1 Mga Taga-Corinto 7–14 (Unit 22)

Materyal sa Pagpangandam alang sa Home-Study Teacher

Summary sa mga Leksyon sa Daily Home-Study

Ang mosunod nga summary sa mga panghitabo, doktrina, ug mga baruganan nga nakat-unan sa mga estudyante samtang sila nagtuon sa 1°Mga Taga-Corinto (unit 22) dili tuyo nga itudlo isip kabahin sa imong leksyon. Ang mga leksyon nga imong itudlo magtutok lamang sa pipila niining mga doktrina ug mga baruganan. Sunda ang mga pag-aghat sa Balaang Espiritu samtang naghunahuna ka sa mga panginahanglan sa imong mga estudyante.

Day 1 (1 Mga Taga-Corinto 7–8)

Gikan sa mga instruksyon ni Pablo ngadto sa minyo ug dili minyo nga mga miyembro sa Simbahan sa Corinto, nakat-unan sa mga estudyante nga ang pisikal nga kasuod tali sa bana ug asawa nga gi-orden sa Dios ug ang matinud-anong mga sumusunod ni Jesukristo adunay balaanon nga epekto sa ilang mga pamilya. Nakat-unan usab sa mga estudyante nga kita makapakita og gugma nga putli alang sa uban pinaagi sa paglikay sa mga binuhatan nga dili modala kanila nga masipyat sa espirituhanong paagi.

Day 2 (1 Mga Taga-Corinto 9–10)

Samtang nagpadayon ang mga estudyante sa ilang pagtuon sa tambag ni Pablo ngadto sa mga Santos sa Mga Taga-Corinto, sila nakakat-on nga aron makaangkon og kinabuhing dayon, kinahanglang magkat-on kita sa pagkontrolar sa kaugalingon sa tanang mga butang. Nadiskobrehan usab nila nga ang Dios moandam og paagi alang kanato sa paglingkawas sa tintasyon, apan kinahanglan pilion nato nga ibulag ang atong kaugalingon gikan sa tintasyon.

Day 3 (1 Mga Taga-Corinto 11)

Ang mga estudyante nakat-on nga diha sa plano sa Ginoo, ang mga lalaki ug babaye dili makabaton og kinabuhing dayon nga wala ang usag usa. Nakat-on usab sila nga kadtong dili takus nga moambit sa sakrament modala og panghimaraut ug tunglo sa ilang mga kaugalingon. Busa kinahanglan natong susihon ang atong mga kinabuhi samtang moambit kita sa sacrament.

Day 4 (1 Mga Taga-Corinto 12–14)

Gikan sa mga pagtulun-an ni Pablo bahin sa mga gasa sa Espiritu, ang mga estudyante nakat-un sa mosunod nga mga kamatuoran: Pinaagi lamang sa Espiritu Santo nga kita makaangkon og usa ka personal nga pagpamatuod nga si Jesukristo mao ang atong Manluluwas. Samtang nagtinguha kita sa pag-angkon sa espirituhanong mga gasa sa gugma nga putli, mahimo kitang mas mahisama sa atong Manluluwas, si Jesukristo. Ang gugma nga putli mao ang labing mahinungdanong gasa sa Espiritu. Samtang magtudlo ug magpamatuod kita pinaagi sa inspirasyon, makatabang kita sa paglig-on ug paghupay sa uban.

Pasiuna

Misulat si Pablo mahitungod sa daghang gasa sa Espiritu. Iyang gitandi ang Simbahan ngadto sa usa ka pisikal nga lawas ug mipasabut nga ingon nga ang lawas nagkinahanglan sa matag bahin aron tukma nga makalihok, matag miyembro sa Simbahan makagamit sa mga gasa sa Espiritu aron makatampo ug mapalig-on ang Simbahan.

