Pagtuon sa mga Kasulatan

Kini nga leksyon makatabang nimo nga makasabut sa kaimportante sa inadlaw nga pagtuon sa mga kasulatan ug pagbasa sa tibuok Bag-ong Tugon isip kabahin niini nga kurso sa pagtuon. Makakat-on usab kamo og mga paagi sa pagpalambo sa imong pagtuon sa mga kasulatan.

Ikonsiderar ang mga pamahayag sa ubos, ug markahi ang imong mga tubag diha sa sukdanan (scale). Dili kamo hangyoon sa pagreport sa imong mga tubag ngadto sa imong magtutudlo.

Imahe

survey sa kasulatan

Samtang ikaw magtuon niini nga leksyon, pamalandungi unsaon nimo sa pagpalambo sa imong pagtuon sa kasulatan.

Basaha ang mosunod nga pamahayag ni Elder David A. Bednar, sa Korum sa Napulog Duha ka mga Apostoles:

Imahe

Elder David A. Bednar

“Ang mga kasulatan naglakip sa mga pulong ni Kristo ug tinubdan sa buhi nga tubig nga atong ma-access ug diin kita makainom og daghan ug dugay. …

“Pinaagi sa normal nga kalihokan kada adlaw ikaw ug ako mawad-an og igong gidaghanon sa tubig nga maoy nagdaghan sa atong pisikal nga lawas. Ang kauhaw maoy pagpangayo sa mga selula sa lawas sa tubig, ug ang tubig sa atong lawas kinahanglang pulihan kada adlaw. Dili gyud kaayo masabtan nga usahay atong paimnon ang ‘atong lawas’ og tubig, pero human sa taas kaayo nga panahon sa kauga. Mao usab kana sa pagkaespirituhanon. Ang espirituhanon nga kauhaw mao ang panginahanglan sa buhi nga tubig. Ang kanunay nga pag-agas sa buhi nga tubig mas maayo kaayo sa panagsa nga pag-inom” (“A Reservoir of Living Water” [Church Educational System fireside, Peb. 4, 2007], 2, 9, speeches.byu.edu).

Kompletuha ang mosunod nga baruganan nga atong makat-unan gikan sa pamahayag ni Elder Bednar mahitungod sa unsay atong madawat sa kada adlaw nga pagtuon sa kasulatan: Sa atong pagtuon sa mga kasulatan, kada adlaw, madawat nato ang atong gikinahanglan.

Imbis mobasa sa mosunod sa mga pamahayag ni Elder D. Todd Christofferson, mahimo nimong tan-awon ang Mormon Message video “The Blessings of Scripture” (3:04), anaa sa LDS.org, nga naglangkob sa istorya ni Elder Christofferson bahin ni William Tyndale ug tambag sa kaimportante sa mga kasulatan.

Elder D. Todd Christofferson sa Korum sa Napulog Duha ka mga Apostoles naghulagway sa sakripisyo nga gihimo sa usa ka tawo aron daghang mga tawo ang makabasa sa Biblia:

Imahe

Elder D. Todd Christofferson

“Niadtong Oktubre 6, sa tuig 1536, usa ka makalolooy nga tawo gidala gikan sa prisohan sa Vilvorde Castle duol sa Brussels, Belgium. Sulod sa dul-an sa usa ka tuig ug tunga, ang tawo nag-antus nga nag-inusara sa mangitngit, tun-og nga selda. Karon sa gawas sa bongbong sa palasyo, ang piniriso gigaid sa usa ka poste. Siya adunay higayon sa pagpahayag og kusog sa iyang katapusan nga pag-ampo, ‘Ginoo! ablihi ang mga mata sa hari sa England,’ ug dayon siya gibitay. Pagkahuman dayon, ang iyang lawas gisunog. Kinsa kining tawhana, ug unsa ang sala … ? Ang iyang ngalan mao si William Tyndale, ug ang iyang sala mao ang paghubad ug pagmantala sa Biblia sa Iningles.

