Mga Buhat 23–28

Human sa iyang pagkadakop didto sa Jerusalem, gidala si Pablo ngadto sa Cesarea, diin nanalipod siya sa iyang kaugalingon batok sa bakak nga mga pasangil atubangan sa daghang mga lider nga Romano. Gisaysay niya ang iyang pagkakabig ug nagpamatuod ni Jesukristo. Samtang nagbiyahe padulong sa Roma isip piniriso, nalunod ang barko nga gisakyan ni Pablo sa usa ka isla, diin siya nagpabilin nga wala maunsa human mapaaki sa lala nga bitin ug miayo og daghang tawo nga masakiton. Sa katapusan, si Pablo gidala ngadto sa Roma. Samtang didto siya gibutang sa usa ka balay isip piniriso sulod sa duha ka tuig ug mitudlo ug mipamatuod ni Jesukristo.

Imahe

diagram, path toward and turning away from Jesus Christ

Unsa nga mga panalangin ang imong nadawat tungod sa pagsunod sa mga sugo ug mga pagtulun-an sa Dios?

Unsa kaha ang makapalayo sa usa ka tawo gikan sa Dios ug mohunong sa pagpuyo sumala sa Iyang mga sugo ug mga pagtulun-an?

Pamalandung unsay moresulta kon ang mga tawo mopalayo ug modistansya sa ilang kaugalingon gikan sa Dios.

Samtang magtuon ka sa Mga Buhat 23–26, pangitaa ang mga kamatuoran nga makatabang kanimo kon bation nimo nga midistansya ang imong kaugalingon sa Dios ug sa Iyang mga panalangin.

Hinumdumi nga si Pablo gidakop sa gawas sa templo sa Jerusalem ug gidala ngadto sa atubangan sa mga lider nga Judeo (tan-awa sa Mga Buhat 21:30–33; 22:23–30). Sa Mga Buhat 23–25 mahibaloan nato ang mahitugod niini nga miting uban sa mga lider nga Judeo ug nga si Pablo gipriso. Samtang napriso si Pablo, ang Ginoo miabut aron sa paghupay ug paghatag og kasiguroan kaniya (tan-awa sa mga Buhat 23:11). Ang kapitan nga Romano nga midakop ni Pablo mipadala niya ngadto sa Cesarea aron mapugngan ang pundok sa mga Judeo sa pagpatay kaniya. Gideklarar ni Pablo didto ang iyang pagkainosente sa atubangan sa gobernador nga Romano nga si Felix. Bisan nakombinser sa pagkainosente ni Pablo, gipadayon ni Felix ang pagpriso kaniya sa usa ka balay isip piniriso sulod sa duha ka tuig. Gipulihan si Felix ni Festo isip gobernador nga Romano sa Judea, ug si Haring Agripa, nga nagmando sa dapit sa amihanang kasadpan sa Dagat sa Galilia, mibisita ni Festo ug nagtinguha nga maminaw sa kaso ni Pablo. Gidala si Pablo ngadto sa atubangan ni Haring Agripa.

Basaha ang Mga Buhat 26:4–11, mangita kon giunsa ni Pablo paghulagway ang iyang kaagi ngadto ni Haring Agripa.

Sumala sa narekord sa Mga Buhat 26:12–16, giistorya pag-usab ni Pablo ang iyang panan-awon sa Manluluwas diha sa dalan sa Damasco.

Basaha ang Mga Buhat 26:16-18, mangita sa misyon nga gihatag sa Ginoo ngadto ni Pablo. Ang pulong bahin sumala sa gigamit sa bersikulo 18 nagpasabut sa pagsulod ngadto sa celestial nga gingharian sa Dios.

Hunahuna ang mosunod nga mga pangutana: Unsa sa imong hunahuna sa tabang makapabuka ba sa mata sa tawo sa espirituhanong paagi? Unsa ang makatabang sa usa ka tawo nga mobiya sa kangitngit ug mopadulong ngadto sa kahayag ug mga sugo ug mga panalangin sa Dios?

