Mateo 21:1–16

I-display ang usa ka klase sa pagkaon o isulat sa pisara ang ngalan sa usa ka pagkaon. Pangutan-a ang mga estudyante kon nakatilaw na ba sila niini nga pagkaon ug morekomendar ba sila niini ngadto sa uban. Dapita ang usa ka estudyante nga morekomendar sa pagkaon sa pagduol sa atubangan sa klase. Hangyoa siya sa pag-imagine nga wala pay nakatilaw niini nga pagkaon. Tudloi ang estudyante kon unsay iyang isulti o buhaton aron matabangan ang usa ka tawo nga maganahang motilaw niini nga pagkaon. Dapita ang estudyante sa pagbalik og lingkod kon mahuman na. Dayon pangutan-a ang klase:

• Kon wala pa mo makatilaw niini nga pagkaon ganahan ba mong motilaw niini karon? Ngano man?

Imahe

Jesus Christ

I-display ang usa ka litrato sa Manluluwas. Ipasabut nga daghang tawo ang gamay rag nahibaloan bahin ni Jesukristo ug sa Iyang ebanghelyo ug kita dunay responsibilidad sa pagtabang sa uban nga makat-on bahin Kaniya.

Hangyoa ang mga estudyante sa pagpamalandong unsay ilang mahimo sa pagtabang og tawo nga gustong mahibalo og dugang mahitungod ni Jesukristo. Dapita sila sa pagpangita sa usa ka baruganan samtang nagtuon sila sa Mateo 21:1–11 nga makatabang nila samtang mag-awhag sila sa uban sa pagkat-on og dugang mahitungod ni Jesukristo.

Ipasabut nga ang Mateo 21 nagrekord sa mga nanghitabo lima ka adlaw sa wala pa ang Pagkalansang sa Manluluwas. Pahinumdumi ang mga estudyante nga ang panon sa katawhan misunod kang Jesus ug sa Iyang mga Apostoles samtang nagbiyahe ngadto sa Jerusalem gikan sa Jericho (tan-awa sa Mateo 20:17–18, 29).

Dapita ang usa ka estudyante sa pagbasa og kusog sa Mateo 21:1–5. Hangyoa ang klase sa pagsunod, nga mangita sa unsay gipabuhat ni Jesus sa Iyang duha ka disipulo.

• Unsa ang gipabuhat ni Jesus niining duha ka disipulo?

Ipasabut nga ang panagna nga gi-refer diha sa Mateo 21:4–5 makita sa Zacarias 9:9–10. (Dapita ang mga estudyante nga ikonsiderar ang pagsulat niini nga reference tapad sa bersikulo 5.) Panagna kini mahitungod sa gisaad nga Mesiyas, o “ang dinihugan nga Propeta, Pari, Hari, ug Tigluwas kansang pag-anhi mahinamon nga gipaabut sa mga Judeo” (Ang Giya Ngadto sa mga Kasulatan, “Mesiyas,” scriptures.lds.org). Ipasabut nga sa biblikal nga kapanahunan, ang asno [donkey] “usa ka simbolo sa harianong Judeo. … Ang pagsakay og usa ka asno … nagpakita nga si Jesus miabut isip usa ka malinawon ug ‘mapaubsanon’ nga Manluluwas, dili usa ka tigbuntog sakay sa kabayong igugubat” (New Testament Student Manual [manwal sa Church Educational System, 2014], 64).

• Unsa ang pipila ka buhat sa managlahing kultura ang nagpakita og matinahurong pagdawat sa kaharianon?

Dapita ang usa ka estudyante sa pagbasa og kusog sa Mateo 21:6–8. Hangyoa ang klase sa pagsunod, nga mangita kon unsay gihimo sa “kadaghanan sa mga tawo” (bersikulo 8) samtang si Jesus mibiyahe ngadto sa Jerusalem. (Mahimo nimong ipasabut sa mga estudyante nga ang Joseph Smith Translation, Matthew 21:5, nagklaro nga usa ra ka hayop ang gidala ug gisakyan.)

• Unsa ang gihimo sa panon sa katawhan nga matinahurong midawat ni Jesus isip Mesiyas? (Mahimo nimong ipasabut nga ang Ebanghelyo ni Juan nagpiho nga ang panon sa katawhan migamit og mga “palwa sa palmera” [Juan 12:13]. Ang mga palwa sa palmera mao ang simbolo sa mga Judeo sa kadaugan ug kalampusan batok sa mga kaaway. Ang paghapnig og carpet sa dalan, sama sa gihimo sa panon sa katawhan gamit ang mga palwa ug panapton, usa ka buhat nga gigamit sa pagtahud og usa ka hari o tigbuntog. Sa paghimo niini, ang panon sa katawhan midawat ug miabi-abi ni Jesus isip ilang Tigluwas ug Hari.)

