ຈາກພາສາກຣີກ ໝາຍເຖິງ “ຈຸ່ມ” ຫລື “ລົງໄປໃນນ້ຳໝົດທັງຕົວ.” ບັບຕິສະມາໂດຍການລົງໄປໃນນ້ຳໝົດທັງຕົວໂດຍຜູ້ໜຶ່ງທີ່ມີສິດອຳນາດ ເປັນພິທີການເບື້ອງຕົ້ນຂອງພຣະກິດຕິຄຸນ ແລະ ຈຳເປັນຕໍ່ການກາຍເປັນ ສະມາຊິກຂອງສາດສະໜາຈັກຂອງພຣະເຢຊູຄຣິດແຫ່ງໄພ່ພົນຍຸກສຸດທ້າຍ. ສັດທາໃນພຣະເຢຊູຄຣິດ ແລະ ການກັບໃຈຕ້ອງມາກ່ອນການບັບຕິສະມາ. ມັນຕ້ອງຕິດຕາມໂດຍການຮັບເອົາຂອງປະທານແຫ່ງພຣະວິນຍານບໍລິສຸດ ກ່ອນຈະສົມບູນ (2 ນຟ 31:13–14). ບັບຕິສະມາໂດຍນ້ຳ ແລະ ພຣະວິນຍານ ແມ່ນ ຈຳເປັນສຳລັບບຸກຄົນ ກ່ອນເຂົາຈະສາມາດເຂົ້າໄປໃນອານາຈັກຊັ້ນສູງ. ອາດາມເປັນຜູ້ທຳອິດທີ່ໄດ້ຮັບບັບຕິສະມາ (ມຊ 6:64–65). ພຣະເຢຊູກໍໄດ້ຮັບບັບຕິສະມາຄືກັນ ເພື່ອໃຫ້ສຳເລັດຕາມຄວາມຊອບທຳທຸກຢ່າງ ແລະ ເພື່ອສະແດງວິທີໃຫ້ແກ່ມະນຸດຊາດທັງປວງ (ມທ 3:13–17; 2 ນຟ 31:5–12).
ເພາະວ່າທຸກຄົນຢູ່ເທິງແຜ່ນດິນໂລກບໍ່ມີໂອກາດທີ່ຈະຮັບເອົາພຣະກິດຕິຄຸນຕອນເປັນມະຕະ, ພຣະຜູ້ເປັນເຈົ້າຈຶ່ງໄດ້ອະນຸຍາດໃຫ້ເຮັດພິທີບັບຕິສະມາແທນຄົນທີ່ໄດ້ຕາຍໄປແລ້ວ. ສະນັ້ນ, ຄົນທີ່ຮັບເອົາພຣະກິດຕິຄຸນໃນໂລກວິນຍານຈະເໝາະສົມເພື່ອເຂົ້າໄປໃນອານາຈັກຂອງພຣະເຈົ້າ.
ບັບຕິສະມາໂດຍການລົງໄປໃນນ້ຳໝົດທັງຕົວ
ການບັບຕິສະມາເພື່ອການປົດບາບ
ເງື່ອນໄຂສຳລັບການບັບຕິສະມາ
ພັນທະສັນຍາທີ່ໄດ້ເຮັດຜ່ານການບັບຕິສະມາ
ການບັບຕິສະມາແທນຄົນຕາຍ
ການບັບຕິສະມາບໍ່ແມ່ນສຳລັບເດັກແດງທາລົກ