Mga Taga-Roma 4–7

Kopyaha ang mosunod nga litrato ug hugpong sa mga pulong diha sa pisara.

Imahe

drawing, man crawling in desert

Dapita ang mga estudyante sa paghunahuna nga sila himatyon na sa kauhaw diha sa disyerto ug nga adunay usa ka botelya nga tubig nga ibabaw sa duol nga bungtod.

• Hain sa mosunod ang moluwas kaninyo: (a) ang imong pagtuo nga ang tubig makaluwas kaninyo, (b) ang inyong paningkamot aron sa pagkuha sa tubig ug moinom niini, o (c) ang tubig mismo? (Ayaw isulti kon husto ang mga tubag sa mga estudyante.)

Ipasabut nga kini nga sitwasyon makatabang kanato nga makasabut sa mga pagtulun-an ni Pablo diha sa Mga Taga-Roma 4–7 mahitungod sa unsa nga paagi nga ang pagtuo, ang mga buhat, ug grasya nga may kalabutan sa doktrina sa kapangayan. (Pahinumdumi ang mga estudyante nga ang mga pagtulun-an ni Pablo kabahin sa kapaangayan gipaila diha sa Mga Taga-Roma 1–3.)

• Sumala sa mga pagtulun-an ni Pablo sa Mga Taga-Roma 1–3, unsa ang gipasabut nga mahatagan og kaangayan? (Aron mapasaylo gikan sa silot sa sala ug madiklarar nga walay sala.)

Ihatag ang kinatibuk-ang kahulugan sa Mga Taga-Roma 4 pinaagi sa pagpasabut nga ang pipila sa mga Santos nga Judeo sa Roma nasobrahan ang paghatag og pagpasabut sa ilang kaugalingong mga paningkamot ug sa balaod ni Moises diha nga kahatagan og kaangayan.

• Sa unsang paagi nga ang ubang mga tawo karon adunay sayop nga pagsabut sa kapaangayan?

• Hain sa mga opsyon nga nasulat sa pisara ang nagpakita sa ideya nga kita mahimong maluwas pinaagi sa atong mga buhat? (Isulat ang (Mga Buhat) tupad opsyon B.)

Ipasabut nga naningkamot si Pablo sa pagkorihir sa sayop nga pagsabut nga nahitabo sa iyang panahon pinaagi sa pagpahinumdom sa mga Judeo mahitungod sa karaan nga patriyarka nga si Abraham, kinsa nakita sa daghang mga Judeo isip usa nga nahatagan og kaangayan.

Pagdapit og usa ka estudyante sa pagbasa og kusog sa Hubad ni Joseph Smith, Juan 4:2–5 (sa Bible appendix). Hangyoa ang klase sa pagsunod, nga mangita kon nganong si Abraham nahukman sa pagkamatarung.

• Sa unsa nga si Abraham wala mahatagi og kaangayan? (Ang “balaod sa mga buhat.”)

• Sumala sa pagtulun-an ni Pablo nga narekord diha sa Mga Taga-Roma 1–3, nganong dili kita mahatagan og kaangayan pinaagi sa balaod sa buhat? (Si Pablo mitudlo nga, “sanglit nakasala man ang tanan, ug nakabsan sa himaya sa Dios” [Mga Taga-Roma 3:23]. Aron mahatagan og kaangayan pinaagi sa balaod sa buhat gikinahanglan nga kita dili gayud magpakasala.)

Ipasabut nga sama sa narekord sa Mga Taga-Roma 4:6–8, si Pablo mikutlo ni Haring David aron sa pagpadayon sa paghulagway nga ang atong buhat dili igo nga mahatagan kita og kaangayan o makapahimo nato nga inosente.

Sa pag-summarize sa Mga Taga-Roma 4:9–15, dapita ang usa ka estudyante sa pagbasa og kusog sa mosunod nga paragraph:

Aron sa pagdaut sa ideya nga kadto lamang kinsa walay sirkunsisyon ug nagsunod sa balaod ni Moises ang makadawat sa mga panalangin sa pagkahimong matinud-anon, si Pablo mitudlo nga si Abraham nakadawat og mga panalangin sa iyang pagkamatinud-anon una pa niya nadawat ang sirkunsisyon nga timaan sa iyang pagkamatinud-anon. Si Abraham nagpadayon sa pagkamatinud-anon human makigsaad sa Dios ug sa sirkunsisyon. Niining paagiha, si Abraham nahimong amahan sa tanan nga matinud-anon, may sirkunsisyon man (mga Hentil) o walay sikunsisyon (mga Judeo).

