ໂຢຮັນບັບຕິສະໂຕ ເບິ່ງ ຖານະປະໂລຫິດແຫ່ງອາໂຣນ; ອີລາຍ ນຳອີກ ລູກຊາຍຂອງຊາຂາຣີຢາ ແລະ ເອລີຊາເບັດ ໃນພຣະຄຳພີໃໝ່. ໂຢຮັນໄດ້ຖືກສົ່ງໄປຕຽມຜູ້ຄົນເພື່ອຍອມຮັບພຣະເມຊີອາ (ຢຮ 1:19–27). ເພິ່ນຖືຂໍກະແຈຂອງຖານະປະໂລຫິດແຫ່ງອາໂຣນ ແລະ ໃຫ້ບັບຕິສະມາແກ່ພຣະເຢຊູຄຣິດ. ເອຊາຢາ ແລະ ຄົນອື່ນໆໄດ້ທຳນາຍກ່ຽວກັບພາລະກິດຂອງໂຢຮັນ, ອຊຢ 40:3 (ມລກ 3:1; 1 ນຟ 10:7–10; 2 ນຟ 31:4). ໄດ້ຖືກສົ່ງເຂົ້າຄຸກ ແລະ ຖືກຕັດຫົວ, ມທ 14:3–12 (ມຣກ 6:17–29). ຄັບຣີເອນໄດ້ປະກາດການເກີດຂອງໂຢຮັນ ແລະ ການປະຕິບັດສາດສະໜາກິດແກ່ຊາຂາຣີຢາ, ລກ 1:5–25. ພຣະເຢຊູໄດ້ສອນວ່າ ໂຢຮັນບັບຕິສະໂຕໄດ້ເປັນສາດສະດາທີ່ຍິ່ງໃຫຍ່, ລກ 7:24–28. ໄດ້ຮັບຮູ້ວ່າພຣະເຢຊູເປັນພຣະບຸດຂອງພຣະເຈົ້າ, ຢຮ 1:29–34. ສານຸສິດຂອງໂຢຮັນໄດ້ກາຍເປັນສານຸສິດຂອງພຣະເຢຊູ, ຢຮ 1:25–29, 35–42 (ກຈກ 1:21–22). ບໍ່ໄດ້ເຮັດສິ່ງມະຫັດສະຈັນ, ຢຮ 10:41. ໂດຍທີ່ໄດ້ຟື້ນຄືນຊີວິດແລ້ວ, ໄດ້ຖືກສົ່ງໄປແຕ່ງຕັ້ງໂຈເຊັບ ສະມິດ ແລະ ອໍລີເວີ ຄາວເດີຣີ ສູ່ຖານະປະໂລຫິດແຫ່ງອາໂຣນ, ຄພ 13 (ຄພ 27:7–8; ຈສ—ປ 1:68–72). ໄດ້ຖືກແຕ່ງຕັ້ງໂດຍທູດຕອນເພິ່ນມີອາຍຸໄດ້ແປດມື້, ຄພ 84:28.