“… Sa usa ka grabe nga debati uban sa pari nga milalis batok sa paghatag sa kasulatan sa mga kamot sa komon nga tawo, nanumpa si Tyndale, ‘Kon buhion pa ko Dios, akong himoon nga ang usa ka bata nga tigdaro makakat-on og daghan sa mga Kasulatan kay kaninyo!’ …

“Si William Tyndale dili ang nag-una, ni ang katapusan, niadtong kinsa sa daghang mga nasud ug mga pinulongan misakripisyo, bisan ngadto sa kamatayon, sa pagpagawas sa pulong sa Dios gikan sa kangitngit. … Unsay ilang nahibaloan sa kaimportante sa mga kasulatan nga kinahanglan usab natong mahibaloan? Unsay nasabtan sa mga tawo sa Englang sa ika-16 nga siglo, kinsa mibayad og dako ug grabeng personal nga mga risgo aron lang makabasa sa Biblia nga kinahanglan usab natong masabtan?” (“Ang mga Panalangin sa Kasulatan,” Ensign o Liahona, Mayo 2010, 32).

Sa imong hunahuna ngano man nga ang mga tawo mihimo sa dakong sakripisyo aron makabasa sa mga kasulatan?

Mipadayon si Elder Christofferson: “Sa panahon ni Tyndale ang pagkaignorante sa kasulatan daghan tungod kay ang mga tawo dili makabasa sa Biblia ilabi na sa pinulongan nga dili nila masabtan. Karon ang Biblia ug ubang mga kasulatan sayon na lang basahon, apan nagkadaghan gihapon ang ignorante sa kasulatan tungod kay ang mga tawo dili moabli sa mga libro. Ang sangputanan ilang nalimtan ang mga butang nga nahibaloan sa ilang mga apohan” (“The Blessing of Scripture,” 33).

Sa imong hunahuna ngano man nga ang mga tawo sa atong panahon dili mobasa sa mga kasulatan?

Mitapos si Elder Christofferson: “Hunahunaa ang gidaghanon sa atong panalangin nga dunay Balaan nga Biblia ug mga 900 ka dugang nga mga pahina sa kasulatan, lakip sa Basahon ni Mormon, sa Doktrina ug mga Pakigsaad, ug sa Perlas nga Labing Bililhon. … Sa tinud-anay uban niini nga panalangin ang Ginoo nagsulti kanato nga ang atong panginahanglan sa mga kasulatan mas labaw pa ka dako kay sa bisan hain nga panahon” (“The Blessing of Scripture,” 35).

Usa sa kamatuoran nga atong makat-unan gikan sa pamahayag ni Elder Christofferson mao nga ang atong panginahanglan sa mga kasulatan mas labaw pa kay sa miaging panahon.

1. Tubaga ang mosunod nga mga pangutana diha sa imong scripture study journal: Sa imong hunahuna ngano man nga ang atong panginahanglan sa mga kasulatan mas labaw pa kay sa miaging panahon.

Imahe

Sinulat ni Pablo

Si Apostol Pablo misulat og sulat diin iyang gihulagway ang mga kahimtang sa kalibutan sa katapusang mga adlaw. Basaha ang 2 Timoteo 3:1–5, 13, nga mangita sa mga sala ug mga kinaiya nga iyang giingon nga komon sa atong panahon. (Mahimo kang mobase sa mga footnote aron masabtan ang lisud nga mga pulong niini nga mga bersikulo.)

Unsa ang pipila ka mga sala ug mga kinaiya nga gilista niini nga mga bersikulo nga imong nasaksihan sa atong katilingban karon?

Basaha ang 2 Timoteo 3:14–17, nga mangita kon unsaon nga makakita og kaluwasan niining mga panahon nga malisud. Mahimo nimong markahan ang imong makit-an.

Gikan sa imong nakat-unan sa 2 Timoteo 3:15–17, unsa nga mga panalangin ang atong maangkon samtang kita magtuon sa mga kasulatan ug magsunod sa mga pagtulun-an niini? Isulat ang imong mga tubag sa giandam nga lugar sa pagkompleto sa mosunod nga pamahayag: Samtang kita magtuon sa mga kasulatan, kita makadawat nianang makagiya nato ngadto sa kaluwasan.

Kini nga pamahayag nga imong nakompleto usa ka ehemplo sa baruganan sa ebanghelyo. Ang mga baruganan ug mga doktrina sa ebanghelyo ni Jesukristo mao ang dili mausab nga mga kamatuoran nga naghatag og giya sa atong mga kinabuhi. Ang importanting katuyoan sa mga kasulatan mao ang pagtudlo sa mga doktrina ug mga baruganan sa ebanghelyo. Mahimo natong mas makahuluganon ang atong personal nga pagtuon sa kasulatan pinaagi sa pagpangita sa mga doktrina ug mga baruganan, mamalandong sa kahulugan niini, ug paggamit niini sa atong mga kinabuhi.

