ເງິນ ເບິ່ງ ຄວາມເປັນຢູ່ທາງໂລກ; ສ່ວນສິບ, ເງິນສ່ວນສິບ; ໃຫ້ທານ, ການໃຫ້ທານ; ຮັ່ງມີ, ຄວາມຮັ່ງມີ ນຳອີກ ຫລຽນ, ເຈ້ຍ, ໃບຮັບຮອງ, ຫລື ບາງສິ່ງທີ່ຜູ້ຄົນໃຊ້ຈ່າຍສຳລັບສິ່ງຂອງ ຫລື ການບໍລິການ. ບາງເທື່ອ ມັນກໍເປັນເຄື່ອງໝາຍເຖິງວັດຖຸນິຍົມ. ບໍ່ມີສິ່ງໃດທີ່ຈະຊື້ເອົາພວກເຈົ້າໃຫ້ເປັນອິດສະລະ, ອຊຢ 52:3. ອັກຄະສາວົກສິບສອງໄດ້ຖືກບອກວ່າບໍ່ໃຫ້ເອົາຫຍັງໄປນຳ, ບໍ່ໃຫ້ເອົາຖົງ, ອາຫານ, ເງິນໃສ່ກະເປົາຕອນອອກເດີນທາງ, ມຣກ 6:8. ເປໂຕໄດ້ບອກຊີໂມນຜູ້ເປັນໝໍເວດມົນຄາຖາວ່າ ເງິນຂອງລາວຈະຈິບຫາຍໄປກັບລາວ, ກຈກ 8:20. ການຮັກເງິນຄຳເປັນເຄົ້າມູນຂອງຄວາມຊົ່ວທຸກຢ່າງ, 1 ຕມທ 6:10. ຢ່າໄດ້ໃຊ້ເງິນເພື່ອສິ່ງທີ່ບໍ່ມີຄຸນຄ່າ, 2 ນຟ 9:50–51 (ອຊຢ 55:1–2; 2 ນຟ 26:25–27). ຖ້າຫາກພວກເຂົາເຮັດການເພື່ອເງິນ, ພວກເຂົາຈະຕ້ອງຕາຍ, 2 ນຟ 26:31. ກ່ອນທີ່ພວກທ່ານຈະຊອກຫາຄວາມຮັ່ງມີນັ້ນ, ພວກທ່ານຄວນຊອກຫາອານາຈັກຂອງພຣະເຈົ້າກ່ອນ, ຢຄ 2:18–19. ສາດສະໜາຈັກຕ່າງໆຈະກ່າວວ່າ ດ້ວຍເງິນຂອງທ່ານ ທ່ານຈະໄດ້ຮັບອະໄພຈາກບາບຂອງທ່ານ, ມມ 8:32, 37. ຄົນທີ່ມອບເງິນໃຫ້ສຳລັບອຸດົມການຂອງຊີໂອນ ຈະບໍ່ມີທາງສູນເສຍລາງວັນຂອງເຂົາໄປ, ຄພ 84:89–90.