ຕົວະ ເບິ່ງ ຊື່ສັດ, ຄວາມຊື່ສັດ; ເວົ້າຈາບໍ່ດີ; ຫລອກລວງ, ການຫລອກລວງ, ຄວາມຫລອກລວງ ນຳອີກ ການສື່ສານທີ່ມີມູນຖານເປັນຄວາມເທັດ ຫລື ບໍ່ມີຄວາມຈິງ ໃນຈຸດປະສົງທີ່ຈະຫລອກລວງ. ຢ່າລັກ ຫລື ຕົ້ມ ຫລື ຕົວະ, ລລວ 19:11. ຂ້າພຣະອົງກຽດຊັງການຕົວະຕົ້ມທຸກປະການ, ພສສ 119:163. ຄົນເວົ້າຕົວະນັ້ນ ພຣະຜູ້ເປັນເຈົ້າກຽດຊັງໜັກ, ສພສ 12:22. ພວກເຂົາເປັນປະຊາຊົນຂອງເຮົາ ພວກເຂົາຈະບໍ່ຫລອກລວງເຮົາ, ອຊຢ 63:8. ມານເປັນພໍ່ຂອງການຕົວະທັງສິ້ນ, ຢຮ 8:44 (2 ນຟ 2:18; ອທ 8:25; ມຊ 4:4). ເຈົ້າບໍ່ໄດ້ຕົວະຕໍ່ມະນຸດ ແຕ່ຕົວະຕໍ່ພຣະເຈົ້າ, ກຈກ 5:4 (ແອວ 12:3). ຖ້າຜູ້ໃດເວົ້າວ່າ, ຂ້າພະເຈົ້າຮັກພຣະເຈົ້າ ແຕ່ຍັງກຽດຊັງພີ່ນ້ອງຂອງຕົນຢູ່, ຜູ້ນັ້ນກໍເປັນຄົນຂີ້ຕົວະ, 1 ຢຮ 4:20. ຄົນຂີ້ຕົວະທຸກຄົນ ມີພາກສ່ວນຢູ່ໃນຄວາມຕາຍຄັ້ງທີສອງ, ພນມ 21:8 (ຄພ 63:17). ວິບັດແກ່ຄົນຂີ້ຕົວະ, ເພາະເຂົາຈະຖືກໂຍນລົງນະລົກ, 2 ນຟ 9:34. ຫລາຍຄົນຈະສອນຄຳສອນທີ່ຜິດ, ໂດຍກ່າວວ່າ: ຈົ່ງຕົວະໜ້ອຍໜຶ່ງ ແລະ ບໍ່ມີອັນຕະລາຍແນວໃດ ໃນການເຮັດສິ່ງນີ້, 2 ນຟ 28:8–9 (ຄພ 10:25). ພວກທ່ານຄິດເອງໄດ້ບໍວ່າ ພວກທ່ານຈະເວົ້າຕົວະຕໍ່ພຣະເຈົ້າໄດ້, ແອວ 5:17. ພຣະອົງເປັນພຣະເຈົ້າແຫ່ງຄວາມຈິງ ແລະ ເວົ້າຕົວະບໍ່ໄດ້, ອທ 3:12 (ຈບຊ 23:19; 1 ຊມອ 15:29; ຕຕ 1:2; ຮຣ 6:18; ອນ 1:6). ຄົນທີ່ຕົວະ ແລະ ບໍ່ກັບໃຈ ຈະຖືກຂັບໄລ່ອອກໄປ, ຄພ 42:21. ຄົນຂີ້ຕົວະຈະໄດ້ຮັບລັດສະໝີພາບຂອງຊັ້ນຕ່ຳເປັນມູນມໍລະດົກ, ຄພ 76:81, 103–106. ພວກເຮົາເຊື່ອໃນການເປັນຄົນສັດຊື່, ຫຼຊ 1:13.