Wahanga 4
He whakakitenga ma roto i a Hohepa, te Matakite, ki tona matua, i Hamoni Takiwa o Hakuahana, Penihawenia, i a Pepuere, 1829.
1. Na, kua tata tetahi mahi whakamiharo te puta ki waenganui i nga tamariki a te tangata;
2. No reira ko koutou e mine na ki roto ki nga mahi a te Atua, kia whakaaro iho koutou, kia whakapaua o koutou ngakau, o koutou uaua, o koutou hinengaro me to koutou kaha, ki te mahi ki a ia, kia tu koha-kore ai koutou ki mua i te Atua a te ra whakamutunga;
3. No reira, me he hiahia o koutou ki te mahi ki te Atua, kua karangatia koutou ki taua mahi,
4. Ta te mea, nana, kua rite te maara mo te kotinga inaianei, a ko ia e whakapau ana i tona kaha ki te whiu i tona toronaihi, e puranga taonga ana ia, kia kore ai ia e mate, engari kia riro ai te oranga-tonutanga i tona wairua;
5. Na ko te whakapono, ko te tumanako, ko te aroha me te atawhai, me te whakamau atu ano i ona kanoni ki te kororia o te Atua, ma enei e rite ai ia ma tenei mahi.
6. Maharatia te whakapono, te koha-kore, te mohiotanga, te ngakau whakakoromaki, te manawanui, te aroha whaka-teina, te hihiko ki te karakia, te aroha, te ngakau papaku me te uaua.
7. Inoia, a ka whiwhi, patukia a ka uakina ki a koe. Amine.