2°Mga Taga-Corinto 4–5

Ipakita ang hulagway°1.

Imahe

man pussing another man

• Unsa ang gihulagway niining litrato ?

• Unsa kaha ang gihunahuna sa tawo nga gitulod mahitungod sa tawo nga nagtulod kaniya?

Ipakita ang hulagway°2.

Imahe

man pushing another man from street with automobile coming

• Sa unsang paagi nga ang pagtan-aw sa unang litrato sa mas dakong kontexto makapausab sa inyong paghukom mahitungod sa unsay gilarawan niini?

Ipasabut nga si Pablo misulat ngadto sa mga Santos sa Corinto aron tabangan sila nga makakita sa mas dakong kontexto sa ilang mga kalisdanan. Dapita ang mga estudyante sa pagpangita sa mga kamatuoran samtang sila magtuon sa 2°Mga Taga-Corinto°4 nga gitudlo ni Pablo sa mga Santos mahitungod sa ilang mga kalisdanan.

I-summarize ang 2 Mga Taga-Coritho 4:1–7 pinaagi sa pagpasabut nga si Pablo mihatag og kasigurohan sa mga Santos nga matinuoron siyang misangyaw sa ebanghelyo ngadto kanila. Siya mitudlo nga si Satanas, “ang dios niining kalibutana” (bersikulo 4), nagtrabaho aron malikay ang mga tawo sa pagdawat sa ebanghelyo. Gitandi ni Pablo ang iyang kaugalingon ug ang iyang kaubang mga tigpangalagad ngadto sa kolonnga may sulod nga “bahandi” sa “kahayag sa kahibalo sa himaya sa Dios” (mga bersikulo 6–7).

Dapita ang usa ka estudyante sa pagbasa og kusog sa 2 Mga Taga-Corinto 4:8–9. Hangyoa ang klase sa pagsunod, nga mangita kon giunsa sa paghulagway ni Pablo ang mga hagit sa iyang misyonaryo nga mga kahago.

• Giunsa sa paghulagway ni Pablo sa mga hagit sa iyang misyonaryo nga mga kahago?

• Unsa nga mga pulong ang gigamit ni Pablo sa paghulagway kon giunsa niya pagtubag kining mga hagit?

• Sa inyong hunahuna ngano kaha nga si Pablo makahupot og positibong kinaiya samtang nakasinati siya niining mga hagit?

I-summarize ang 2°Mga Taga-Corinto 4:11–14 pinaagi sa pagpasabut nga si Pablo mitudlo nga bisan og ang ubang mga tawo mamatay alang sa ebanghelyo ni Jesukristo, ang ilang kamatayon temporaryo lang.

Dapita ang usa ka estudyante sa pagbasa og kusog sa 2 Mga Taga-Corinto 4:14–16. Hangyoa ang klase sa pagsunod, nga mangita kon unsay nahibaloan ni Pablo nga nakatabang niya sa pagsagubang sa mga pagsulay ug pagpanggukod.

• Unsay nahibaloan ni Pablo nga nakatabang kaniya nga mosagubang sa mga pagsulay ug pagpanggukod?

• Unsay buot ipasabut sa mga pulong nga “bisan tuod nagakahugo ang among pagkatawo nga makita sa gawas, ang among pagkatawo sa kinasuloran ginabag-o sa adlaw-adlaw” (bersikulo 16)? (Bisan tuod si Pablo ug ang iyang mga kauban mamatay sa pisikal nga paagi, ang ilang mga espiritu nalig-on ra matag adlaw.)

Ipares-pares ang mga estudyante. Dapita ang matag pares nga magdungan sa pagbasa og kusog sa 2°Mga Taga-Corinto 4:17–18, nga mangita sa mga kamatuoran nga gitudlo ni Pablo sa mga Santos kabahin sa mga pagsulay ug mga kasakit. Hangyoa ang matag pares nga magtinabangay sa pagtubag sa mosunod nga mga pangutana diha sa ilang mga class notebook o scripture study journal. Mahimo kang mohatag og mga pangutana sa usa ka handout o isulat kini sa pisara:

Imahe

handout

Human sa igong panahon, dapita ang pipila ka mga estudyante sa pagsulat sa ilang mga tubag sa unang pangutana diha sa pisara. Ang mga estudyante mahimong mosulat og pipila ka posible nga mga kamatuoran, lakip ang mosunod: Ang atong mga pagsulay ug mga kasakit niining kinabuhia gagmay ra kon itandi ngadto sa walay katapusan nga mga panalangin ug pagtubo nga moabut samtang kita matinud-anong molahutay niini. Tungod kay sa temporaryo nga mga kasakit makapahinabo sa mahangturong paglambo ug himaya, kita kinahanglang dili magpakawala sa paglaum panahon sa kasamok. Adunay mahangturong katuyoan sa atong mga kasakit, bisan kon kita dili makakita niini sa mortalidad.

Dapita ang pipila ka mga estudyante sa pagreport sa ilang mga tubag sa ikaduhang pangutana. Human nila og report, ikonsiderar ang pagpangutana sa mosunod:

• Sa unsang mga paagi nga ang atong mga pagsulay ug mga kasakit makapahinabo sa paglambo?

• Sa unsang paagi nga ang paghinumdom niining mga kamatuoran makatabang nato nga magmatinud-anon sa paglahutay sa mga pagsulay ug mga kasakit?

Dapita ang pipila ka mga estudyante sa pagpakigbahin sa ilang mga tubag sa ikatulo nga pangutana. Ikonsiderar ang pagpakigbahin sa inyong kaugalingon nga mga kasinatian.

Hatagi ang matag estudyante og usa ka piraso nga papel. Hangyoa ang matag usa nga pil-on ang katunga sa papel ug isulat ang iyang pangalan pikas bahin sa katunga sa papel ug Langitnong Amahan sa pikas nga katunga. Ipasabut nga sa dihang mianhi kita sa yuta, mibiya kita sa presensya sa Langitnong Amahan. Dapita ang mga estudyante sa pagtunga og gisi sa ilang mga papel ug ibulag ang duha.

• Sa unsang paagi nga ang gigisi nga papel nagrepresentar kon unsay nahitabo sa dihang mibiya kita sa presensya sa Langitnong Amahan ug mianhi sa yuta aron makasinati og pagkamortal?

Dapita ang mga estudyante sa pagpangita sa mga kamatuoran samtang sila magtuon sa 2°Mga Taga-Corinto°5 nga makatabang kanila nga makasabut unsa ang angay natong buhaton aron makabalik sa presensya sa Langitnong Amahan.

I-summarize ang 2°Mga Taga-Corinto 5:1–6 pinaagi sa pagpasabut nga si Pablo midawat nga bisan sa mortalidad kita mahimulag gikan sa Dios ug sa katapusan mamatay, mabanhaw kita ug mabuhi pag-usab.

Dapita ang mga estudyante sa pagbasa sa hilum ang 2°Mga Taga-Corinto 5:6–7 nga mangita sa unsay gitudlo ni Pablo nga kinahanglang buhaton sa mga Santos sa pagkasayud nga sila nahimulag sa Dios diha sa mortalidad.

• Unsa nga kamatuoran ang gitudlo ni Pablo mahitungod sa atong pagkabulag sa Dios sa mortalidad? (Ang mga estudyante mahimong mogamit og laing mga pulong, apan siguraduha nga ilang mailhan ang mosunod nga kamatuoran: Tungod kay kita nahimulag gikan sa Dios dinhi sa mortalidad, kita kinahanglan nga maglakaw pinaagi sa hugot nga pagtuo ug dili sa panan-aw. Dapita ang matag estudyante sa pagsulat niining kamatuoran diha sa katunga nga bahin sa papel nga dunay pangalan niya.)

• Unsay ipasabut sa “nagakinabuhi man pinaagi sa pagtuo, [ug] dili pinaagi sa atong makita”? (bersikulo°7).

• Unsa pay ubang mga ehemplo sa mga sitwasyon o mga desisyon nga mahimong inyong atubangon nga magkinahanglan ninyo nga magakinabuhi pinaagi sa pagtuo ug dili pinaagi sa atong makita? (Isulat ang mga tubag sa mga estudyante diha sa pisara. Ang ilang mga tubag tingali maglakip sa pagsunod sa mga sumbanan sa Simbahan, pagdesisyon nga moserbisyo og misyon, o pagpakigbahin sa ilang mga pagpamatuod.)

Dapita ang mga estudyante sa paghunahuna og higayon sa dihang sila (o usa ka tawo nga ilang nailhan) nagakinabuhi pinaagi sa pagtuo ug dili pinaagi sa makita. Paghangyo og pipila nila sa pagpakigbahin sa ilang mga kasinatian.

Dapita ang mga estudyante nga ikonsiderar ang usa ka sitwasyon o desisyon nga ilang giatubang sa kasamtangan diin nanlimbasug sila sa pagkinabuhi pinaagi sa pagtuo. Awhaga sila sa pagkinabuhi pinaagi sa pagtuo ug sa tanang sitwasyon.

Dapita ang usa ka estudyante sa pagbasa og kusog sa 2 Mga Taga-Corinto 5:8–10. Hangyoa ang klase sa pagsunod, nga mangita kon unsay gisulti ni Pablo nga angay natong buhaton samtang kita nahimulag gikan sa Dios dinhi sa mortalidad.

• Sumala sa bersikulo°9, unsa ang gisulti ni Pablo nga angay natong buhaton samtang kita nahimulag gikan sa Dios dinhi sa mortalidad?

• Base sa mga pagtulun-an ni Pablo nga narekord diha sa bersikulo 10, unsa nga kamatuoran ang atong makat-unan mahitungod kon nganong gikinahanglan natong maghago sa pagbuhat og maayong buhat dinhi niining kinabuhia? (Ang mga estudyante mahimong mogamit og lain-laing mga pulong apan kinahanglan makaila og usa ka kamatuoran nga susama sa mosunod: Matag usa kanato pagahukman ni Jesukristo sumala sa unsay atong nahimo dinhi sa mortalidad. Dapita ang mga estudyante sa pagkonsiderar sa pagmarka sa mga pulong diha sa bersikulo°10 nga nagtudlo niining kamatuoran.)

Dapita ang mga estudyante sa pagkonsiderar sa kausaban nga ilang gikinahanglan aron sa pag-andam alang sa panahon nga sila pagahukman ni Jesukristo. Awhaga sila sa pagsunod sa bisan unsang pag-aghat nga ilang madawat.

Dapita ang usa ka estudyante sa pagbasa og kusog sa 2 Mga Taga-Corinto 5:15–16. Hangyoa kini nga estudyante sa pagbasa usab og kusog sa Hubad ni Joseph Smith sa 2 Mga Taga-Corinto 5:16 (sa 2 Mga Taga-Corinto 5:16). Dapita ang klase sa pagsunod, mangita sa unsay gibuhat ni Jesukristo alang kanato aron kita makabalik sa presensya sa Langitnong Amahan.

• Sumala sa bersikulo 15, unsa ang gibuhat ni Jesukristo sa pagtabang kanato nga makabalik sa Langitnong Amahan?

• Sumala sa bersikulo 15–16, unsa man ang buhaton sa mga tumutuo tungod sa Pag-ula ni Jesukristo? (Ang mga tumutuo nagpakabuhi nga si Kristo ang sentro sa kinabuhi ug wala magsunod sa pagkakalibutanon o magpadala ngadto sa unod. Dapita ang matag estudyante sa pagsulat niining pamahayag diha sa katungang bahin sa papel nga adunay pangalan niya.)

Dapita ang usa ka estudyante sa pagbasa og kusog sa 2 Mga Taga-Corinto 5:17–19. Hangyoa ang klase sa pagsunod, nga mangita kon sa unsang paagi nga ang Pag-ula ni Jesukristo makatabang sa mga Santos nga makabalik sa presensya sa Langitnong Amahan.

