1. Nana, ko te kupu tenei o te Ariki to koutou Atua, ki a koutou, e nga kaumatua o taku Hahi, whakarongo a kia rongo, a kia whiwhi ai koutou ki taku e pai ai mo koutou.

2. Na, he pono taku e mea nei ki a koutou, ko taku hiahia kia taea e koutou te ao; no reira ka puta taku atawhai ki runga ki a koutou.

3. Kei a koutou etahi kua hara; otira he pono taku e mea nei, mo tenei wa, mo taku ake kororia, a mo te oranga hoki o nga wairua, kua oti ahau te muru i o koutou hara.

4. Ka tohungia koutou e ahau, no te mea kua hoatu e ahau ki a koutou te kingitanga.

5. A, ko nga kii o nga mea ngaro o te kingitanga, e kore e tango atu i taku pononga, i a Hohepa Mete, tamaiti; he mea na te pai o taku i whakarite ai, i a ia e ora ana, i te mea ka rongo ia ki aku whakahaunga.

6. Ko etahi ano e whai nei kia whakararuraru ia, ahakoa kahore he take.

7. He ahakoa ra, kua hara ia, otira he pono taku e mea nei ki a koutou, ko ahau, te Ariki, e muru nga hara ki a ratou e whaki i o ratou hara i mua i a au me te tono mai kia muru i nga hara, ko ratou kahore i hara mo te matenga.

8. Ko aku apotoro, i nga ra o mua, i rapu i tetahi take hei whakararu i etahi o ratou, a kahore hoki ratou i muru i ta tetahi, i ta tetahi i roto i o ratou ngakau, a mo tenei kino whiua ana ratou, me te pakia hoki ratou.

9. No reira he pono taku e mea nei ki a koutou, e tika ana kia murua e koutou a tetahi, a ko ia e kore e whakarere noa i nga he o tona teina, ka whakahetia ia i mua i te Atua, no te mea kei roto i a ia e pupuri ana te hara nui ake.

10. Ko ahau, ko te Ariki e muru i nga he o nga tangata ki taku e pai ai, otira ko te tikanga ra mo koutou me muru i nga he o nga tangata katoa.

11. A, e tika ana kia mea koutou i roto i o koutou ngakau, ma te Atua e whiriwhiri i waenganui i ahau i a koe a kia utua koe kia rite ki au mahi.

12. A ko ia e kore nei e ripeneta ki ana hara, a me te kore e whaki ana hara; katahi ia ka mauria e koutou ki mua i te Hahi, a ka mea ki a ia i ta te karaipiture e mea ai ki a koutou, he mea whakahau ranei, he whakakite ranei.

13. A ko tenei kia meatia e kout-ou kia whakakororiatia ai te Atua, e hara i te mea mo to koutou korenga e muru i ana he, i te kore aroha, engari kia whakatikaia i roto i nga kanohi o te ture, kia kore ai koutou e whakatakariri i a ia, ko ia nei to koutou kai-hoatu ture.

14. He pono taku e mea nei, mo konei ra ka meatia ai e koutou enei mea.

15. Nana, i riri ahau, te Ariki, ki a Etera Puta, ko ia nei taku pononga i mua, me taku pononga ano hoki, me Ihaka Morei, no te mea kihai raua i pupuri i te ture, i te whakahaunga.

16. I whai raua i te kino i roto i o raua ngakau, a i puritia e ahau, e te Ariki taku Wairua. I whakahengia e raua hei kino te mea kahore nei he kino i roto; ahakoa kua murua e ahau te he o taku pononga, o Ihaka Morei.

17. A me taku pononga hoki, me Eruera Patariti, kua hara ia a e whai ana a Hatana ki te whakangaro i tona wairua, otira ina whakamohiotia ratou ki enei mea, a ka ripeneta ratou ki te kino, ka murua o ratou hara.

18. A, nana, he pono taku e mea nei e tika ana i roto i a au ko taku pononga, ko Hirini Kiripata, kia torutoru nga wiki me hoki ano ia ki tana mahi, a ki tana whakahaere i roto i te whenua o Hiona.

19. A ko te mea kua kite nei ia me whakaatu ki aku akonga kia kore ai ratou e ngaro; a mo konei ra i whakapuakina ai e ahau enei mea.

20. A, me tenei ano ka mea atu ahau ki a koutou, e whakahaua e ahau kia hokona tenei paamu, kia kore ai taku pononga a Ihaka Morei e whakamatauria ki runga ake i te mea e taea ana e ia, a kia kore ai e whakahaua hetia he kino mo koutou.

