Juan 21

Pagdrowing og dako nga kasingkasing sa pisara.

Imahe

heart

Dapita ang mga estudyante nga moadto sa pisara ug isulat sa sulod sa kasingkasing ang duha o tulo sa paborito nilang mga butang. Ipasabut nga mahimo kining maglakip og mga tawo, kabtangan, o mga kalihokan.

Kon mahuman na ang mga estudyante, mahimo sab nimong ilista ang pipila sa paborito nimong mga butang.

I-summarize ang Juan 21:1–2 pinaagi sa pagpasabut nga human makita ang nabanhaw nga Ginoo sa duha ka okasyon, si Pedro ug ang ubang mga disipulo didto sa baybayon sa Dagat sa Galilea (nga gitawag usab og Dagat sa Tiberias). Dapita ang usa ka estudyante sa pagbasa og kusog sa Juan 21:3 . Hangyoa ang klase sa pagsunod, nga mangita kon unsay gihukman ni Pedro nga buhaton.

• Sa inyong hunahuna unsa kaha nga kalihokan ang idugang ni Pedro sa atong lista diha sa pisara sa paboritong mga butang? (Human makatubag ang mga estudyante, isulat sa pisara ang panagat sulod sa kasingkasing.)

• Unsa kadugayon si Pedro ug ang ubang mga disipulo nanagat? Unsa ka daghan ang ilang nakuha?

Hangyoa ang mga estudyante sa paghunahuna kon unsa kaha ang gibati ni Pedro ug sa ubang mga disipulo human sa taas nga gabii nga walay nakuhang isda.

Dapita ang usa ka estudyante sa pagbasa og kusog sa Juan 21:4–6 . Hangyoa ang klase sa pagsunod, nga mangita kon unsay nahitabo sa pagkasunod buntag.

• Kinsa ang didto sa baybayon?

• Nailhan ba dayon si Jesus sa mga disipulo?

• Unsa ang instruksyon ni Jesus nga ilang buhaton?

• Unsa ang nahitabo human sa ilang pagsunod sa instruksyon ni Jesus?

Dapita ang usa ka estudyante sa pagbasa og kusog sa mosunod nga pamahayag ni Elder Jeffrey R. Holland sa Korum sa Napulog Duha ka mga Apostoles:

Imahe

Elder Jeffrey R. Holland

“Tulo lang ka tuig ang miagi nga kining mga tawhana nangisda niining dagat mismo. Nianang higayuna sila usab ‘tibuok gabii nga [nag]hago, ug wala [gayuy] kuha’ [Lucas 5:5], ang kasulatan nag-ingon. Apan ang kaubang taga-Galilea mitawag nila aron sa pag-itsa sa ilang pukot, ug sila nakakita og ‘mabagang duot sa isda’ [Lucas 5:6], igo nga nagisi ang ilang pukot, ang kuha mipuno sa duha ka sakayan nga bug-at kaayo nga hapit sila malunod.

“Karon nahitabo na usab kini” (“Ang Unang Dakong Sugo,” Ensign o Liahona, Nob. 2012, 84).

• Sa unsang paagi kaha kining ikaduhang milagruso nga pagkakuha og isda nakatabang sa mga disipulo aron mailhan kon kinsa ang naa sa baybayon?

• Unsa kaha ang inyong mahunahuna o pagbati kon naa pa mo sa sakayan kauban sa mga disipulo?

I-summarize ang Juan 21:7–14 pinaagi sa pagpasabut nga samtang ang mga disipulo naglisud sa pagbira sa pukot nga puno sa isda, miingon si Juan nga ang tawo nga naa sa baybayon mao ang Ginoo. Si Pedro mahinamon kaayong miambak sa dagat ug milangoy padulong ni Jesus samtang ang uban nangadto sakay sa ilang sakayan. Dihang nangabut sila sa baybayon, si Jesus nag-andam og pagkaon para nila.

Ipasabut nga si Elder Jeffrey R. Holland mipasabut niini nga istorya pinaagi sa pagtudlo nga human si Pedro ug ang ubang mga disipulo nangaon kauban sa Manluluwas, si Jesus tingali “[mitan-aw] sa guba nilang gagmayng sakayan, nagusbat nilang mga pukot, ug sa nagpatong nga 153 ka mga isda” (“Ang Unang Dakong Sugo,” 84) ug dayon namulong ngadto kang Pedro.

Dapita ang usa ka estudyante sa pagbasa og kusog sa Juan 21:15–17 . Hangyoa ang klase sa pagsunod, nga mangita sa pangutana nga gibalik-balik sa pagpangutana ni Jesus kang Pedro. Mahimo nimong isugyot nga pamarkahan sa mga estudyante ang ilang nakit-an.

• Unsa nga pangutana ang gipangutana ni Jesus kang Pedro sa tulo ka higayon?

• Dihang nangutana si Jesus, “Gihigugma mo ba ako labaw pa niini?” (bersikulo 15), unsa sa inyong hunahuna ang ipasabut sa pulong nga niini? (Tingali nag-refer si Jesus sa daghang naglut-od nga isda o ubang butang nga may kalabutan sa kinabuhi sa usa ka mananagat. Isulat sa pisara ang mosunod nga pangutana duol sa kasingkasing: Gihigugma mo ba ako labaw pa niini?

• Unsa ang tubag ni Pedro?

• Unsa kaha ang inyong pagbati kon kamo pa ang naa sa posisyon ni Pedro ug gipangutana mo ni Jesus katulo ka higayon kon Siya inyo bang gihigugma?

Aron matabangan ang mga estudyante kon ngano kahang gipangutana ni Jesus kining pangutanaha sa makatulo ka higayon, dapita ang usa ka estudyante sa pagbasa og kusog sa mosunod nga pamahayag ni Elder Holland:

Imahe

Elder Jeffrey R. Holland

“Si Jesus mitubag, (ug dinhi akong gamiton na usab ang akong pagpasabut nga wala sa kasulatan) tingali ingon ani: ‘Nan Pedro, nganong mianhi man mo? Nganong nibalik na man sad ta niining baybayon, sa samang pukot, naghisgut sa samang butang? Dili ba klaro niadto ug karon nga kon gusto ko og isda, makakuha ko og isda? Mga disipulo ang akong kinahanglan, Pedro,—hangtud sa hangtud. Nagkinahanglan ko og tawo nga mopakaon sa akong karnero ug moluwas kanila. Nagkinahanglan ko og tawo nga mosangyaw sa akong ebanghelyo ug manalipod sa akong pagtuo. Nagkinahanglan ko og tinuod nga mohigugma nako, ug mohigugma sa unsay ipabuhat sa atong Amahan sa Langit nako. … Mao, nga sa ikaduha ug katapusang higayon, Pedro, naghangyo ko nga imong biyaan kining tanan ug motudlo ug mopamatuod, motrabaho ug matinud-anong moserbisyo hangtud sa adlaw nga ilang buhaton nimo unsay ilang gibuhat nako’” (“Ang Unang Dakong Sugo Commandment,” 84).

• Unsa nga baruganan ang atong makat-unan gikan sa kasinatian ni Pedro? (Human makatubag ang mga estudyante, isulat sa pisara ang mosunod nga baruganan: Kon atong gihigugma ang Manluluwas ug ang Langitnong Amahan labaw sa tanang butang, atong pakaunon ang Iyang karnero.)

• Kinsa ang karnero sa Amahan ug ni Jesukristo? Unsaon nato sila sa pagpakaon?

Dapita ang usa ka estudyante sa pagbasa og kusog sa mosunod nga pamahayag ni Elder Robert D. Hales sa Korum sa Napulog Duha ka mga Apostoles:

Imahe

Elder Robert D. Hales

Kini mao ang tawag ni Kristo sa tanang Kristiyano karon: “Pakan-a ang akong mga nating karnero. … Pakan-a ang akong mga karnero’—ipaambit ang akong ebanghelyo sa batan-on ug sa tigulang, nagdasig, nagpanalangin, naghupay, nag-awhag, ug naglig-on kanila, ilabi na niadtong lahi ang hunahuna ug gituohan kay sa kanato” (“Mahimong Mas Kristohanon nga Kristiyano,” Ensign o Liahona, Nob. 2012, 91).

Aron matabangan ang klase nga masabtan sa unsang paagi ang baruganan nga ilang nahibaloan atong magamit, pagdapit og tulo ka estudyante nga magpuli-puli sa pagbasa og kusog sa mosunod nga mga sitwasyon. (Mahimo nimong ipahaum kini nga sitwasyon ngadto sa panginahanglan ug interes sa imong mga estudyante.) Human mabasa ang matag sitwasyon, ipangutana ang nagsunod nga mga pangutana.

1. Usa ka grupo sa batan-ong mga lalaki midapit og usa ka batan-ong lalaki nga modungan nila sa pagpangaon, ug nanghinaut nga mamahimo nilang higala. Atol sa ilang panagsultihay, gihimong kataw-anan sa usa sa kaubanang lalaki sa grupo ang laing lalaki.

2. Usa ka batan-ong babaye ganahan sa dula nga soccer. Migahin siya og daghang oras sa semana sa pagdula og soccer ug gamay na lang ang panahon para sa ubang butang sama sa family home evening ug personal nga pagtuon sa kasulatan.

3. Usa ka batan-ong lalaki busy kaayo sa akademik ug sa extracurricular nga mga kalihokan. Sa tibuok semana, kanunay niyang gipaabut nga igahin ang talagsa ra niyang libre nga panahon uban sa mga higala ang Biyernes sa gabii. Sa wala pa siya manawag sa usa nila nianang gabhiona, ang iyang kompanyon sa home teaching nanawag aron sa pagsusi kon mahimo ba siyang mokuyog niya sa pagtabang sa usa ka pamilya nga giassign nila nag-ingon nga may dinaliang panginahanglan.

• Unsa nga mga kapilian ang anaa niining tawhana?

• Unsa ang mahimo niining tawhana aron ikapakita ang iyang gugma sa Ginoo? Sa unsang paagi kana nga lihok makapakita sa gugma alang sa Ginoo?

Dapita ang usa ka estudyante sa pagbasa og kusog sa mosunod nga pamahayag ni Elder Holland:

Imahe

Elder Jeffrey R. Holland

“Minahal ko nga mga kaigsoonan, dili ko sigurado unsa ang atong kasinatian sa Adlaw sa Paghukom, apan matingala gayud ako kon sa panahon sa pakig-istorya, ang Dios dili mangutana kanato sa sama gayud nga pangutana ni Kristo kang Pedro: ‘Gihigugma mo ba ako?’” (“Ang Unang Dakong Sugo,” 84).

Ipaambit ang imong pagpamatuod sa kaimportante sa pagpili nga higugmaon ang Langitnong Amahan ug si Jesukristo labaw sa tanang butang ug ipakita kana nga gugma pinaagi sa pagpakaon sa Iyang karnero.

I-refer ngadto sa mga item nga nakalista diha sa kasingkasing nga naa sa pisara ug ang pangutana nga nakasulat sa sunod niana nga mga item: “Gihigugma mo ba ako labaw pa niini?” Badlisi ang pulong nga niini, ug dapita ang mga estudyante sa pagtubag sa mosunod nga mga pangutana diha sa ilang mga class notebook o mga scripture study journal:

• Kon si Jesus mangutana sa sama nga pangutana diha ninyo, unsa kaha sa inyong hunahuna ang ipasabut Niya sa “niini” diha sa inyong kinabuhi?

• Unsaon man ninyo sa pagtubag ang Iyang pangutana?

• Unsaon ninyo sa pagpakita ang inyong gugma sa Ginoo?

I-summarize ang Juan 21:18–21 pinaagi sa pagpasabut nga si Jesus nanagna nga kon matigulang na si Pedro iyang “pagatuy-oron [ang iyang] mga kamot” (bersikulo 18) ug dalhon sa mga dapit nga dili niya gustong adtoan. Gituohan na nga si Pedro mamatay pinaagi sa paglansang sa krus. Hinoon, giingon nga si Pedro mihangyo nga ilansang siya sa krus nga magtuwad tungod kay gikonsiderar niya ang iyang kaugalingon nga dili angayang mamatay sa samang paagi sa Manluluwas (tan-awa sa Joseph Fielding Smith, Doctrines of Salvation, comp. Bruce R. McConkie, 3 vols. [1954–56], 3:151–52).

Human madungog ang mahitungod niini nga panagna, nangutana si Pedro unsay mahitabo ni Apostol Juan, nga nailhan usab nga Juan nga Hinigugma. Dapita ang usa ka estudyante sa pagbasa og kusog sa Juan 21:22–23 . Hangyoa ang klase sa pagsunod, nga mangita kon giunsa sa pagtubag sa Manluluwas si Pedro.

• Unsa ang nahibaloan ni Pedro mahitungod ni Juan?

Ipasabut nga ang pulong nga magpabilin diha sa bersikulo 22 nagpasabut nga magpabiling buhi dinhi sa kalibutan. Sa ingon, si Juan magpabilin sa kalibutan isip nabalhin sa pagkahimaya nga binuhat hangtud sa Ikaduhang Pag-anhi ni Jesukristo. Ang mga binuhat nga nabalhin sa pagkahimaya “mao ang mga tawo kinsa giusab aron dili sila makasinati og sakit o kamatayon hangtud sa ilang pagkabanhaw sa pagka-imortal” (Ang Giya ngadto sa mga Kasulatan, “Nabalhin sa Pagkahimaya nga mga Binuhat,” scriptures.lds.org).

• Sumala sa bersikulo 22, unsay gusto ni Jesus nga maoy tutukan ni Pedro kay sa iya lang nga kaugalingon bahin sa unsay mahitabo ni Juan?

Dapita ang usa ka estudyante sa pagbasa og kusog sa Juan 21:24–25 . Hangyoa ang klase sa pagsunod, nga mangita kon unsay gusto ni Juan nga mahibaloan sa tanan samtang gitapos ang iyang rekord.

• Unsa ang gusto ni Juan nga mahibaloan sa tanan samtang gitapos niya ang iyang rekord?

Isulat sa pisara ang mosunod nga mga pangutana:

Dapita ang mga estudyante sa paghunahuna sa ilang mga tubag niini nga mga pangutana. Mahimo nimong patukaron og hinay ang usa ka rekording sa himno, sama sa “Come, Follow Me” (Hymns, nu. 116), ug iparibyu sa mga estudyante ang ilang mga kasulatan ug ang class notebook o mga scripture study journal aron mahinumdom sa mga kamatuoran nga ilang nakat-unan. Human sa igo nga panahon, pagdapit og pipila ka estudyante nga moduol sa atubangan sa klase ug mopakigbahin sa ilang mga tubag sa mga pangutana.

Mahimo nimong tapuson pinaagi sa pagpamatuod sa kamatuoran sa mga istorya bahin sa mortal nga pagpangalad ug Pag-ula ni Jesukristo nga gisulat ni Mateo, Marcos, Lucas ug Juan.