1. Ko te Kupu o te Matauranga, hei painga mo te runanga o nga Tohunga Nui, e noho huihui ana i Katarana, hei painga ano hoki mo te Hahi; ratou tahi ko te Hunga Tapu e noho ana i Hiona.

2. Me tuku atu i runga i te mihi aroha—kaua ia i te mea hei ture, hei pupuritanga mai ranei i a ratou, engari he mea na te whakakitenga, na te kupu hoki o te matauranga, hei mea e whakaaturia ai ta te Atua e pai ana mo tenei oranga maori (temporai) mo te Hunga Tapu katoa i nga ra whakamutunga.

3. I homai hei tikanga, me te apiti mai ano tetahi kupu whakaari, a ko taua tikanga e taea ana e te hunga ngoikore te whakarite, e te hunga tino ngoikore hoki i roto i te Hunga Tapu katoa, me he mea ratou ka taea te ki, he Hunga Tapu ano.

4. Nana, he pono, ko te kupu tenei a te Ariki ki a koutou, i te mea kei te hua tonu nga mahi kino, me nga whakaaro kikino i roto i nga ngakau o te hunga e whakatakoto ana i te kino i roto i nga ra whakamutunga, ka whakatupato ahau i a koutou, ka whakamahara i a koutou, koia tenei ka hoatu tenei kupu o te matauranga, he mea na te whakakitenga,

5. Ki te mea e inu ana tetahi tangata o koutou i te waina, ara, i te wai kaha, nana, kahore taua mea i te pai, kahore hoki i te tika, ki ta to koutou Matua titiro iho, haunga ia i nga wa e huihui ana koutou ki te tapae i a koutou hakarameta i mua i tona aroaro.

6. Nana, ko tenei hei te tino waina, hei te waina whakananu kore o te karepe o te waina, o ta koutou ake i mahi ai,

7. Me tenei ano, ko nga wai kaha e hara i te mea mo te kopu, engari hei horoi i o koutou tinana.

8. Kahore hoki te tupeka i te mea mo te tinana, mo te kopu ranei, e hara ano hoki i te mea pai ma te tangata, engari he mahnri rongoa tena mo nga mate maru, mo nga kau e turoro ana, me mahi i runga i te whai whakaaro, i te mohio.

9. Me nga inu wera ano, kahore i te mea mo te tinana, mo te kopu ranei.

10. Me tenei ano, he pono taku e mea atu nei ki a koutou, ko nga mahuri rongoa pai katoa, na te Atua i whakarite mo te tinana o te tangata, hei rongoa mona.

11. Engari ko tena mahuri rongoa i tona wa, i tona wa, me nga hua rakau katoa i tona wa, i tona wa; me tango e te tangata enei mea i runga i te whai-whakaaro, i te whakawhetai.

12. Ae ra, ko te kikokiko o nga kararehe, me to nga manu o te rangi, naku, na te Ariki, i whakarite hei kai ma te tangata i runga ano i te ngakau whakawhetai; he ahakoa ra ko te kai i aua mea kia iti;

13. Otira he mea pai ki a au, kaua aua mea e kainga, hei te wa anake o te hotoke, i te wa ranei e makariri ana, i te wa ranei o te hemo kai.

14. Ko nga kereene katoa he mea whakarite hei kai ma te tangata, ma nga kararehe hoki, ko era hei oranga, e hara i te mea mo te tangata anake, engari mo nga kararehe o te parae, mo nga manu o te rangi, mo nga kararehe mohoao katoa, e haere ana, e ngokingoki ana ranei i te mata o te whenua;

15. A ko enei a te Atua i hanga ai hei kai ma te tangata, i nga wa o te kore kai me te tino hemo kai.

16. Ko nga kereene katoa e pai ana hei kai ma te tangata, tae atu ki te hua o te waina, ara, ko te mea e homai ana i tona hua, ahakoa i roto i te whenua, i runga ranei o te whenua.

17. He ahakoa ra, ko te witi ma te tangata, ko te kaanga ma te okiha, ko te oti ma te hoiho, ko te rai ma nga manu, ma ngo poaka, ma nga kararehe katoa hoki o te parae, ko te paare ia ma nga kararehe katoa e mahi ana ki te tangata, hei hanga wai inu ngawari ranei, me era atu kereene.

18. A, ko te Hunga Tapu katoa e mahara ana ki te pupuri, ki te whakarite hoki i enei kupu, e haere ana i roto i te ngohengohe ki enei ture, ka whiwhi ki te ora i roto i o ratou pito, me te roro i roto i o ratou wheua,

19. A ka kitea e ratou te whakaaro nui, me nga tino taonga o te matauranga, ae ra, nga taonga kua huna;

20. Ki te oma ratou e kore e ngenge: ki te haere e kore e hemo;

21. A ka hoatu e ahau, e te Ariki, tenei kupu whakaari, Ka kapea ratou e te anahera whakamate, ka rite ki te meatanga ki te whanau o Iharaira, a e kore ratou e whakamatea. Amine.