Lucas 13–15

Gitudlo ni Jesus ang mahitungod sa paghinulsol ug ang gingharian sa Dios, ug nang-ayo Siya sa adlaw nga Igpapahulay. Migamit usab Siya og mga sambingay sa pagtudlo mahitungod sa pagpaubos ug ang gikinahanglan sa pagkatinun-an. Ang mga Pariseo ug mga escriba nagmulo mahitungod sa pagkig-uban sa Manluluwas sa mga maniningil og buhis ug sa mga makasasala. Ang Manluluwas mitubag pinaagi sa paghatag sa mga sambingay sa karnero nga nawala, sa drakma nga nawala, ug sa anak nga nawala.

Paghunahuna nga ikaw naniudto uban sa mga higala, ug sila nakabantay og usa ka estudyante nga nag-inusara nga dili maayo ang panamit. Usa ka tawo sa inyong grupo mikomentaryo og binastos mahitungod sa hitsura sa estudyante, ug daghan sa imong mga higala ang nangatawa.

Unsa ang pipila ka mga paagi ikaw makahimo sa pag-react niini nga kahimtang?

Samtang ikaw magtuon sa Lucas 13–14, pangita sa unsay gitudlo sa Manluluwas mahitungod sa pakig-istorya uban sa mga tawo kinsa mas kabus kay kanato.

Imahe

kahoy nga igira [fig tree]

© Jose Ramiro Laguna/Shutterstock.com

Sa Lucas 13 atong mabasa nga ang Manluluwas misaysay og usa ka sambingay mahitungod sa usa ka kahoy nga igira nga pagaputlon kon kini mapakyas sa pagpamunga. Kini nga sambingay gipatumong ngadto sa mga Judeo kinsa angay unta nga mohatag og maayong bunga, ug kini nagtudlo nga kita mahanaw kon dili kita maghinulsol. Giayo ni Jesus ang usa ka babaye sa Igpapahulay. Gipahisama Niya ang gingharian sa Dios ngadto sa usa ka liso sa mustasa nga mitubo ngadto sa dako kaayong kahoy, ug Siya mitudlo mahitungod niadtong kinsa mosulod sa Iyang gingharian. Nagbangutan usab Siya sa nagsingabut nga kalaglagan sa Jerusalem.

Sa Lucas 14:1–6 atong mabasa nga ang Manluluwas gidapit sa pagpangaon sa balay sa usa sa mga punoan nga Pariseo sa Igpapahulay. Sa wala pa ang pagpangaon, ang Manluluwas miayo sa usa ka tawo kinsa nag-antus og pagpanghupong—usa ka sakit nga ang lawas sa usa ka tawo mihupong tungod sa tubig.

Basaha ang Lucas 13:15–16 ug Lucas 14:5–6, nga mangita sa mga tubag sa Manluluwas ngadto sa mga Pariseo kinsa mipasangil Kaniya sa paglapas sa Igpapahulay pinaagi sa pag-ayo sa babaye ug sa lalaki.

Unsay atong makat-unan gikan sa ehemplo sa Manluluwas mahitungod sa pagtahud sa adlaw nga Igpapahulay ug paghimo niini nga balaan? Usa ka leksyon mao nga si Jesus mipakita og matarung nga kinaiya sa adlaw nga Igpapahulay pinaagi sa pagpangalagad ngadto sa mga panginahanglan sa katawhan. Sukwahi kini ngadto sa uban nga mga Pariseo kinsa nangatarungan sa pagtabang sa mga hayop apan dili sa mga tawo sa adlaw nga Igpapahulay. Ikonsiderar ang imong mga lihok sa adlaw nga Igpapahulay. Unsa ang imong mabuhat sa adlaw nga Igpapahulay nga mas mahisama ni Jesus?

Ang Lucas 14:7–10 naglangkob og usa ka sambingay nga gigamit sa Manluluwas sa pagtudlo sa kamatuoran sa ebanghelyo mahitungod sa relasyon tali sa pagpaubos ug sa kahimayaan. Ang “halangdong mga lingkuranan” (Lucas 14:6) mao ang mga dapit nga halangdon. Si Jesus nakabantay sa pipila niadtong mga gidapit sa kumbira nga mopili sa mga dapit nga halangdon alang sa ilang mga kaugalingon pinaagi sa paglingkod duol sa tig-abi-abi nga tagbalay.

Basaha ang Lucas 14:11, nga mangita sa unsay gitudlo sa Manluluwas mahitungod sa pagpaubos. Ang pulong ipahiubos nagpasabut nga ipahimutang sa ubos nga pagkabutang.

