Si Pablo mipadayon sa pagtudlo sa mga Santos sa Corinto mahitungod sa Pagkabanhaw. Nagmaya siya diha sa kadaugan ni Jesukristo batok sa kamatayon. Miawhag si Pablo sa mga miyembro sa Simbahan didto sa Corinto sa paghatag og mga donasyon alang sa mga kabus nga mga Santos sa Jerusalem.
Sa dili pa magsugod ang klase, isulat ang mosunod nga pangutana diha sa pisara: Sa unsang paagi ang mga tawo mopili nga magpakabuhi kon sila wala mituo nga sila mabuhi pag-usab human sila mamatay?
Sa pagsugod sa klase, dapita ang mga estudyante sa pagtubag ngadto sa mga pangutana nga nasulat sa pisara.
I-summarize ang 1 Mga Taga-Corinto 15:30–34 pinaagi sa pagpasabut nga si Pablo mihangyo sa mga Santos nga Mga Taga-Corinto (nga ang pipila kinsa nasayop sa pagtuo nga walay pagkabanhaw) aron sa pagkonsiderar kon nganong ang tawo kinsa mituo diha kang Jesukristo makalahutay sa mga pagpanggukod ug sa risgo nga kamatayon kon wala pa untay pagkabanhaw sa patay.
Dapita ang usa ka estudyante sa pagbasa og kusog sa 1 Mga Taga-Corinto 15:32. Hangyoa ang klase sa pagsunod, nga mangita sa kinaiya nga gisugyot ni Pablo nga tingali mabatonan sa mga tawo kon wala pa unta ang pagkabanhaw sa patay.
Sumala sa bersikulo 32, unsa nga kinaiya nga gisugyot ni Pablo nga mabatonan sa mga tawo kon dili sila motuo sa Pagkabanhaw?
Gumikan kay ang Pagkabanhaw tinuod, nganong kuyaw man ang pagdawat niining kinaiya?
Dapita ang mga estudyante sa pagpangita sa mga kamatuoran samtang ilang tun-an ang nahabilin sa 1 °Mga Taga-Corinto°15 nga makatabang nila nga masabtan kon sa unsang paagi nga ang pagbaton og kahibalo sa Pagkabanhaw makaimpluwensya sa ilang mga pagpili diha sa mortalidad. (Pahinumdom: Samtang mailhan ang mga kamatuoran, isulat kini diha sa pisara.)
Dapita ang usa ka estudyante sa pagbasa og kusog sa 1 Mga Taga-Corinto 15:35. Hangyoa ang klase sa pagsunod, nga mangita sa mga pangutana sa mga tawo mahitungod sa Pagkabanhaw. Dapita ang mga estudyante sa pagreport sa ilang nakit-an.
I-summarize 1 Mga Taga-Corinto 15:36–38 pinaagi sa pagpasabut nga si Pablo mitabang sa pagtubag niining mga pangutana pinaagi sa paggamit og usa ka liso aron pagpakita sa mortal nga lawas, diin human sa kamatayon ug paglubong sa yuta mobangon diha sa Pagkabanhaw.
Ipakita (o idrowing diha sa pisara) ang mga hulagway sa adlaw, bulan, ug pipila ka mga bitoon.
Imahe
drawing, sun, moon, stars
Gikan sa atong panlantaw dinhi sa yuta, unsaon pagtandi sa kahayag sa adlaw ngadto sa kahayag sa buwan?
Sa unsang paagi nga ang kahayag sa buwan makomparar sa kahayag sa bitoon?
Dapita ang usa ka estudyante sa pagbasa og kusog sa 1 Mga Taga-Corinto 15:39–42. Siguroha nga siya makabasa usab sa Hubad ni Joseph Smith sa 1°Mga Taga-Corinto 15:40. Hangyoa ang klase sa pagsunod, nga mangita kon giunsa sa paggamit ni Pablo ang kahayag sa adlaw, buwan, ug mga bitoon sa pagpasabut sa kalainan diha sa pagkabanhaw sa mga lawas. Ipasabut nga dinhi niining konteksto ang pulong himaya mahimong magpasabut sa kahayag, kasulaw, o kasidlak.
Unsay gikomparar ni Pablo ngadto sa himaya sa adlaw, buwan, ug sa mga bitoon? (Ang himaya sa nabanhaw nga mga lawas.)
Unsa man ang ikatudlo niining mga kalainan sa kahayag o himaya mahitungod sa nabanhaw nga mga lawas? (Ang mga estudyante mahimong mogamit og lain-laing mga pulong, apan siguraduha nga ilang mailhan ang mosunod nga doktrina: Adunay mga nagkalainlaing mga ang-ang sa himaya alang sa nabanhaw nga mga lawas.)
Dapita ang usa ka estudyante sa pagbasa og kusog sa mosunod nga pamahayag ni Presidente Joseph Fielding Smith. Hangyoa ang klase sa pagpaminaw kon sa unsang paagi nga ang nagkadaiyang himaya sa nabanhaw nga mga lawas molahi sa usag usa. Sa dili pa mobasa ang estudyante, ipasabut nga sa dihang si Presidente Smith mipasabut ngadto sa “mga lawas nga celestial,” nagpasabut siya niadtong makabaton sa labing taas nga ang-ang sa celestial nga gingharian (tan-awa sa D&P 131:1–4).
Imahe
Presidente Joseph Fielding Smith
“Sa pagkabanhaw adunay lain-laing matang sa mga lawas; kining tanan dili managsama. Ang lawas nga madawat sa tawo motino sa iyang lugar pagkahuman niini. Adunay mga celestial nga mga lawas, terrestrial nga mga lawas, ug telestial nga mga lawas. …
“… Ang pipila makaangkon og mga celestial nga lawas uban sa tanang gahum sa kahimayaan ug mahangturon nga pagsanay. Kini nga mga lawas mosanag sama sa adlaw sama sa atong Manluluwas. … Kadtong mosulod sa terrestrial nga gingharian makaangkon og mga terrestrial nga mga lawas, ug dili sila mosanag sama sa adlaw, apan sila mas mahimayaon kay sa mga lawas niadtong makadawat sa telestial nga himaya” (Doctrines of Salvation, comp. Bruce R. McConkie, 3 vols. [1954–56], 2:286, 287).
Sa unsang paagi nga ang nagkalain-laing himaya sa nabanhaw nga mga lawas molahi sa usag usa?
Butangi og ngalan ang drowing nga adlaw diha sa pisara sa pulong Celestial, ang buwan sa Terrestrial, ug ang mga bitoon Telestial. Ubos sa matag drowing o mga litrato, drowinga ang yano nga hitsura sa usa ka lawas, nga may celestial nga lawas nga makita nga dunay mas dakong himaya kay sa terrestial og ang terrestrial makita nga dunay mas dakong himaya kay sa telestial.
Imahe
drawing, sun, moon, stars, stick figures
Sumala ni Presidente Smith, unsa ang ilhon nga lawas o himaya nga madawat sa usa ka tawo diha sa Pagkabanhaw?
Sumala ni Presidente Smith, unsa man ang madawat niadtong nakadawat sa mga celestial nga lawas diha sa kinatas-an nga ang-ang sa celestial nga gingharian isip kabahin sa iyang himaya nga dili madawat niadtong dili? (Isulat Mga gahum sa kahimayaan ug ang mahangturon nga paglambo ubos sa drowing sa celestial nga lawas.)
Ipasabut nga ang mga “gahum sa kahimayaan” naglakip sa abilidad sa pagpuyo sa matang sa kinabuhi sa Dios ug ang “mahangturon nga pasanay” mao ang abilidad sa pagpadayon sa pag-angkon og mga anak diha sa mga kahangturan. Kining mga panalangin anaa lamang niadtong anaa sa kinatas-ang ang-ang sa celestial nga gingharian (tan-awa sa D&P 131:1–4; 132:19–20).
Aron matabangan ang mga estudyante nga masabtan kon unsa ang atong buhaton aron madawat ang celestial nga lawas diha sa Pagkabanhaw, dapita ang usa ka estudyante sa pagbasa og kusog sa Doktrina ug mga Pakigsaad 88:21–22. Hangyoa ang klase sa pagsunod, nga mangita kon unsay angay natong buhaton aron makadawat og celestial nga lawas.
Unsa ang kinahanglan natong buhaton aron makaangkon og kinabuhing dayon? (Ipasabut nga ang “pagsunod sa balaod [sa] celestial nga gingharian” [bersikulo 22] nagpasabut sa pagdawat sa tanang mga ordinansa ug paghimo ug paghupot sa tanang mga pakigsaad nga gikinahanglan aron makasulod sa celestial nga gingharian.)
Sa unsang paagi nga ang pagkahibalo mahitungod sa himaya ug mga panalangin nga anaa lamang niadtong nabanhaw nga nilalang diha sa kinatas-ang ang-ang sa celestial nga gingharian makaapekto sa mga pagpili sa tawo dinhi sa mortalidad?
I-summarize ang 1 Mga Taga-Corinto 15:42–52 pinaagi sa pagpasabut nga si Pablo midugang sa pagpasabut kon unsay sama ang usa ka nabanhaw nga lawas. Siya nagpasabot sa mortal nga lawas nga “lawasnon” (bersikulo 44, 46) og madugta og nga ang mabanhaw nga lawas “espirituhanon” (bersikulo 44, 46) og “dili madunot” (bersikulo 52), nga nagkahulugan imortal o dili na mamatay.
Si Pablo nagmaya diha sa kadaugan ni Jesukristo batok sa kamatayon
Dapita ang usa ka estudyante sa pagbasa og kusog sa 1 Mga Taga-Corinto 15:53. Hangyoa ang klase sa pagsunod, nga mangita sa doktrina nga gitudlo ni Pablo mahitungod sa atong mga lawas kon kita mabanhaw.
Sumala sa bersikulo°53, unsa ang kahimtang sa atong mga lawas human sa Pagkabanhaw? (Kinahanglang mahibaloan sa mga estudyante ang mga doktrina nga susama sa mosunod: Mabanhaw kita diha sa dili madunot ug imortal nga kahimtang.)
Unsay nga mga pamaagi nga atong mga nabanhaw nga mga lawas dili na madunot? (Kini dili na maubos sa pagkadunot o kamatayon.)
Sa unsang paagi nga ang pagkahibalo nga ang matag usa nato makaangkon og lawas ug masinati ang tukmang ang-ang sa himaya alang sa mahangturong impluwensya sa mga desisyon nga atong nahimo sa mortalidad?
Aron maandam ang mga estudyante sa pagtuon sa nahabilin sa Unang Sulat ni Pablo ngadto sa Mga Taga-Corinto, dapita sila sa pag-isa sa ilang mga kamot kon nakasulay na ba sila nga mapaakan og insekto.
Unsaon ninyo paghulagway ang kasinatian nga napaakan?
Dapita ang mga estudyante nga basahon sa hilum ang 1 Mga Taga-Corinto 15:54–55, nga mangita kon unsay gisulti ni Pablo nga wala nay ikot.
Unsay gisulti ni Pablo nga wala nay ikot? (Pisikal nga kamatayon.)
Sa unsa nga paagi ang pisikal nga kamatayon “ikot” sa (bersikulo 55), o ingon og madaugon batok kanato?
Sa unsang paagi nga ang pisikal nga kamatayon “gilamoy diha sa kadaugan” pinaagi ni Jesukristo (bersikulo 54)?
Unsa nga kamatuoran ang atong makat-unan gikan sa mga pagtulun-an ni Pablo mahitungod kon nganong ang pisikal nga kamatayon walay permanenting ikot o bisan unsang kadaugan batok kanato? (Siguraduha nga ang mga estudyante kinahanglan makaila sa usa ka kamatuoran nga susama sa mosunod: Ang pisikal nga kamatayon wala nay kadaugan batok kanato, tungod sa Pagkabanhaw ni Jesukristo.)
Ipasabut nga bisan og ang Pagkabanhaw ni Jesukristo mitangtang sa ikot nga miabut gumikan sa pisikal nga kamatayon, adunay laing ikot sa kamatayon nga nagpabilin. Dapita ang usa ka estudyante sa pagbasa og kusog sa 1 Mga Taga-Corinto 15:56. Hangyoa ang klase sa pagsunod ug mangita sa ikot nga magpabilin kon kita mamatay.
Unsa nga ikot ang magpabilin gihapon kon kita mamatay?
Dapita ang usa ka estudyante sa pagbasa og kusog sa 1 Mga Taga-Corinto 15:57–58. Hangyoa ang klase sa pagsunod, nga mangita sa unsay gitudlo ni Pablo nga makatangtang sa ikot sa kamatayon nga moabut gumikan sa pagkasala.
Unsa ang gitudlo ni Pablo nga makatangtang sa ikot sa kamatayon nga moabut gumikan sa pagkasala?
Sumala sa bersikulo°58, unsa nga imbitasyon nga gihatag ni Pablo nga buhaton sa magbabasa tungod sa kadaugan ni Jesukristo sa kamatayon?
Unsa nga baruganan ang atong mailhan gikan sa mga bersikulo 56–58 mahitungod sa unsa ang atong gikinahanglang buhaton aron makalikay sa ikot sa kamatayon nga moabut gumikan sa sala? (Tabangi ang mga estudyante nga makaila sa usa ka baruganan nga susama sa mosunod: Kon kita ligdong ug dili matarug sa pagsunod sa ebanghelyo, ang ikot sa kamatayon nga moabut gumikan sa pagkasala, matangtang pinaagi sa Pag-ula ni Jesukristo.)
Unsa man ang gipasabot niini nga mahimong ligdong ug dili matarug sa pagsunod sa ebanghelyo?
Unsa ang tahas nga anaa sa paghinulsol sa pagkaligdong ug dili matarug?
Aron matabangan ang mga estudyante nga mobati sa importansya sa mga kamatuoran nga ilang nakat-unan, ipakita ang mga kamatuoran nga nalista diha sa pisara ug dapita ang mga estudyante sa pagsulat diha sa ilang mga class notebook o scripture study journal sa ilang mga tubag sa mosunod nga pangutana: Unsa nga mga kamatuoran mahitungod sa Pagkabanhaw ang inyong nakat-unan nga makatabang ninyo nga magpakabuhi nga matarung? Human sa igong panahon, dapita ang pipila ka mga estudyante sa pagpakigbahin diha sa klase kon unsa ang ilang nasulat.
Dapita ang mga estudyante sa paghimo og tumong kalabut sa usa ka butang nga ilang mahimo karon aron mas mahimong ligdong ug dili matarug sa pagsunod sa ebanghelyo.
Nag-organisar si Pablo og usa ka koleksyon alang sa mga kabus nga nagpuyo sa Jerusalem
I-summarize ang 1 Mga Taga-Corinto 16:1–24 pinaagi sa pagpasabut nga si Pablo mitudlo sa mga Santos nga mga taga Corinto aron tabangan ang mga kabus sa Jerusalem “pagbarug nga malig-on” (bersikulo 13), ug mobuhat sa tanang butang “uban sa gugma” (bersikulo 14).
Ipamatuod ang mga kamatuoran nga nailhan sa mga estudyante niining leksyon.
Pagdapit og duha ka estudyante sa pagduol sa atubangan sa klase nga may mga kasulatan. Hangyoa sila sa pagpakaaron-ingon nga ikaw usa ka investigator ug sila ang managkompanyon nga misyonaryo nga nagtudlo nimo mahitungod sa plano sa kaluwasan. Hangyoa sila sa pagpasabut unsa ang ilang nahibaloan mahitungod sa kamatayon ug Pagkabanhaw, gamit ang mga scripture mastery passage sa 1 Mga Taga-Corinto 15 ug bisan unsa pa nga mahimong makatabang. Hangyoa ang klase sa pagpakigbahin sa bisan unsa pa nga gusto nilang ipasabut mahitungod sa kamatayon ug Pagkabanhaw ngadto sa usa ka investigator.
Si Presidente Howard W. Hunter mitudlo sa mosunod mahitungod sa pagkabanhaw sa mga lawas:
“Adunay panagbulag sa espiritu ug lawas panahon sa kamatayon. Ang pagkabanhaw mohiusa pag-usab sa espiritu uban sa lawas, ug ang lawas mahimong usa ka espirituhanong lawas, nga adunay unod ug mga bukog apan buhi pinaagi sa espiritu imbis sa dugo. Sa ingon, ang atong mga lawas human sa pagkabanhaw, nga gibuhi pinaagi sa espiritu, mahimong imortal ug dili na gayud mamatay. Mao kini ang kahulugan sa pamahayag ni Pablo nga “adunay natural nga lawas, ug adunay espirituhanon nga lawas’ ug ‘kana nga lawas ug dugo dili makapanunod sa gingharian sa Dios.’ Ang natural nga lawas mao ang unod ug dugo, apan gipabuhi sa espiritu imbis sa dugo, kini makahimo ug makasulod sa gingharian” (in Conference Report, Apr. 1969, 138)
“Si Adan, ‘ang unang tawo’ (1 Corinthians 15:45; D&P 84:16), mao ang unang nakadawat og usa ka pisikal nga lawas. Si Jesukristo, ‘ang katapusang Adan’ o ‘ikaduhang tawo’ (1 Mga Taga-Corinto 15:45, 47), mao ang unang gipabuhi (nabanhaw) ug nakadawat og usa ka nahimaya nga lawas (tan-awa sa Juan 5:21; D&P 88:17). Ang mga lihok ni Adan (uban sa Pagkapukan) ug ni Jesukristo (uban sa Pag-ula ug Pagkabanhaw) pulos gikinahanglan alang sa atong kaluwasan (tan-awa sa komentaryo alang sa Mga Taga-Roma 5:12–21)” (New Testament Student Manual [manwal sa Church Educational System, 2014], 388).