• Sa unsang paagi nga ang Pag-ula ni Jesukristo makatabang nato nga makabalik sa presensya sa Langitnong Amahan? (Human ang mga estudyante makatubag, isulat ang mosunod nga kamatuoran sa pisara: Pinaagi sa Pag-ula ni Jesukristo, kita mahimong bag-ong linalang ug makig-uli sa Dios. Dapita ang mga estudyante sa pagsulat niining kamatuoran diha sa katunga nga bahin sa papel nga adunay “Langitnong Amahan” nga gisulat.)

• Sa inyong hunahuna unsa ang buot ipasabut sa “bag-o nang binuhat”? (bersikulo°17).

Dapita ang mga estudyante sa pagbasa sa hilum ang Mosiah 27: 23–26, nga mangita kon unsay ipasabut sa pagkahimong bag-o nang binuhat. Human sa igong panahon, dapita ang pipila ka mga estudyante sa pagpakigbahin sa unsay ilang nakit-an.

Hangyoa ang usa ka estudyante sa pagbasa og kusog sa mosunod nga pamahayag ni Elder David°A Bednar sa Korum sa Napulog Duha ka mga Apostoles. Hangyoa ang klase sa pagpaminaw sa iyang pagpasabut mahitungod kon sa unsang paagi kita mahimong bag-o nang binuhat.

Imahe

Elder David A. Bednar

“Ang kahulugan sa ebanghelyo ni Jesukristo naglangkob og importante ug permanenting kausaban sa atong kinaiya nga nahimong posible pinaagi sa Pag-ula sa Manluluwas. Tinuod nga pagkakabig nagdala og kausaban sa gituohan, kasingkasing, ug kinabuhi sa tawo, sa pagdawat ug pagsunod sa kabubut-on sa Dios (tan-awa sa Mga Buhat 3:19; 3 Nephi 9:20) ug naglakip sa pasalig nga mahimong disipulo ni Kristo.

“… Sa pagtahud nato sa mga ordinansa ug mga pakigsaad sa kaluwasan ug kahimayaan (tan-awa sa D&P 20:25), ‘mopadayon sa unahan uban ang pagkamakanunayon kang Kristo’ (2 Nephi 31:20), ug molahutay sa katapusan diha sa pagtuo (tan-awa sa D&P 14:7), mahimo kitang bag-ong binuhat diha kang Kristo (tan-awa sa 2 Mga Taga-Corinto 5:17)” (“Nakabig ngadto sa Ginoo,” Ensign o Liahona, Nob. 2012, 107).

Dapita ang matag estudyante nga ibutang og dungan ang duha ka bahin sa papel. Ipasabut nga ang pakig-uli mao ang pagpabalik sa duha ka pundok nga sa una nagkabulag. Tungod sa Pagkapukan ni Adan ingon man usab sa atong kaugalingong mga sala, kita mahimong nahimulag sa espirituhanon nga paagi sa atong Langitnong Amahan. Si Kristo naghalad, pinaagi sa Iyang Pag-ula, aron sa pagpakig-uli kanato ngadto sa Amahan ug sa pagpahiuli sa atong relasyon uban Kaniya.

Dapita ang usa ka estudyante sa pagbasa og kusog sa 2 Mga Taga-Corinto 5:20–21. Hangyoa ang klase sa pagpangita sa unsay giawhag ni Pablo nga buhaton sa mga Santos.

• Unsa man ang giawhag ni Pablo nga buhaton sa mga Santos sa Corinto?

• Unsa ang gitudlo ni Pablo mahitungod ni Jesukristo sumala sa girekord diha sa bersikulo°21? (Bisan tuod si Jesukristo walay sala, Siya nag-antus sa atong mga sala aron kita mahimo nga matarung.)

Ipamatuod ang mga kamatuoran nga gihulagway sa mga estudyante niining leksyon. Hangyoa ang mga estudyante sa pagribyu sa lista sa mga kamatuoran nga ilang gisulat ug ipakonsiderar unsa ang angay nilang buhaton aron mamahimo o magpabiling mapahiuli ngadto sa Dios. Awhaga sila sa pagsunod sa bisan unsang pag-aghat nga ilang madawat.