Pagtudlo sa mga Ebanghelyo isip usa ka Panag-uyon [Harmony]

Among irekomendar nga imong gamiton kini nga manwal sa paagi nga kini gisulat ug ipasunod pagtudlo ang upat ka mga Ebanghelyo. Hinoon, mahimo kang mopili sa pagtudlo sa mga Ebanghelyo sa Bag-ong Tugon isip usa ka “panag-uyon,” nga nagpasabut sa pagtudlo sa mga panghitabo sa kinabuhi sa Manluluwas sa pasunod nga paagi, nga gihiusa ang materyal gikan sa matag Ebanghelyo. Alang sa impormasyon ug mga kapanguhaan sa pagtudlo sa Ebanghelyo isip usa ka panag-uyon, dangup ngadto sa apendiks sa digital nga bersyon niini nga manwal sa LDS.org ug sa Gospel Library sa mga mobile device.

Among irekomendar nga imong gamiton kini nga manwal sa paagi nga kini gisulat ug ipasunod pagtudlo ang upat ka mga Ebanghelyo. Hinoon, mahimo kang mopili sa pagtudlo sa mga Ebanghelyo sa Bag-ong Tugon isip usa ka “panag-uyon,” nga nagpasabut sa pagtudlo sa mga panghitabo sa kinabuhi sa Manluluwas sa pasunod nga paagi, nga gihiusa ang materyal gikan sa matag Ebanghelyo. Mahimo kini sa pipila ka mga paagi. Sama pananglit, mahimo nimo sa kinatibuk-an nga itudlo ang mga Ebanghelyo sa pasunod nga paagi apan mopili sa pagtudlo sa pipila ka bahin—sama sa mga panghitabo nga naglibut sa pagkatawo o Pag-ula sa Manluluwas—isip usa ka panag-uyon. O mahimo nimong itudlo ang tanang sulod sa mga Ebanghelyo isip usa ka panag-uyon.

Kon wala pa ka makatudlo sa mga Ebanghelyo sa pasunod nga paagi, tingali magduhaduha ka sa pagsulay niini nga paagi. Kini nga manwal giandam aron sa pagtabang kanimo nga epektibong makatudlo sa matag Ebanghelyo sa tagsa-tagsa. Kon pilion nimong itudlo ang Ebanghelyo gamit ang panag-uyon nga paagi, kinahanglang mohimo ka niini nga desisyon human mokonsulta sa imong coordinator o seminary principal, nga nagkonsiderar sa mga panginahanglan sa mga estudyante ug naggamit sa giya sa Espiritu.

Ang pagtudlo sa mga Ebanghelyo isip usa ka panag-uyon makatugot kanimo nga mas mahisgutan og maayo ang mga pagtulun-an ug mga panghitabo gikan sa kinabuhi sa Manluluwas ug maminusan ang pagbalik-balik nga mabati usahay kon pasunod nga itudlo ang mga Ebanghelyo. Hinoon, importante nga timan-an nga ang mga leksyon niini nga manwal gidesinyo aron maminosan ang pabalik-balik nga hilisgutan diha sa pasunod nga paagi sa pagtudlo pinaagi sa pagtutok sa talagsaon nga hilisgutan sa matag usa sa mga Ebanghelyo ug sa pag-summarize sa hilisgutan nga gitudlo na kaniadto.

Sa dili pa mopili sa pagtudlo niini nga kurso gamit ang panag-uyon nga pamaagi, importante nga ikonsiderar ang mosunod:

Ang pagtudlo sa mga Ebanghelyo isip usa ka panag-uyon makapalisud sa pagsabut sa han-ay ug kinatibuk-ang kahulugan sa mga tudling sa kasulatan sumala sa pagkarekord niini sulod sa upat ka mga Ebanghelyo. Kinahanglan nga motabang ka sa mga estudyante nga makasabut sa konteksto sa pagkasulat ug kasaysayan [textual and historical context] sa matag tudling samtang mobalhin sila gikan sa usa ka istorya ngadto sa lain.
Ang pagtudlo sa mga Ebanghelyo isip usa ka panag-uyon malagmit nga dili makapaklaro sa managlahi nga mga intensyon, mga tema, ug mga tumong sa matag indibidwal nga mga tigsulat sa Ebanghelyo. Kinahanglang magmabinantayon ka niini nga mga tema aron makatabang ka sa imong mga estudyante sa pag-ila ug pagsabut niini. Ang mga pasiuna sa mga libro ni Mateo, Marcos, Lucas, ug Juan nga gihatag niini nga manwal makatabang kanimo sa pag-ila niini nga mga tema.
Sa pagkasulat niini karon, ang mga ideya sa pagtudlo dinhi niini nga manwal gituyo aron sayon nga mosumpay gikan sa usa ka bahin sa leksyon ngadto sa sunod ug adunay giandam nga pang-usab nga mga pamahayag [transition statements] aron mapadali ang pagbalhin gikan sa usa ka ideya sa pagtulun-an ngadto sa sunod. Kon kini nga mga ideya sa pagtudlo giusab ngadto sa panag-uyon nga pamaagi gamit ang kauban nga tsart, kinahanglan nga molakip ka og imong kaugalingong mga pang-usab nga mga pamahayag tali sa gisugyot nga mga ideya.

