1. No te mea e whakatapua ana te tane whakaponokore e te wahine, e whakatapua ana hoki te wahine whakapono-kore e te tane, me he kahore, he poke a korua tamariki, tena ko tenei he tapu.

2. Na i roto i nga ra o nga apotoro, i nga Hurai katoa te ture o te kotinga kahore nei ratou i whakapono ki te Rongo-pai o Ihu Karaiti.

3. Nawai a ka puta ake tetahi tautohetohenga nui ki waenganui i te iwi mo runga i te ture o te kotinga, no te mea ka hiahia te tane whakapono-kore kia kotia ana tamariki a noho tonu ai i raro i te ture a Mohi, ahakoa kua tutuki noa taua ture.

4. Na, i runga i te mea i whakatupu ake nga tamariki i raro i te ture a Mohi, i u tonu ratou ki nga whakarerenga a to ratou matua, a kahore hoki ratou i whakapono ki te Rongo-pai o te Karaiti, no reira i meinga ai ratou he tapu-kore;

5. No reira, mo tenei take i tuhituhi ai te apotoro ki te hahi, e hoatu ana ki a ratou he whakahaunga, e hara i te mea na te Ariki; engari nana ano, e mea ana kia kauaka e honoa te mea whakapono ki te mea whakapono-kore, engari kia whakakahoretia ra ano te ture a Mohi i waenganui i a ratou,

6. Kia noho kotinga-kore ai o raua tamariki a kia whakakahoretia atu ai taua tikanga e mea nei he mea tapu-kore nga tamariki nonohi, no te mea kei nga Hurai tenei whakaaro,

7. Heoi he tapu tuturu nga tamariki nonohi, he mea na te whakamarietanga o Ihu Karaiti; a ko tenei te tino tikanga o nga karaipiture.