ເອຢິບ
ປະເທດໜຶ່ງຢູ່ສົ້ນເໜືອຂອງອາຟຣິກາ. ແຜ່ນດິນສ່ວນໃຫຍ່ຂອງເອຢິບແມ່ນແຫ້ງແລ້ງ ແລະ ເປົ່າປ່ຽວ. ສ່ວນຫລາຍແລ້ວຜູ້ຄົນອາໄສຢູ່ຕາມຮ່ອມພູແມ່ນ້ຳນິນ, ຊຶ່ງກວ້າງໄກເຖິງ 550 ໄມ (890 ກິໂລແມັດ).
ເອຢິບໃນສະໄໝບູຮານເປັນປະເທດທີ່ຮັ່ງມີ ແລະ ຈະເລີນກ້າວໜ້າ. ວຽກງານສາທາລະນະທີ່ໃຫຍ່ໂຕໄດ້ຖືກສ້າງຂຶ້ນ, ລວມທັງການສ້າງຄອງລະບາຍນ້ຳ; ເປັນເມືອງທີ່ເຂັ້ມແຂງທາງດ້ານການປ້ອງກັນ; ແລະ ອານຸສອນຂອງບັນດາກະສັດ, ໂດຍສະເພາະສຸສານປີລະມິດ ແລະ ພຣະວິຫານ, ຊຶ່ງຍັງເປັນສິ່ງທີ່ຊາວໂລກອັດສະຈັນໃຈຢູ່. ເພາະໃນຊ່ວງໄລຍະໜຶ່ງ, ການປົກຄອງຂອງຊາວເອຢິບເປັນການລອກແບບລະບຽບແຫ່ງປິຕຸຂອງຖານະປະໂລຫິດ (ອຣຮ 1:21–27).