2. Tan-awa ang baruganan nga imong nakompleto sa ibabaw. Dayon tubaga ang mosunod nga mga pangutana diha sa imong scripture study journal: Kanus-a nimo nabati nga ikaw nakadawat og kaalam, kahayag, kamatuoran, koreksyon, o instruksyon isip resulta sa pagtuon sa mga kasulatan?

Usa sa mga gipaabut alang niining kurso sa pagtuon sa seminary mao nga imong basahon ang tibuok Bag-ong Tugon. Kinahanglanon kini aron makadawat og diploma sa seminary. Ang pagbasa sa tibuok Bag-ong Tugon nagkinahanglan og kanunay nga paningkamot.

Imo na bang nasulayan nga moinom og tubig o soda nga gigamitan og sobra sa usa ka straw? Kon naa kay straw, sulayi ang pag-inom og baso sa tubig o soda ginamit ang pito ka mga straw. Lisud ang pag-inom sa tanang tubig sa baso. Apan kon moinom ka og hinay ug kanunay sa usa ka straw, imong mamatikdan nga sayon ra kaayo imnon ang tanang tubig (ug ang kasinatian mas makalingaw!).

Kini nga leksyon makatabang nimo nga makasabut sa kaimportante sa inadlaw nga pagtuon sa mga kasulatan ug pagbasa sa tibuok Bag-ong Tugon isip kabahin niini nga kurso sa pagtuon?

Gamita ang mosunod nga equation aron sa pagtabang nimo nga makakita unsaon nimo sa pagkompleto sa tumong sa pagbasa sa tibuok Bag-ong Tugon pinaagi sa ginagmay nga porsyon kada adlaw:

Imahe

dayagram sa mga pahina sa kasulatan

3. Sa imong scripture study journal, isulat ang pipila ka butang nga makatabang nimo nga makaestablisar og kinaiya sa inadlaw nga pagtuon sa kasulatan aron ikaw makadawat og kaalam, kahayag, kamatuoran, koreksyon, ug instruksyon gikan sa mga kasulatan. Pagsulat usab og tumong sa paggahin og panahon kada adlaw alang sa personal nga pagtuon sa kasulatan ug sa pagbasa sa tibuok Bag-ong Tugon.

4. Ang mosunod nga lista sa mga pamaagi ug mga kahanas sa pagtuon makapalambo sa imong pagtuon sa mga kasulatan. Pagpili og duha sa mosunod nga mga pamaagi o mga kahanas, ug sulayi kini paggamit gamit ang mga tudling sa kasulatan. Sa imong scripture study journal, ipasabut sa unsa nga paagi nga kining duha ka mga kahanas makatabang nimo sa imong inadlaw nga pagtuon sa mga kasulatan.

