Soratra Masina

Teny soratana na aloaky ny vavan’ireo lehilahy masin’ Andriamanitra rehefa eo ambany fitaoman’ny Fanahy Masina izy ireo. Ankehitriny ireo Soratra Masina ankatoavin’ny Fiangonana dia ny Baiboly, ny Bokin’i Môrmôna, ny Fotompampianarana sy Fanekempihavanana ary ny Voahangy Lafo Vidy. Nandray ny Testamenta Taloha ho Soratra Masina i Jesoa Kristy sy ireo mpanoratra ny Testamenta Vaovao (Mat. 22:29; Jao. 5:39; 2 Tim. 3:15; 2 Pet. 1:20–21). Jereo koa ny Fifanesen’ny vanim-potoana ao amin’ny tovana.

Solafaka ny olona, satria aolany ny soratra masina ary tsy azony izany, F&F 10:63.
Ireto teny ireto dia tsy avy amin’olona na avy amin’ny olona fa avy Amiko, F&F 18:34–36.
Ny fivoahan’ny Bokin’i Môrmôna dia manaporofo amin’izao tontolo izao fa marina ny soratra masina, F&F 20:2, 8–12.
Fa tsy maintsy atokanareo ny fotoananareo handinihana ny soratra masina, F&F 26:1.
Ny soratra masina dia omena ho fianaran’ny olomasina, F&F 33:16.
Ny soratra masina dia omena ho famonjena ny olom-boafidy, F&F 35:20.
Mampianàra ireo fitsipiky ny filazantsarako, izay ao amin’ny Baiboly sy ny Bokin’i Môrmôna, F&F 42:12.
Ny lalàko momba ireo zavatra ireo dia omena ao amin’ny soratro masina, F&F 42:28.
Na inona na inona tenenina noho ny fanentanan’ny Fanahy Masina, dia soratra masina, F&F 68:4.

Soratra Masina very

Maro ireo asasoratra masina voalaza ao amin’ny Soratra Masina kanefa tsy ananantsika ankehitriny, ka isan’izany ireto boky sy mpanoratra ireto: ny fanekempihavanana (Eks. 24:7), ny adin’ny Tompo (Nom. 21:14), Jasara (Jos. 10:13; 2 Sam. 1:18), ny tantaran’i Solomona (1 Mpan. 11:41), Samoela mpahita (1 Tan. 29:29), Natana mpaminany (2 Tan. 9:29), Semaia mpaminany (2 Tan. 12:15), Ido mpaminany (2 Tan. 13:22), Jeho (2 Tan. 20:34), ny tenin’ny mpahita (2 Tan. 33:19), Enoka (Joda 1:14), ny tenin’i Zenôka, i Neoma, ary i Zenôsa (1 Ne. 19:10), Zenôsa (Jkb. 5:1), Zenôka sy i Ezià (Hel. 8:20), ny bokim-pahatsiarovana (Mos. 6:5); ary ireo epistily ho an’ny Korintiana (1 Kor. 5:9), ny Efesiana (Ef. 3:3), avy amin’i Laodikia (Kol. 4:16), sy avy amin’i Joda (Joda 1:3).

Hotehirizina ny Soratra Masina

Ny hasarobidin’ny Soratra Masina

Efa nampihariko taminy ny tenin’ny soratra masina rehetra mba ho tombontsoanay sy ho fianarana ho anay, 1 Ne. 19:23.
Ny fanahiko dia finaritra amin’ny soratra masina, 2 Ne. 4:15–16.
Miasa araka ny zotom-po isika hanoratra mba handresy lahatra ny zanatsika ary koa ny rahalahintsika mba hinoany an’i Kristy, 2 Ne. 25:23.
Nanadihady ny soratra masina izy ary tsy nihaino intsony ny tenin’ity olon-dratsy ity, Jkb. 7:23 (Almà 14:1).
Fa raha tsy teo ireto takelaka ireto, dia tsy maintsy ho efa nijaly tao amin’ny tsy fahalalana isika, Môzià 1:2–7.
Efa nodinihiny tamim-pahazotoana tokoa ny soratra masina hahazoany mahalala ny tenin’ Andriamanitra, Almà 17:2–3.
Tehirizina ny soratra masina hitondra ny fanahy ho amin’ny famonjena, Almà 37:1–19 (2 Ne. 3:15).
Hitarika ny olon’i Kristy ny tenin’ Andriamanitra, Hel. 3:29.