ຈິດໃຈ ມັນສະໝອງ; ພະລັງຂອງຄວາມຄິດທີ່ຮູ້ສຶກຕົວ. ຈົ່ງບົວລະບັດຮັບໃຊ້ພຣະອົງດ້ວຍສຸດໃຈ ແລະ ສຸດຄວາມຄິດ, 1 ຂຄ 28:9. ຈົ່ງຮັກພຣະຜູ້ເປັນເຈົ້າອົງເປັນພຣະເຈົ້າຂອງເຈົ້າດ້ວຍສຸດຈິດ, ມທ 22:37. ການມີຈິດໃຈທີ່ເຕັມໄປດ້ວຍຕັນຫາຄືຄວາມຕາຍ; ການມີຈິດໃຈທີ່ສະແຫວງຫາສິນທຳຄືຊີວິດນິລັນດອນ, 2 ນຟ 9:39. ສຸລະສຽງຂອງພຣະຜູ້ເປັນເຈົ້າໄດ້ເຂົ້າສູ່ຈິດໃຈຂອງຂ້າພະເຈົ້າ, ອນ 1:10. ພຣະຄຳໄດ້ໃຫ້ຜົນທີ່ມີອຳນາດແກ່ຈິດໃຈຂອງຜູ້ຄົນຍິ່ງກວ່າດາບ, ແອວ 31:5. ເຮົາຈະບອກເຈົ້າໃນຈິດໃຈຂອງເຈົ້າ, ຄພ 8:2. ສຶກສາມັນຢູ່ໃນຈິດໃຈຂອງເຈົ້າກ່ອນ, ຄພ 9:8. ໃຫ້ຄວາມນອບນ້ອມແຫ່ງຊົ່ວນິລັນດອນຢູ່ໃນຈິດໃຈຂອງພວກເຈົ້າ, ຄພ 43:34. ໃນເວລາທີ່ຜ່ານມາ ຈິດໃຈຂອງພວກເຈົ້າຖືກເຮັດໃຫ້ມືດມົນ, ຄພ 84:54. ໃຫ້ເຂົ້ານອນແຕ່ຫົວຄ່ຳ, ໃຫ້ຕື່ນແຕ່ເຊົ້າ, ເພື່ອຮ່າງກາຍ ແລະ ຈິດໃຈຂອງພວກເຈົ້າຈະສົດຊື່ນ, ຄພ 88:124. ຊາຕານບໍ່ຮູ້ຈັກພຣະປະສົງຂອງພຣະເຈົ້າ, ມຊ 4:6. ພຣະຜູ້ເປັນເຈົ້າໄດ້ເອີ້ນຜູ້ຄົນຂອງພຣະອົງວ່າ ຊີໂອນ, ເພາະວ່າພວກເຂົາມີໃຈດຽວ ແລະ ມີຄວາມຄິດດຽວ, ມຊ 7:18.