Basaha ang Lucas 14:12–14, nga mangita sa unsay gitudlo sa Manluluwas sa Pariseo nga midapit Kaniya sa pagpangaon. Ngano kaha nga ang mga tawo, sama niini nga Pariseo, nagdapit sa ilang mga higala ug adunahan o importante nga mga silingan sa panihapon?

Sa panahon sa Manluluwas, kadtong mga baldado (naangol), piang, o buta kanunay nga nanlimbasog sa pagsangkap alang sa ilang mga kaugalingon ug mga kabus agig sangputanan sa ilang mga kakulangan. Ang uban sa mga Pariseo ubos ang pagtan-aw ngadto niini nga mga tawo. Unsay pipila ka mga rason nganong ang mga tawo karon ubos ang pagtan-aw ngadto sa uban?

Ang mosunod maoy usa ka baruganan nga atong makat-unan gikan niini nga mga bersikulo: Kon kita maningkamot sa pagtabang og tawo kinsa makalolooy kay kanato, ang Ginoo moganti kanato.

Agig dugang sa pagganti kanato atol sa Pagkabanhaw, ang Ginoo mopanalangin usab kanato niini nga kinabuhi kon maningkamot kita sa pagtabang sa mga tawo kinsa makalolooy kay kanato (tan-awa sa Mateo 6:4).

1. Kompletoha ang usa o duha sa mosunod nga mga kalihokan diha sa imong scripture study journal:

   1. Pagsulat mahitungod sa usa ka panahon sa dihang ikaw o ang usa ka tawo nga imong kaila napanalanginan pinaagi sa pagpaningkamot sa pagtabang sa usa ka tawo kinsa makalolooy. (Ang “Makalolooy” mahimong nagpasabut ngadto sa mga sitwasyon gawas sa kakulang sa materyal nga mga butang; pananglitan, kini mahimong nagpasabut sa usa ka tawo kinsa nag-inusara o kinsa tingali walay mga higala.)

   2. Pamalandong og mga paagi diin ikaw makatabang niadtong makalolooy kay kanimo, ug pagsulat og usa ka tumong sa pag-alagad kanila.

Unsa ang ubang mga butang nga malagmit kita hangyoon sa pagsakripisyo o sa pagbiya isip mga tinun-an ni Jesukristo?

Unsa ang uban nga mga pasangil nga mahimong matintal ang usa ka tawo sa paggamit aron makalikay sa paghimo niini nga mga sakripisyo?

Human ang Manluluwas mitambag sa mga Pariseo sa pagdapit sa mga makalolooy sa pagpangaon, usa ka tawo diha sa lawak miingon ngadto Kaniya, “Bulahan ang magakaon didto sa gingharian sa Dios” (Lucas 14:15). Agig tubag ngadto niining pamahayag, ang Manluluwas mihatag sa sambingay sa dakong panihapon.

Basaha ang Lucas 14:16–24, nga mangita sa imbitasyon nga nadawat sa mga tawo diha sa sambingay, ingon man ang mga pamalibad nga gihimo niadtong misalikway sa imbitasyon.

Si Jesus namulong ngadto sa mga Judeo kinsa nanaglihok sama niadtong mga tawo diha sa sambingay kinsa unang gidapit ngadto sa kumbira. Sa unsa nga paagi nga ang ebanghelyo ni Jesukristo sama sa dakong kumbira? Unsa nga mga pamalibad ang gihatag sa mga tawo kinsa wala midawat sa imbitasyon ngadto sa dakong kumbira? Unsay gipadayag niini nga mga pamalibad mahitungod sa mga prayoridad niining mga tawo?

Usa ka barunganan nga atong makat-unan gikan niining sambingay mao nga kon atong ibutang ang ubang prayoridad labaw kay sa Ginoo ug sa Iyang ebanghelyo, mawad-an kita sa mga panalangin nga ato untang madawat.

Tan-awa ang lista sa mga butang nga imong gisulat nga ikaw mahimong hangyoon sa pagsakripisyo o sa pagbiya isip usa ka disipulo ni Jesukristo. Unsa nga mga panalangin nga mahimong mawala kanimo kon ikaw dili andam sa paghimo niini nga mga sakripisyo? Nakahunahuna ka ba nga ikaw nagsakripisyo og usa kabutang apan sa kadugayan nakaamgo nga ang mga panalangin nga imong nadawat mas dako kay sa unsay imong gihunahuna nga gisakripisyo?

