapusang semana sa mortal nga pangalagad sa Manluluwas, Iyang gipanghimaraut ang pagkamaut sa mga escriba ug sa mga Pariseo ug nagsubo nga ang mga tawo sa Israel dili modawat sa Iyang gugma ug panalipod.
Ang Manluluwas nanghimaraut sa pagkamaut sa mga escriba ug mga Pariseo
Hunahunaa kon sa unsang paagi nga ang imong pundok sa mga kasulatan makumparar ngadto sa pundok sa mga kasulatan nga ang imong miyembro sa pamilya, miyembro sa ward, ug mga higala aduna. Kinsa ang may kinadaghanang pundok? Kinsa ang may labing daghan nga mga pagmarka ug mubo nga mga sulat diha sa mga kasulatan? Kinsa ang may labing nindot nga pundok?
Unsaon nimo sa pagtubag kon usa ka tawo moangkon nga ang tawo nga may labing daghan nga pundok sa mga kasulatan, may labing daghan nga mga pagmarka ug mubo nga mga sulat, o ang labing nindot nga pundok sa kasulatan mao ang labing matarung?
Nganong kini dili epektibo nga paagi sa pagpiho sa pagkamatarung?
Kon ang katarung gipiho pinaagi sa makita nga mga panagway, kini mahimong mogiya sa pipila ka mga tawo sa paglihok sa minaut nga paagi. “Ang pulong nga [maut] sa kasagaran nagpasabut og usa ka tawo kinsa nagpakaaron-ingnon nga relihiyoso diay siya dili” (Bible Dictionary sa LDS English version nga Biblia, “Hypocrite”). Kini mahimo usab nga magpasabut ngadto sa usa ka tawo kinsa magpakaaron-ingnon nga dili relihiyoso nga sa tinuoray siya relihiyoso.
Isip kabahin sa katapusang mensahe sa Manluluwas ngadto sa publiko nga gihatag didto sa templo sa Jerusalem sulod sa katapusang semana sa Iyang mortal nga pangalagad, Iyang gipanghimaraut ang pagkamaut sa mga escriba ug sa mga Pariseo.
Samtang ikaw magtuon sa Mateo 23, pangitaa ang mga kamatuoran nga motabang kanimo nga mahibalo kon unsaon sa pagtubag kon makakita ka sa uban nga nagminaut ug unsay imong mahimo sa pagbuntog og minaut sa imong kaugalingon nga kinabuhi.
Basaha ang Mateo 23:1–7, nga mangita sa unsay gisulti sa Manluluwas mahitungod sa mga paagi nga ang mga escriba ug mga Pariseo nagminaut. Ang mga pulong “nanaglingkod sa lingkuranan ni Moises” (bersikulo 2) nagpasabut nga ang mga escriba ug ang mga Pariseo naghupot og posisyon nga may awtoridad sa pagtudlo sa doktrina ug paghubad ug pagdumala sa balaod. Ang mga escriba mga abogado kinsa nagtuon sa kasugoan ni Moises, ug ang mga Pariseo mao ang mga magtutudlo sa relihiyon.
Imahe
mga lalaki nagsul-ob og pilakteria
Sumala sa oral nga tradisyon, ang mga Judeo nagsul-ob og mga pilakteria, nga gitawag usab og tefillin, nga gagmay nga mga kahon nga gibugkos diha sa agtang ug sa wala nga bukton aron sa pagpakita nga ang ilang mga salabutan ug mga kasingkasing kanunay nga gihalad ngadto sa balaod sa Dios. Sa sulod sa mga pilakteria may mga linukot nga papel nga adunay mga bahin sa teksto sa Daang Tugon. Ang mga Judeo nagsul-ob og mga pilakteria aron sa pagtabang kanila sa paghinumdom sa pagsunod sa mga sugo sa Dios. (tan-awa sa Exodo 13:5–10, 14–16; Deuteronomio 6:4–9; 11:13–21). Ang Ginoo wala manghimaraut niadtong kinsa nagsul-ob og mga pilakteria, apan Iyang gipanghimaraut kadtong kinsa nagminaut sa paggamit niini o nagpadako niini aron ang uban makaalinggat nga sila nagsul-ob niini.
Mahimo nimong markahan ang mga pulong diha sa Mateo 23:5 nga nagpasabut nganong ang mg escriba ug mga Pariseo mipalapad sa ilang mga pilakteria ug sa “mga borlas sa ilang mga kupo.”
Ingon nga narekord diha sa Mateo 23:3, unsa nga tambag ang gihatag sa Ginoo sa Iyang mga Apostoles kalabut sa pagkamaut?
Pinasikad niini nga tambag, atong nakat-unan ang mosunod nga kamatuoran: Makapili kita sa pagsunod sa mga balaod sa Dios bisan kon atong makita nga ang uban nagminaut sa paglihok.
Tubaga ang mosunod nga pangutana diha sa imong scripture study journal: Nganong importante alang kanato nga mopili sa pagsunod sa mga balaod sa Dios bisan kon atong makita nga ang uban nagminaut sa paglihok?
Basaha ang Mateo 23:8–10, nga mangita sa unsay gitambag sa Manluluwas sa mga tawo nga dili buhaton.
Ang Manluluwas migamit sa mga pulong “kamong tanan mga magsoon” (bersikulo 8) sa pagtudlo sa mga tawo sa dili pagtan-aw sa ilang mga kaugalingon nga mas maayo kay sa uban tungod kay sila tanan mga anak sa Dios, managsama diha sa Iyang pagtan-aw.
Ang mga escriba ug ang mga Pariseo nagtuo nga ang posisyon ug kahimtang mohimo nila og bantugan. Basaha ang Mateo 23:11–12, nga mangita sa alang kang kinsa ang Manunubos misulti nga Iyang ikonsiderar nga halangdon didto sa gingharian sa Dios. Mahimo nimong markahan unsay imong nakit-an diha sa bersikulo 11.
Ingon nga narekord dinhi niini nga mga bersikulo, gitudloan sa Manluluwas ang mga tawo sa mosunod nga baruganan: Kon kita maninguha sa pagpataas sa atong mga kaugalingon labaw sa uban, kita ipaubos. Ang ipaubos nagpasabut nga ipaminos o pakaulawan o mahimong dili kaayo tahuron.
Gitudloan usab ni Jesus ang mga tawo nga kon kita magpaubos ug moserbisyo sa uban, ang Ginoo mopahitaas kanato. Ang pulong “igapahitaas” (Mateo 23:12) nagpasabut nga ang Ginoo mobayaw kanato, motabang kanato nga mas mahisama Kaniya, ug mohatag kanato og kahimayaan didto sa celestial nga gingharian.
Tubaga ang mosunod nga mga pangutana diha sa imong scripture study journal:
Nganong gikinahanglan nga kita moserbisyo sa uban aron ang Ginoo mobayaw kanato ug motabang kanato nga mas mahisama Kaniya?
Sa unsang paagi nga ang pagpaubos nagtabang kanato sa pagbuntog sa pagkamaut?
Pamalandungi ang maayong mga butang nga imong gibuhat sa eskwelahan, panimalay, ug simbahan. Ikonsiderar kon asa nimo ibutang ang imong kaugalingon sa mosunod nga continuum [han-ay sa nagkalainlaing sitwasyon] pinasikad sa imong mga tumong sa pagbuhat og maayong mga buhat ug sa imong mga paninguha nga magpaubos:
Imahe
continuum, mga rason sa pagserbisyo
Paghimo og tumong sa pagserbisyo sa uban kada adlaw, ug hinumdumi nga kitang tanan mga anak sa Langitnong Amahan.
Nagpadayag si Jesukristo og kaalautan diha sa mga escriba ug mga Pariseo
Imahe
3 ka styrofoam nga tasa
Hunahunaa nga may 3 ka tasa nga imong kapilian nga kaimnan. Ang unang tasa hugaw ang gawas, ang ikaduha hugaw ang sulod, ug ang ikatulo limpyo. Nganong mopili ka sa pag-inom gikan sa tasa nga kompleto kalimpyo ug dili lamang limpyo ang usa ka bahin? Samtang imong tun-an ang Mateo 23:13–36, ikonsiderar kon unsaon nimo pagkumparar niining tulo ka tasa ngadto sa unsay gisulti ni Jesus.
Diha sa Mateo 23:13–36 atong nakat-unan nga ang Manluluwas misalikway sa mga escriba ug sa mga Pariseo tungod sa pagkamaut. Susiha kini nga mga bersikulo, nga mangita kapila gamita sa Manluluwas ang pulong nga alaut samtang siya nakigsulti sa mga escribo ug sa mga Pariseo. Ikonsiderar ang pagmarka sa kada higayon sa pulong alaut dinhi niini nga mga bersikulo. Ang alaut nagpasabut og kamakalolooy, kabalisa, ug kaguol.
Basaha ang mosunod nga mga pakisayran sa kasulatan, ug dayon tubaga ang duha ka mga pangutana diha sa imong scripture study journal:
Sa unsang paagi nga ang mga escriba ug ang mga Pariseo nagpakamaut?
Unsay mga ehemplo niini nga matang sa pagkamaut nga atong makita sa atong panahon karon?
Basaha ang Mateo 23:26, nga mangita sa unsay gisulti sa Manluluwas nga buhaton sa mga Pariseo aron sa pagbuntog sa ilang pagkamaut. Ikonsiderar ang pagmarka sa unsay imong nakit-an.
Gikan niini nga bersikulo atong nakat-unan nga samtang kita naninguha nga malimpyo sa espiritahong paagi sa sulod, kini makita diha sa atong mga binuhatan.
Tubaga ang mosunod nga mga pangutana diha sa imong scripture study journal:
Unsa ang kinahanglan gayud natong buhaton aron malimpyo sa sulod?
Sa unsa kaha nga paagi nga ang atong mga paninguha nga malimpyo sa espirituhanong paagi sa sulod motabang kanato sa pagbuntog sa pagkamaut?
Naghunahuna sa tulo ka tasa diha sa sinugdanan niini nga seksyon sa leksyon, ikonsiderar kon hain nga tasa ang labing maayo nga nagrepresentar sa imo karong espirituhanong kondisyon. Paghimo og tumong nga motabang kanimo nga mahimong kompleto kalimpyo sa espirituhanong paagi.
Ang Hubad ni Joseph Smith nagdugang sa atong pagsabut sa Mateo 23:23–35 pinaagi sa pagdugang sa mosunod nga mga pagpasabut:
Ang mga escriba ug ang mga Pariseo nagpakaaron-ingnon nga sila “dili mohimo sa labing gamay nga sala,” apan sa tinud-anay sila nakasala sa paglapas sa “tibuok kasugoan” (Hubad ni Joseph Smith, Mateo 23:21 ).
Ang mga escriba ug ang mga Pariseo “[mihatag] og pagpamatuod batok sa [ilang] mga amahan, nga [sila, mismo, mga] tig-ambit sa samang pagkadautan” (Hubad ni Joseph Smith, Mateo 23:34).
Samtang ang ilang mga amahan nakasala tungod sa pagkawalay alamag, ang mga escriba ug ang mga Pariseo tuyo nga nagpakasala ug kinahanglan nga manubag alang sa ilang mga kalapasan (tan-awa sa Hubad ni Joseph Smith, Mateo 23:35).
Diha sa Mateo 23:29–33 atong nakat-unan nga gipanghimaraut ni Jesus ang espiritwal nga mga lider sa mga Judeo tungod sa pagdawat sa kanhi nga mga propeta apan misalikway sa buhing mga propeta. Sama lamang sa panahon ni Jesus, kita usab kinahanglan gayud nga magmatngon nga dili mopasidungog sa kanhi nga mga propeta samtang nagsalikway sa buhing mga propeta sa atong panahon.
Ang Manluluwas nagsubo nga ang mga tawo sa Jerusalem dili moduol Kaniya
Unsaon sa himungaan sa pagpanalipod sa iyang mga piso?
Imahe
himongaan ug mga piso sulod sa salag
Kon ang kakuyaw mohulga, ang mga himongaan mopundok sa ilang mga piso sa ilawom sa ilang mga pako aron sa pagpanalipod kanila. Ang usa ka himongaan mosakripisyo sa iyang kinabuhi sa pagpanalipod kanila.
Basaha ang Mateo 23:37–39, nga mangita kon giunsa pagsulti sa Manluluwas nga Siya sama sa himongaan.
Giunsa pagtubag sa mga tawo sa Jerusalem ang paningkamot ni Jesus sa pagpundok kanila?
Ikonsiderar ang pagmarka sa mga pulong “mabiniyaan ug magmingaw ang inyong balay” (bersikulo 38). Niining kinatibuk-ang kahulugan, ang magmingaw nagpasabut nga walay tawo o gibiyaan. Tungod kay ang mga tawo dili gusto nga pundukon sa Manluluwas, gibiyaan sila nga walay panalipod. Sa lain nga mga pagpasabut, kini nga mga pulong mahimong nagpasabut ngadto sa espiritwal nga kondisyon sa mga tawo sa panahon ni Jesus ingon man sa umaabut nga kalumpagan sa Jerusalem. Kini mahimo usab nga nagpasabut ngadto sa templo ug ang pagkawala sa mga panalangin sa templo.
Pinasikad sa unsay gitudlo ni Jesus mahitungod sa himongaan ug sa iyang mga piso, unsay atong madawat kon kita andam nga magpapunduk sa Manluluwas? Tubaga kini nga pangutana pinaagi sa pagkompleto sa mosunod nga pahayag: Kon kita andam nga pundukon sa Manluluwas, niana .
Sa mosunod nga pamahayag ni Presidente Henry B. Eyring sa Unang Kapangulohan, markahi ang panudlo nga nagpaila sa usa ka paagi nga kita makapakita sa Manluluwas nga andam kita nga pundukon Niya:
Imahe
Presidente Henry B. Eyring
“Makadaghan siya nga misulti nga Siya mopundok kanato ngadto Kaniya ingon sa usa ka himongaan nga mopundok sa iyang mga piso ilawom sa iyang mga pako. Siya nag-ingon nga kita kinahanglan gayud nga mopili sa pagduol ngadto Kaniya diha sa kaaghup ug may igong hugot nga pagtuo diha Kaniya sa paghinulsol ‘uban ang hingpit nga katuyoan sa kasingkasing’ [3 Nephi 10:6].
“Usa ka paagi sa pagbuhat niana mao ang pakigpundok uban sa mga Santos sa Iyang Simbahan. Tambong sa imong mga miting, bisan kon kini ingon og malisud. Kon ikaw determinado, motabang Siya kanimo sa pagpangita og kalig-on sa pagbuhat niini” (“In the Strength of the Lord,”Ensign o Liahona, Mayo 2004, 18).
Paghukom unsay imong pagabuhaton nga mapundok ngadto sa Manluluwas aron ikaw makapadayon sa pagdawat sa Iyang pag-amuma ug panalipod.
Isulat ang mosunod diha ubos sa mga assignment karong adlawa sa imong scripture study journal:
Akong natun-an ang Mateo 23 ug nakompleto kini nga leksyon sa (petsa).
Dugang nga mga pangutana, mga hunahuna, ug mga panabut nga akong gusto nga ipakigbahin sa akong magtutudlo: