Wahanga 37
He whakakitenga i homai ki a Hohepa Mete, tamaiti, raua ko Hirini Rikitana, i a Tihema, 1830.
1. Nana, ko taku kupu tenei ki a korua, e hara i te pai i roto i a au kia whakamaori ano korua i mua i to korua haerenga ki te Ohaio, mo te hoa-riri te take, he whakaaro hoki ki a korua.
2. A me tenei ano, ko taku e mea nei ki a korua, kaua korua e haere inaianei, engari kauwhautia taku Rongo-pai i aua wahi, a whakakahangia te Hahi i nga wahi katoa e kitea ai, a ko te tino wahi ko Kourawira; no te mea, nana, kei te inoi mai ratou ki a au i runga i te whakapono nui.
3. A me tenei ano, he whakahaunga tenei naku ki te Hahi, e tika ana i roto i a au kia huihui ratou ki Ohaio, a te wa e hoki ai taku pononga, a Oriwa Kautere ki a ratou.
4. Nana, he whai-wtiakaaro tenei, ma ia tangata, ma ia tangata e whiriwhiri mona ano, tae noa ki te wa e haere mai ai ahau. Ae ra, koia ano. Amine.