ຈິງ, ຄວາມຈິງ ເບິ່ງ ຄວາມສະຫວ່າງ, ຄວາມສະຫວ່າງຂອງພຣະຄຣິດ; ຄວາມຮູ້; ຮູ້ແຈ້ງ, ຄວາມຮູ້ແຈ້ງ, ຜູ້ຄົນທີ່ມີຄວາມຮູ້ແຈ້ງ ນຳອີກ ຄວາມຮູ້ກ່ຽວກັບສິ່ງທີ່ມັນເປັນຢູ່, ແລະ ດັ່ງທີ່ມັນເຄີຍເປັນ, ແລະ ສິ່ງທີ່ມັນຈະເປັນ (ຄພ 93:24). ຄວາມຈິງຍັງຖືກອ້າງເຖິງວ່າເປັນ ຄວາມສະຫວ່າງ ແລະ ການເປີດເຜີຍຈາກສະຫວັນ. ຄວາມສັດຊື່ຂອງຄົນຈະຟົ້ງຈາກແຜ່ນດິນຂຶ້ນໄປ, ພສສ 85:11 (ມຊ 7:62). ພວກເຈົ້າຈະຮູ້ຈັກຄວາມຈິງ ແລະ ຄວາມຈິງນັ້ນຈະເຮັດໃຫ້ພວກເຈົ້າເປັນອິດສະລະ, ຢຮ 8:32. ເຮົານີ້ແຫລະເປັນທາງນັ້ນ, ເປັນຄວາມຈິງ, ແລະ ເປັນຊີວິດ, ຢຮ 14:6. ຖ້າພວກເຮົາເວົ້າວ່າ ພວກເຮົາບໍ່ມີບາບ ພວກເຮົາກໍຫລອກລວງຕົນເອງ, 1 ຢຮ 1:8. ຄົນຜິດຍ່ອມຖືເອົາຄວາມຈິງເປັນເລື່ອງຮຸນແຮງ, 1 ນຟ 16:2. ຄົນຊອບທຳຮັກຄວາມຈິງ, 2 ນຟ 9:40. ພຣະວິນຍານກ່າວດ້ວຍຄວາມຈິງ ແລະ ບໍ່ຕົວະ, ຢຄ 4:13. ພຣະອົງເປັນພຣະເຈົ້າແຫ່ງຄວາມຈິງ ແລະ ເວົ້າຕົວະບໍ່ໄດ້, ອທ 3:12. ໂດຍອຳນາດຂອງພຣະວິນຍານບໍລິສຸດ ທ່ານຈະຮູ້ຈັກຄວາມຈິງຂອງທຸກເລື່ອງ, ມຣນ 10:5. ຄວາມຈິງຈະກຳລັງຢູ່ຕະຫລອດການ ແລະ ຕະຫລອດໄປ, ຄພ 1:39. ເຈົ້າໄດ້ຮັບຄວາມສະຫວ່າງໂດຍພຣະວິນຍານແຫ່ງຄວາມຈິງ, ຄພ 6:15. ພຣະຄຳພີມໍມອນບັນຈຸຄວາມຈິງ ແລະ ພຣະຄຳຂອງພຣະເຈົ້າ, ຄພ 19:26. ພຣະຜູ້ປອບໂຍນໄດ້ຖືກສົ່ງອອກໄປເພື່ອສອນຄວາມຈິງ, ຄພ 50:14. ຄົນທີ່ໄດ້ຮັບພຣະຄຳໂດຍພຣະວິນຍານແຫ່ງຄວາມຈິງ ໄດ້ຮັບມັນດັ່ງທີ່ສັ່ງສອນໄວ້ໂດຍພຣະວິນຍານແຫ່ງຄວາມຈິງ, ຄພ 50:17–22. ປະກາດຄວາມຈິງອີງຕາມການເປີດເຜີຍ ຊຶ່ງເຮົາໄດ້ມອບໃຫ້ພວກເຈົ້າ, ຄພ 75:3–4. ສິ່ງໃດກໍຕາມທີ່ເປັນຄວາມຈິງຄື ຄວາມສະຫວ່າງ, ຄພ 84:45. ຄວາມສະຫວ່າງຂອງພຣະຄຣິດຄື ຄວາມສະຫວ່າງແຫ່ງຄວາມຈິງ, ຄພ 88:6–7, 40. ພຣະວິນຍານຂອງເຮົາຄືຄວາມຈິງ, ຄພ 88:66. ຄວາມຮູ້ແຈ້ງ, ຫລື ຄວາມສະຫວ່າງແຫ່ງຄວາມຈິງ, ບໍ່ໄດ້ຖືກສ້າງຂຶ້ນ, ຄພ 93:29. ລັດສະໝີພາບຂອງພຣະເຈົ້າເປັນຄວາມຮູ້ແຈ້ງ, ຫລື ເປັນຄວາມສະຫວ່າງ ແລະ ຄວາມຈິງ, ຄພ 93:36. ເຮົາໄດ້ບັນຊາພວກເຈົ້າໃຫ້ລ້ຽງດູລູກໆຂອງພວກເຈົ້າໃນຄວາມສະຫວ່າງ ແລະ ຄວາມຈິງ, ຄພ 93:40. ພຣະອົງດຽວທີ່ຖືກຳເນີດຂອງເຮົາເຕັມໄປດ້ວຍພຣະຄຸນ ແລະ ຄວາມຈິງ, ມຊ 1:6.