Wahanga 47
He whakakitenga ki a Hohepa Mete, tamaiti raua ko Hoani Witima, i hoatu i Katarana, Ohaio, i a Maehe 8, 1831.
1. Nana, he mea rite tenei i roto i a au mo taku pononga, a Hoani, mana e tuhi, e pupuri he tino whakaaturanga, me te awhina i a koe, e taku pononga, e Hohepa, i roto i te taa-rua i nga tuhituhinga o nga mea katoa era e hoatu ki a koe, a tae noa ki te karangatanga i a ia ki tetahi atu mahi.
2. Me tenei ano, he pono taku e mea atu ki a koe, e ahei ana hoki ia te hapai ake i tona reo i roto i nga huihuinga, i ona wa e hangai ana.
3. Me tenei ano, e mea atu nei ahau ki a koe, tera e whakaritea ko ia hei pupuri i nga whakaaturanga o te Hahi, me ona tuhituhinga kia mau tonu, no te mea ko Oriwa Kautere kua whakaritea e ahau ki tetahi atu turanga.
4. No reira ka hoatu ki a ia, i te mea ka u tonu ia, he mea na te Kai-whakamarie, kia tuhituhi i enei mea. Koia ano tenei. Amine.