Wahanga 15
He whakakitenga i hoatu ki a Hoani Witima, ma roto i a Hohepa, te Matakite, i Wheieta, Takiwa o Henoka, Niu Iaka, i a Hune, 1829.
1. Whakarongo e taku pononga e Hoani, whakarongo ki nga kupu o Ihu Karaiti, a tou Ariki, a tou Kai-hoko,
2. No te mea, nana, ka korero atu ahau ki a koe i runga i te koi me te kaha, no te mea ko toku ringa kei runga i te whenua katoa,
3. A ka korero atu ahau ki a koe i tetahi mea kahore nei he tangata e mohio ana, engari ko ahau me koe anake.
4. No te mea he maha nga wa i hiahia ai koe kia maku e whakamohio atu ki a koe te mea tino utu nui ki a koe.
5. Nana, ka koa koe mo tenei mea, mo tou korerotanga i aku kupu i hoatu ai e ahau ki a koe e rite ana ki aku whakahaunga.
6. Aianei nana, taku kupu ki a koe, ko te mea he tino utu nui ki a koe, koia ra ko te karanga i te ripenetatanga ki tenei iwi, me kore e ahei i a koe te kukume i nga wairua ki a au, kia okioki ai koe me ratou i roto i te kingitanga o toku Matua. Amine.