   Mga Pamaagi ug mga Kahanas sa Pagtuon sa Kasulatan
   Pagpuli sa pangalan: Aron sa pagtabang nga masabtan ang mga doktrina ug mga baruganan gikan sa mga kasulatan sa imong kinabuhi, pulihi sa imong pangalan ang pangalan nga anaa sa mga kasulatan. Sulayi ang paggamit kining kahanas sa pagtuon sa kasulatan sa pangalan nga Simon Pedro sa Mateo16:15–17.
   Hinungdan ug Epekto: Sa pagtabang nimo nga makaila og mga baruganan sa ebanghelyo diha sa mga kasulatan, pangitaa ang “kon–dayon” ug “tungod kay–busa” nga mga kalambigitan. Sulayi paggamit kini nga kahanas uban sa Mateo 6:14–15.
   Mga lista sa kasulatan: Ang mga kasulatan usahay dunay mga lista sa mga butang, sama sa mga intruksyon o mga pasidaan. Kon makita nimo ang mga lista, ikonsiderar ang pagbutang og numero sa matag elemento. Sulayi ang paggamit niini nga kahanas uban sa Galatians 5:22–23.
   Sa pagtandi: Ang mga kasulatan usahay nagtandi og lain-laing mga ideya, mga hitabo, ug mga tawo. Kini nga mga pagtandi naghatag og gibug-aton sa mga baruganan sa ebanghelyo. Pangitaa ang mga pagtandi sa usa ka bersikulo, sa mga kapitulo, ug sa tibuok kapitulo ug mga libro. Sulayi kini nga kahanas uban sa Mateo 5:14–16.
   Visualization: Pangitaa ang mga mahulagwayon nga mga detalye nga makatabang nimo sa paghunahuna og litrato samtang kamo nagbasa. Hunahunaa nga diha sa usa ka kalihokan. Kini mopalig-on sa imong pagpamatuod sa katinuod sa imong gibasa diha sa mga kasulatan. Sulayi kini nga kahanas uban sa Mateo 8:23–27.
   Simbolismo: Ang mga pulong ingon sa sama, ingon sa, o gipahisama ngadto nagtabang nimo sa pag-ila og mga simbolo. Tan-awa lapas sa simbolo pinaagi sa pagsusi sa kinaiyahan ug pagpamalandong sa mga hiyas niini. Ang mga tabang sa pagtuon sa kasulatan sama sa footnotes, sa Bible Dictionary, ug sa Topical Guide o Giya ngadto sa mga Kasulatan makatabang nimo sa paghubad sa pipila ka mga simbolo. Sulayi ang paggamit niini nga kahanas sa pagtuon uban sa Mateo 13:24–30. (Mahimo nimong itandi ang imong hubad sa sambingay uban sa gihatag sa Doktrina ug mga Pakigsaad 86:1–7.)
   Mga Cross-Reference: Sa kasagaran, usa ka tudling sa kasulatan makapasabut o makapaklaro sa pulong o konsepto nga makita sa laing tudling. Isumpay ang mga tudling sa kasulatan sa usag usa ginamit ang mga footnotes, index, o ang Topical Guide o Giya ngadto sa mga Kasulatan sa pagtabang nga masabtan ang kahulugan sa usa ka tudling sa kasulatan. Pagpraktis niini nga kahanas pinaagi sa pagbasa sa Juan 10:16 ug dayon sa mosunod nga cross-reference sa footnote a sa 3 Nephi 15:21. Sa unsa nga paagi nga ang pagbasa sa 3 Nephi 15:21 makatabang nimo nga mas makasabut sa kahulugan sa Juan 10:16?
   Pamalandong: Ang pagpamalandong naglakip sa paghanduraw, paghunahuna og lawom, pagpangutana, ug pagtimbang-timbang unsa ang imong nahibaloan ug unsa ang imong nakat-unan. Ang pagpamalandong sa kasagaran makatabang nato nga makasabut unsay atong gikinahanglan nga buhaton aron sa paggamit sa mga baruganan sa ebanghelyo. Pamalandungi unsaon nimo sa paggamit sa mga kamatuoran sa Mga Hebreohanon 12:9.
   Paggamit: Samtang imong pag-ila ug pagsabut sa mga doktrina ug mga baruganan nga makita sa mga kasulatan, kamo makaangkon og mas lawom nga kahibalo pinaagi sa pagsunod sa mga kamatuoran nga imong nadiskobrehan. Si Jesukristo miingon “kon tuyoon ni bisan kinsa ang pagbuhat sa kabubut-on sa [Langitnong Amahan], nan, iyang mahibaloan kon ang akong gitudlo gikan ba sa Dios, o magsulti ba lamang ako sa kinaugalingon kong pagbulot-an” (Juan 7:17). Pangita og mga oportunidad sa paggamit o pagpahisama sa imong kinabuhi unsay imong nakat-unan samtang kamo nagtuon sa mga kasulatan sa imong kaugalingon (tan-awa 1 Nephi 19:23).

   Pangita og mga paagi sa pagpraktis sa kada usa niini nga mga kahanas sa pagtuon sa umaabut nga mga semana samtang ikaw magtuon sa Bag-ong Tugon.

5. Isulat ang mosunod sa ubos sa assignment karon diha sa imong scripture study journal:

   Akong natun-an ang leksyon ug nakakompleto niini sa “Pagtuon sa mga Kasulatan” niadtong (petsa).

   Dugang nga mga pangutana, mga hunahuna, ug mga pagsabut nga gusto nakong ipakigbahin sa akong magtutudlo: