Wahanga 111
He whakakitenga i homai ma roto i a Hohepa, te Matakite, i a Akuhata 6, 1836.
1. Ko ahau te Ariki tou Atua, kahore ahau i te kore mahara mo te haerenga mai i tenei haerenga, ahakoa ra ou ake raruraru.
2. Ka nui oku taonga i roto i tenei pa mou, mo te painga o Hiona; ka nui nga tangata i roto i tenei pa e kohikohia mai ai e ahau i roto i tona wa ake, hei painga mo Hiona, ma roto i au whakahaere tikanga.
3. No reira he mea tika kia whakahoa koe ki nga tangata i roto i tenei pa, ara, kia rite ki tau e arahina ai, era e hoatu ki a koe.
4. Ae ra, e tutuki i te taima e rite ai e hoatu ai e ahau tenei pa ki roto i ou ringaringa; a ka whiwhi koe ki te mana mo taua pa; he ahakoa ra kia kaua e kitea ou wahi ngaro, me tona taonga, ko nga koura me nga hiriwa mau.
5. Kaua koutou e maharahara mo o koutou nama, no te mea era e hoatu e ahau he kaha kia taea ai te utu aua nama.
6. Kaua e maharahara koutou mo Hiona, no te mea maku e whakahaere pai mona.
7. E noho i tenei wahi a tae atu ki nga pito taiawhio noa.
8. A ko te wahi kei reira nei toku whakaaro me noho hei kainga nui era e whakaatutia ki a koe e te rangimarie me te kaha o toku Wairua, era nei e ringihia atu ki a koe.
9. Ko tenei whenua era e riro mai i runga i te utu me era atu ritenga. Me rapu marie hoki mo te taha ki nga iwi o nehe i noho ai, me te hunga nana i hanga tenei pa,
10. No te mea tera he nui noa atu nga taonga i te kotahi mou i roto i tenei pa;
11. No reira, kia matau koe ano he nakahi, engari kia hara-kore, a ka purangatia e ahau nga mea katoa mo tou painga, ahakoa pehea te tere e riro ai aua mea i a koe. Amine.