Human sa pagtudlo niini nga sambingay, ang Manluluwas namulong ngadto sa usa ka panon sa katawhan mahitungod sa unsay Iyang gikinahanglan sa Iyang mga tinun-an. Basaha ang Lucas 14:25–27, nga mangita sa unsay gipamulong sa Manluluwas sa Iyang mga tinun-an nga kinahanglan gayud nga andam sa pagbuhat.

“Sa kinatibuk-ang kahulugan sa Lucas 14:26, ang Griyego nga pulong nga gihubad isip ‘kasilag’ nagpasabut sa ‘minos nga paghigugma’ o ‘minos nga pagtamud.’ Ang Manluluwas wala mibakwi sa sugo nga ‘tahuron mo ang imong amahan ug ang imong inahan’ (Exodo 20:12); Gitudlo Niya ang mahitungod sa mga prayoridad. Alang sa usa ka disipulo, ang debosyon ngadto sa pamilya kinahanglan gayud nga magsunod human sa debosyon ngadto ni Jesukristo” (New Testament Student Manual [manwal sa Church Educational System, 2014], 165; tan-awa usab sa Mateo 10:37).

Ang pulong krus diha sa Lucas 14:27 nagpasabut ngadto sa Paglansang diha sa Krus ug nagrepresentar sa kaandam sa pagsakripisyo. Ang Hubad ni Joseph Smith nagtabang kanato sa pagsabut nga ang “pagpas-an sa [tawo] krus” (Lucas 14:27) nagpasabut sa “pagdumili [sa kaugalingon] sa tanan nga dili diosnon, ug sa matag kalibutanon nga kahigal, ug paghupot sa mga sugo [Ginoo]” (Hubad ni Joseph Smith , Mateo 16:26 [sa Bible appendix]).

Kini nga mga bersikulo nagtudlo kanato nga ang mga tinun-an ni Jesukristo kinahanglan gayud nga andam sa pagsakripisyo sa tanan nga mga butang sa pagsunod Kaniya. Mahimo nga imong isulat kining kamatuoran diha sa margin sa imong mga kasulatan tupad sa Lucas 14:25-27.

Human magtudlo mahitungod sa unsay andam nga buhaton sa Iyang mga tinun-an, miingon si Jesus, “Wherefore, settle this in your hearts, that ye will do the things which I shall teach, and command you” (Hubad ni Joseph Smith, Lucas 14:28). Ang pulong pahimutang dinhi nagpasabut sa pagsulbad o hugot nga mohukom. Usa ka baruganan nga atong makat-unan gikan niini nga bersikulo mao nga samtang gipahimutang nato ang atong mga kasingkasing sa pagbuhat unsay gitudlo ni Jesukristo ug gisugo kanato, kita mamahimong Iyang mga tinun-an.

Palandonga kon sa unsa nga paagi makakab-ot kita og usa ka bahin sa atong pagkatinun-an diin kita tinud-anay nga nagpahimutang sa atong mga kasingkasing sa pagbuhat unsay gitudlo ni Jesukristo ug gisugo nga atong buhaton.

Human sa pagtudlo niining baruganan mahitungod sa pagkadisipulo, ang Manluluwas mihatag og duha ka mga analohiya. Basaha ang Lucas 14:28–30 ug Lucas 14:31–33, ikonsiderar kon unsay gipakita niining duha ka mga analohiya.

Imahe

watchtower

Ang Manluluwas gusto nga ang Iyang mga sumusunod mahunahunaong mokonsiderar kon andam ba silang magsakripisyo sa bisan unsay gikinahanglan gikan kanila aron sila makapadayon isip Iyang mga tinun-an hangtud sa katapusan (tan-awa usab sa Hubad ni Joseph Smith, Luke 14:31). Ikonsiderar ang pagmarka sa Lucas 14:33, nga naghatag og usa ka yanong minubo sa mga pagtulun-an sa Manluluwas dinhi niini nga kapitulo.

2. Paghunahuna mahitungod kon unsay bili, o gikinahanglan, alang kanimo nga mahimong usa ka tinuod nga disipulo ni Ginoong Jesukristo. Ikonsiderar ang mga panalangin sa pagsunod sa ebanghelyo ug sa ganti sa kinabuhing dayon. Unsa nga mga desisyon ang imong mahimo karon nga makatabang kanimo sa pagbutang sa Ginoo labaw sa tanang uban nga mga prayoridad sa imong kinabuhi? Tubaga kini nga mga pangutana diha sa imong scripture study journal, ug ilakip ang pipila ka mga tumong nga makatabang kanimo nga mahimong usa ka mas maayo nga disipulo ni Jesukristo.

