Mga Buhat 18–19

Gisalikway si Pablo sa daghang mga Judeo sa Corinto apan nagmalampuson sa mga Hentil. Didto sa Efeso, silang Aquila ug Priscila, usa ka matarung nga magtiayon, mitudlo ni Apolos, usa ka Judeo gikan sa Alejandria, ug mitabang kaniya nga makasabut sa paagi sa Dios. Si Pablo misangyaw pinaagi sa Espiritu Santo, mipahigayon og mga milagro, ug milikay sa masupilon nga mga tawo sa sinehan sa Efeso.

1. Tubaga ang mosunod nga mga pangutana diha sa imong scripture study journal:

   1. Unsa ang pipila ka mga paagi nga ikaw miapil sa buhat sa Ginoo?

   2. Unsa nga mga hagit ang imong nasinati samtang ikaw naningkamot sa pagbuhat sa buhat sa Ginoo?

Samtang magtuon ka sa Mga Buhat 18, pangitaa ang baruganan nga makatabang nimo samtang maningkamot ka sa paghimo sa buhat sa Ginoo.

Sa Mga Buhat 18:1–5 atong makat-unan nga si Pablo mibiya sa Atenas ug mipanaw ngadto sa Corinto, diin nagtudlo siya sa sinagoga. Basaha ang Mga Buhat 18:6, nga mangita sa mga hagit nga nasinati ni Pablo samtang siya nagtudlo sa mga Judeo didto sa Corinto mahitungod ni Jesukristo.

Unsay giplano ni Pablo nga buhaton tungod sa pagsalikway sa mga Judeo sa iyang mensahe?

Basaha ang Mga Buhat 18:7–10, nga mangita unsay nahitabo nga nakapadasig ni Pablo. Ikonsiderar ang pagmarka sa bersikulo 10 unsay gisaad sa Ginoo ni Pablo kon siya magpadayon sa pagsangyaw sa ebanghelyo didto sa Corinto.

Atong makat-unan gikan niini nga mga bersikulo nga kon kita magpuyo nga takus, ang Ginoo magauban kanato samtang buhaton nato ang Iyang buhat. Ikonsiderar ang pagsulat niini nga baruganan diha sa daplin sa imong mga kasulatan duol sa Mga Buhat 18:9–10.

Imahe

Presidente Thomas S. Monson

Si Presidente Thomas S. Monson mihatag sa mosunod nga pag-awhag: “Karon, tingali pipila kaninyo may kinaiya nga maulawon o naghunahuna sa inyong mga kaugalingon nga dili sarang sa pagdawat sa usa ka calling. Hinumdumi nga kini nga trabaho dili lamang inyo ug ako. Trabaho kini sa Ginoo, ug kon kita anaa sa buluhaton sa Ginoo, may katungod kita sa panabang sa Ginoo.” Hinumdumi nga ang Ginoo mohulma sa bukobuko aron maplastar ang palas-anon nga ibutang niini” (“Sa Pagkat-on, sa Pagbuhat, sa Pagkahimo,” Ensign o Liahona, Nob. 2008, 62).

2. Tubaga ang mosunod nga mga pangutana diha sa imong scripture study journal:

   1. Nganong importnte nga masayud nga ang Ginoo magauban kanimo kon imong buhaton ang Iyang kabubut-on?

   2. Kanus-a nagauban ang Ginoo kanimo samtang nagbuhat ka sa Iyang trabaho? Giunsa nimo pagkahibalo nga Siya nagauban kanimo?

Mga Buhat 18:11–17 nagrekord nga si Pablo nagpadayon sa pagsangyaw didto sa Corinto sulod sa usa ka tuig ug tunga. Samtang didto siya sa Corinto, pipila ka mga Judeo misulay sa pagtaral kaniya sa unsay iyang gitudlo, apan ang legal deputy nagdumili sa kaso, sa ingon natuman ang saad sa Ginoo ngadto ni Pablo.

Sa Mga Buhat 18:18–23 atong makat-unan nga ang bana ug asawa, silang Aquila ug Priscila, mikuyog ni Pablo ngadto sa Efeso. Mibiya sa magtiayon sa Efeso, si Pablo mipanaw ngadto sa Jerusalem ug amihanan sa Antiquioa, diin siya mitapos sa iyang ikaduhang misyonaryo nga panaw. Kini nga misyonaryo nga panaw milungtad og tulo ka tuig. Atol niining panahona si Pablo nakapanaw og mga 3,000 ka milya.

Sa wala madugay, mibiya si Pablo sa Antioquia ug nagsugod sa iyang ikatulo nga misyonaryo nga panaw (tan-awa sa Mga Mapa sa Biblia, nu. 13, “Ang Misyonaryo nga mga Panaw ni Apostol Pablo”). Niini nga panaw iyang gibiyahe ang mga dapit diin naestablisar niya ang mga branch sa Simbahan, naglig-on sa mga tinun-an.

Basaha ang Mga Buhat 18:24–25, nga mangita unsay nahitabo didto sa Efeso human mobiya si Pablo.

Unsa na may nasabtan ni Apolos mahitungod “sa mga butang sa Ginoo” (bersikulo 25)?

Pinaagi lang “sa bautismo nga iyang nasinati mao ra ang kang Juan” (bersikulo 25), kulang si Apolos og kompleto nga pagsabut ni Jesukristo ug sa Iyang misyon. Basaha ang Mga Buhat 18:26, nga mangita unsay gibuhat nilang Aquila ug Priscila sa dihang nakadungog sila sa pagtulun-an ni Apolos.

Ang pulong “kaniya ang tinuohan sa Dios ilang gisaysay sa labi pang sibo gayud” (bersikulo 26) nagpasabut nga silang Aquila ug Priscila mitudlo og dugang ni Apolos mahitungod ni Jesukristo ug sa Iyang ebanghelyo, nga nakadugang sa kahibalo ug pagsabut ni Apolos.

Basaha ang Mga Buhat 18:27–28, nga mangita sa ebidensya nga silang Aquila ug Priscila mitabang ni Apolos nga makasabut sa paagi sa Dios sa mas hingpit.

Sa pagsugod ni Pablo sa iyang ikatulong misyonaryo nga panaw, mibiyahe siya sa tibuok dapit sa Galacia ug Frigia (tan-awa sa Mga Buhat 18:23), ug dayon mibalik siya ngadto sa Efeso. Basaha ang Mga Buhat 19:2–6, nga mangita kon sa unsa nga paagi mitabang si Pablo sa mga tawo sa Efeso aron makasabut sa paagi sa Dios nga mas hingpit.

Imahe

Greek ruins

Unsa nga doktrina ang gitabang ni Pablo nga mas masabtan sa mga tinun-an didto sa Efeso?

Samtang imong basahon ang mosunod nga pamahayag nga gimantala ubos sa direksyon ni Propeta Joseph Smith, pangitaaa ngano nga kining mga tawo sa Efeso kinahanglan nga bunyagan pag-usab: “Ingon og … nga pipila ka sektaryan nga Judeo nagsige og bunyag sama ni Juan [ang Bautista], apan nakalimot sa pagpahibalo kanila nga dunay usa lang nga sundon sa ngalan ni Jesukristo, sa pagbunyag uban sa kalayo ug sa Espiritu Santo:—nga nagpakita niini nga mga kinabig nga ang ilang unang bunyag dili legal, ug sa dihang nakadungog sila niini malipayon silang nabunyagan, ug pagkahuman ilang gipandong ilang mga kamot diha kanila, ilang nadawat ang mga gasa, sumala sa saad” (“Baptism,” Times and Seasons, Sept. 1, 1842, 904).

Gikan niini nga kasinatian atong makat-unan nga aron mahimong balido, ang bunyag kinahanglan ipahigayon sa gitugutan nga sulugoon sa Dios, ug aron nga bunyag kompleto, kinahanglang ubanan kini sa pagdawat sa Espiritu Santo.

