ລອດ, ຄວາມລອດ

ທີ່ຈະລອດຈາກຄວາມຕາຍທາງຮ່າງກາຍ ແລະ ທາງວິນຍານ. ທຸກຄົນຈະລອດຈາກຄວາມຕາຍທາງຮ່າງກາຍ ໂດຍພຣະຄຸນຂອງພຣະເຈົ້າ, ຜ່ານຄວາມຕາຍ ແລະ ການຟື້ນຄືນພຣະຊົນຂອງພຣະເຢຊູຄຣິດ. ແຕ່ລະຄົນສາມາດລອດຈາກຄວາມຕາຍທາງວິນຍານ ໂດຍພຣະຄຸນຂອງພຣະເຈົ້າ, ຜ່ານສັດທາໃນພຣະເຢຊູຄຣິດ. ສັດທານີ້ສະແດງໃຫ້ປະຈັກ ໃນຊີວິດທີ່ເຊື່ອຟັງຕໍ່ກົດ ແລະ ພິທີການຂອງພຣະກິດຕິຄຸນ ແລະ ການຮັບໃຊ້ແດ່ພຣະຄຣິດ.

ຂ່າວປະເສີດນັ້ນເປັນລິດເດດອຳນາດຂອງພຣະເຈົ້າ ທີ່ໃຫ້ໄດ້ຮັບຄວາມພົ້ນ, ຣມ 1:16 (ຄພ 68:4).
ຈົ່ງອົດສາພະຍາຍາມເພື່ອໃຫ້ໄດ້ຄວາມພົ້ນ ດ້ວຍຄວາມຢຳເກງ, ຟລປ 2:12.
ພຣະເຈົ້າໄດ້ເລືອກພວກເຈົ້າ ເພື່ອໂຜດໃຫ້ພົ້ນ ຜ່ານການຊຳລະໃຫ້ບໍລິສຸດ, 2 ທສນ 2:13.

ພຣະເຢຊູຄຣິດເປັນພຣະນາມດຽວເທົ່ານັ້ນ ຊຶ່ງໂດຍພຣະນາມນັ້ນຄວາມລອດຈະມາເຖິງ, ມຊ 6:52 (ກຈກ 4:10–12).
ພວກເຮົາເຊື່ອວ່າ ໂດຍທາງການຊົດໃຊ້ຂອງພຣະຄຣິດ, ມະນຸດຊາດທັງປວງຈະລອດໄດ້, ຫຼຊ 1:3.

ຄວາມລອດຂອງເດັກນ້ອຍ

ເດັກນ້ອຍໆມີຊີວິດນິລັນດອນ, ມຊຢ 15:25.
ການບັບຕິສະມາໃຫ້ເດັກແດງທາລົກເປັນຄວາມຊົ່ວທີ່ໜ້າກຽດຊັງ, ແລະ ເດັກນ້ອຍໆໄດ້ຮັບຄວາມລອດເພາະການຊົດໃຊ້ຂອງພຣະຄຣິດ, ມຣນ 8:8–24.

ເດັກນ້ອຍໆໄດ້ຮັບການໄຖ່ຜ່ານພຣະອົງດຽວທີ່ຖືກຳເນີດ, ຊາຕານບໍ່ສາມາດລໍ້ລວງເຂົາ, ຄພ 29:46–47.
ເດັກນ້ອຍຈະຕ້ອງຖືກສິດສອນພຣະກິດຕິຄຸນ ແລະ ຮັບບັບຕິສະມາ ເມື່ອມີອາຍຸໄດ້ແປດປີ, ຄພ 68:25–28.
ເດັກນ້ອຍໆໄດ້ຮັບການຊຳລະໃຫ້ບໍລິສຸດຜ່ານພຣະເຢຊູຄຣິດ, ຄພ 74:7.
ມະນຸດຈຶ່ງກາຍເປັນຄົນບໍລິສຸດຄືນອີກ, ຢູ່ໃນສະພາບເດັກແດງທາລົກຂອງພວກເຂົາ, ຄພ 93:38.
ເດັກນ້ອຍທັງປວງຜູ້ໄດ້ຕາຍກ່ອນອາຍຸທີ່ຮູ້ຈັກຮັບຜິດຊອບກໍລອດໃນອານາຈັກຊັ້ນສູງ, ຄພ 137:10.