ບາບ ເບິ່ງ ກະບົດ, ການກະບົດ; ຂຸ່ນເຄືອງໃຈ; ຄົນອະທຳ; ສົກກະປົກ, ຄວາມສົກກະປົກ; ຊົ່ວຮ້າຍ, ຄວາມຊົ່ວຮ້າຍ; ບໍ່ຊອບທຳ, ຄວາມບໍ່ຊອບທຳ; ໜ້າກຽດຊັງ, ຄວາມໜ້າກຽດຊັງ ນຳອີກ ຕັ້ງໃຈບໍ່ເຊື່ອຟັງຕໍ່ພຣະບັນຍັດຂອງພຣະເຈົ້າ. ຜູ້ທີ່ເຊື່ອງຊ້ອນບາບກຳໄວ້ ຊີວິດຈະບໍ່ຈະເລີນຮຸ່ງເຮືອງ, ສພສ 28:13. ເຖິງແມ່ນວ່າບາບຂອງພວກເຈົ້ານັ້ນເປັນສີແດງເຂັ້ມ ແຕ່ເຮົາກໍຈະຊຳລະໃຫ້ຂາວສະອາດດັ່ງຫິມະ, ອຊຢ 1:18. ຄົນບາບຈະຕາຍ, ແລະ ຄົນຊອບທຳຈະລອດ, ອຊກ 18. ພຣະເມສານ້ອຍຂອງພຣະເຈົ້າ ຮັບເອົາບາບກຳຂອງມະນຸດສະໂລກໄປເສຍ, ຢຮ 1:29. ຈົ່ງຮັບບັບຕິສະມາ, ແລະ ຊຳລະບາບກຳຂອງເຈົ້າ, ກຈກ 22:16. ຄ່າຈ້າງຂອງຄວາມຜິດບາບ ກໍຄືຄວາມຕາຍ, ຣມ 6:23. ຖ້າຜູ້ໃດຮູ້ວ່າ ອັນໃດເປັນການດີ ແລະ ບໍ່ເຮັດ, ຜູ້ນັ້ນຈຶ່ງມີບາບ, ຢກບ 4:17. ພຣະອົງຈະເຮັດໃຫ້ຕົວຂ້ານ້ອຍສັ່ນຕໍ່ສິ່ງທີ່ຫລຽວເຫັນເປັນບາບບໍ, 2 ນຟ 4:31. ວິບັດແກ່ຄົນທັງປວງທີ່ຕາຍໃນບາບຂອງຕົນ, 2 ນຟ 9:38. ເຂົາເຈົ້າຈຶ່ງເບິ່ງບາບບໍ່ໄດ້ ນອກຈາກຈະມີແຕ່ຄວາມກຽດຊັງມັນເທົ່ານັ້ນ, ແອວ 13:12. ຢ່າຄິດຂຶ້ນມາເອງ ວ່າລູກຈະຖືກນຳກັບຄືນຈາກບາບໄປຫາຄວາມສຸກ, ແອວ 41:9–10. ພຣະຜູ້ເປັນເຈົ້າບໍ່ສາມາດເບິ່ງບາບດ້ວຍລະດັບການຍິນຍອມແມ່ນແຕ່ໜ້ອຍທີ່ສຸດ, ແອວ 45:16 (ຄພ 1:31). ເດັກນ້ອຍໆບໍ່ສາມາດເຮັດບາບໄດ້, ມຣນ 8:8. ໃນການກັບໃຈ, ມະນຸດຕ້ອງສາລະພາບ ແລະ ປະຖິ້ມບາບຂອງຕົນເສຍກ່ອນ, ຄພ 58:42–43. ບາບທີ່ຮ້າຍແຮງກວ່າ ຈະຄົງຢູ່ກັບຄົນທີ່ບໍ່ໃຫ້ອະໄພ, ຄພ 64:9. ຄົນໃດທີ່ເຮັດບາບຕໍ່ຄວາມສະຫວ່າງຫລາຍ ກໍຈະຖືກກ່າວໂທດຫລາຍ, ຄພ 82:3. ຄົນທີ່ເຮັດບາບ ບາບເກົ່າຈະກັບຄືນມາ, ຄພ 82:7. ເມື່ອພວກເຮົາພະຍາຍາມປົກປິດບາບຂອງພວກເຮົາ, ສະຫວັນຈະຖອນຕົວ, ຄພ 121:37.