1. Nana, ko taku kupu tenei ki a koe e taku pononga e Hirini Kiripata, kua rangona e ahau o inoi i karanga ake hoki koe ki a au, kia whakakitea atu ki a koe e te Ariki, e tou Atua, tana whakaaro mo tou karangatanga, mo tou tunga hoki i roto i te Hahi, naku nei i whakatu ake i roto i enei ra o muri nei.

2. Nana, tenei ahau te Ariki, i ripekatia nei mo nga hara o te ao, ka hoatu i tetahi whakahaunga, ara me whakarere e koe te ao.

3. Engari, tangohia e koe toku mana, ae ra me tu koe hei kaumatua, hei kauwhau i te whakapono raua ko te ripenetatanga, i te murunga hara hoki, rite tonu ki taku kupu, hei kauwhau ano hoki i te whakawhiwhinga ki te Wairua Tapu i runga i te whakapakanga o nga ringaringa.

4. Me tu ano hoki koe hei kai-whakahaere (agent) mo tenei Hahi, ara ki te wahi e whakaritea ai koe e te pihopa, kia rite ki nga whakahaunga ka hoatu a muri ake nei.

5. Me tenei ano, he pono taku e mea atu nei ki a koe, me haere tahi koutou ko aku pononga, ko Hohepa Mete, tamaiti, raua ko Hirini Rikitana.

6. Nana, ko enei he ture tuatahi e hoatu ai ki a koe a ko te toenga ka whakamohiotia a muri ake nei, ara kei te ahua o au mahi i roto i taku maara-waina te tikanga.

7. Me tenei ano, e hiahia ana ahau kia mohio koe, ko te tangata e whakaorangia ana, ko te tangata anake e u ana a taea noatia te mutunga. Koia ano tenei. Amine.