ເຫັນຊອບນຳກັນ
ໂດຍຫລັກທຳນີ້ ສະມາຊິກຂອງສາດສະໜາຈັກສະໜັບສະໜູນຜູ້ທີ່ໄດ້ຖືກແຕ່ງຕັ້ງຕໍ່ການເອີ້ນເພື່ອໃຫ້ຮັບໃຊ້ຢູ່ໃນສາດສະໜາຈັກ, ເຊັ່ນດຽວກັບການຕັດສິນໃຈໃດໆຂອງສາດສະໜາຈັກທີ່ຮຽກຮ້ອງການສະໜັບສະໜູນ, ຕາມປົກກະຕິແລ້ວຈະສະແດງໂດຍການຍົກມືຂວາຂຶ້ນ.
ພຣະເຢຊູຄຣິດປະທັບຢູ່ເປັນປະມຸກຂອງສາດສະໜາຈັກຂອງພຣະອົງ. ຜ່ານການດົນໃຈຂອງພຣະວິນຍານບໍລິສຸດ, ພຣະອົງຊີ້ນຳຜູ້ນຳຂອງສາດສະໜາຈັກໃນການກະທຳ ແລະ ການຕັດສິນໃຈອັນສຳຄັນ. ເຖິງຢ່າງໃດກໍຕາມ, ສະມາຊິກທຸກຄົນຂອງສາດສະໜາຈັກມີສິດ ແລະ ສິດທິພິເສດເລື່ອງການສະໜັບສະໜູນ ຫລື ບໍ່ສະໜັບສະໜູນການກະທຳ ແລະ ການຕັດສິນໃຈຂອງຜູ້ນຳຂອງເຂົາເຈົ້າ.