Imahe

Prophet Joseph Smith

Si Propeta Joseph Smith mitudlo nga ang bunyag kinahanglang ubanan “sa gasa sa Espiritu Santo pinaagi sa pagpandong sa mga kamot”: “Mahimo kamong mobunyag og usa ka bag sa balas sama sa usa ka tawo, kon kini wala himoa alang sa kapasayloan sa mga sala ug pag-angkon sa Espiritu Santo. Ang bunyag pinaagi sa tubig katunga lamang sa bunyag, ug walay bili kon wala ang laing katunga—kana mao, ang bunyag sa Espiritu Santo.” (Mga Pagtulun-an sa mga Presidente sa Simbahan: Joseph Smith [2007], 112).

Sa Mga Buhat 19:7–10 atong makat-unan nga si Pablo nagpadayon sa pagsangyaw didto sa Efeso labaw sa duha ka tuig. Basaha ang Mga Buhat 19:11–12, nga mangita unsa nga mga milagro ang gipahimo sa Dios pinaagi ni Pablo.

Usa ka doktrina nga atong makat-unan gikan niini nga asoy mao nga usa ka paagi nga ang Dios mopakita sa Iyang gahum mao ang pinaagi sa Iyang gitugutan nga mga sulugoon.

Basaha ang Mga Buhat 19:13–16, nga mangita unsay nahitabo kon ang pipila mosulay sa pagpahawa sa mga dautan, sama sa gihimo ni Pablo.

Tungod kay ang mga anak nga lalaki ni Sceva walay awtoridad sa priesthood sa pagpangalagad pinaagi sa pangalan ni Jesukristo, ang dautang espiritu wala moila sa ilang awtoridad, bisan og sila nangangkon nga nagrepresentar sa Manluluwas.

Basaha ang Mga Buhat 19:17–20, nga mangita unsay gibuhat sa daghang mga indibidwal human makahibalo niini nga hitabo. Ang pulong nga “pagpanglamat” sa bersikuilo 19 magpasabut sa salamangka ug ubang dautan nga mga praktis.

Sa unsa nga paagi kini ng mga tawo nagpakita sa ilang hugot nga pagtuo ni Jesukristo?

Atong makat-unan ang mosunod nga baruganan gikan niini nga mga bersikulo: Pinaagi sa pagkumpisal ug pagsalikway sa dautang mga praktis, gipakita nato ang atong hugot nga pagtuo ni Jesukirsto.

3. Tubaga ang mosunod nga mga pangutana diha sa imong scripture study journal: Unsa ang pipila ka mga sakripisyo nga gikinahanglan nga buhaton sa pipila sa pagsalikway sa sala nga iyang gikumpisal?

Pamalandong kon duna bay bisan unsa nga mga sala nga gusto sa Ginoo nga imong ikumpisal ug isalikway. Pilia ang paghimo sa bisan unsa nga mga aghat nga imong bation samtang ikaw magtuon niini nga leksyon.

Sa Mga Buhat 19:21–41 atong makat-unan nga ang pipila sa mga negosyante sa Efeso gisuportahan pinaagi sa pagsimba sa diosa nga si Diana. Tungod kay si Pablo nagsangyaw batok sa pagsimba sa mini nga mga dios, ang mga mananalsal kinsa naghimo og mga idolo ni Diana miaghat sa mga tawo batok ni Pablo. Ang mga tawo midala sa duha ka mga kompanyon ni Pablo ug nagpundok sa sinehan sa siyudad, nga dunay kapasidad nga 24,000 ka mga tawo. Si Pablo nagtinguha sa pagpakigsulti sa mga tawo, apan gipugngan siya sa pipila ka mga tinun-an ug mga lider sa gobyerno sa dili pagsulod sa sinehan. Ang klerk sa lungsod mipakalma ug mibungkag sa mga tawo. Si Pablo ug ang iyang mga kompanyon nga napanalipdan usa ka ehemplo kon sa unsa nga paagi magpadayon ang buhat sa Dios bisan pa sa dautang mga protesta ug mga pagpanggukod.

4. Isulat ang mosunod sa ubos sa imong mga assignment karong adlawa diha sa imong scripture study journal:

   Akong natun-an ang Mga Buhat 18–19 ug nahuman kini nga leksyon sa (petsa).

   Dugang nga mga pangutana, mga hunahuna, ug mga pagsabut nga gusto nakong ipakigbahin sa akong magtutudlo: