Wahanga 22
He whakakitenga ki te Hahi o te Karaiti, he mea whakatu nei i enei nga ra o muri nei, i roto i te tau o to tatou Ariki kotahi mano e waru rau e toru tekau, he mea homai ma roto i a Hohepa, te Matakite, i Manaheta, Niu Iaka, i a Aperira, 1830, i te mea i hiahia etahi kua oti noa ake te rumaki, kia uru mai ratou i te Hahi, kaua e rumakina tuaruatia ano.
1. Nana, ko taku kupu tenei ki a koutou, ko nga kawenata tahito katoa i roto i tenei mea, kua meinga e ahau kia whakakahoretia atu, a ko tenei he kawenata hou, he mea mau tonu, mo ake tonu atu, a koia ano tera no te timatanga iho ano.
2. No reira, ahakoa kotahi rau nga rumakanga o te tangata, kahore he painga ki a ia, no te mea, e kore koutou e tomo atu ma roto i te kuwaha kuiti i te ture a Mohi, i a koutou mahi ranei kua tupapakutia nei;
3. A, no te mea, na runga i a koutou mahi kua tupapakutia nei, i meinga ai e ahau tenei kawenata whakamutunga me tenei Hahi kia hanga ake ki a au, kia pera me nga ra onamata.
4. No reira, tomo mai koutou ma te kuwaha, kia pera me taku i whakahau ai, a kaua e whai ma koutou te Atua e tohutohu. Amine.