1. Nana, ko te kupu tenei a te Ariki ki a koe, ki taku pononga ki a Wiremu, ae ra a te Ariki o te whenua katoa, he tangata koe kua karangatia, kua ata whiriwhiria hoki, a i muri i te rumakanga i a koe ki te wai, ki te mea ka meatia e koe tena i runga i te whakaaro tapatahi ki toku kororia, ko reira murua ai o hara, e whiwhi ai hoki koe ki te Wairua Tapu i runga i te whakapakanga o nga ringaringa;

2. A i muri o tena ma te ringaringa o taku pononga o Hohepa Mete, tamaiti, koe e whakapa hei kaumatua mo tenei Hahi, hei kauwhau i te ripenetatanga, me te murunga hara he mea na te rumakanga, i roto i te ingoa o Ihu Karaiti, te Tama a te Atua ora;

3. A ko te hunga e whakapa iho ai koe i o ringaringa, ki te mea ka whakaiti ratou i mua i toku aroaro ka whai mana koe ki te hoatu i te Wairua Ora;

4. Me tenei ano, ka whakaritea koe, hei kai-awhina i taku pononga i a Oriwa Kautere ki te ta pukapuka, ki te whiriwhiri, ki te tuhituhi hoki i nga pukapuka mo nga kura o tenei Hahi, he mea e whakaakona ai nga tamariki nonohi rite tonu ki taku e ahuareka ai.

5. Me tenei ano, he pono taku e mea atu nei ki a koe, mo tenei take me haere tahi koe me aku pononga me Hohepa Mete, tamaiti, raua ko Hirini Rikitana, kia whakanohoia ai koe ki te whenua e tukua ai mou ake hei mahi i tenei mea.

6. Me tenei ano, me haere tahi ano taku pononga a Hohepa Kou me ratou. Ko te toenga taihoa ake nei e whakarite atu, kia rite ki taku e pai ai. Amine.