1. He pono e ai ta te Ariki e mea atu nei ki a koe, e toku pononga e Raimana, kua horoia ou he, he mea na tou ngohengohe ki toku reo kua tae mai nei koe i tenei ata ki te whakarongo i nga kupu mona i whakamanaia nei ia e ahau.

2. No reira, waiho tou ngakau kia okioki ano mo te aronga ki te wairua o tou turanga, a me kaua ano hoki e kore te rongo i toku reo a nga wa e takoto mai nei;

3. Na, maranga, kia tupato atu inaianei, i roto ano i tau oati kua oatitia nei e koe, me pera tonu, a e manaakitia ano koe ki nga manaakitanga nunui.

4. Me ata tatari a taea noatia te huihui o aku pononga, kei reira e maharatia ano koe me te tuatahi o aku kaumatua, e riro mai ano koe me te toenga o oku kaumatua te karangatanga tika kua tohungia nei e ahau.

5. Nana, koia nei te kupu whakaari a te Matua ki a koe ina mau tonu tou whakapono;

6. Ka meinga ano koe i roto i aua ra hei kai kauwhau i toku Rongo-pai ki nga wahi katoa e tonoa ai koe atu o naianei.

7. No reira, whakakahangia ou teina i roto i au korero katoa, i roto i au inoi katoa, i au akoakonga, a i roto ano hoki i a koutou mahi katoa;

8. Nana ! rere ! ko ahau hei hoa mou hei manaaki i a koe, hei whakaputa i a koe a ake tonu atu. Amine.