Imahe

magbalantay uban sa karnero

Imahe

babaye nga nakakaplag og drakma

Imahe

tawo nga naggakos sa anak nga lalaki

Paghunahuna og usa ka higayon nga imong nakit-an ang usa ka importanting butang nga nawala kanimo. Unsay imong gibati?

Hunahunaa ang usa ka tawo nga imong nailhan kinsa mahimong espirituhanon nga “nahisalaag.” Kini tingali usa ka tawo kinsa wala pa nakadawat sa gipahiuli nga ebanghelyo ni Jesukristo o sa pagkakaron wala magsunod sumala sa mga pagtulun-an sa ebanghelyo.

Samtang ikaw nagtuon sa Lucas 15, nga mangita alang sa mga kamatuoran kabahin kon unsa ang bation sa Langitnong Amahan mahitungod niadtong kinsa nahisalaag sa espirituhanong paagi ug ang responsibilidad nato ngadto kanila.

Basaha ang Lucas 15:1–2, nga mangita sa unsay mga gipangmulo sa mga Pariseo.

Agig tubag ngadto sa gimulo sa mga Pariseo ug sa mga escriba, ang Manluluwas mihatag og tulo ka mga sambingay: usa mahitungod sa karnero, usa mahitungod sa drakma, ug ang usa mahitungod sa anak nga lalaki. Kini nga mga sambingay nagpasabut sa paghatag og paglaum ngadto sa mga makasasala ingon man aron usab sa pag-panton ug pagkondinar sa kahipokrito ug pagpakaaron-ingnon nga tarung sa mga escriba ug Pariseo. Samtang ikaw magtuon niini nga mga sambingay, hatagi og pagtagad kon ngano ang hilisgutan sa matag sambingay nawala ug giunsa kini sa pagpangita.

Basaha ang matag sambingay, nga mangita sa mga tubag sa mga pangutana diha sa wala nga kulom sa mosunod nga tsart. Isulat ang imong mga tubag sa luna nga gihatag.

Imahe

Ang Anak nga Nawala

Hinumdumi nga ang karnero nawala pinaagi sa naandan nga agianan sa kinabuhi, ang drakma nawala tungod sa pagbaliwala o pagdanghag sa tag-iya niini, ug ang nawala nga anak (pag-usik usik ug pagpatuyang) ang anak nga lalaki nawala gumikan sa iyang kaugalingong kamasinupakon.

Unsa sa imong hunahuna ang atong responsibilidad niadtong nahisalaag, walay bali kon sa unsang paagi sila nahisalaag?

Hinumdumi nga ang mga pulong nga naghulagway sa mga reaksyon sa dihang ang hayop, butang, ug tawo nakaplagan. Hinumdumi nga ang katuyoan niining mga sambingay mao ang pagpanton sa pagpakaaron-ingnon nga tarung sa mga Pariseo ug mga escriba kinsa nagbagulbol mahitungod sa mga publicano ug mga makasasala nga gikaistorya ni Jesus. Sa dihang miingon si Jesus nga adunay mas daghang kalipay sa langit “tungod sa usa ka makasasala nga magahinulsol … kay sa tungod sa kasiyaman ug siyam ka mga tawo nga matarung nga wala magkinahanglan sa paghinulsol” (Lucas 15:7), Siya nagtudlo nga adunay mas daghang kalipay sa langit alang sa mahinulsulon nga nga makasasala kay sa kasiyaman ug siyam ka nagpakaaron-ingnon ngatarung nga mga Pariseo ug mga escriba nga tungod sa ilang garbo naghunahuna nga wala wala sila magkinahanglan sa paghinulsol.

Base sa mga tubag niadtong kinsa nakakaplag sa unsa ang nawala, sa unsa nga paagi imong makompleto ang mosunod nga pamahayag: Kon atong tabangan ang uban nga mobati og tinguha sa paghinulsol, bation nato .

3. Tubaga ang mosunod nga pangutana diha sa imong scripture study journal: Unsa nga mga matang sa butang nga imong mabuhat aron matabangan ang usa ka tawo kinsa nawala sa espirituhanon nga paagi aron makahinulsol o mahiduol ngadto sa Langitnong Amahan?

4. Isulat ang mosunod diha sa ubos sa mga assignment karong adlawa sa imong scripture study journal:

   Akong natun-an ang Lucas 13-15 ug nakompleto kini nga leksyon sa (petsa).

   Dugang nga mga pangutana, mga hunahuna, ug mga panlantaw nga gusto nakong ipakigbahin uban sa akong magtutudlo: