Wahanga 32
He whakakitenga ma roto i a Hohepa, te Matakite, ki a Pare P. Parata raua ko Haipa Pitihana, i a Oketopa, 1830.
1. Na, mo taku pononga, mo Pare P. Parata, nana, ko taku kupu tenei ki a ia, e ora ana ahau, waihoki e mea ana ahau kia whakapuaki ia i taku Rongo-pai, kia whakaakona hoki e ahau, a kia mahaki ia, kia papaku te ngakau;
2. A ko te mahi kua whakaritea e ahau mana, koia tenei, me haere tahi ia i aku pononga, i a Oriwa Kautere raua ko Pita Witima, tamaiti, ki roto ki te koraha ki waenganui i nga Ramana;
3. Me Haipa Pitihana hoki, me haere i a ratou, a ko ahau ano ka haere i a ratou, a ka noho i waenganui i a ratou; ko ahau hoki to ratou kai-wawao ki te Matua, e kore ratou e taea e tetahi mea.
4. Me whai taringa hoki ratou ki nga mea kua oti te tuhituhi, kaua hoki e tinihanga kia whiwhi ratou ki tetahi atu whakakitenga, a me hono tonu ta ratou inoi kia hurahia atu ai e ahau aua mea (nga Karaipiture) ki ta ratou matauranga.
5. A me whai taringa ratou ki enei kupu, kaua hoki e takaro, a ka manaaki ahau i a ratou. Amine.