ຫວັງ, ຄວາມຫວັງ ເບິ່ງ ສັດທາ ນຳອີກ ຄວາມຄາດຫວັງດ້ວຍຄວາມໝັ້ນໃຈ ແລະ ຄວາມຫວັງທີ່ຈະໄດ້ຮັບພອນທີ່ສັນຍາໄວ້ເລື່ອງຄວາມຊອບທຳ. ພຣະຄຳພີມັກກ່າວເຖິງຄວາມຫວັງວ່າເປັນການຄາດຫວັງທີ່ຈະມີຊີວິດນິລັນດອນຜ່ານສັດທາໃນພຣະເຢຊູຄຣິດ. ຄົນທີ່ໄວ້ວາງໃຈໃນພຣະຜູ້ເປັນເຈົ້າຈະໄດ້ຮັບພອນ, ຢມຢ 17:7. ພຣະຜູ້ເປັນເຈົ້າຈະປົກປ້ອງຜູ້ຄົນຂອງພຣະອົງ, ຢອ 3:16. ພວກເຮົາຈະມີຄວາມຫວັງດ້ວຍຄວາມອົດທົນ ແລະ ດ້ວຍພຣະຄຳພີ, ຣມ 15:4. ພຣະເຈົ້າໄດ້ໃຫ້ເຮົາເຂົ້າສູ່ຄວາມຫວັງອັນມີຊີວິດຢູ່ໂດຍການຟື້ນຄືນພຣະຊົນຂອງພຣະຄຣິດ, 1 ປຕ 1:3. ທຸກຄົນທີ່ມີຄວາມຫວັງຢ່າງນີ້ ກໍຊຳລະຕົນໃຫ້ບໍລິສຸດ, 1 ຢຮ 3:2–3. ພວກທ່ານຕ້ອງມຸ້ງໜ້າ, ໂດຍມີຄວາມສະຫວ່າງຢ່າງບໍລິບູນຂອງຄວາມຫວັງ, 2 ນຟ 31:20. ໃຫ້ເບິ່ງວ່າພວກທ່ານມີສັດທາ, ຄວາມຫວັງ, ແລະ ຄວາມໃຈບຸນ, ແອວ 7:24 (1 ກຣທ 13:13; ມຣນ 10:20). ເຮົາຫວັງວ່າພວກທ່ານຈະໄດ້ຍິນຖ້ອຍຄຳຂອງເຮົາ, ໂດຍຫວັງວ່າພວກທ່ານຈະໄດ້ຮັບຊີວິດນິລັນດອນ, ແອວ 13:27–29. ຖ້າພວກທ່ານມີສັດທາ, ພວກທ່ານກໍຫວັງໃນສິ່ງທີ່ບໍ່ເຄີຍເຫັນ, ຊຶ່ງເປັນຄວາມຈິງ, ແອວ 32:21 (ຮຣ 11:1). ຄວາມຫວັງມາຈາກສັດທາ ແລະ ເຮັດຫລັກໝັ້ນໃຫ້ແກ່ຈິດວິນຍານ, ອທ 12:4 (ຮຣ 6:17–19). ມະນຸດຕ້ອງມີຄວາມຫວັງ ຖ້າບໍ່ດັ່ງນັ້ນ ເຂົາຈະຮັບມໍລະດົກບໍ່ໄດ້, ອທ 12:32. ມໍມອນໄດ້ສອນກ່ຽວກັບສັດທາ, ຄວາມຫວັງ, ແລະ ຄວາມໃຈບຸນ, ມຣນ 7:1. ທ່ານຈະຫວັງໂດຍທາງການຊົດໃຊ້ຂອງພຣະເຢຊູຄຣິດ ເພື່ອຖືກຍົກຂຶ້ນສູ່ຊີວິດນິລັນດອນ, ມຣນ 7:40–43. ພຣະວິນຍານບໍລິສຸດເຮັດໃຫ້ທ່ານເຕັມໄປດ້ວຍຄວາມຫວັງ, ມຣນ 8:26 (ຣມ 15:13). ເຂົາເຈົ້າໄດ້ຈາກຊີວິດມະຕະໄປແລ້ວ, ໝັ້ນຄົງໃນຄວາມຫວັງແຫ່ງການຟື້ນຄືນຊີວິດອັນຮຸ່ງເຫລື້ອມ, ຄພ 138:14.