ແທ່ນບູຊາ ເບິ່ງ ເສຍສະລະ, ການເສຍສະລະ ນຳອີກ ສະຖານທີ່ໃຊ້ສຳລັບການເຜົາເຄື່ອງບູຊາ, ການຖວາຍ, ແລະ ນະມັດສະການ. ໂນອາໄດ້ສ້າງແທ່ນບູຊາແທ່ນໜຶ່ງຖວາຍແກ່ພຣະຜູ້ເປັນເຈົ້າ ແລະ ເຜົາເຄື່ອງບູຊາຖວາຍ, ປຖກ 8:20. ອັບຣາມໄດ້ສ້າງແທ່ນບູຊາແທ່ນໜຶ່ງຖວາຍແກ່ພຣະຜູ້ເປັນເຈົ້າ, ປຖກ 12:7–8. ອັບຣາຮາມໄດ້ມັດອີຊາກ ລູກຊາຍຂອງເພິ່ນໄວ້ເທິງແທ່ນບູຊາ, ປຖກ 22:9 (ປຖກ 22:1–13). ຢາໂຄບໄດ້ສ້າງແທ່ນບູຊາແທ່ນໜຶ່ງຂຶ້ນ ແລະ ໄດ້ເອີ້ນບ່ອນນັ້ນວ່າ ເບັດເອນ, ປຖກ 35:6–7. ເອລີຢາໄດ້ສ້າງແທ່ນບູຊາແທ່ນໜຶ່ງ ແລະ ໄດ້ທ້າທາຍພວກປະໂລຫິດຂອງບາອານ, 1 ກສ 18:17–40. ເມື່ອເຈົ້າເອົາເຄື່ອງມາຖວາຍທີ່ເທິງແທ່ນບູຊາ, ທຳອິດໃຫ້ເຈົ້າກັບໄປຄືນດີກັບອ້າຍເອື້ອຍນ້ອງຂອງເຈົ້າສາກ່ອນ, ມທ 5:23–24. ຂ້າພະເຈົ້າໄດ້ເຫັນດວງວິນຍານຢູ່ໃຕ້ແທ່ນບູຊາ ເປັນດວງວິນຍານຂອງຄົນທັງຫລາຍທີ່ໄດ້ຖືກຂ້າ ເພາະປະກາດພຣະຄຳຂອງພຣະເຈົ້າ, ພນມ 6:9 (ຄພ 135:7). ລີໄຮໄດ້ສ້າງແທ່ນບູຊາດ້ວຍຫີນ, ແລະ ຖວາຍຄວາມຂອບພຣະຄຸນແດ່ພຣະຜູ້ເປັນເຈົ້າ, 1 ນຟ 2:7. ອັບຣາຮາມໄດ້ຖືກໄວ້ຊີວິດຈາກຄວາມຕາຍເທິງແທ່ນບູຊາຂອງເອເຄນາ, ອຣຮ 1:8–20.