Kon mopili ka sa paggamit sa panag-uyon nga pamaagi, makakita ka og bililhong tabang diha sa “Harmony of the Gospels” nga mga talamdan nga makita sa Bible appendix [LDS English version] ug diha sa LDS.org. Agig dugang, ang kauban nga tsart naghatag og usa ka sugyot sa han-ay sa mga ideya nga makita niini nga manwal aron sa pagsuporta sa panag-uyon nga pamaagi. Gawas sa pipila ka gagmay nga mga kausaban aron mapasayon ang pagtudlo, kini nga tsart motukma sa “Harmony of the Gospels” nga mga talamdan diha sa 2013 nga edisyon sa LDS nga mga kasulatan. Ang wala nga kolum sa tsart naghatag og usa ka giya sa gipaspason [pacing guide] nga nagbahin sa semester ngadto sa 16 ka mga semana. Ang matag semana (gawas sa week 1) naglista sa mga panghitabo ug mga pagtulun-an gikan sa kinabuhi ug pagpangalagad sa Manluluwas sa pasunod nga mga bahin nga mahimong itudlo sulod sa lima ka adlaw. Kini nga giya sa gipaspason naghan-ay og 80 ka mga leksyon sa upat ka mga Ebanghelyo, nga susama ang gidaghanon sa gihan-ay diha sa pasunod nga pamaagi sa pagtudlo sa kasulatan niini nga manwal.

Dili igsapayan kon imong itudlo ang Ebanghelyo sa pasunod nga paagi o isip usa ka panag-uyon, among irekomendar nga imong sugdan ang kurso pinaagi sa pagtudlo sa unang lima ka pasiuna nga mga leksyon nga anaa sa week 1 niini nga manwal: “Pasiuna ngadto sa Bag-ong Tugon”; “Ang Plano sa Kaluwasan”; “Ang Tahas sa Tigkat-on”; “Pagtuon sa mga Kasulatan”; ug “Kinatibuk-ang Kahulugan ug Pagpasabut sa Bag-ong Tugon.”

