1. Nana, whakarongo mai koutou e nga kaumatua o taku Hahi, e ai ta te Ariki, to koutou Atua, ae ra ta Ihu Karaiti, to koutou kai-awhina, e mohio nei ki nga ngoikoretanga o te tangata, ki te whakakaha hoki i te hunga e whakamatautauria ana:

2. A he pono kei runga oku kanohi i te hunga kahore ano i haere ake ki te whenua o Hiona; no reira kahore ano kia rite noa to koutou karangatanga;

3. He ahakoa ka koa koutou, no te mea ko nga whakaaturanga kua whakaaturia nei e koutou, kua tuhia ki te rangi hei tirohanga ma nga anahera, a e hari ana ratou mo koutou, a kua murua o koutou hara.

4. Nana me haere tonu koutou i to koutou na haerenga. Me huihui koutou ki runga ki te whenua o Hiona, ka whakatu ai tetahi huihuinga kia hari tahi koutou, a ka tapaea atu tetahi hakarameta ki te Runga Rawa;

5. A katahi koutou ka hoki ki te kauwhau, ae ra, me haere ngatahi ranei, me haere takirua, takirua ranei, hei ta koutou e pai ai; kahore hoki he tikanga ki a au, heoi ano kia u, a whakapuakina nga rongo whakakoa ki te hunga o te ao, i roto i nga huihuinga o te hunga hara,

6. Nana, ko ahau, ko te Ariki, kua whakamine nei i a koutou kia tutuki ai te kupu whakaari, i mea ai, ko te hunga pono i roto i a koutou ka tiakina, a ka hari ki runga ki te whenua o Mihuri. Naku, na te Ariki, i whakaari ki te hunga pono a e kore e ahei kia teka.

7. Ko ahau, ko te Ariki, e pai ana, ahau, ki te hiahia etahi o koutou ki te eke hoiho, kaihe ranei, ki te haere ranei, ma runga hariata, kia whiwhi ia ki aua manaakitanga, kia whiwhi ia ki aua mea i te ringaringa o te Ariki, i runga i te ngakau whakawhetai i roto i nga mea katoa.

8. Ma koutou enei mea e whakarite i runga i te whakaaro nui me nga tohutohu a te Wairua.

9. Nana, mo koutou te kingitanga. A kei te hunga pono ahau i nga wa katoa. Ae ra, koia ano. Amine.