ໃນພຣະຄຳພີ, ຄຳສາບແຊ່ງໄດ້ຖືກນຳເອົາມາໃຊ້ຢູ່ໃນກົດແຫ່ງສະຫວັນ ເພື່ອອະນຸຍາດ ຫລື ນຳການພິພາກສາ ແລະ ຜົນສະທ້ອນມາໃຫ້ບາງສິ່ງ, ບາງຄົນ, ແລະ ຜູ້ຄົນໂດຍສະເພາະ ເນື່ອງດ້ວຍຄວາມບໍ່ຊອບທຳ. ຄຳສາບແຊ່ງເປັນການສະແດງໃຫ້ປະຈັກເຖິງຄວາມຮັກ ແລະ ຄວາມຍຸດຕິທຳຂອງພຣະເຈົ້າ. ມັນອາດຈະຖືກດຳເນີນການໂດຍພຣະເຈົ້າໂດຍກົງ ຫລື ປະກາດໂດຍຜູ້ຮັບໃຊ້ທີ່ມີສິດອຳນາດຂອງພຣະອົງ. ບາງເທື່ອ, ເຫດຜົນແທ້ໆສຳລັບຄຳສາບແຊ່ງພຽງແຕ່ພຣະເຈົ້າເທົ່ານັ້ນທີ່ຮູ້ຈັກ. ນອກເໜືອຈາກນັ້ນ, ສະພາບຢູ່ໃນການສາບແຊ່ງຕົກຢູ່ທີ່ຜູ້ຕັ້ງໃຈບໍ່ເຊື່ອຟັງພຣະເຈົ້າ ແລະ ແຍກຕົນເອງອອກຈາກພຣະວິນຍານຂອງພຣະຜູ້ເປັນເຈົ້າ.
ພຣະຜູ້ເປັນເຈົ້າອາດເອົາຄຳສາບແຊ່ງໄປ ເພາະສັດທາຂອງບຸກຄົນ ຫລື ຜູ້ຄົນໃນພຣະເຢຊູຄຣິດ ແລະ ການເຊື່ອຟັງກົດ ແລະ ພິທີການຂອງພຣະກິດຕິຄຸນ (ແອວ 23:16–18; 3 ນຟ 2:14–16; ຫຼຊ 1:3).
ການສາບແຊ່ງກໍຍັງໃຊ້ພາສາທີ່ຫຍາບຄາຍ, ໝິ່ນປະໝາດ, ຫລື ດູຖູກ.