Dapita ang usa ka estudyante sa pagbasa og kusog sa Hubad ni Joseph Smith Hubad sa Mga Taga-Roma 4:16  ug pangutan-a ang klase sa pagsunod ug sa pagpangita og mas kompleto nga pagpasabut kon sa unsang paagi kita mahatagan og kaangayan.

• Sa unsang paagi kamo nahatagan og kaangayan? (Kinahanglang mahibaloan sa mga estudyante ang mga doktrina nga susama sa mosunod: Kita mahatagan sa kaangayan pinaagi sa hugot nga pagtuo ug mga binuhatan pinaagi sa grasya.)

Pahinumdumi ang mga estudyante nga ang grasya nagpasabut sa mga panalangin, kalooy, tabang, ug kalig-on nga anaa kanato tungod sa Pag-ula ni Jesukristo.

• Hain sa mga opsyon nga nasulat sa pisara ang nagpresentar sa Pag-ula ug grasya ni Jesukristo? Hain nga opsyon ang nagpresentar sa atong pagtuo diha Kaniya? (Human ang estudyante makatubag, isulat ang (Pag-ula ug grasya ni Jesukristo) sunod sa opsyon C ug (Hugot nga Pagtuo) sunod sa opsyon A.)

• Kon anaa kita niining sitwasyon, maluwas ba kita pinaagi sa atong pagtuo ug mga paningkamot kon walay tubig? (Dili.) Sa unsang paagi nga ang tubig niining sitwasyona sama sa Pag-ula ug grasya ni Jesukristo?

Dapita ang usa ka estudyante sa pagbasa og kusog sa mosunod nga pamahayag ni Presidente Dieter F. Uchtdorf sa Unang Kapangulohan:

Imahe

President Dieter F. Uchtdorf

“Ang kaluwasan dili makuha uban sa salapi sa kamasulundon; kini gipalit pinaagi sa dugo sa Anak sa Dios. [tan-awa sa Mga Buhat 20:28]. …

“Ang grasya usa ka gasa sa Dios, ug ang atong tinguha nga magmasulundon sa matag sugo sa Dios mao ang paghatag sa atong mortal nga kamot sa pagdawat niining sagradong gasa gikan sa atong Langitnong Amahan” (“Ang Gasa sa Grasya,” Ensign o Liahona, Mayo 2015, 109, 110).

Ipasabut nga samtang ang mga sitwasyon nga gihulagway diha sa pisara makatabang kanato nga makasabut sa unsang paagi nga ang pagtuo, mga buhat, ug grasya nakatampo ngari kanato nga kahatagan og kaangayan, kini wala naghulagway sa mga pamaagi nga atong madawat ang grasya sa Manluluwas. Si Jesukristo dili lamang makahatag og tubig nga makaluwas sa kinabuhi nga nagrepresentar sa Iyang grasya, nga maghatag og kaangayan kanato ug molimpyo kanato gikan sa sala; Siya usab makapahimo kanato nga makabaton og hugot nga pagtuo ug kalig-on nga atong gikinahanglan aron sa pagkuha sa tubig, o maka-access sa Iyang grasya. Kita mapanalanginan pinaagi niining grasya sa wala pa, sa panahon, ug human nga kita mogamit sa hugot nga pagtuo diha Kaniya ug mohimo og maayong mga buhat.

Pagdapit og usa ka estudyante sa pagbasa og kusog sa mosunod nga pamahayag ni Elder David A. Bednar sa Korum sa Napulog Duha ka mga Apostoles:

Imahe

Elder David A. Bednar

“Ang gahum sa Pag-ula naghimo sa paghinulsol nga posible ug … naglig-on usab kanato sa pagtan-aw, pagbuhat ug paghimong mamaayo sa mga paagi nga dili gayud nato mailhan o matuman sa atong limitadong tawhanong kapasidad” (“Busa Sila Mihupay sa Ilang mga Kahadlok,” Ensign o Liahona, Mayo 2015, 47).

• Sa unsang paagi nga ang grasya sa Manluluwas makatabang kanato nga mogamit sa hugot nga pagtuo diha Kaniya ug magbuhat og mga maayong buhat?

• Unsa nga mga buhat nga atong mahimo aron makapakita sa atong hugot nga pagtuo diha kang Kristo ug mahatagan og kaangayan pinaagi sa Iyang grasya? (Paghinulsol ug pagsunod sa mga kasugoan ug makadawat sa mga ordinansa sa ebanghelyo.)

Dapita ang mga estudyante nga magrupo og tinagurha o tinagutlo ug aron ipasabut ngadto sa matag usa kon sa unsang paagi nga ang hugot nga pagtuo ug ang matarung nga mga buhat makatabang kanato nga madawat ang grasya sa Manluluwas aron kita kahatagan og kaangayan. (Siguroha nga ang mga estudyante nakasabut nga ang hugot nga pagtuo diha ni Ginoong Jesukristo ug sa Iyang gahum sa pagluwas kanato modasig nato sa pagdawat sa gikinahanglan nga mga ordinansa ug motuman sa sugo sa Dios, nga nagtugot kanato nga mahimo nga kahatagan og kaangayan pinaagi sa grasya sa Manluluwas.)

I-summarize ang Mga Taga Roma 5 pinaagi sa pagpasabut nga si Pablo mitudlo sa kalinaw nga moabut niadtong magpaduol sa grasya ni Kristo pinaagi sa hugot nga pagtuo (tan-awa sa bersikulo 1–2). Mipadayon siya sa pagpasabut nga ang grasya magamit nato tungod kay ang Pag-ula ni Jesukristo molabaw pa sa igong gikinahanglan nga makabuntog sa mga epekto sa Pagkapukan.

Pangutan-a ang mga estudyante kon unsaon nila sa pagtubag ang mosunod nga mga sitwasyon:

Ang inyong higala sa katapusan nagplano na gayud nga moserbisyo sa misyon apan sa pagkakaron naghimo og mga pagpili nga sukwahi sa sumbanan sa Ginoo. Sa dihang mipadayag kamo og kabalaka mahitungod sa kinaiya sa inyong higala, miingon siya, “Dili ni dakong problema. Tungod sa Pag-ula, makahinulsol ra ko kanunay sa dili pako magmisyon.”

Ipasabut nga ang ubang tawo motuyo og supak sa mga sugo sa Dios, nagplano nga maghinulsol sa kaulahian, sama sa dili pa sila moadto sa templo o moserbisyo og misyon. Dapita ang mga estudyante samtang sila magtuon sa Mga Taga-Roma 6 nga mangita nganong kining kinaiya nagpaila sa usa ka sayop nga pagsabut sa doktrina sa grasya.

Ipares-pares ang mga estudyante. Dapita ang matag pares nga magdungan sa pagbasa og kusog sa Mga Taga-Roma 6:1–6, 11–12 ug hisguti kon sa unsang paagi nga ang mga pagtulun-an ni Pablo mokorihir sa mga hunahuna sa ilang mga higala. Human sa igong panahon, pangutana:

• Giunsa ni Pablo sa pagtubag ang mga sayop nga pagtuo nga ang grasya sa Manluluwas awtomatik nga mopalingkawas kanato gikan sa atong mga sala?

• Unsay inyong hunahuna ang gipasabut nga “mamatay na ngadto sa sala” (bersikulo 2) ug mahimong “pinaagi sa bautismo gilubong kita uban kaniya ngadto sa kamatayon” (bersikulo 4)?

• Sumala niining mga bersikulo, unsa man ang gihulagway sa pagbunyag pinaagi sa pagpaunlod? (Human makatubag ang mga estudyante, tabangi sila nga makahibalo sa mosunod nga doktrina: Ang pagbunyag pinaagi sa pagpaunlod mahimong magsimbolo sa kamatayon sa atong sala ug pagkabag-o sa espirituhanong kinabuhi.)

Ipasabut nga ang bag-ong espirituhanon nga kinabuhi magsugod kon nabunyagan kita lakip na ang pagdawat sa kapasayloan sa atong mga sala ug mopasalig sa pagsunod sa mga sugo sa Dios.

Aron maandam ang mga estudyante sa pag-ila sa dugang nga mga baruganan diha sa Mga Taga-Roma 6, pagpakita og pipila ka kwarta.

• Kinsa ang nagbayad sa suholan sa usa ka empleyado? Nganong ang usa ka tig-empleyo dili man mobayad alang sa suholan sa empleyado sa ubang tawo?

