Lehia, Rain’i Nefia

Ao amin’ny Bokin’i Môrmôna, mpaminany hebreo izay nitarika ny fianakaviany sy ireo mpanaraka azy avy ao Jerosalema nankany amin’ny tany nampanantenaina any amin’ny ilam-bolan-tany andrefana, tokony ho 600 taona talohan’i Kristy. I Lehia no mpaminany voalohany teo anivon’ny vahoakany ao amin’ny Bokin’i Môrmôna.

Nandositra an’i Jerosalema niaraka tamin’ny fianakaviany i Lehia rehefa nodidian’ny Tompo (1 Ne. 2:1–4). Taranak’i Josefa izay namidy tany Egypta izy (1 Ne. 5:14). Nanome azy fahitana ny amin’ny hazon’aina ny Tompo (1 Ne. 8:2–35). Nanamboatra sambo i Lehia sy ny zanany ary niantsambo ho any amin’ny ilam-bolan-tany andrefana (1 Ne. 17–18). Niorim-ponenana tao amin’ny tany vaovao izy sy ny taranany (1 Ne. 18:23–25). Talohan’ny nahafatesany, dia nitsodrano ireo zananilahy i Lehia ary nampianatra azy ny amin’i Kristy sy ny fivoahan’ny Bokin’i Môrmôna amin’ny andro farany (2 Ne. 1:1–4:12).