Si Presidente Russell M. Nelson sa Korum sa Napulog Duha ka mga Apostoles mitudlo sa mosunod:
“Usa ka walay kinutuban nga Pag-ula maoy gikinahanglan aron sa pagtubos ni Adan, Eva, ug sa tanang nilang kaliwatan. Ang Pag-ula gikinahanglan gayud nga mosalir sa atong pisikal nga mga lawas aron mabanhaw ug mausab [tan-awa sa 1 Mga Taga-Corinto 15:51–53; 3 Nephi 28:8] ngadto sa usa ka porma nga wala nay dugo, dili na masakit, madunot, o mamatay” (“Constancy amid Change,” Ensign, Nob. 1993, 34).
Sa 1 Mga Taga-Corinto 15:51 atong mabasa nga si Pablo miingon iyang ipakita sa mga Santo sa Corinto ang usa ka misteryo kalabut sa Pagkabanhaw. Sa nag-unang mga katuigan, samtang nagsulat ngadto sa mga Santos nga Mga Taga-Tesalonica, si Pablo mitudlo nga kon ang Pagkabanhaw sa patay mahitabo sa ikaduhang Pag-anhi ni Jesukristo, tanang matinud-anon nga kaniadto nagpuyo sa yuta “pagasakgawon … sa pagsugat sa Ginoo diha sa kahanginan” (1 Mga Taga-Tesalonica 4:17). Si Pablo midugang og laing detalye ngadto sa iyang paghulagway sa mga panghitabo kalabut sa Ikaduhang Pag-anhi nga narekord sa 1 Mga Taga-Corinto 15:52. Si Pablo mitudlo nga kadtong kinsa buhi pa sa higayon nga mobalik si Jesukristo magpadayon nga mabuhi nga mortal apan dili na “matulog” (1 Mga Taga-Corinto 15:51) diha sa lubnganan kon sila mamatay atol sa Milenyum. Hinoon, sila mabanhaw dayon, “sa usa ka pagpamilok sa mata” (1 Mga Taga-Corinto 15:52). (Tan-awa usab sa D&P 63:50–51.)
Si Elder Neal A. Maxwell sa Korum sa Napulog Duha ka mga Apostoles mitudlo nga ang Pagkabanhaw ni Jesukristo makatabang kanato sa pagtangtang sa ikot sa pisikal nga kamatayon ug pag-antus:
“Ang gasa sa mortalidad ngadto sa tanang katawhan pinaagi sa katinuod sa Pagkabanhaw mao ang gamhanan kaayo nga saad nga ang atong pagmaya niining talagsaon ug manggihatagong mga gasa mokuha sa bisan unsang kasub-anan, mialibyo sa bisan unsang pagbangutan, mibuntog sa bisan unsang buot, mitunaw sa bisan unsang kahiubos, ug mipahilum sa bisan unsang trahedya” (“All Hell Is Moved” [Brigham Young University devotional, Nob. 8, 1977], 7, speeches.byu.edu).
Si Presidente Ezra Taft Benson mipamatuod sa katinuod sa Pagkabanhaw ug sa atong panginahanglan sa pagpangandam alang niini:
“Ang literal nga pagkabanhaw sa matag kalag kinsa nakapuyo ug namatay sa yuta usa ka kasiguroan, ug sa tinud anay ang tawo angayng mohimo og maampingon nga pagpangandam alang niining panghitabo. Usa ka mahimayaon nga pagkabanhaw maoy angay nga tumong sa kada lalaki ug babaye, tungod kay ang pagkabanhaw mahimong tinuod” (“The Meaning of Easter,” Ensign, Abr. 1992, 2).