Imahe

Triumphal Entry

I-display ang litrato nga Madaugong Pagsulod (Libro sa mga Hulagway sa Ebanghelyo [2009], nu. 50; tan-awa usab sa LDS.org). Hangyoa ang mga estudyante sa pag-imagine nga usa sila sa mga tawo dinhi sa litrato. Basaha og kusog ang unang bahin sa Mateo 21:9, ug ipabasa nga kusog og dungan sa mga estudyante ang singgit sa panon sa katawhan diha sa ikaduhang bahin [second half] sa bersikulo nga sama og kauban sila sa katawhan.

• Unsa nga pulong ang gibalik-balik sa mga tawo? (Hosanna.)

Ipasabut nga ang hosanna nagpasabut nga “luwasa na karon” (Giya Ngadto sa mga Kasulatan, “Hosanna”). Hangyoa ang mga estudyante nga ikonsiderar ang pagsulat niini nga depinisyon diha sa ilang mga kasulatan tapad sa bersikulo 9.

Ipasabut nga ang bahin sa singgit sa katawhan mituman sa mesiyanikanhong panagna nga naa sa Salmo 118:25–26. Mahimo nimong isugyot nga isulat sa mga estudyante kini nga reference tapad sa Mateo 21:9. Ipasabut nga ang harianon ug mesiyanikanhong tawag nga “Anak ni David” (bersikulo 9) gireserba para sa manununod sa trono ni David.

• Pinaagi sa pagsinggit niini, unsa ang gideklarar sa katawhan nga kinsa si Jesus?

• Kon nagpuyo mo sa Jerusalem niining panahona, unsa kaha ang inyong mahunahuna o mga pagbati samtang nasaksihan ninyo ang madaugong pagsulod sa Manluluwas?

Ipasabut nga liboan ang nadugang nga mga tawo sa Jerusalem nianang panahona nga nagsaulog sa Pagpalabay. Dapita ang usa ka estudyante sa pagbasa og kusog sa Mateo 21:10–11. Hangyoa ang klase sa pagsunod, nga mangita sa epekto sa kinaiya sa katawhan ngadto sa uban didto sa Jerusalem.

• Unsa nga pangutana ang gipangutana sa uban bahin sa kinaiya sa katawhan?

• Sigun sa gihulagway niini nga istorya, unsay posibling mahitabo kon sa publiko atong gidawat ug gihisgutan ang mahitungod ni Jesukristo? (Ang mga estudyante mahimong mogamit og lain-laing mga pulong apan kinahanglang mahibalo sila sa mosunod nga baruganan: Samtang atong gidawat ug gihisgutan sa publiko si Jesukristo, makatabang kita sa uban nga makapatubo og tinguha nga mahibalo og dugang pa mahitungod Kaniya? Mahimo nimong isulat sa pisara kini nga baruganan.)

• Unsa ang uban pang sitwasyon gawas sa mga miting sa Simbahan diin sa publiko atong maila ug mahisgutan si Jesukristo? (Tabangi ang mga estudyante sa pagsabut nga, kon angay, himoon nato kini sa pormal nga mga sitwasyon, pinaagi sa social media, ug atol sa pagpakig-istorya sa mga higala, ug mga silingan.)

• Unsaon nato sa pag-ila ug paghisgot si Jesukristo diha sa publiko nga makatabang sa uban aron mas magtinguha sila nga mahibalo pa mahitungod Kaniya?

• Unsaon ninyo sa pagtubag kon pangutan-on mo kon si kinsa si Jesukristo?

Isulat sa pisara ang mosunod nga mga pangutana, ug dapita ang mga estuyante sa pagtubag sa usa niini diha sa ilang mga class notebook o mga scripture study journal:

Human sa igong panahon, hangyoa ang pipila ka andam nga estudyante sa pagpakigbahin unsay ilang gisulat.

Awhaga ang mga estudyante sa pagpangita ug pagkuha og oportunidad sa paghisgot nga ilang giila ug gihisgutan si Jesukristo sa tukmang paagi.

I-display ang usa ka litrato sa templo sa Ulahing Adlaw nga mga Santos nga naa duol sa inyong gipuy-an. Dapita ang mga estudyante sa pagpamalandong ug paghulagway sa ilang mga hunahuna ug gibati sa katapusan nilang pag-adto sa templo. Kon ang estudyante wala pa makaadto as templo, hangyoa sila sa paghulagway kon unsa kahay ilang bation sulod sa templo.

• Unsa ang naa sa templo nga naghimo natong masinati kining mga pagbati?

Imahe

My Father’s House

I-display ang litrato nga Balay sa Akong Amahan (Libro sa mga Hulagway sa Ebanghelyo [2009], nu. 52; tan-awa usab sa LDS.org). Ipasabut nga human misulod ang Manluluwas sa Jerusalem, miadto Siya sa mga nataran sa templo. Dapita ang usa ka estudyante sa pagbasa og kusog sa Mateo 21:12–13. Hangyoa ang klase sa pagsunod, nga mangita sa unsay gipanghimo sa ubang tawo nga nakasilo sa Langitnong Amahan ug ni Jesukristo.

• Giunsa man sa pagtratar sa mga tawo ang balay sa Dios?

Ipasabut nga ang mga bisita nga miadto sa Jerusalem aron sa pagsaulog sa Pagpalabay kinahanglang mopalit og mga hayop nga ihalad isip sakripisyo diha sa templo isip usa ka bahin sa ilang pagsimba. Ang mga tigpailis og kwarta miilis sa Roman [Roman currency] ug ubang kwarta alang sa kwarta sa templo [temple currency] aron makapalit og mga hayop, ug ang ubang mga negosyante mibaligya sa mga hayop.

• Unsa ang sayop mahitungod sa paghimo og ingon niini nga mga negosyo diha sa mga nataran sa templo?

Mahimo nimong ipasabut nga bisan og gikinahanglan ang ingon niini nga negosyo ug maayo kini og tuyo, ang dapit nga gihimoan niini ug unsay gihimo sa mga negosyante walay pagtahud ug walay pagbalaan. Ang bersikulo 13 nag-ingon nga ang mga tigpailis og kwarta ug mga negosyante mas interesado nga makakwarta kay sa pagsimba sa Dios ug pagtabang sa uban nga mohimo niini.

• Unsa nga kamatuoran mahitungod sa templo ang atong makat-unan gikan sa mga pulong ug buhat sa Manluluwas? (Ang mga estudyante mahimong mogamit og lain-laing mga pulong, apan siguroha nga mahibalo sila sa mosunod nga kamatuoran: Ang balay sa Ginoo usa ka sagrado nga dapit, ug Iyang tinguha nga trataron kini uban sa balaan nga pagtahud.)

• Unsaon man nato sa pagpakita og balaang pagtahud sa balay sa Ginoo?

• Sa unsang paagi ang takus nga pagsulod sa templo magpakita og balaang pagtahud niini?

Dapita ang usa ka estudyante sa pagbasa og kusog sa Mateo 21:14. Hangyoa ang klase sa pagsunod, nga mangita kon unsay gihimo sa Manluluwas didto sa templo human sa paglimpyo niini.

• Unsa ang gihimo sa Manluluwas ngadto sa buta ug sa bakul nga miduol Kaniya didto sa templo?

• Unsa man ang atong makat-unan gikan niini nga istorya kon unsay mahimo sa Ginoo ngari nato kon mosulod kita sa templo? Siguroha nga mahibaloan sa mga estudyante ang mosunod nga mga kamatuoran: Kon mosulod kita sa templo, ang Ginoo mahimong moayo kanato.)

• Agig dugang sa pisikal nga balatian, unsa ang uban pang balatian ug mga hagit ang mahimong ayuhon sa Ginoo kon mosulod kita sa templo?

Dapita ang usa ka estudyante sa pagbasa og kusog sa mosunod nga pamahayag ni Presidente James E. Faust sa Unang Kapangulohan. Hangyoa ang mga estudyante nga maminaw sa pagpamatuod ni Presidente Faust bahin sa kamatuoran nga ilang nahibaloan.

Imahe

President James E. Faust

“Mihatag ang Ginoo og lain-laing paagi aron kita makadawat sa [Iyang] makaayo nga impluwensya. Mapasalamaton ko nga gipahiuli sa Ginoo ang buhat sa templo dinhi sa yuta. Importante kini nga bahin sa buhat sa kaluwasan alang sa buhi ug sa mga patay. Ang atong mga templo usa ka sanktwaryo nga atong kaadtoan diin atong mahikling ang daghang kabalaka sa kalibutan. Ang atong mga templo mao ang dapit sa kalinaw ug kahilum. Niining balaan nga mga sanktwaryo sa Dios ‘ginaayo ang kasingkasing nga nangadugmok, ug ginabugkosan niya ang ilang mga samad.’ (Sal. 147:3.)” (“Spiritual Healing,” Ensign, Mayo 1992, 7).

• Ngano nga ang pagsimba sa balay sa Ginoo makatabang nato nga makasinati sa Iyang makaayo nga impluwensya?

Ipasabut nga ang pagkaayo nga atong masinati kon mosimba kita sa templo mahimong diha dayon, sama sa buta, ug sa bakul nga gihulagway niini nga istorya, o mahimo sab nga dili diha dayon.

• Kanus-a kamo, o inyong mga kaila, nakasinati sa makaayo nga impluwensya pinaagi sa pagsimba sa templo? (Mahimo usab nga mopakigbahin ka og kaugalingon nimong kasinatian.)

I-summarize ang Mateo 21:15–16 pinaagi sa pagpasabut nga ang punoan nga mga sacerdote [pari] ug mga escriba nangasuko sa unsay gibuhat ni Jesus sa templo ug sa mga tawo nga didto nanagsinggit og “Hosanna” Kaniya. Gipasabut ni Jesus nga ang pagdawat sa publiko Kaniya nagtuman og usa ka panagna (tan-awa sa Salmo 8:2).

Tapusa pinaagi sa pagpakigbahin sa imong pagpamatuod sa mga kamatuoran nga gihisgutan dinhi sa leksyon.