21. E kore ahau e pai kia hokona e taku pononga, e Perarika G. Wiremu tana paamu, no te mea ko ahau te Ariki e hiahia ana ki te pupuri ki tetahi pa kaha i te whenua o Katarana mo nga tau e rima, he mea e kore ai ahau e whakangaro i te hunga hara; he mea e whakaora ai ahau i etahi.

22. A, i muri i taua ra e kore ahau, te Ariki e whakahe ki te hunga e haere ake ana i runga i te ngakau puare ki te whenua o Hiona; no te mea ko ahau, ko te Ariki e hiahia ana ki nga ngakau o nga tamariki a te tangata.

23. Nana, tenei wahi e karangatia ana ko tenei ra (tae noa ki te haerenga mai o te Tama a te tangata) a he pono he ra tenei no te patunga tapu, a he ra mo te whakatekau o taku iwi; no te mea ko ia e whakatekauria ana e kore e tahuna (a Tana haerenga mai);

24. No te mea i muri i tenei ra ko te tahunga e korero ana tenei, i runga i to te Ariki: no te mea he pono taku e mea nei ko apopo te hunga whakahihi katoa me nga kai mahi o te kino ka rite ki te papapa, a ka tahuna ratou e ahau, pau ake; no te mea ko ahau, te Ariki o nga mano, a e kore e tohungia e ahau te hunga e noho tonu ana i Papurona.

25. No reira, me he mea e whakapono ana koutou ki ahau, ka mahi koutou i te wa e karangatia ana ko tenei ra.

26. A e hara i te mea tika kia hoko aku pononga, a Nuera K. Witini raua ko Hirini Kiripata i to raua toa me a raua taonga i konei, no te mea e hara tenei te whakaaro nui kia haere ake ra ano ki te toenga o te Hahi i konei, ki te whenua o Hiona.

27. Nana, e meatia ana i roto i aku ture, ara e whakakahoretia ana te mea i te nama ki o koutou hoa riri;

28. Otira kahore e meatia ana i tetahi; ara e kore nei te Ariki e tango ina pai ia; a e utu kia rite ki tana e kite ai he pai.

29. No reira, i te mea he kai whakahaere koutou, a e mahi ana ta te Atua mahi; a ko nga mea katoa e meatia ana e koutou rite tonu ki te hiahia o te Ariki, koia te mahi a te Ariki.

30. A kua whakarite ia i a koutou hei kai whakarite tikanga mo tana Hunga Tapu i enei nga ra o muri nei, kia whiwhi ai ratou ki tetahi kainga i roto i te whenua o Hiona.

31. A, nana ka mea atu nei ahau te Ariki ki a koutou, a tuturu ana aku kupu, a e kore e pahemo ka whiwhi ratou ki taua mea.

32. Otira, ka tutuki nga mea katoa i to ratou ake wa.

33. No reira kaua e ngenge i te meatanga i te pai; no te mea e whakatakoto ana koutou i te turanga mo tetahi mahi whakaharahara, a i roto i nga mea nonohi ka puta ake te mea e nui ana.

34. Nana, e hiahia ana te Ariki ki te ngakau, ki te hinengaro ngawari, a ko te hunga ngawari me te hunga ngohengohe ka kai ratou i nga mea pai o tenei whenua o Hiona i enei nga ra o muri nei.

35. A ko te hunga tutu ka hatepea atu i te whenua o Hiona, a ka tonoa atu kia haere, a e kore e noho ki runga ki te whenua.

36. No te mea, he pono taku e mea nei, ko te hunga tutu e hara i nga toto o Eparaima, no reira ka hutia ake ratou.

37. Nana, ko ahau, te Ariki i mea i taku Hahi i enei nga ra o muri nei ano he kai-whakawa i runga i te maunga hei whakawa i nga iwi.

38. Ka riro hoki ma te hunga o Hiona e whakawa nga mea katoa o Hiona.

39. A ko nga kai korero teka me te hunga tinihanga ka whakawakia e ratou, a ko ratou e hara nei i te apotoro, i te poropiti ka mohiotia.

40. A ko te pihopa hoki, ko ia nei tetahi kai-whakawa, ratou ko ona kaunihera, a ki te kore e pono i roto i o ratou mahi tuari ka whakahengia, a ko etahi atu ka whakaturia ki o ratou turanga.

41. No te mea, nana ka mea atu nei ahau ki a koutou, ka tupu kaha te whenua o Hiona, a ka tau te kororia o te Ariki ki runga ki a ia.

42. A ka ai ia hei tohu ki te iwi, a ka haere atu ki a ia o nga iwi katoa i raro i te rangi.

43. A, ka puta mai te ra e tuwiri ana nga iwi katoa o te ao, mona te take, a ka wehi mo aua mea nanakia kua whakapuakina e te Ariki. Amine.