Basaha ang Mga Buhat 26:19–23, mangita kon unsay gisulti ni Pablo nga iyang gitudlo sa mga Judeo ug mga Hentil nga kinahanglan nilang buhaton aron madawat ang mga panalangin nga gihisgutan bersikulo 18.

Sumala sa bersikulo 20, unsay gisulti sa Langitnong Amahan mahitungod ni Jesukristo?

Usa ka kamatuoran nga atong makat-unan gikan niini nga mga bersikulo mao nga kon kita maghinulsol ug moduol ngadto sa Dios, mabuntog nato ang gahum ni Satanas sa atong kinabuhi, makadawat og kapasayloan sa atong mga sala, ug mokwalipay sa celestial nga gingharian. Ikonsiderar ang pagsulat niini nga kamatuoran sa imong kasulatan tupad sa Mga Buhat 26:18–20.

Aron pagtabang nimo nga makasabut niini nga baruganan, basaha ang mosunod nga pamahayag ni Elder Neil L. Andersen sa Korum sa Napulog Duha ka mga Apostoles:

Imahe

Elder Neil L. Andersen

“Kon kita makasala, kita mopalayo gikan sa Dios. Kon kita maghinulsol, kita mobalik ngadto sa Dios.

“Ang pagdapit sa paghinulsol dili kanunay nga usa ka tingog sa pagkastigo apan hinoon usa ka mahigugmaon nga hangyo sa pagbalik ug sa ‘pagbalik’ ngadto sa Dios [tan-awa sa Helaman 7:17]. Kini mao ang tawag sa usa ka mahigugmaon nga Amahan ug sa Iyang Bugtong Anak nga kita mahimong mas molabaw pa, nga mokab-ut sa mas taas nga matang sa kinabuhi, nga mag-usab, ug nga mobati og kalipay sa pagsunod sa mga sugo” (“Paghinulsol … Aron ako Moayo Kaninyo,” Ensign o Liahona, Nob. 2009, 40).

Imahe

diagram, path away from and returning to Jesus Christ

1. Tubaga ang mosunod nga mga pangutana diha sa imong scripture study journal: Base sa unsay imong nakat-unan gikan ni Pablo ug Elder Andersen, unsay atong makab-ot kon kita maghinulsol ug mobalik ngadto sa Langitnong Amahan ug ni Jesukristo?

Samtang magpadayon ka sa pagtuon sa Mga Buhat 26, pangitaa ang unsay nakapugong ni Festo ug Haring Agripa sa paghinulsol, pagbalik ngadto sa Dios, ug makabig ngadto ni Jesukristo.

Basaha ang Mga Buhat 26:24–29, mangita kon unsay reaksyon ni Festo ug Haring Agripa sa mga pagtulun-an ug pagpamatuod ni Pablo bahin sa Manluluwas. Sa tsart sa ubos, isulat ang mga pulong nga naghulagway sa ilang mga reaksyon sa mga pagtulun-an ni Pablo:

Hibaloi nga si Festo wala motuo sa mga pagtulun-an ni Pablo. Si Haring Agripa mituo sa mga pulong sa mga propeta apan dili mopasalig sa hingpit nga mahimong Kristiyano.

Imahe

Pablo ug Haring Agripa

Usa ka kamatuoran nga atong nakat-unan gikan ni Festo ug Haring Agripa mao nga aron makabig ngadto ni Jesukristo, kinahanglan kita nga mopili sa pagtuo ug mopasalig sa hingpit sa pagpuyo sa ebanghelyo.

Basaha ang mosunod nga istorya ni Presidente Uchtdorf sa Unang Kapangulohan, mangita kon unsay iyang gitudlo mahitungod sa pasalig (commitment):

Imahe

Presidente Dieter F. Uchtdorf

“Duha ka managsoong lalaki ang mibarug ibabaw sa gamay nga pangpang nga nagdung-aw sa lunsay nga mga tubig sa asul nga linaw. Kini mao ang usa ka popular nga dapit nga kaambakan, ug ang managsoon kanunay nga maghisgot sa pagpangambak—usa ka butang nga nakita nila nga gibuhat sa uban.

