ຊື່ນຊົມ, ຄວາມຊື່ນຊົມ

ສະພາບຂອງຄວາມສຸກອັນຍິ່ງໃຫຍ່ທີ່ມາຈາກການດຳລົງຊີວິດທີ່ຊອບທຳ. ຈຸດປະສົງຂອງຊີວິດມະຕະແມ່ນເພື່ອໃຫ້ທຸກຄົນມີຄວາມຊື່ນຊົມ (2 ນຟ 2:22–25). ຄວາມຊື່ນຊົມອັນເຕັມສ່ວນຈະມາເຖິງພຽງແຕ່ຜ່ານທາງພຣະເຢຊູຄຣິດເທົ່ານັ້ນ (ຢຮ 15:11; ຄພ 93:33–34; 101:36).

ເຮົານຳຂ່າວປະເສີດມາບອກໃຫ້ພວກເຈົ້າຮູ້, ລກ 2:10.
ຄວາມຊື່ນຊົມຍິນດີຂອງພວກເຈົ້າ ບໍ່ມີຜູ້ໃດສາມາດເອົາໄປຈາກພວກເຈົ້າໄດ້, ຢຮ 16:22.
ຜົນຂອງພຣະວິນຍານຄືຄວາມຮັກ, ຄວາມຍິນດີ, ສັນຕິສຸກ, ຄລຕ 5:22.

ໝາກໄມ້ຈາກຕົ້ນນັ້ນໄດ້ເຮັດໃຫ້ຈິດວິນຍານຂອງພໍ່ເຕັມໄປດ້ວຍຄວາມຊື່ນຊົມຢ່າງໃຫຍ່ຫລວງ, 1 ນຟ 8:12.
ມະນຸດເປັນຢູ່ກໍເພື່ອພວກເຂົາຈະໄດ້ມີຄວາມສຸກ, 2 ນຟ 2:25.
ຄວາມສຸກຂອງຄົນຊອບທຳຈະບໍລິບູນຕະຫລອດໄປ, 2 ນຟ 9:18.
ເຂົາຈະໄດ້ຢູ່ກັບພຣະເຈົ້າໃນສະພາບແຫ່ງຄວາມສຸກທີ່ບໍ່ມີວັນສິ້ນສຸດ, ມຊຢ 2:41.
ຂ້າພະເຈົ້າຈະສະລະທຸກສິ່ງທຸກຢ່າງທີ່ຂ້າພະເຈົ້າເປັນເຈົ້າຂອງ ເພື່ອວ່າຂ້າພະເຈົ້າຈະໄດ້ຮັບຄວາມຜາສຸກອັນຍິ່ງໃຫຍ່ນີ້, ແອວ 22:15.
ບາງທີຂ້າພະເຈົ້າອາດຈະເປັນເຄື່ອງມືໃນພຣະຫັດຂອງພຣະເຈົ້າ ໃນການນຳຈິດວິນຍານດວງໜຶ່ງມາສູ່ ການກັບໃຈ, ແລະ ນີ້ຄືຄວາມສຸກຂອງຂ້າພະເຈົ້າ, ແອວ 29:9.
ພໍ່ບໍ່ເຄີຍເຫັນຄວາມສຸກ ແລະ ຄວາມສະຫວ່າງອັນໃດທີ່ໜ້າອັດສະຈັນເຊັ່ນນີ້, ແອວ 36:20.

ວິນຍານຂອງເຮົາຈະເຮັດໃຫ້ຈິດວິນຍານຂອງເຈົ້າເຕັມໄປດ້ວຍຄວາມສຸກ, ຄພ 11:13.
ຄວາມຊື່ນຊົມຂອງພວກເຈົ້າຈະຍິ່ງໃຫຍ່ພຽງໃດນຳເຂົາໃນອານາຈັກຂອງພຣະບິດາຂອງເຮົາ, ຄພ 18:15–16.
ໃນໂລກນີ້ຄວາມສຸກຂອງພວກເຈົ້າບໍ່ບໍລິບູນ, ແຕ່ໃນເຮົາຄວາມສຸກຂອງພວກເຈົ້າບໍລິບູນ, ຄພ 101:36.