Wahanga 126
He whakakitenga i homai ma roto i a Hohepa, te Matakite, i roto i te whare o Erata Pirikama Ianga, i Nawu, Irinoi, i te 9 o nga ra o Hurae, 1841.
1. E toku teina aroha, e Pirikama Ianga, he pono ko te kupu tenei a te Ariki ki a koe, e taku pononga e Pirikama, kahore he tikanga inaianei e whakarere ai ano koe i to whanau, pera i nga wa kua pahure, no te mea kei te pai au oha katoa i hoake ai ki a au;
2. Kua kite ahau i o mahi katoa i roto i o haereerenga mo toku ingoa.
3. No reira inaianei ka whakahau e ahau ki a koe, me tuku-a-panui e koe taku kupu ki mamao, a ko koe me noho ki te tiaki pai i to whanau i tenei wa, haere ake nei, ake tonu atu. Amine.