Dapita ang mga estudyante sa pagbasa sa hilum ang Mga Taga-Roma 6:13, mangita alang sa duha ka “tig-empleyo”, o mga agalon, usa ka tawo nga makatugyan ug makaserbisyo. (Tingali kinahanglan nimong ipasabut nga ang pagtugyan dinhi niining bersikulo nagpasabut sa paghalad o paghatag sa inyong kaugalingon.) Hangyoa ang mga estudyante sa pagreport sa ilang nakit-an.

Drowinga ang mosunod nga tsart sa pisara:

Dapita ang mga estudyante sa pagbasa sa hilum ang Mga Taga-Roma 6:14–23. Hangyoa ang katunga nila sa pagpangita sa mga “suhol” (bersikulo 23), o sa mga sangputanan, sa sala ug ang laing katunga sa pagpangita og mga ganti gikan sa Dios. Human sa igong panahon, hangyoa ang pipila ka mga estudyante sa pag-adto sa pisara aron isulat diha sa tsart unsay ilang nakit-an. (Ubos sa “Bayad sa sala” kinahanglan isulat sa mga estudyante ang Kamatayon [tan-awa sa mga bersikulo 16, 21, 23], ug ubos sa “Ganti gikan sa Dios” sila kinahanglang mosulat Pagkamatarung [tan-awa sa bersikulo 16], Pagkabalaan [tan-awa sa bersikulo 19, 22], walay Katapusan nga kinabuhi [tan-awa sa bersikulo 22], ug Kinabuhing dayon [tan-awa sa bersikulo 23].) Ipasabut nga ang kamatayon ingon og bayad sa sala nagpasabut sa “pagkabulag gikan sa Dios ug sa Iyang mga impluwensya” ug nagpasabut sa “pagkamatay sa mga butang kabahin sa pagkamatarung” (Giya ngadto sa mga Kasulatan, “Kamatayon, Espirituhanon,” scriptures.lds.org).

• Unsa nga mga baruganan ang atong makat-unan gikan sa Mga Taga-Roma 6:16 mahitungod sa mga sangputanan sa pagtugyan ngadto sa sala? (Ang mga estudyante mahimong mogamit og lain-laing mga pulong apan kinahanglang mahibalo sa mosunod nga baruganan: Kon kita motugyan ngadto sa sala, nan mahimo kitang mga ulipon sa sala.)

• Sa unsang paagi nga ang pagtugyan ngadto sa usa ka sala makahimo kanato nga sulugoon ngadto nianang sala?

Dapita ang mga estudyante sa pagpamalandong sa mga higayon sa dihang ang usa ka tawo mitugyan ngadto sa sala nga misangput ngadto sa pagkawala sa kagawasan.

Tan-awa ang lista ubos sa “Ang mga ganti sa Dios.”

• Unsa man ang mga benepisyo sa pagserbisyo sa pagkamatarung kay sa mga sala?

• Unsa nga baruganan ang atong makat-unan gikan sa mga pagtulun-an ni Pablo mahitungod sa kon unsaon nga mamahimong gawasnon gikan sa sala ug makadawat sa kinabuhing dayon? (Ang mga estudyante mahimong mogamit og lain-laing mga pulong apan kinahanglang makaila sa baruganan nga susama sa mosunod: Kon atong itugyan ang atong mga kaugalingon ngadto sa Dios, mahimo kitang gawasnon gikan sa sala ug makadawat sa gasa sa kinabuhing dayon.)

• Sa unsang mga paagi nga atong matugyan ang atong mga kaugalingon ngadto sa Dios?

• Sa unsang mga paagi nga inyong nasinati nga nakalingkawas gikan sa sala pinaagi sa pagtugyan sa inyong mga kaugalingon ngadto sa Dios?

Ipamatuod ang kaimportante sa pagtugyan sa atong mga kaugalingon ngadto sa Dios. Dapita ang mga estudyante nga magsulat og usa ka tumong kalabut sa paagi kon sa unsaon nila nga mas makatugyan sa ilang mga kaugalingon ngadto sa Dios.

I-summarize ang Mga Taga-Roma 7 pinaagi sa pagpasabut nga si Pablo migamit og sambingay sa kaminyoon sa pagtudlo sa mga miyembro sa Simbahan nga nakalingkawas na gikan sa balaod ni Moises ug mipasakop ngadto kang Kristo. Misulat usab siya mahitungod sa panlimbasog tali sa “unod” (bersikulo 18), o lawasnong gana, ug “ang tawo nga nagapuyo sulod nako” (bersikulo 22), o pagka-espirituhanon.

Tapusa pinaagi sa pagpamatuod sa mga kamatuoran nga gitudlo niining leksyon.