Lucas 18–21

Samtang si Jesukristo mibiyahe paingon sa Jerusalem sa katapusan nga higayon, Siya mitudlo sa Iyang ebanghelyo ug mihimo og mga milagro. Siya nagkabayo agi og kadaugan pagsulod sa Jerusalem, gihinloan pag-usab ang templo, ug gitudloan didto ang katawhan.

Nakat-unan na nimo ang mahitungod sa daghang mga panghitabo nga girekord sa Lucas 18–21 gikan sa imong pagtuon sa Mateo ug Marcos.

Imahe

Si Jesus ug ang Dato nga Batan-ong Punoan

Imahe

Ang Madaugon nga Pagsulod

Sa pagbiyahe ni Jesukristo ngadto sa Jerusalem sa katapusan nga higayon, Siya mitudlo og daghang sambingay ug miayo og daghang mga tawo. Gidapit Niya ang dato nga batan-ong punoan sa paghatag sa tanan ngadto sa kabus ug sa pagsunod Kaniya. Giayo Niya ang buta nga tawo. Bisan sa pagbiaybiay, nakigsalo Siya uban sa usa sa labaw sa mga maniningil sa buhis didto sa Jerico. (Tan-awa usab sa Mateo 19:19–20; Marcos 10.)

Si Jesus miabut sa Jerusalem ug, taliwala sa pagsinggit sa pagdayeg, misakay og asno sa Iyang pagsulod sa siyudad. Giabug na usab Niya ang mga tigpailis og kwarta gikan sa templo, gitudloan ang mga tawo didto, ug gitubag ang mga pangutana gikan sa mga sacerdote nga punoan ug mga escriba. Gidayeg Niya ang usa ka biyuda kinsa mihalad sa iyang duha ka kwartang diyot ngadto sa panudlanan sa templo. Gitudloan usab Niya ang mga tinun-an mahitungod sa Iyang Ikaduhang Pag-anhi.

Kadaghan sa mga istorya nga imong matun-an dinhi niini nga leksyon talagsaon ngadto sa Ebanghelyo ni Lucas. Aron maandam sa pagtuon sa Lucas 18–21, tubaga ang mosunod nga mga pangutana diha sa luna nga gihatag:

Unsa nga mga lihok nga tingali magpakita nga ang usa ka tawo sinserong gusto nga mas mopaduol ngadto sa Ginoo? Unsang mga kinaiya ang magpakita nga gusto gayud niya nga mapasaylo o nagtinguha sa tabang sa Ginoo?

Basaha ang matag usa sa mga tudling sa kasulatan diha sa kauban nga tsart, ug ikonsiderar ang mga tubag sa mga pangutana. Mahimo nimong markahan ang unsay imong makit-an.

1. Tubaga ang mosunod nga mga pangutana diha sa imong scripture study journal:

   1. Unsa ang pagkaparehas nga imong namatikdan sa mga lihok sa matag usa sa nag-unang mga karakter.

   2. Unsa ang pagkaparehas nga imong nabantayan sa unsay nadawat sa matag usa sa nag-unang mga karakter isip resulta sa iyang mga lihok?

Usa ka baruganan nga gitudlo niini nga mga istorya mao nga kon kita sinsero ug makanunayon samtang kita naggamit sa atong hugot nga pagtuo diha sa Ginoo, makabaton kita sa Iyang kalooy.

Basaha ang mosunod nga pamahayag ni Elder David A. Bednar sa Korum sa Napulog Duha ka mga Apostoles, nga mangita sa unsay timaan sa usa ka tawo nga naggamit sa iyang hugot nga pagtuo diha sa Ginoo: “Ang tinuod nga hugot nga pagtuo nagtumong diha ni Ginoong Jesukristo ug sa kanunay mosangpot sa matarung nga aksyon.” (“Pangayo pinaagi sa Hugot nga Pagtuo,” Ensign o Liahona, Mayo 2008, 95).

Mahimo nga imong isulat kini nga mga pamahayag diha sa kilid sa imong mga kasulatan.

2. Sa imong scripture study journal, isulat ang pipila ka mga paagi nga ikaw makagamit og hugot nga pagtuo diha ni Jesukristo karon. Unsa ang mga panalangin alang sa paggamit sa inadlaw nga hugot nga pagtuo diha ni Jesukristo?

Basaha ang mosunod nga pamahayag ni Elder Bednar, nga mangita sa unsay iyang gisulti nga kini nagpasabut sa pagsinati sa kalooy sa Ginoo:

Imahe

Elder David A. Bednar

“Pinaagi sa personal nga pagtuon, obserbasyon, pamalandong, ug pag-ampo, nagtuo ako nga mas nakasabut na ako nga ang malumo nga mga kalooy sa Ginoo mao ang mismong personal ug sa tinagsa-tagsa nga mga panalangin, kalig-on, proteksyon, pagpasalig, paggiya, mahigugmaong kalooy, paghupay, pag-abag, ug espirituhanong mga gasa diin atong nadawat gikan ug tungod sa ug pinaagi ni Ginoong Jesukristo. Sa tinuoray, ang Ginoo mopahiangay, ‘sa iyang mga kalooy sumala sa mga kahimtang sa mga katawhan’ (D&P 46:15).

“… Mosugyot ako nga usa sa mga paagi diin ang Manluluwas moduol sa matag usa kanato mao ang pinaagi sa Iyang buhong ug malumo nga mga kalooy. Sama pananglit, samtang kamo ug ako nag-atubang og mga hagit ug mga pagsulay sa atong mga kinabuhi, ang gasa sa hugot nga pagtuo ug ang angay nga pagsabut sa pagsalig sa kaugalingon nga moabut lapas sa atong kaugalingong kasarang maoy duha ka mga ehemplo sa malumo nga mga kalooy sa Ginoo. Ang paghinulsol ug pagpasaylo sa mga sala ug kalinaw sa konsiyensya mga ehemplo sa malumo nga mga kalooy sa Ginoo. Ug ang paglahutay ug ang kalig-on nga nakapahimo kanato nga mopadayon sa unahan nga may kalipay pinaagi sa mga pisikal nga limitasyon ug espirituhanon nga mga kalisud mga ehemplo sa malumo nga kalooy sa Ginoo” (“Ang Malumo nga mga Kalooy sa Ginoo,” Ensign o Liahona, Mayo 2005, 99–100).

3. Tubaga ang mosunod nga mga pangutana diha sa imong scripture study journal:

   1. Sa unsa nga mga paagi nga ikaw o ang usa ka tawo nga imong kaila migamit sa hugot nga pagtuo diha ni Jesukristo? Unsa nga kalooy ikaw o ang usa ka tawo nga imong kaila nakasinati agi og resulta?

   2. Ikonsiderar kon sa unsa nga mga paagi imong gitinguha ang tabang o kalooy sa Ginoo diha sa imong kinabuhi. Unsay imong buhaton aron magamit nimo ang hugot nga pagtuo diha sa Ginoo aron madawat ang Iyang kalooy?

4. Isulat ang mosunod diha sa ubos sa mga assignment karong adlawa sa imong scripture study journal:

   Akong natun-an ang Lucas 18–21 ug nakompleto kini nga leksyon sa (petsa).

   Dugang nga mga pangutana, mga hunahuna, ug mga panlantaw nga gusto nakong ipakigbahin uban sa akong magtutudlo: