1. Nana, ko te kupu tenei a te Ariki, ae ra a te Arepa me te Omeka, te timatanga me te whakamutunga, ae ra hoki, a tera i ripekatia nei mo nga hara o te ao.

2. Nana, he pono, he pono taku e mea atu nei ki a koe, e taku pononga, e Nnera Naiti, kia u koe i roto i te karangatanga i hoatu na e ahau ki a koe;

3. A me he mea ko te whakaaro o o teina kia puta ratou i o ratou hoa riri, me ripeneta ratou i o ratou hara katoa, a me whakaiti rawa i mua i toku aroaro;

4. A mo te mea ko te kawenata i mahia nei e ratou ki a au, kua takahia, no reira kua kore atu o reira mana, o reira kaha;

5. A aue te mate mo te tangata nana tenei hara i taki mai, no te mea pai atu mona, me he mea i toremi ia i roto i te hohonutanga o te moana;

6. Otira, ka koa te hunga katoa i pupuri i te kawenata, i whakarongo hoki ki taku whakahaunga, ka tohungia hoki ratou.

7. No reira, haere, oma atu koutou i te whenua, kei whakangaromia koutou e o koutou hoa riri; haere koutou, whakaritea ta koutou e pai ai hei kai-arahi mo koutou, hei kai-tuku moni hoki ma koutou.

8. Na koia tenei te ahua o ta koutou haere ki nga whenua whaka-te-hauauru, ara ki te whenua o Mihuri, ki nga rohe o nga Ramana.

9. A ina tae ki te mutunga o ta koutou haere nana, ko taku kupu tenei ki a koutou, rapua he oranga mo koutou pera i te ahua o te rapu ora a te tangata mona, taea naotia te wa e rite ai i a au he wahi mo koutou.

10. Me tenei ano, kia manawanui i roto i nga whakapawera tae noa ki te wa e haere atu ai ahau; nana, ka hohoro taku haere atu, me taku utu kei a au ano, a te hunga katoa kua rapu noa atu nei i a au, ka whiwhi i te okiokinga mo o ratou wairua. Ae ra hoki, ka pera ano. Amine.