Giya sa Gipaspason		Mga Panghitabo ug mga Pagtulun-an	Mga Kapanguhaan sa Magtutudlo
Week 1	Days 1–5		Mga leksyon 1–5
Week 2	Day 1	Ang premortal nga kinabuhi ni Jesukristo	Leksyon 60: Juan 1:1–18
		Ang mortal nga genealogy ni Jesukristo	Leksyon 6: Mateo 1:1–17
	Day 2	Ang pagpahibalo ni anghel Gabriel kang Zacarias; ang pagpahibalo kang Maria; ang pagbisita ni Maria kang Elisabet; ang pagkatawo ni Juan Bautista	Leksyon 43: Lucas 1
	Day 3	Ang pagpahibalo kang Jose	Leksyon 6: Mateo 1:18–25
		Pagkatawo ni Jesukristo; pagpahibalo ngadto sa mga magbalantay sa karnero; pagpresentar kang Jesus sa templo	Leksyon 44: Lucas 2:1–39
		Pagbisita sa mga Mago; pagpanaw ngadto sa Ehipto	Leksyon 6: Mateo 2
		Pagbisita sa templo (edad 12)	Leksyon 44: Lucas 2:40–52
	Day 4	Ang pagpangalagad ug pagpamatuod ni Juan Bautista	Leksyon 7: Mateo 3:1–12; Leksyon 45: Lucas 3:1–22; Leksyon 60: Juan 1:1–18
	Day 5	Bunyag ni Jesus	Leksyon 7: Mateo 3:13-17; Leksyon 60: Lucas 1:19-34
Week 3	Day 1	Pagtintal ni Jesus	Leksyon 8: Mateo 4:1–11
	Day 2	Ang mga tinun-an ni Juan Bautista misunod kang Jesus	Leksyon 60: Juan 1:35–51
		Kasal sa Cana; unang paglimpyo sa templo	Leksyon 61: Juan 2
	Day 3	Pagbisita ni Nicodemo; pagpamatuod ni Juan Bautista	Leksyon 62: Juan 3
	Day 4	Babaye sa atabay	Leksyon 63: Juan 4:1–42
	Day 5	Si Jesus mibalik sa Galilea	Leksyon 8: Mateo 4:12–17
		Si Jesus nag-ayo sa anak sa opisyal	Leksyon 63: Juan 4:43–54
		Ang Manluluwas gisalikway sa Nazaret	Leksyon 45: Lucas 4:14–30
Week 4	Day 1	Ang mga mangingisda gitawag	Leksyon 46: Lucas 5:1–11; Leksyon 8: Mateo 4:18–22
	Day 2	Si Jesus nagtudlo sa Capernaum ug nagpagula sa usa ka mahugaw nga espiritu	Leksyon 34: Marcos 1:21–39
		Si Jesus nagsangyaw sa ebanghelyo sa Galilea	Leksyon 8: Mateo 4:23–25
		Si Jesus nag-ayo sa usa ka sanlahon ug sa usa ka paralitiko	Leksyon 34: Marcos 1:40–45; Leksyon 35: Marcos 2:1–12; Leksyon 46: Lucas 5:12–26
	Day 3	Nakigkaon uban sa mga maniningil sa buhis ug mga makasasala	Leksyon 35: Marcos 2:13–22
		Ang mga disipulo ni Juan nangutana mahitungod sa pagpuasa: Daan ug bag-o	Leksyon 46: Lucas 5:27–39
	Day 4	Si Jesus mitambong og usa ka kasaulogan; nag-ayo sa Igpapahulay; pakigpulong: Saksi sa Amahan	Leksyon 64: Juan 5
	Day 5	Mga kontrobersiya sa Igpapahulay	Leksyon 35: Marcos 2:23–3:6
		Ang Napulog Duha gitawag ug gi-orden	Leksyon 13: Mateo 9:35–10:8
Week 5	Day 1	Ang Wali sa Bukid	Leksyon 9: Mateo 5:1–16
	Day 2	Ang Wali sa Bukid	Leksyon 10: Mateo 5:17–48; Leksyon 47: Lucas 6
	Day 3	Ang Wali sa Bukid	Leksyon 11: Mateo 6; Leksyon 51: Lucas 12
	Day 4	Ang Wali sa Bukid	Leksyon 12: Mateo 7
	Day 5	Si Jesus nag-ayo sa ulipon sa kapitan; nagbuhi pag-usab sa anak nga lalaki sa biyuda sa Nain	Leksyon 47: Lucas 7:1–18
		Si Juan Bautista nagpadala og mga tinun-an ngadto ni Jesus	Leksyon 14: Mateo 11; Leksyon 48: Lucas 7:18–35
Week 6	Day 1	Si Jesus gidihugan sa usa ka babaye	Leksyon 48: Lucas 7:36–50
		Beelzebu, pagpanamastamas; mga pakigpulong mahitungod sa mga timailhan; sambingay: Ang walay sulod nga balay; Ang inahan ug mga igsoon ni Jesus	Leksyon 14: Mateo 12:1–50
	Day 2	Ang sambingay mahitungod sa magpupugas	Leksyon 15: Mateo 13:1–23
	Day 3	Dugang nga mga sambingay kabahin sa kaugmaon sa gingharian	Leksyon 16: Mateo 13:24–58