“Bisan tuod kon silang duha gusto nga moambak, walay usa kanila ang mouna. Ang kahabugon sa pangpang dili kaayo taas, apan alang sa duha ka batan-ong mga lalaki, daw ang distansya magkadugang sa diha nga sila mosugod na sa paghana og ambak—ug ang ilang kaisug dali nga mahanaw.

“Sa katapusan, ang usa ka igsoon mibarug sa ngilit sa pangpang ug mihana na sa pag-ambak. Nianang higayuna ang iyang igsoon mihunghong, ‘Tingali kinahanglang maghulat na lang ta hangtud sa sunod ting-init.’

“Ang pagsugod og lihok sa unang igsoon nag-agni na kaniya sa pagpadayon. ‘Brod,’ siya mitubag, ‘committed na ko!’

“Siya mitampisaw sa tubig ug dali nga milutaw uban sa madaugon nga singgit. Ang ikaduhang igsoon misunod dayon. Human niana, silang duha nangatawa kabahin sa katapusang mga pulong sa unang batang lalaki sa wala pa moambak sa tubig: ‘Brod, committed na ko.’

“Ang commitment daw sama sa pag-ambak sa tubig. Bisan man kon ikaw committed o dili. Nagpadayon ka man o nagbarug lang. Walay naa sa tunga-tunga. Isip mga miyembro sa Simbahan, kita kinahanglan gayud nga mangutana sa atong mga kaugalingon, ‘Moambak ba ako o magbarug lamang diha sa ngilit? Mopadayon ba ako o sulayan lamang ang temperatura sa tubig sa mga tudlo sa akong tiil?’ …

“Kadtong kinsa dili kaayo committed maglaum lamang nga dili kaayo makadawat og mga panalangin sa pagpamatuod, hingpit nga kalipay, ug kalinaw. Ang mga bintana sa langit tingali dili kaayo moabli alang kanila. …

“Sa pipila ka paagi, ang matag usa kanato kinahanglang modesisyon samtang nag-ambo sa tubig. Kini akong pangaliya nga kita makabaton og hugot nga pagtuo, makapadayon, makaatubang sa atong mga kahadlok ug mga pagduha-duha uban sa kaisug, ug moingon sa atong mga kaugalingon, ‘Committed na ko!’” (“Brod, Committed na Ko,” Liahona, Hulyo 2011, 4–5).

Sumala ni Presidente Uchtdorf, ngano nga importante nga mopasalig sa hingpit kay sa “mora ra og committed” sa pagpuyo sa ebanghelyo?

2. Kompletuha ang mosunod nga mga kalihokan sa imong scripture study journal:

   1. Isulat kon sa unsa nga paagi nga ang imong commitment sa pagsunod sa sugo o baruganan sa ebanghelyo makatabang sa pagpalig-on sa imong pagkakabig ngadto ni Jesukristo.

   2. Paghimo og lista sa mga sugo o mga baruganan sa ebanghelyo nga sa imong pagbati nga ikaw committed sa pagsunod. Ikonsiderar ang bisan unsa nga mga baruganan sa ebanghelyo nga imong gibati nga “hapit” apan dili ang “tanan” (Mga Buhat 26:29) nga committed nga sundon. Pagsulat og tumong sa unsay imong mabuhat sa pagpalambo sa imong pagsabut ug pag-commit sa usa niini nga mga baruganan.

Pag-ampo alang sa panabang samtang kamo maningkamot ka nga tinud-anay nga makabig ngadto ni Jesukristo pinaagi sa mas hingpit nga pagpuyo sa Iyang ebanghelyo.

Sa Mga Buhat 26:30–32 mabasa nato nga si Festo ug Haring Agripa nakahibalo nga inosente si Pablo ug mobuhi unta kaniya, apan tungod kay si Pablo miapelar sa iyang kaso ngadto ni Cesar, kinahanglan nga ilang ipadala siya ngadto sa Roma.