Mga Sugyot alang sa Pagtudlo

1 Mga Taga-Corinto 12:1–11

Si Pablo nagtudlo mahitungod sa espirituhanon nga mga gasa

Ipakita ang usa ka litrato sa mosunod nga bato:

Imahe

stone, whate’er thou art act well thy part

Dapita ang usa ka estudyante sa pagbasa og kusog sa nahisulat sa ibabaw sa bato. Ipasabut nga samtang si Presidente David O. McKay nagserbisyo og misyon didto sa Scotland, nakita niya kining bato ibabaw sa pultahan duol sa Stirling nga Palasyo ug nadasig sa mensahe niini (tan-awa sa Francis M. Gibbons, David O. McKay: Apostle to the World, Prophet of God [1986], 45).

Ipasabut nga ang matag simbolo diha sa siyam ka kwadrado sa bato nagpakita og sa bili sa numero. Hangyoa ang mga estudyante sa pag-ila sa bililhon nga numero sa matag porma. (Gikan sa wala ngadto sa tuo, ang mga simbolo nga nagpakita og 5, 10, ug 3 sa ibabaw nga laray; 4, 6, ug 8 diha sa taliwala nga laray; ug 9, 2, ug 7 diha sa ubos nga laray.)

Unsa ang sumada sa tulo ka numero nga gipakita diha sa kinatas-an nga row? sa tunga-tunga nga row? sa kinaubsan nga row?

Ipasabut nga ang tulo ka mga numero makita sa bisan unsa nga laray, kolum, o diagonal nga linya niining bato mosumada og 18. Usa ka rason niining porma mahimong nalakip niining mga pulong “Bisan Unsa Ka Man Ayoha og Himo ang Bahin Mo” mao nga kon bisan asa niining porma diin subling gihan-ay o kon ang mga balor niini nausab, ang mga row ug kolum diha sa bato dili na masumada ngadto sa 18 sa matag direksyon.

Dapita ang mga estudyante samtang sila magtuon sa 1 Mga Taga Corinto 12 sa pagkonsiderar kon sa unsang paagi nga kitang mga miyembro sa Simbahan nahisama sa mga porma diha sa bato.

Dapita ang usa ka estudyante sa pagbasa og kusog sa 1°Mga Taga-Corinto 12:7. Hangyoa ang klase sa pagsunod, nga mangita kon nganong ang mga gasa sa Espiritu gihatag ngari kanato. (Kon gikinahanglan, ipasabut nga “aron mapuslan” nagpasabut nga alang sa kaayuhan sa tanang mga Santos.)

Unsa nga kamatuoran ang atong makat-unan gikan ni Apostol Pablo mahitungod sa kon nganong nahatag ang mga gasa sa Espiritu ngadto sa mga anak sa Langitnong Amahan? (Ang mga estudyante mahimong mogamit og lain-laing mga pulong apan kinahanglan makaila og usa ka kamatuoran nga susama sa mosunod: Ang mga gasa sa Espiritu nahatag aron makabenepisyo ang tanang anak sa Langitnong Amahan. Isulat kini nga kamatuoran diha sa pisara.)

Dapita ang usa ka estudyante sa pagbasa og kusog sa 1 Mga Taga-Corinto 12:8-11. Hangyoa ang klase sa pagsunod, nga mangita sa mga espirituhanong mga gasa nga nahisgutan ni Pablo.

Dapita ang mga estudyante sa pagreport sa espirituhanong mga gasa nga ilang nakaplagan ug ang kahulugan sa matag gasa. Kon gikinahanglan, ipasabut nga “ang pulong sa kaalam” sa (bersikulo°8) nagpasabut sa maayong paghukom ug sa tukma nga paggamit sa kahibalo; ang “pulong sa kahibalo” (bersikulo°8) nagpasabut ngadto sa kasayuran sa Dios ug sa Iyang mga balaod; “pag-ila sa nagkalainglaing espiritu” (bersikulo°10) nagpasabut sa pag-ila sa kamatuoran ug dili tinuod ug pagsabut sa maayo ug dautan sa uban; ug “nagkalainlaing pagpanultig mga dila” (bersikulo 10) nagpasabut nga ang abilidad nga mamulong sa langyaw o wala mailhing mga pinulongan.

Sa unsang paagi nga kining espirituhanong mga gasa makabenepisyo sa mga anak sa Dios?

Ipasabut nga ang espirituhanon nga mga gasa nga nahisgutan ilabi na diha sa mga kasulatan pipila lamang sa daghang mga gasa nga atong madawat pinaagi sa Espiritu.

Unsa pay uban nga mga gasa nga moabut nato pinaagi sa Espiritu Santo?
Unsa nga espirituhanong mga gasa nga inyong namatikdan diha sa inyong mga sakop sa pamilya, mga higala, ug mga classmate?
Unsa ang atong mahimo aron madiskobrehan ang atong espirituhanon nga mga gasa? (Hangyoa ang Langitnong Amahan mahitungod niini diha sa pag-ampo ug dawata ug tun-i ang atong patriyarkal nga mga panalangin.)

Dapita ang mga estudyante sa pagpamalandong sa espirituhanon nga mga gasa nga sila nahatagan ug sa unsa nga paagi nga makabenepisyo sila gikan niini ug gamiton kini aron makabenepisyo sa uban.

1 Mga Taga-Corinto 12:12–31

Ang mga gasa sa Espiritu gihatag aron panalanginan ang tibuok miyembro sa Simbahan

Paghangyo og upat ka estudyante sa pag-adto sa pisara. Ayaw padungga ang tibuok klase, i-assign ang matag usa niining mga estudyante usa sa mosunod nga mga pulong: tiil, kamot, dunggan, ug mata. Tudloi ang matag estudyante sa pag-drowing og usa ka hulagway sa iyang pulong diha sa pisara, ug hangyoa ang klase sa pagtag-an unsa ang gi-drowing sa matag estudyante. Human ang klase makaila og ensakto sa matag drowing, dapita ang mga estudyante sa pagbalik ngadto sa ilang mga lingkuranan. Hangyoa ang klase sa pagkonsiderar kon sa unsang paagi ang mga tiil, mga kamot, mga dalunggan, ug mga mata nakatampo sa pagtrabaho sa lawas.

Nasulayan ba ninyo nga naangol ang usa sa parte sa lawas, sama sa tudlo, ngipon, o kumagko? Sa unsang paagi nga kining gamayng kaangol nakaapekto sa bisan simpling inadlaw-adlaw nga mga tahas.

Dapita ang usa ka estudyante sa pagbasa og kusog sa 1°Mga Taga-Corinto 12:12–14. Hangyoa ang klase sa pagsunod, nga mangita kon sa unsay gikatandi ni Pablo sa lawas ug sa mga parte niini.

Unsay gikatandi ni Pablo sa lawas ug sa mga parte niini? (Ang Simbahan ni Jesukristo ug mga miyembro niini.)

Isulat ang mosunod nga pakisayran sa kasulatan ug pangutana diha sa pisara:

1 Mga Taga-Corinto 12:15–22, 25–30

Sa unsa nga mga paagi nga si Pablo mitandi sa lawas ngadto sa Simbahan?

Bahina ang mga estudyante sa duha o tulo ka grupo. Hangyoa ang matag grupo nga magdungan sa pagbasa sa 1 Mga Taga-Corinto 12:15–22, 25–31, nga mangita og mga paagi diin gikomparar ni Pablo ang mga miyembro sa Simbahan ngadto sa parte sa lawas. Mahimo nimong isugyot nga ang mga estudyante mangita alang sa unsay gitudlo ni Pablo mahitungod sa lawas ug sa mga parte niini sa dili pa ilhon kon giunsa niya pagpahisama ang lawas ngadto sa mga miyembro sa Simbahan. Human sa igo nga panahon, hangyoa ang mga estudyante sa pagreport unsa ang ilang nakit-an.

Ngano kaha nga si Pablo mihisgut sa mga katungdanan sa matag usa sa mga miyembro sa Simbahan paghuman niya og sulat mahitungod sa espirituhanon nga mga gasa?
Unsa nga mga kabalaka lagmit anaa sa mga miyembro sa Simbahan karon nga mahimong masulbad ra pinaagi sa mga pagtulun-an ni Pablo mahitungod sa pagpahisama sa mga miyembro sa Simbahan sa mga parte sa lawas?
Unsa nga baruganan ang atong makat-unan gikan sa pagtandi ni Pablo sa mga miyembro sa Simbahan ngadto sa mga parte sa lawas? (Ang mga estudyante mahimong mogamit og lain-laing mga baruganan, apan siguradoa nga ilang mailhan ang mosunod nga baruganan: Samtang naggamit kita sa atong lahi nga espirituhanon nga mga gasa sa pagserbisyo sa uban, makapalig-on kita sa Simbahan. Isulat kini nga baruganan diha sa pisara.)

I-refer ang mga estudyante ngadto sa litrato sa bato nga gipakita sa sinugdanan sa leksyon.

Sa unsang paagi nga kita isip mga miyembro sa Simbahan nahisama sa lain-laing porma niining bato? (Matag usa kanato lahi, ug kita adunay importanting tahas bisan asa ang Ginoo motawag kanato sa pagserbisyo. Samtang atong gihiusa ang atong mga gasa ug mga abilidad sa pagserbisyo sa Ginoo, ang tibuok Simbahan mapanalanginan. Unsa ang atong gibuhat importante, ug kini makatabang sa pagtuman sa buhat sa Simbahan.)
Sa unsa nga paagi nga inyong nakita ang inyong pamilya; seminary, Sunday School, Young Women, o klase sa priesthood; o usa ka ward o branch nga nalig-on pinaagi sa espirituhanong mga gasa sa mga miyembro niini?

Hangyoa ang mga estudyante sa pagpamalandong kon unsaon nila paggamit ang ilang espirituhanon nga mga gasa sa pagpalig-on sa Simbahan ug mopanalangin sa mga kinabuhi sa uban. Ipasabut nga ang tambag ni Pablo nga narekord diha sa 1 Mga Taga Corinto 12:31 ngadto sa “tinguhaa hinoon ninyo pag-ayo ang labi pa ka dagkong mga hiyas.” (Ipasabut nga ang tinguhaa diha niining bersikulo nagpasabut nga “magtinguha nga makugihon”.)

Unsa ang atong buhaton aron magmatinguhaon sa pagpangita sa “ang labing maayo nga mga gasa” sa Espiritu (tan-awa usab sa D&P 46:8–9)?

Ipadayag ang imong pagpamatuod ug pasalamat sa espirituhanong mga gasa, ug awhaga ang mga estudyante sa makugihon nga magtinguha ug mogamit sa ilang espirituhanong mga gasa sa pagserbisyo sa uban ug paglig-on sa Simbahan.

Sunod nga Unit (1°Mga Taga-Corinto 15–2 Mga Taga-Corinto 7)

Hangyoa ang mga estudyante sa pagkonsiderar sa mosunod nga mga pangutana samtang magtuon sila sa sunod nga unit: Ngano man si Apostol Pablo naghisgut sa bunyag alang sa mga patay? Kinsa ang mabanhaw? Unsa nga himaya ang naghulat sa nabanhaw nga binuhat? Tanan bang nabanhaw nga binuhat makaangkon og managsamang himaya? Dapita ang mga estudyante sa paghunahuna mahitungod kon unsay naghatag nila og paglaum, ilabi na kon sila makasinati og kasub-anan, kapakyasan, o mga trahedya. Ipasabut nga sa sunod nga unit sila makakat-on og mga doktrina ug mga baruganan sa mga pagtulun-an ni Pablo ngadto sa mga Santos sa Corinto nga makahatag kanila og kalinaw ug paglaum.