	Day 4	Gipahunong ni Jesus ang unos; gipapahawa ang daghang dautan nga mga espiritu; giayo ang babaye nga gitalinug-an; gibuhi pagbalik ang anak nga babaye ni Jairo	Leksyon 36: Marcos 4–5
	Day 5	Panginahanglan alang sa dugang nga mga mamumuo; ang mando ngadto sa Napulog Duha	Leksyon 13: Mateo 9:35–10:42
		Ang kamatayon ni Juan Bautista	Leksyon 37: Marcos 6:1–29
Week 7	Day 1	Si Jesus nagpakaon sa lima ka libo	Leksyon 37: Marcos 6:30–44; Leksyon 17: Mateo 14:1–21
	Day 2	Si Jesus naglakaw sa tubig	Leksyon 17: Mateo 14:22–36
		Mga pagpang-ayo	Leksyon 37: Marcos 6:45–56
	Day 3	Pakigpulong: Pan sa Kinabuhi	Leksyon 65: Juan 6:22–59
	Day 4	Mga pakigpulong kabahin sa kalimpyo; si Jesus nag-ayo sa Canaanhon nga anak nga babaye ug sa uban	Leksyon 18: Mateo 15
	Day 5	Si Jesus nag-ayo sa bungol nga tawo sa Decapolis; nagpakaon sa upat ka libo; ang buta nga tawo anam-anam nga giayo	Leksyon 38: Marcos 7:1–8:26
Week 8	Day 1	Ang mga Pariseo ug mga Saduceo nangayo og timailhan; pagpamatuod ni Pedro; gisaad ang mga yawe sa gingharian sa pagbugkos; pagpas-an og krus	Leksyon 19: Mateo 16:1–28
	Day 2	Transpigurasyon: ang mga yawe sa pagbugkos gipasalig; sinsilyo nga ibayad sa buhis gikan sa usa ka isda	Leksyon 20: Mateo 17
	Day 3	Jesus nag-ayo sa bata nga dunay mahugaw nga espiritu	Leksyon 39: Marcos 9:14–29
	Day 4	Kinsa ang labing dako sa gingharian; mga kalapasan	Leksyon 40: Marcos 9:30–50
	Day 5	Kapasayloan; sambingay: Ang ulipon nga dili mapasayloon	Leksyon 21: Mateo 18:1–35
Week 9	Day 1	Gikinahanglan ang sakripisyo aron sa pagsunod ni Jesus; si Jesus gipadala aron sa pagluwas, dili sa paglaglag	Leksyon 49: Lucas 8–9
	Day 2	Ang kapitoan gitudlo ug gipadala; si Jesus nagtambong Fiesta sa mga Payag	Leksyon 50: Lucas 10:1–24; Leksyon 66: Juan 7
	Day 3	Ang babaye nga nanapaw; ang Kahayag sa Kalibutan	Leksyon 67: Juan 8:1–30
	Day 4	Si Jesus nagtudlo mahitungod sa kagawasan gikan sa sala ug nagapamatuod sa Iyang pagkabalaan	Leksyon 68: Juan 8:31–59
	Day 5	Si Jesus nag-ayo sa buta nga tawo sa Igpapahulay	Leksyon 69: Juan 9
Week 10	Day 1	Sambingay: Ang Maayo nga Magbalantay; Ang saad ni Jesus nga pagpahulay	Leksyon 70: Juan 10; Leksyon 14: Mateo 11
	Day 2	Sambingay: Ang maayo nga Samarianhon	Leksyon 50: Lucas 10:25–37
	Day 3	Si Maria ug Marta; pag-ampo; pagbantay sa mga Pariseo; sambingay: Ang datu nga buang-buang	Leksyon 51: Lucas 10:38–12:59
	Day 4	Pagpang-ayo sa Igpapahulay; sambingay: Ang dakong kombira	Leksyon 52: Lucas 13–14
	Day 5	Mga sambingay: Karnero nga nawala, Drakma nga nawala, Anak nga nawala	Leksyon 53: Lucas 15
Week 11	Day 1	Mga sambingay: Ang malimbungon nga piniyalan, si Lazaro ug ang dato nga tawo	Leksyon 54: Lucas 16
	Day 2	Mga pakigpulong kabahin sa mga kalapasan ug hugot nga pagtuo; si Jesus nag-ayo sa napulo ka mga sanlahon	Leksyon 55: Lucas 17
	Day 3	Si Jesus nagbuhi ni Lazaro gikan sa mga patay	Leksyon 71: Juan 11:1–46
	Day 4	Ang mga Pariseo nangutana kabahin sa diborsyo	Leksyon 22: Mateo 19:1–12
	Day 5	Tuguti ang gagmayng mga bata; ang dato ug batan-ong punoan	Leksyon 41: Marcos 10:1–34
Week 12	Day 1	Ang ganti alang sa pagbiya sa tanan; sambingay: Mga mamumuo sa parrasan	Leksyon 22: Mateo 19:13–30; 20:1–16
		Ang labing dako mao ang mangalagad	Leksyon 41: Marcos 10:35–52
	Day 2	Mga sambingay: Ang maghuhukom nga dili matarung, Ang Pariseo ug ang maniningil sa buhis; si Jesus miayo ni Bartimeo; mibisita ni Zaqueo	Leksyon 56: Lucas 18–21
	Day 3	Si Maria nagdihug ni Jesus	Leksyon 42: Marcos 14:1–9; Leksyon 72: Juan 12:1–19
		Madaugong pagsulod: ikaduhang paglimpyo sa templo	Leksyon 23: Mateo 21:1–16
	Day 4	Gitunglo ang kahoyng igira; mga sambingay: Duha ka mga anak nga lalaki, Dautan nga mga saop, Kasal sa anak nga lalaki sa hari	Leksyon 24: Mateo 21:17–22:14
	Day 5	Pangutana mahitungod sa buhis; kaminyoon ug ang Pagkabanhaw; ang dakong sugo	Leksyon 25: Mateo 22:15–40
Week 13	Day 1	Gipanghimaraut ang pagpakaaron-ingnon	Leksyon 26: Mateo 23:1–36
		Ang diyot sa biyuda	Leksyon 42: Marcos 11–13
		Si Jesus nagbangutan tungod sa Jerusalem	Leksyon 26: Mateo 23:37–39
	Day 2	Panagsabut batok ni Lazaro; pakigpulong: si Jesus gipadala sa Amahan, usa ka kahayag niadtong motuo	Leksyon 72: Juan 12
	Day 3	Ang kalaglagan sa Jerusalem; mga timailhan sa Ikaduhang Pag-anhi	Leksyon 27: Joseph Smith—Mateo; Mateo 24
	Day 4	Sambingay: Napulo ka mga dalagang birhen	Leksyon 28: Mateo 25:1–13
	Day 5	Mga sambingay: Mga Talento, Mga karnero ug mga kanding	Leksyon 29: Mateo 25:14–46
Week 14	Day 1	Ang pakigkunsabo ni Judas sa pagbudhi kang Jesus; ang Katapusang Panihapon gisugdan	Leksyon 30: Mateo 26:1–16
		Gihugasan ni Jesus ang mga tiil sa mga disipulo	Leksyon 73: Juan 13:1–17
		“Ako Ba, Ginoo?”	Leksyon 30: Mateo 26:17–25
	Day 2	Bag-o nga sugo	Leksyon 73: Juan 13:31–38
		Ang sakrament gipahigayon	Leksyon 30: Mateo 26:26–30
	Day 3	Pakigpulong kabahin sa Maghuhupay	Leksyon 74: Juan 14
	Day 4	Ang paglimud ni Pedro gipanagna	Leksyon 57: Lucas 22:1–38
		Ang Tinuod nga Tanum nga Parras; paghigugma sa usag usa; ang Espiritu sa kamatuoran nagpamatuod	Leksyon 75: Juan 15
	Day 5	Mga pasidaan ngadto sa mga Apostoles; ang Maghuhupay; magkatugbang: Hingpit nga kalipay ug kasubo	Leksyon 76: Juan 16
Week 15	Day 1	Pag-ampo ni Jesus alang sa Iyang mga Disipulo	Leksyon 77: Juan 17
	Day 2	Ang pag-antus ug mga pag-ampo ni Jesus sa Getsemani	Leksyon 31: Mateo 26:31–46; Leksyon 42: Marcos 14:10–16:20; Leksyon 57: Lucas 22:39–53
	Day 3	Si Jesus gidakop; ang paglimod ni Pedro; ang husay ni Jesus sa atubangan ni Caifas	Leksyon 31: Mateo 26:47–75; Leksyon 57: Lucas 22:39–71
	Day 4	Ang husay sa atubangan ni Pilato ug Herodes; si Barrabas gibuhian	Leksyon 58: Lucas 23:1–25; Leksyon 78: Juan 18:1–19:16
		Ikaduha nga husay sa atubangan ni Pilato	Leksyon 78: Juan 18:33–19:16
		Jesus gibunalan ug gibugalbugalan	Leksyon 32: Mateo 27:1–50
	Day 5	Ang Paglansang	Leksyon 32: Mateo 27:26–50; Leksyon 58: Lucas 23:26–56; Leksyon 78: Juan 19:17–42
Week 16	Day 1	Kamatayon ni Jesukristo; ang paglubong ni Jesus; ang mga sacerdote nga punoan ug mga Pariseo misilyo sa lubnganan	Leksyon 33: Mateo 27:51–66
	Day 2	Ang Pagkabanhaw	Leksyon 33: Mateo 28:1–20; Leksyon 79: Juan 20
	Day 3	Si Jesus nagpakita sa duha ka mga disipulo diha sa dalan sa Emaus	Leksyon 59: Lucas 24:13–32
	Day 4	Pagkagabii: Si Jesus nagpakita sa mga disipulo, Tomas	Leksyon 79: Juan 20:11–31
	Day 5	Pedro: “Managat ko,” Jesus: “Pakan-a ang akong mga karnero”	Leksyon 80: Juan 21; Leksyon 33: Mateo 28:1–20
		Ang dako nga sugo ngadto sa Napulog Duha; ang Pagkayab ngadto sa langit	Leksyon 59: Lucas 24