Imahe

tornado

Si Elder Neil L. Andersen sa Korum sa Napulog Duha ka mga Apostoles mipasabut nga ang mga hagit ug mga pagsulay sa kinabuhi mao ang “espirituhanong mga alimpulos,” (tan-awa sa “Espirituhanong mga Alimpulos,” Ensign o Liahona, Mayo 2014, 18–21).

Pamalandunga ang mga ehemplo sa mga pagsulay ug mga kalisud nga mahimong ipahisama sa mga alimpulos sa kinabuhi sa usa ka tawo.

Samtang magtuon ka sa Mga Buhat 27–28, pangitaa ang usa ka baruganan nga makatabang kanimo nga matinud-anong molahutay sa espirituhanong mga alimpulos nga imong giatubang.

Ang Mga Buhat 27 naghisgot og giunsa si Pablo pagdala ngadto sa Roma agi sa dagat atol sa mga bulan sa tingtugnaw. Ang barko hapit maguba atol sa unos, ug si Pablo ug ang tanan kinsa diha sa barko nalunod sa isla sa Melita, o Malta (tan-awa sa Bible Maps, nu. 13, “The Missionary Journeys of the Apostle Paul,” sa Bible appendix).

3. Basaha ang Mga Buhat 28:1–10 ug Mga Buhat 28:16–24, mangita unsay nasinati ni Pablo sa isla ug didto sa Roma. Sa imong scripture study journal, pagdrowing og litrato ug pagsulat og headline sa pamantalaan nga nag-summarize sa mga panghitabo nga gihulagway niining mga tudling sa kasulatan.

Ikonsiderar ang mga pagsulay nga nasinati ni Pablo nga narekord sa Mga Buhat 23–28: gipriso siya nga walay sala, nalunuran og barko, gipaak sa laal nga bitin, ug gidala ngadto sa Roma, diin siya gipriso sa usa ka balay.

Basaha ang Mga Buhat 28:30–31, mangita kon unsay nahimo ni Pablo sa Roma bisan pa sa pagkapiniriso sa usa ka balay.

Unsay gibuhat ni Pablo nga nagpakita nga siya nagpabilin nga matinud-anon sa Dios bisan pa sa mga pagsulay nga iyang nasinati?

Unsay naani nga kaayohan gikan sa mga pagsulay nga nasinati ni Pablo samtang didto sa dagat, samtang nalunod, ug samtang napriso didto sa Roma?

Usa ka baruganan nga atong makat-unan gikan sa kasinatian ni Pablo mao nga kon kita magmatinud-anon, ang Dios makatabang nato sa paghimo sa mga pagsulay nga mga panalangin alang sa atong mga kaugalingon ug sa uban.

4. Tubaga ang mosunod nga mga pangutana diha sa imong scripture study journal:

   1. Unsa ang pipila ka mga ehemplo sa mga pamaagi nga ang Dios makatabang sa mga tawo sa paghimo sa mga pagsulay ngadto sa mga panalangin alang sa ilang mga kaugalingon ug sa uban?

   2. Kanus-a ang Dios nakatabang nimo o sa usa ka tawo nga imong nailhan nga ang pagsulay nahimo nga panalangin alang sa imong kaugalingon o sa uban?

Usa ka baruganan nga atong makat-unan gikan sa kasinatian ni Pablo mao nga kon kita magmatinud-anon, ang Dios makatabang nato sa paghimo sa mga pagsulay nga mga panalangin alang sa atong mga kaugalingon ug sa uban.

5. Isulat ang mosunod sa ubos sa imong mga assignment karong adlawa diha sa imong scripture study journal:

   Akong natun-an ang Mga Buhat 23–28 ug nahuman kini nga leksyon sa (date).

   Dugang nga mga pangutana, mga hunahuna, ug mga pagsabut nga gusto nakong ipakigbahin sa akong magtutudlo: